Atlas Students

كلشئ بالتوكل على الله و باذن الله تتحقق 🩵 #che_rry

الله على العمق ✨ شكون يقولي العبرة بطريقة ابسط؟ #che_rry

حبيييييت ✨ #che_rry

يب علبالنا قاع بلي الميدسين بزااااف شارجي و تحتاج جهد و وقت كبير بصح ملازمش تنعزل فيها و تحرم روحك من بزاف صوالح حاجة جميلة انك تقرا و في نفس الوقت تبني روحك من جوانب اخرى و تستمتع (ادخلوا للنوادي غاية تفوتوا فيهم وقت شباب) 🩵 #che_rry

عندها الصح و الله سيرتو سورة يس 🩵 #che_rry

Hi my colleges 🍃

نتوما ذي الخطرة مدولنا نصائح من تجاربكم الشخصية سواء في القارية او غيرها 🩵 https://ngl.link/cherry76593

شكون لي عرف هاد شاه🤔🤔 #Cĥai_Maa

راه بدا لايف لي باغي يدخل للايف يدخل للاشان تعهم

💬 و لأنو نحن "نبلاء الطب" و شعارنا الدائم ‼️"سعادة طالب الطب أولوية عندنا"‼️ . فلا يمكن و مستحيل ان نرد و نرفض طلب لكل من يطرق بابنا . 📌 بدل من حصة واحدة "فريق نبلاء الطب" و بحضرة استاذنا الأيقونة "Dr Dali Youcef"🎖️🧑🏻‍⚕️ . راح نبرمجولكم حصتين بدل من حصة واحدة. 💌🎉🎁

1️⃣ حصة لطلاب العاصمة و ضواحيها و ملحقاتها :

📝Biophysic : 1 ère année med 💡Séance du : electricity ⏰Mardi : 21h:00min 🎖️English/Arabic version

2️⃣ حصة لطلاب وهران :

📝Biophysic : 1 ère année med 💡Séance du : radiation ⏰Mercredi :19h:00min 🎖️English/Arabic version

💢 كل الحصص مجانية و تفاعلية ( تسألوا الدكتور خلال الحصة عن اي اشكال) و الدعوة موجهة للجميع

‼️واش نزيدوكم كثر من هكا ههههه 😅

⚠️ نحتاجو منكم حاجة وحدة فقط و لمصلحتكم انشرو المنشور في كامل دفعاتكم و مجموعاتكم ما تقراوش وحدكم خلوا كامل الطلبة تستفيد

🤍بالتوفيق للجميع. و نلقاكم في الخير إن شاء الله 💌 #Dr_dali_youcef #نبلاء_الطب@Noble_Doctors

#médecine السلام عليكم و رحمة الله و بركاته

📌 زملاءنا طلبة السنة أولى طب. راكم هنا؟؟‼️

• رانا ولينا ليكم و جايينكم بعرض شباب .و فرصة ثمينة ليكم ننصحكم تستغلوها أحسن إستغلال .

🤔مزالكم خايفين من Biophysic ؟؟ مزالها دايرتلكم عقدة ؟! ‼️ما راكمش تفهموها ؟! 🤯

💌 إليكم البشرى إن شاء الله. هذه الفرصة جودتها و انتاجيتها قائمة على تفاعلكم !!! 🎖️ من برنامج دروس Biophysic . اخطارولنا اكثر كور استصعب عليكم و ما قدرتوش تفهموه. و "نبلاء الطب" بحضرة الأستاذ و الدكتور "Dr Dali Youcef". راح يبرمجولكم حصة يوم غد ان شاء الله. يشرحلكم فيها كافة التفاصيل تاع الكور اللي راح تخطاروه (English version). مجانية بالكامل للجميع✅

📌عندكم 24 ساعة !!!. في صندوق التعليقات اتركوا لنا أراءكم و إختياركم للكور 💬

🧑🏻‍⚕️بالتوفيق للجميع. نلقاكم في الخير إن شاء الله 🤍 #بارطاجي_حتى_تعم_الفائدة #médecine_1ère_année #Dr_dali_youcef #نبلاء_الطب@Noble_Doctors

To join the meeting on Google Meet, click this link: https://meet.google.com/xkc-yrgo-kaa Or open Meet and enter this code: xkc-yrgo-kaa

Bonsoir mes collèges 🍃✨ Il y aura un cours de chimie ici après Maghrib à 18h30.

Le chapitre 03: Le tableau périodique 🔬

#che_rry

Randome answer

جاني سؤال على الكوسيام منين تجيبوهم تقدروا تلقاوهم في الدرايف القدم و مام تقدروا تعتامدوا غير على emd و الي راهم يقراو بالاونجلي اما تخدموهم ب gizmo و لا ترسلوا الي بالفرونسي لل Ai و تقوله يعاودهم لك بالاونجلي و مام تقدروا تشروهم من المكتبات مثلا المكتبة الطبية في تيارت اونفاص جيني سيفيل و اسعارهم معقولين يعني 💚 #che_rry

الي راهم يعاودوا يرسلولي و مجاوبتهمش غادي تلقاو اجابات لفوق برسك الاسئلة متشابهين 👆🏻 #che_rry

نظن راني جاوبت على اغلب اسئلتكم و ان شاء الله نكون افدتكم كاين ثاني صوالح في الروتين نتاعكم راح يمدوا تغيير في قرايتكم و نتائجكم ننصحكم بيهم من بينهم انكم تتجنبوا السكريات و الاكل المصنع و تستبدلوه بصوالح اكثر فائدة سيرتو القرقاع و زريعة اليقطين و ثاني حاولوا تنقصوا من مقابلة الهواتف نتاوعكم و سيرتو سكرولينغ برسك ياكللكم الوقت و زيد يشتتكم و ميخليكم تركزوا اطلاقا و التزموا بالادعية في الصلاة "يا فتاح افتح علي فتوح العارفين و حفظ النبيين و فهم المرسلين و توفيق عبادك الصالحين" "يا ربي ادخلني مدخل صدق و اخرجني مخرج صدق و اجعلي من لدنك سلطانا نصيرا" "يا رب سألك التسهيل في الحفظ و الفهم و الرفعة في درجة الدنيا و الآخرة" عمتم مساءا و اسأل الله او يوفقكم و تبوأتم من الجنة مقعدا 🩵 #che_rry

اومبريو اساسها التفاصيل الصغار يعني كي تقراوها لازم تدقوا معاها غاية و تتفكروا هاذوك التفاصيل و انا شخصيا جامي اسيستيتها من اول مرة عرفت بلي فرونسي نتاعي لا تؤهلني باه نفهم عندها 😂 بصح عادي قريتها في آخر لحظة و بلعت فيها رغم ان التصحيح كان كارثي، مهم نرجعوا لنقطتنا اقراوها من الكور و حلوا بزااااف كوسيام فيها و كي تبداو في الاسابيع من الاحسن تبداو تشوفوا فيديوات سيرتو نتاع 3D يعاونوكم بزااااف باه تقدروا تتخيلوا شكل embryon #che_rry

مشكل الوقت راه عند قاع الدوزيام الكور كي تقراه اول مرة عندك الحق يديلك الوقت برسك راك تفهم و تزيد تتفلسف و تستوعب واش فيه ممكن حتى تزيد تبحث بصح صايي هاذيك اول مرة برك المرة الزاوجة قادر غير في الليل قبل ماترقد تعاود تطل على زوج ليكور تشوف واش قريت فيهم تعاود تقرا نوت الي كتبتهم و لا كاش شروحات راك زايدهم هكذا تلقى روحك مروكوشي شحال من مرة و مام الكوسيام يعاونك باه تحفظ مافيها والو اذا اول مرة تحل الكور قدامك و اذا نسيت حاجة تعاود تطل عليها و لا تسقسي Ai بصح المرة الزاوجة الي تحل فيها صايي بالنسبة لضيق الوقت لازملك تنظيم و تبلع التلفون لان اذا حطيته صايي يولي عندك الوقت عادي و مام متقراش ضربة وحدة دير بومودورو حساب ما تساعدك مثلا 50/10 تخليك تركز فيها غاية الغاية واش راك تقرى #che_rry

جامي تحلوا الكوسيام من اول مرة برسك تكونوا هذا وين باسم الله بديتوا تفهموا الكور و تعرفوا واش فيه مامبا مكمش قابضين المصطلحات تروح تحل كوسيام تدمر غير نفسيتك بيهم و تحس روحك مراك قاري والو و من الاحسن متخرجش عن كليتك في الكوسيام برسك كاين تفاصيل يتبدلوا و يخلوك تتخلط الفلاش كاردز انا نخدهم ب gizmo و لا magic study ai (ان شاء الله مرجعوهش بالدراهم برك) و التلخيص كاين زوج انواع شرح للكور و هي تعاودي تكتبيه كيفماراه بصح باسلوبك مع شرح بالعربية وشوية تفاصيل زيادة و هوما الي في الغالب تلقاوني نرسلهم لكم و النوع الزاوج الي كي تفهمي الكور تخدميه يكون بلا كلمات بزاف و يركز على الاسهم و المصطلحات الاساسيين و اهم الميكانيزم الي لازم تتفكريهم #che_rry

بالنسبة للدوزيام كيفاه تقراو ديجاستيف!! بون اللولة انا منقدرش ننصحكم اذا تأسيستو و لا لا الموضوع يرجع لمقدار الفهم نتاعكم عند البروف كيما انا نأسيستي عند ليبروف برك الي نعرفهم ملاح مثلا كيما سعيد منقدرش نفوت نهاري ثما مبعد نرجع عيانة و منقدرش حتى نعاود في الدار كي تبغوا تبداو تقراو ابداو بالاناتومي لان هي الاساس اعتمدوا على الكور و على الكتوبة سيرتو الي تصاورهم واضحين و فيهم تفاصيل زيادة يخلوكم تشدوا الكور كثر مثلا grey's wela kamina wela hamoudi بعدها اقراو سيتو من الكور برك بالسولينيور في الكوش اللولة و قلم رصاص الي متفهموهاش ارسلوا لجيميني و لا تشات جيبيتي و اكتبوا تفاصيل الفهامة بقلم رصاص مام بالعربية للترسيخ الفيزيو نفس الشئ بصح من الاحسن تكتبوا في كايي و لا وراقي و مام الصوالح غير المشروحين في الكور و الي غير عناوين حوسوا عليهم برسك الفهامة تخليكم تترجلوا في وسط الاكزامان و تقدروا تاليمينوا على الاقل الاجابات الي بانتلكم غير صحيحة منطقيا و ان شاء الله قاع تبلعوا غاية 🩵 #che_rry

صراحة و الله مراك متأخر بزاف يعني المفتاح قاع في انك تبدا اول كور بعدها صايي تولي موالف ثاني لازم يكون عندك هدف واضح اسك باغي برك تبلع و لا باغي تجيب مليح (العام الي فات كنت باغي نولي ماجور دو برومو 😂) بصح معليش هذا الهدف الكبير خلاني نبلع بمعدل مكنتش متوقعاته اطلاقا و هو الي كان يخليني كل يوم نقبض الكور و نقرا برسك مش راح نولي ماجور بالدعاوي يعني، سو حدد هدف اقعد مع روحك و خمم واش حاب تديى و بعدها اكتب ليكور نتاوعك قاع في وراقي نتاع كل موديل و ارسم كازات لكل كور وحد للكوش اللولة و للريفيزيون و للحفيظ و للكوسيام (كنت معلقتها عند راسي غير نوض نشوفهم و نعرف شحال ني متقدمة و شحال ني محتاجة نزيد نقرى) فيكسي الوقت الي تقرا فيها اذا تبغي صباح و لا في الليل و عدد ليكور الي تقدر تقراه مع المصادر و توكل على الله و بالتوفيق 🩵