رزق

حابب اتكلم عن موضوع اتطلب منى كتير انى اتكلم عنه، ياريت الكل يقرا البوست للاخر انا لما بدأت قناة رزق كان الهدف منها ببساطة أنها تكون حلقة الوصل بينكم بإعلانات الوظائف الparamedical المختلفة املا فأن ربنا يجعلنى اكون سبب فى فتح باب رزق ليكم بس مع الوقت بدأت اشوف أن ده لوحده مبقاش كفاية ، و بدأت تظهر مشكلات تانية كتير ، زى أن بقى فيه مسميات وظيفية كتيرة ممكن احنا معندناش دراية بيها اوى ، ده غير الcompetition العالية على معظم الوظائف حتى الوظائف اللى المفروض تكون easy to entry زى الmedical sales و الmedical call center بقيت الcompetition عليها عالية و ده بيخلى فى صعوبة انك تلتحق بالوظيفة و لو التحقت بيكون فيه احتمالية كبيرة انك متكملش فيها ، و ده شوفته كتير فى اعلانات بعد ما انزلها بفترة بلاقى المعلن بينزلها تانى. ناس كتير كلمتنى تطلب منى أنى اتكلم عن حل للمشكلة دى و ازاى نقدر نطور من نفسنا فى ان احنا نكون good candidates للوظائف اللى بنزلها. بس انا مكنش عندى كلام أقوله غير الإجابة التقليدية انك تحاول تاخد كورس فى المهارة اللى انت عايز تشتغل فيها و تطور من نفسك فيها بس المشكلة اللى بتظهر بوضوح فى حاجة زى كده ، أن أقل كورس اونلاين منظم فى اى مهارة اصلا ب1000 جنيه ، أن مكنش اكتر من كده بكتير ، و المشكلة التانية كمان ان بالنسبة لحد لسه فى البداية هو محتاج يكون متعلم مهارات كتيرة بحيث أن يكون مفتوح options كتيرة لأن زى ما قولنا الفرص للاسف محدودة و الcompetition عالية ، فأنا محتاج افتح لنفسى فرص كتير و بعدين بعد ما ربنا يكرمنى و اتقبل فى مجال ما البدء بقى اركز فى المجال ده ، بس طبعا للاسف عشان اكون good candidate فى مهارات متعددة هبقى محتاج أخد كورسات فى مهارات متعددة بمبلغ و قدره، و طبعا صعب علينا أن احنا نعمل كده. فالحل الوحيد اللى فكرت فيه لمشكلة زى كده و ربنا هدانى ليه و اتمنى أنه يعجبكم ، أن شاء الله هنظم online camp ، الcamp ده هيكون camp مكثف مكون من كورسات صغيرة بتجمع الbasic level من كل المهارات اللى احنا بنشوف وظائفها على القناة و فى نفس الوقت هيكون أن شاء الله سعره بسيط جدا أقل من 200 جنيه باذن الله لأن حقيقى الهدف هو اننا نكون سبب فى فتح باب رزق زى ما القناة اتسميت و يبقى قدرنا فى وقت و تكلفة بسيطة تفتح لنفسك ابواب فرص كتير باذن الله ياريت اللى مهتم يملى الفورم الاتى : https://forms.gle/SshUqnfkwzphcH2G7