Refaatix Academy

تخيل عدي خمس سنين عليا وانا بدرس البتاع اللي اسمه PT ده خمس سنين تعب واجتهاد وبجد زعلان ان مكنتش اعرف ممكن اعمل Ausbildung فالمانيا واخد المهنة دي ف سنتين او تلاتة وكمان بيدوني 1200 يورو جنبهم يخسارة الخمس سنين🙂😂😂😂😂 لا ثواني ده فيه سنة امتياز نسيتها🙂🙆‍♂️🙆‍♂️🙆‍♂️

#️⃣من الحجات الجميلة اللي فعلا اتبسطت بيها ✅️السنادي كان معايا فالمدينة طلبة علاج ف سنة اولي وتانيه وتالته ورابعة كانوا دايما يجوا يسالوني واشرح ليهم واعملهم قعدة كده ونتناقش واعملهم قعدة كده وانا فالنص واسال فيهم وازنقهم ف الاسئلة طبعا اسئلة كلها كلينكال و high level😁♥️♥️ ✅️المهم كل ماواحد يخلص يجي يسلم عليا بالحضن وكلهم زعلانين ان دي اخر سنة فالمدينة(اللي قعدت فيها خمس سنين) واخر سنة نتقابل فيها وش ل وش كده ✅️دايما بعلمهم اخلاق المهنه وان المريض ده اهلك ولازم نبقي لبق معاه ومش تقلل منه هل هترضاها ع ابوك او مامتك؟! احنا اتحطينا ف مكان لازم لازم تادي فيه كويس مفيش وقت للهزار مفيش وقت لعب العيال كل وقتك هتتحاسب عليه لازم.تذاكر لازم تخاف عالمريض لازم تمشي ع كلام د.محمد سرحان ان المهنة دي عبارة عن 3 حجات لو عندك.تبقي تملك الدنيا ومافيها وهم:- ✔️1-اخلاق ✔️2-علم ✔️3-عمل ✅️✅️وياررررب نبقوا دكاتره شاطرين مش بلاليص♥️

🌿 الحمد لله الذي بنعمته تتم الصالحات 🌿 بفضل الله ثم بدعم أهل الخير من دفعة PT9 وصلنا إلى 105,000 جنيه من إجمالي 130,000 جنيه المطلوبة لتوفير ترابيزة عمليات لقسم المناظير بالمستشفى. ✅ تم جمع: 105,000 جنيه 🎯 الهدف: 130,000 جنيه 📌 المتبقي: 25,000 جنيه فقط قال الله تعالى: ﴿وَمَا تُقَدِّمُوا لِأَنْفُسِكُمْ مِنْ خَيْرٍ تَجِدُوهُ عِندَ اللَّهِ﴾ وقال رسول الله ﷺ: "إذا مات ابن آدم انقطع عمله إلا من ثلاث: صدقة جارية..." اقتربنا كثيرًا من تحقيق الهدف، وبقي الجزء الأخير. قد تكون مساهمتك سببًا في إتمام هذه الصدقة الجارية التي ينتفع بها المرضى لسنوات طويلة بإذن الله. لا تستصغر أي مساهمة، فرب درهم سبق آلافًا، والدال على الخير كفاعله. ساهم بما تستطيع وشارك المنشور ليصل إلى أكبر عدد ممكن. 📞 طريقة المساهمة: انستا باي: https://ipn.eg/S/ziadelghazaw/instapay/6EQdaH فودافون كاش أو انستا : 01028986191 🔻 اللي يبعت حاجه حتى لو كانت قليلة يبعت سكرين الدفع على نفس الرقم صدقة_جارية #قسم_المناظير #الدال_على_الخير_كفاعله

✅️بما ان الاجازة جاية وبنحاول نستغلها كويس فالخير والمذاكرة علشان ربنا يبارك لينا ف مستقبلنا ووقتنا ونفسنا وحياتنا ونبقوا دكاتره شاطرين مش بلاليص ان شاء الله♥️ ✅️هعمل ليكم شوية بوستات بتكلم عن ازاي اقرا ف Textbook وازاي اصلا اعرف اذا كان ال TB ده اصلا كويس واحسنهم ولا لا ؟! ✅️✅️متنساش تشير التشانل لباقي زمايلك وتحفظ البوست والكل يستفاد علشان مش هتلقي حد يقولك الكلام ده ♥️ ✅️هنقسم البوستات ل اكتر من Part حوالي 15 part علشان وقتي مش بيسمح للاسف #️⃣و ده #part1 👈ازاي اقرا ف اي Textbook وابقي محترف زي العبد لله الحمد لله رب العالمين(القصة بداتها من سنة اولي وانا باخد منهجي ولقيت المنهج عبارة عن قشور ومفيش الاساس اللي اتقال عليه الكلام ده زي مثلا اخدنا اول يوم scapula وقعدنا نحفظ وبتاع طاب اي هي اصلا دي وليه شكلها كده وبتعمل ايه ولو مفيش يحصل ايه واشمعنا العضلة دي وليه مش العضلة دي طاب لو جبت bone  تاني مكانها هيحصل ايه طبعا الكلام ده مفيش علشان مادة بشري بصمجة وبنحفظ وخلاص ف قولت لا بقا ان لازم اجيب الاساس وهوب فتحت grays anatomy ركز ف الاسم علشان هنحتاجه بعدين ده فتحته تاني اسبوع فالدراسة علمني الاناتومي ف شكل clinical والحمد لله لغايه دلوقتي فاهمه وسهل عليا ف الاورثو لدرجة فيه تعديلات كنت بحطها ع التكست ده ولو انا مصمم الكتاب هعمل اجمد منه فكريا وتنظيميا بس الكتاب دخل قلبي والله ✅️انا فاكر كنت بجمع مصادر لبتوع الماستر وباخد مقابل مادي قصادها😁☝️ ✔️✔️المهم يعني ازاي اقرا Textbook ياعم احمد رفعت؟! 👈دي من أهم المهارات اللي هتفرق بين طالب بيحفظ وبين واحد بيفهم وبيبقى شاطر كلينيكال بعدين. ❌ الغلط اللي أغلب الطلبة بتعمله يفتح الـ Textbook من أول صفحة لآخر صفحة ويحاول يحفظ كل كلمة. النتيجة: وقت ضايع ونسيان سريع وملل إحساس إن الكتاب ضخم ✅ الطريقة الصح لقراءة أي Chapter في العلاج الطبيعي 1️⃣ خد Overview الأول (5 دقايق) قبل ما تقرأ: بص على: Titles .Headings.Pictures Tables.Summary واسأل نفسك: "الشابتر ده بيتكلم عن إيه أصلاً؟" مثال: لو Chapter عن Lumbar Disc Herniation اعرف الأول:تعريفه.أسبابه.أعراضه.تشخيصه علاجه.بس. انتظروا باقي ال 15 part ✅️علفكرا حاليا شغالين ع اكتر من Textbook بايدي مصرية الصنع بطريقة شرح عالمية ف انتظرونا وانتظروا تخفيضات ل اي حد فالتشانل معانا♥️♥️☝️ ولو محتاج سؤال او حاجة ابعتلي @AhmedRef3at

تاني بم إننا داخلين على أجازة دلوقتي فحاول تتحكم في نفسك وحط ده ف دماغك من دلوقتي...

في حاجة كمان في حوار التركيز ده إنك تبطل تسكرول وتحاول توقف المحتوى السريع زي ال reels,shorts ,tik tok لأن الڤيديوهات السريعة المتفرقة في موضوعات مختلفة دي بتقلل ال attention span بتاعتك بشكل كبير ... (بالمناسبة حتى لو افترضنا إن الڤيديوهات دي في موضوعات مفيدة) فعلشان أنت متعود إن المعلومة توصلك في دقيقة أو دقيقة ونص maximum فبالتالي مش قادر تركز لمدة ساعة متواصلة أو نص ساعة بل في ناس مش بتقدر تقعد ع الكتاب ربع ساعة لأن المخ عندهم اتسستم خلاص إن المعلومة بتجيلي ع الجاهز ف ثانية إلا ثانية كمان من الحاجات اللي بتزود ال attention span وعن تجربة : ال podcasts خصوصاً لو الpodcast كله بيتكلم في موضوع واحد فأنصحكم وبشدة يعني إنكم في وقت فراغكم أو المواصلات أو الطريق عامة تسمعوا podcasts مفيدة ، وده بعيدًا عن حوار التركيز اللي كنت بتكلم فيه هيزود ثقافتك وهيبني جزء كبير من تفكيرك وشخصيتك لو استمريت عليه وهتتفاجئ ازاي عرفت كل المعلومات دي من غير ما تحس آخر حاجة والمفروض إنها تكون رقم واحد بصراحة وهي جلسات التدبر ... ده مصطلح معرفش هل هو موجود ولا لأ بس أنا بعمله وهو إنك تجيب سورة من القرآن أو صفحة أو أي كمية يعني ممكن يكون وِرد الحفظ بتاعك وتبدأ تسمعه مُجوّد للمنشاوي أو الحصري أو عبدالباسط عبدالصمد أو أي قارئ بتحبه (نسخة مجودة) ، وتبدأ تسمع الكمية اللي حددتها دي ويكون في إيدك نوت وقلم وتبدأ تسمع وتحاول تحافظ على تركيزك وأول ما تسمع آية أو كلمة أو جزئية حسيتها لمستك أو أول مرة تفهمها بالطريقة دي تكتبها ، وتبقى ضربت عصفورين بحجر ... أخدت حسنات وزودت تركيزك😉

محدش ينسي يفوووت يجدعااان ضروري علشان اللي هنعمله ف الاجازة هيعتمد ع الفوت ده وضيف باقي صحابك ودفعتك علشان الكل يستفاد https://t.me/Ref3atNotes

✅️الملفات دي عملتها ل دفعتي من سنتين كده ممكن تفيد حد فيكم ♥️

✅️✅️فيه ي دكاتره مسجات صراحه رديت عليها كتير وفيها كلام مهم ✅️ف لو حابين نجمعهم ف جروب لوحده ممكن يفيدوا حد تمم بس محتاج حد يجمعهم ✅️ف لو حد حابب ياخد ثوابهم وثواب اي حد يستفاد منهم يبعتلي ويجمعهم ف تشانل ونضيفها ل باقي التشانلز @AhmedRef3at

تعالوا نتكلم شوية عن ظاهرة التصوير جوه المستشفيات ومراكز العلاج الطبيعي 📱🏥 وليه الموضوع ده في دول كتير مش بيتساب كده وخلاص؟ 🇸🇦🇦🇪 الخليج (السعودية – الإمارات – الكويت) لو مريض أو مرافق صور أخصائي علاج طبيعي أثناء شغله ونشر الفيديو على السوشيال ميديا بهدف التشهير أو الإساءة، الموضوع ممكن يدخل تحت جرائم المعلوماتية وانتهاك الخصوصية. هناك إدارة المستشفى والأمن القانوني بيتعاملوا مع الموقف فورًا، وبيتم توثيق الواقعة ورفع بلاغ رسمي لو حصل إساءة أو تشهير. الفكرة ببساطة: أنت موظف بتأدي شغلك، ومش من حق أي حد يحولك لمحتوى على السوشيال ميديا بدون إذن. 🇬🇧🇪🇺 إنجلترا وأوروبا في معظم المستشفيات ومراكز الرعاية الصحية، التصوير داخل المنشأة بيكون خاضع لقواعد صارمة مرتبطة بالخصوصية وحماية البيانات. أي تصوير بدون تصريح ممكن يعرض خصوصية المرضى أو العاملين للخطر، وعشان كده المؤسسات الصحية هناك بتتعامل بجدية شديدة مع أي انتهاك. الموظف الصحي ليه حق يشتغل في بيئة آمنة ومحترمة بعيد عن التشهير أو المضايقات الإلكترونية. 🇺🇸 أمريكا بلد القضايا والقوانين 😅 لو ظهر في الفيديو أي معلومات تخص مرضى آخرين أو بيانات طبية، الموضوع ممكن يتحول لمشكلة قانونية كبيرة جدًا. وكمان لو تم نشر محتوى فيه ادعاءات كاذبة أو تشهير أثّر على السمعة المهنية للطبيب أو أخصائي العلاج الطبيعي، ممكن يتم اللجوء للقضاء للمطالبة بالتعويض. ⚠️ النقطة المهمة: مفيش حد فوق النقد، وأي خطأ طبي أو مهني لازم يتحاسب. لكن في فرق كبير بين: ✅ تقديم شكوى رسمية للإدارة أو الجهات المختصة. و ❌ التصوير والنشر والتشهير على السوشيال ميديا قبل معرفة الحقيقة كاملة. احترام المريض مهم. واحترام مقدم الخدمة الصحية مهم برضه. والبيئة العلاجية الناجحة لازم تحافظ على كرامة الطرفين. ف مصر بقا بتضرب وانت ساكت وتنزل ع موقع الدخلية😂😂

عاملين جدول امتحانات تخلصه بعد شخروميت سنة محدش قاعد فالمدينة غير انا والقطة زعبولة😂♥️♥️

الحمد لله الذي خلق السماوات والأرض " المصحف المرتل النادر للشيخ المنشاوي

اخوااتي الصغننين بتوع سنة اولي🥺♥️ ✅️دول اكتر نااس اتظلمت من مدعكة الثانوي واتظلمت من تكدس الخريجين والكليات ومفيش شغل كويس ولا فلوس ولا تعين ✅️انت جيت الكلية سواء بمجهودك او من غير مجهودك (سماعات ال VIP )😁 ✅️خلاص فكك وكبر دماغك اللي حصل حصل نركز ونبدا صفحة جديدة ✅️✅️من واقع رؤيتي وقناعتي اللي الحمد لله مش بتخيب ابدا والonly one عارف كده كويس♥️🍒 ✔️انت قدامك.طريقين مش ليهم تالت 1️⃣اول طريق وهو السفر والافضل هنحدد ازاي من حاجتين هل انت كائن بيتوتي ام لا ؟! ✔️لو اه يبقي الكلام ده مش ليك ✔️لو لا يبقي الكلام ده ليك 👈ازاي احدد.طريق سفري ؟! بحالتك المادية لو انت مرتاح ماديا ومعاك فوق 500 الف يبقي طريق امريكا ثم استراليا ثم كندا لو بتكح.تراب ومعاك رينج 250 الف بقا يبقي طريق الخليج او دول الاتحاد الاوربي والشواذ وقلة الادب ربنا ياخدهم😁 #️⃣طاب والعمل ياعم احمد رفعت؟! دايما بتعلم من رجالة بشري طرب عصفورين بحجر يعملوا ايه الصايعين (صايع تعليميا يعني دماغه شغاله😁) يبدا ف المعادلة من سنه اولي ويشوفوا هم هياخدوا مثلا عظام مثلا مثلا يجيب تكستات العظام.ويذاكر منها مع منهجه.واللي مش بيعرفه يخلي المعيد يشرحه ليه وكده الصايع وفر فلوس الكورسات ام 50 الف 👀 وهكذا 👈متقلقش عملناها كتير احنا بس لقينا المعيدين كارفين ويقولك.ركز ف منهجك الاول وبعد كده ذاكر ف الاجازة(خايف مش عارف او مش عايزك احسن)😁 #️⃣حلو كده.والكتب فين والبتنجان والبطاطس كله.ع النت عندك. برومترك الخليج و NPTE امريكا 👈لو بتكح.تراب ومش.مسنود ومعاك اسرة وعيال والمدام.مصدعاك علشان حالتك.المادية التعبانه دي يبقي سافررررر ي مدلكاتي 😂♥️ 🔁اوعي تخطب او تتجوز ف مصر وبعدها تسافر علشان مينفعش المدام وست البنات بتاعتك تبقي لوحدها او علشان هتلقي احلي منها هناك وهيتخرب بيتك والقوانين المصرية ف صف المراة ف مش انصحك...👀 ف استني تاخد حاجة نضيفة من بره مستورد ✅️(نفس الكلام ل ال Females فكك من المصري الكحيان ده وشوفي المستورد واضمني جنسية تسندك انتي وعيالك )😁 #️⃣طاب والمذاكرة ؟! 👈مع نفسك يعثل اللي عايز حاجة يعملها ✅️✅️طاب ياعم احمد رفعت انا كائن بيتوتي وبحب اقعد جنب امي ؟! 👈يبقي فكك من السفر والعيال اللي مش عندهم بربع جنيه وطنية وعايزين يسيبوا بلدهم دول(انا ليدر بتاعهم)😁 👈👈نروح ليك انت بقا يبقي يخويا نركز ع دراسة منهج ونشارك ف اي حاجة ك مصدر دخل جانبي ليك علشان تعرف تاكل وتشرب ✅️انصحك اتعلم برمجة او لغة او شارك ف مركز وظبط العملي بتاعك وشوفلك زميلة PT كده(يفضل من كفر الشيخ علشان ممكن تاخدك امريكا بعدين) واتزوجها وعيشوا ف نبات وثبات وخلفوا صبيان وبنات(خلي بالك الدولة مش مسئولة عن الابن التالت)😁 ✅️✅️ونستني البوست اللي جاي عن ازاي تظبط مواد سنة اولي وتجيب فيها امتياز وبعدها نتكلم عن تانيه وتالته ورابعة وخامسه وامتياز😂♥️♥️ ولو محتاج تسال عن حاجة ابعتلي @AhmedRef3at