Atlas Students

ذكرت في البوست الي قبله 👆🏻 كيفاه انا قريت كارديو زيدي عليها تنظيم الوقت نتاعك و انك تبداي بكري متخليش لآخر لحظة و تبداي في حشو المعلومات و متنقصي حتى كور و اذا ذاكرتك سمعية و متبغيش تحضري اسمعي ليفوكال و اذا ذاكرتك كتابية اعتمدي active recall و لا الملخصات و بالتوفيق في الديجاستيف 🩵 #che_rry

هي انا شخصيا نفضل الروكوش يتقسم على ثلاث مراحل او اكثر زوج اذا كنت مزنوق يعني: الاولى نسمها get what you don't see بمعنى اقرا الصوالح مام الي ميكونوش في الكور نتاعك اعتمده كباز تنطلق منها و لكن ماشي مصدر رئيسي وحده مثلا في الفيزيو نتاع الكارديو الكور كان جدا سئ و فيه معلومات يعتبروا ناقصين سو تقدر تدي منه العناوين و تروح تشوف من كتاب مثلا précis و لا تعتمد غير على جيميني باه يفهمك و تقبض الاساس نتاع الفيزيو هكذا تقدر تحفظ و مام تقدر تترجل بفهامتك (و الاناتو اهم الحاجة التصاور) ثانيا: الحفيظ يكون باحدى الطريقتين اما تقري الكور لشخص آخر صاحبك و لا خوك مهم شخص و تشوف لاي مدى راك فاهم و عاقل باه تشرح و اما الطريقة الي معتامدتها انا active recall بعدما نروكوشي الكور نتاع و نريفيزيه غاية نحطه بجيه و نكتب في ورقة و لا طابلوا على شكل مخططات قاع واش راني متفكرة ثالثا نبدى نركز غير على كوسيام و خاصة emd من 2020 و اطلع

بون متتكلوش على المأسيستيا و تضيعوا الوقت و تبداو روطار كيما الكارديو لان راح تبقاو تدوروا في نفس الخطأ و ربي يوفقكم 🩵

Hello my colleagues 🍃 بزااااف منكم سواء بروميار و لا دوزيام مزالهم لحد الآن ميعرفوش كيفاش يقراو كيفاش يروكوشوا و من وين يجيبوا كوسيام ❗❗ راح نخليلكم هذا NGL سقسوا فيه واش حبيتوا و راح نجاوبكم باذن الله 🩵 #che_rry

Pour les étudiants du 2ème année medcine ✨ Concernant L'appareil Digestive Voici quelques QCMs 🍃 #che_rry

سؤال ما قبل النوم ✨

مهم كملت الحصة ان شاء الله تكونوا فهمتوا و دوك تترسل مسجلة

To join the meeting on Google Meet, click this link: https://meet.google.com/mzm-qqdo-saj Or open Meet and enter this code: mzm-qqdo-saj

Bonsoir mes collèges 🍃✨ Il y aura un cours de chimie ici après la prière du Maghrib à 18h30.

Le chapitre 02: le modele quantique de l'atome 🔬

#che_rry

Pour les deuxième année ✨ الي راح يقراو ديجاستيف هاذو مجموعة من المصادر الي تحتاجوهم و بالتوفيق 🍃🩵: Le précis du système digestif كتاب من سلسلة كتب médicours أنصح بها و بشدة https://drive.google.com/file/d/1R8BxG_QiRwLaXKbBRgjdgDEwXO4QQye6/view?usp=drivesdkLe précis du système digestif كتاب من سلسلة كتب médicours أنصح بها و بشدة

https://drive.google.com/file/d/1R8BxG_QiRwLaXKbBRgjdgDEwXO4QQye6/view?usp=drivesdk

كتاب وصفة الترياق لوحدة الجهاز الهضمي✨ الذي يحتوي على : ✅ملخصات شاملة لمواد الوحدة مع صور توضيحية تساعد على الفهم الجيد 🔥 ✅مخططات و جداول  لتسهيل الحفظ ✅حيل ذكية و ممتعة💡 في نفس الوقت لكسر الروتين وترسيخ المعلومة 💫 سيكون هذا الكتاب خير معين لكم بإذن الله على اجتياز امتحان الوحدة 💯 📌رابط النسخة الإلكترونية:

https://drive.google.com/file/d/1z-oq-pJ73rxztPWFQK9vv8KE6bDvzpHf/view?usp=sharing

بارك الله في القائمين على انجاز هذا الكتاب. #che_rry