နန်းခမ်းဆာ

ဗင်နီဇွဲလား ငလျင်ဘေးကြောင့် သေဆုံးသူ ၁,၄၃၀ ဦးအထိမြင့်တက်၊ ပျောက်ဆုံးနေသူ ၆၈,၉၀၀ နီးပါးရှိဟု AP ဖော်ပြ ဗင်နီဇွဲလားနိုင်ငံတွင် ဖြစ်ပွားခဲ့သည့် အင်အားပြင်းငလျင်များကြောင့် သေဆုံးသူဦးရေ ၁,၄၃၀ ဦးအထိ မြင့်တက်လာပြီး၊ မိသားစုများ၏ တိုင်ကြားချက်များအရ လူပေါင်း ၆၈,၉၀၀ ဦး ပျောက်ဆုံးနေဆဲဖြစ်ကြောင်း Associated Press (AP) က ဖော်ပြထားသည်။ ကယ်ဆယ်ရေးလုပ်ငန်းများအတွက် နိုင်ငံတကာမှ ပံ့ပိုးမှုများ ဆက်လက်ရောက်ရှိနေပြီး၊ ကယ်ဆယ်ရေးအဖွဲ့ဝင် ၁,၆၀၀ ခန့် လိုက်ပါလာသည့် လေယာဉ် ၁၇ စင်းမှာ ဗင်နီဇွဲလားသို့ ရောက်ရှိကာ ရှာဖွေကယ်ဆယ်ရေးလုပ်ငန်းများတွင် ပါဝင်ဆောင်ရွက်နေကြောင်း သိရသည်။ တစ်ဖက်တွင်လည်း ဗင်နီဇွဲလားအစိုးရ၏ တုံ့ပြန်ဆောင်ရွက်မှု မလုံလောက်ကြောင်း ဝေဖန်မှုများ မြင့်တက်လာပြီး၊ မြေပြင်၌ တင်းမာမှုများ ဖြစ်ပေါ်နေကြောင်း သတင်းများက ဖော်ပြထားသည်။ အပျက်အစီးများကြားတွင် ပျောက်ဆုံးနေသူများကို လိုက်လံရှာဖွေနေသည့် ဒေသခံ Mileidy Romero က “မနေ့ညက သေဆုံးသူတွေရဲ့ ရုပ်အလောင်းတွေ အများကြီးရှိနေတယ်။ မွေးကင်းစကလေးတွေလည်း ပါတယ်။ အခုအချိန်အထိ ဘယ်သူမှ လာရောက်သယ်ယူပေးတာ မရှိသေးဘူး” ဟု ပြောကြားခဲ့သည်။ ၎င်းက ဆက်လက်၍ “မနေ့ည ၈ နာရီလောက်အထိ အပျက်အစီးအောက်မှာ အသက်ရှ