عَلَى شُرفَةِ الإنتِظَارِ.

آسفة إني هخبّط في شوية ثوابت كونية بس خليني أقولها صريحة مافيش حاجة اسمها "أعذار" قدّام راجل بيحب بجد! وGuess what؟ مافيش راجل "تِقيل" فمش بيكلّمني، ولا "غامض" فمش فاهمة بيحبني ولا لأ، هو ببساطة مش عايز يوريني ده. مافيش حاجة اسمها نِبعد شهور ونرجع عادي، ولا أختفي وأرجع ألاقيك مستني! ولا إنك تنهي موضوع بكلمة على مسدج أو ستوري، وتفتكر إن اللي بينّا لسه عايش! مافيش راجل "الارتباط مش من أولوياته" ويروح يخطب بعدها بأسبوعين. مافيش حاجة اسمها "مشغول بالأيام" ولا "مش قادر أشوفك". لو بيحبك، هييجي، حتى لو بينكم كل المسافات اللي ربنا خلقها على الأرض، هيجيلِك مشي لو عايز بجد. ما تسيبيش حد يضيع من عمرك الجميل، ولا لحظة منه، وانتِ بتفكّري كل يوم: "هو بيحبني؟ هو متردد؟ طب أخليه يحبني إزاي؟" لأن ببساطة .. اللي بيحبك بجد مش هيسيبك تسألي.