تجارب دفعة 25

تجربتي مع السنة التحضيرية أهلًا، معاكم مداد السلمي 🌸 حابّة أشارككم تجربتي في السنة التحضيرية وبعض الأشياء اللي تمنيت أعرفها من البداية⭐️. أول ما تدخلون التحضيري طبيعي جدًا تحسون إنكم تايهين، ما تعرفون من وين تبدأون، كيف تذاكرون، وش تتوقعون. بتحسون بخوف وتوتر ويمكن حتى شك بنفسكم، وبتسألون: “هل أنا قد هالسنة؟” أحب أقولكم: كل هالمشاعر طبيعية جدًا، بس المهم لا تخلونها تتحكم فيكم🤍. 1️⃣. المذاكرة أول بأول أهم نصيحة أقدر أقولها: لا تخلون المواد تتراكم. صدقوني، مواد مثل الأحياء والإحصاء ما تنفع تذاكرونها في يومين قبل الميد، لأن المعلومة بتكون كثيرة والمخ مشوش وفيه ضغط. خذوا الأمور بهدوء وذاكروا بشكل دوري، حتى لو شيء بسيط كل يوم، بيفرق كثير وقت الاختبارات💜. 2️⃣. لا تتضايقون من أول اختبار طبيعي جدًا في أول اختبار تنقصون درجتين أو ثلاث، لا تشيلون هم. مع الوقت راح تفهمون كيف طريقة الأسئلة، وش الأشياء اللي يركزون عليها. مثلًا، الفيزياء لاحظت إن أغلب التركيز كان على الجانب النظري، فتعلمت أجهز له بطريقة تناسب هالشي🤍. 3️⃣. النفسية مهمة جدًا يمكن هذي أهم نقطة. كثير يستهين فيها، بس النفسية لها دور كبير. أنا في الترم الأول كانت نفسيتي جدًا تعبانة، وهذا أثر على معدلي. بس لما دخلت الترم الثاني، قررت أهون على نفسي، وأخذ الأمور ببساطةو فعلاً، تحسنت نفسيتي وتحسن معها معدلي وارتفع، والحمد لله🌸. 🤩وأهم شيء، لا تنسون علاقتكم بالله 💜 حافظوا على صلاتكم، وكونوا دايمًا على صلة بالله سبحانه، وراح تلاحظون كيف تتسهل أموركم بإذن الله. خصصوا لكم ورد يومي من القرآن، واحرصوا على صلاة الوتر وصلاة الضحى، فهذي العبادات تعطيكم راحة واطمئنان ما يوصف🤩. ولا تنسون الدعاء، ادعوا الله دايمًا إنه يسهل عليكم هالسنة، ويفتح لكم أبواب التوفيق. وإذا حسيتوا بأي ضيق أو توتر، قولوا هذا الدعاء ثلاث مرات، وصدقوني راح تحسون بفرق كبير: 🤩اللهم إني أسألك نفسًا مطمئنة، ترضى بقضائك، تقنع بعطائك، وتؤمن بقوتك.🤩” بإذن الله، مع الاجتهاد والدعاء، بتعدون التحضيري بكل نجاح وراحة بال💜. نصيحة أخيرة: التحضيري مو سنة مستحيلة، ولا جدار عالي ما يتعدى. هي سنة فيها تعب أكيد، بس فيها فرص كبيرة. فيه ناس جابوا ٥ من ٥، يعني كل شيء ممكن. المهم إنكم تتعاملون مع السنة بهدوء وتنظيم، ولا تقسون على نفسكم🤍. أي سؤال أو استفسار : @Qr_mrr4

• التجربة الأولى 1️⃣•

فهرس التجارب {يتحدَّث بإستمرار 📆} : التجربة الأولى 1️⃣ التجربة الثانية 2️⃣ التجربة الثالثة 3️⃣ التجربة الرابعة 4️⃣ التجربة الخامسة 5️⃣ التجربة السادسة 6️⃣ التجربة السابعة 7️⃣ التجربة الثامنة 8️⃣ التجربة التاسعة 9️⃣ التجربة العاشرة 0️⃣1️⃣ التجربة الحادية عشر 1️⃣1️⃣ التجربة الثانية عشر 2️⃣1️⃣ التجربة الثالثة عشر 3️⃣1️⃣ التجربة الرابعة عشر 4️⃣1️⃣ التجربة الخامسة عشر 5️⃣1️⃣ التجربة السادسة عشر 6️⃣1️⃣ التجربة السابعة عشر 7️⃣1️⃣ التجربة الثامنة عشر 8️⃣1️⃣ التجربة التاسعة عشر 9️⃣1️⃣ التجربة العشرون 0️⃣2️⃣ التجربة الحادية والعشرون 1️⃣2️⃣ التجربة الثانية والعشرون 2️⃣2️⃣ التجربة الثالثة والعشرون 3️⃣2️⃣ التجربة الرابعة والعشرون 4️⃣2️⃣ التجربة الخامسة والعشرون 5️⃣2️⃣ التجربة السادسة والعشرون 6️⃣2️⃣ التجربة السابعة والعشرون 7️⃣2️⃣ التجربة الثامنة والعشرون 8️⃣2️⃣ التجربة التاسعة والعشرون 9️⃣2️⃣ التجربة الثلاثون 0️⃣3️⃣

بسم الله الرحمـٰن الرحيم ، الحمدلله ربِّ العالمين ، والصلاة والسلام على من بُعِثَ رحمةً للعالمين ، وعلى آلهِ وصحبِهِ أجمعين ، أمَّا بعد : فالسلام عليكم ورحمة الله وبركاته 👋 ، فيما يلي نرفق لكم تجارب دفعتنا { Batch 25 } ، في المسار الصحي ، تجارب كانت وقع خاص في حياة صاحبها ، في كلِّ تجربة درس بل دروس نتعلَّم منها ، وأخطاء نتجنَّبها ، وفوائد وحِكَم نتَّعِض منها… سائلين المولى عزَّ وجلّ أن ينفع بها وأن يكتب أجرنا وأجركم وأن يجعلها سراجًا منيرًا لدروبكم ✨ ، وأن يعتق رقابنا ورقابكم من النار 🤍