First step

السلام عليكم في يوم من أيام الطوارئ دخل شاب ٢٨ سنة بيشتكي من ألم شديد في بطنه ومش قادر يقف (ملحوظة الأهل اللي قالوا الكلام ده هو مكنش قادر يقول) فين مكان الألم بالظبط؟ بيشاور على مكان المعدة epigastric region احنا كده بقى عندنا حالة epigastric pain for DD بدأنا نمشي خطوة خطوة بناخد هيستوري بسرعة - راجل عنده ٢٨ سنة ،مش متجوز عايش في الزقازيق ،ومش شغال ، بيدخن سجاير عنده ضغط -فين مكان الألم بالظبط؟ بيشاور على مكان المعدة epigastric الألم بدأ امتى؟ النهاردة الفجر الألم بيزيد ولا بيقل؟ ثابت بس بيزيد شوية كده أحيانا بيسمع فين ؟ في ضهري طب فيه حاجة بتزوده أو حاجة بتقلله؟ الألم مبيقفش أساساً مفيش أي أعراض تانية؟ شوية nausea بس طب التاريخ المرضي بتاعه؟ أو حصله ده قبل كده؟ - عنده ضغط وبيغسل كلي بإنتظام، محصلش قبل كده في الوقت ده اللي بيدور في بالي إني أستبعد ال most serious وبرضو منساش ال most common وأول حاجة جت في بالي بصراحة مع شدة الألم دي هي ال perforated stomach وده زيادة الشك فيه بالفحص بالفحص تبين الآتي: General ( vitals and RBS + appearance color and decubitus وبصه سريعة علي جسمه ) هو طلعpale شوية وزي ما بيقولوا ill feature ومحني لقدام الضغط مرتفع ١٨٠/١٠٠ سكره كويس ال pulse كان سريع شوية قلتله طب نام على ضهرك عشان نفحصك قالي مش قادر لو نمت على ضهري هموت من الألم 💡 في اللحظة دي تفكيري كله توجه ل acute pancreatitis فحصته بسرعة وهو قاعد كده لقيت البطن lax بس هو اللي بيعمل guarding في الوقت ده طلبنا lipase & amylase و US وطلبنا رسم قلب لاستبعاد inferior MI الحمد لله رسم القلب كان كويس لكن التحاليل اللي ظهرت زي ما انت شايف كده أخيراً اتحجز بسرعة acute pancreatitis. الحمد لله.

السلام عليكم ورحمة الله وبركاته ده فيديو شرح الملف اللي نزل فيه توضيح للطرق أو المقاصد اللي هنتكلم عنها إن شاء الله كمقدمة وفيه شرح للأدوية الموجودة في الطوارئ

السلام عليكم ورحمة الله وبركاته بسم الله نبدأ القناة هنا إن شاء الله هتكون عبارة عن رحلة، بنشد بإيد بعض عشان نتعلم طب صح نعرف معلومات نظرية صحيحة علمية ونعرف ازاي نطبقها ونشتغلها نعرف نمشي ازاي في فترة الامتياز وما بعد ذلك، ازاي أنزل الطوارئ أو المستشفى وميكونش عندي حالة من التوهان، ازاي أكون فاهم ايه اللي بيتم هننشر حالات تعليمية وكيسات بنشوفها أو عرفناها أو تعاملنا معاها إن شاء الله أو معلومة نحسب أنها نافعة بإذن الله مش هيكون اختصاص القناة الحالات النادرة اللي مش هتشوفها غير مرة (ولكن برضو هتلاقي هنا منها إن شاء الله وبكثرة) لكن الهدف الأول منها هي خلق بيئة تعليمية فعلاً نفيد بعض بيها في كل النواحي ربنا يتقبل منا ومنكم وينفع بنا وبكم. جددوا نواياكم واشحذوا هممكم

الحمد لله الذي علّم بالقلم، علّم الإنسان ما لم يعلم؛ والصلاة والسلام على خير معلم الناس الخير سيدنا محمد ﷺ باسمك اللهم نصول ونجول وعليك نعوِّل ولا حول لنا ولا قوة إلا بك