اکنون در دسترس! پژوهش تلگرام ۲۰۲۵ — مهمترین بینشهای سال 
ပိုင်စိုး
رفتن به کانال در Telegram
4 695
مشترکین
-224 ساعت
-327 روز
-9930 روز
در حال بارگیری داده...
کانالهای مشابه
هیچ دادهای
مشکلی وجود دارد؟ لطفاً صفحه را تازه کنید یا با مدیر پشتیبانی ما تماس بگیرید.
ابر برچسبها
هیچ دادهای
مشکلی وجود دارد؟ لطفاً صفحه را تازه کنید یا با مدیر پشتیبانی ما تماس بگیرید.
اشارات ورودی و خروجی
---
---
---
---
---
---
جذب مشترکین
ژوئیه '26
ژوئیه '26
+2
در 1 کانالها
ژوئن '26
+4
در 2 کانالها
Get PRO
مه '26
+6
در 4 کانالها
Get PRO
آوریل '26
+4
در 4 کانالها
Get PRO
مارس '26
+12
در 33 کانالها
Get PRO
فوریه '26
+20
در 20 کانالها
Get PRO
ژانویه '26
+30
در 41 کانالها
Get PRO
دسامبر '25
+63
در 45 کانالها
Get PRO
نوامبر '25
+56
در 50 کانالها
Get PRO
اکتبر '25
+47
در 37 کانالها
Get PRO
سپتامبر '25
+114
در 67 کانالها
Get PRO
اوت '25
+597
در 66 کانالها
Get PRO
ژوئیه '25
+55
در 36 کانالها
Get PRO
ژوئن '25
+97
در 51 کانالها
Get PRO
مه '25
+1 723
در 43 کانالها
Get PRO
آوریل '25
+387
در 35 کانالها
Get PRO
مارس '25
+3 041
در 40 کانالها
Get PRO
فوریه '250
در 36 کانالها
Get PRO
ژانویه '25
+14
در 39 کانالها
| تاریخ | رشد مشترکین | اشارات | کانالها | |
| 02 ژوئیه | +2 | |||
| 01 ژوئیه | 0 |
پستهای کانال
Repost from Пул Первого
💬 «Это придает импульс отношениям Беларуси и Мьянмы».
🇲🇲 Мин Аун Хлайн о важности визита Лукашенко.
| 2 | ဘယ်လာရုစ်ရုပ်သံက လက်ဖျားခါလောက်တယ် ကိုယ့်ဆီကမီဒီယာတွေ အတုယူသင့်တယ်။ | 193 |
| 3 |  "အာဆီယံသို့ ခြေလှမ်းအစ"
သမ္မတကြီးကို အာဆီယံအဖွဲ့ဝင် လာအိုသမ္မတက ဖိတ်ခေါ်လို့ နောက်လ ချစ်ကြည်ရေးခရီးစဉ်သွားမယ်။
ဒါဟာ အာဆီယံအဖွဲ့ဝင်နိုင်ငံတစ်နိုင်ငံရဲ့ မြန်မာ့သမ္မတကို တရားဝင်အသိအမှတ်ပြုလိုက်တာပါ။
အဖျက်မီဒီယာတွေ ရေးကြသလို အာဆီယံက မြန်မာအစိုးရကို တူးတူးခါးခါး ငြင်းဆိုနေတယ်ဆိုတဲ့ သတင်းတွေကို အာဆီယံအဖွဲ့ဝင် လာအိုနိုင်ငံက ချေဖျက်ပြလိုက်တာပါပဲ။
အာဆီယံမှာ အနောက်ယိမ်းတဲ့ ဖိလစ်ပိုင်လို၊ မလေးရှားလို၊ စင်ကာပူတို့လို နိုင်ငံတွေ ဘယ်အချိန်အထိတောင့်ခံနိုင်မလဲ ကြည့်ရမှာပါ။ မလေးရှား နိုင်ငံခြားရေးဝန်ကြီးကတော့ မြန်မာနဲ့ပတ်သက်တဲ့အာဆီယံမူ(၅) ချက်ကို လိုအပ်ရင် ပြင်နိုင်တယ်ဘာညာ အသံထွက်လာပြီမဟုတ်လား။
လွှတ်တော်မှာလည်း အာဆီယံနဲ့ပတ်သက်ပြီး မူ(၅) ချက်ပြင်ဆင်ရေးအဆိုတင်သွင်းတာရယ်၊ သမ္မတကြီး လာအိုကိုသွားမှာရယ်၊ မလေးရှားဝန်ကြီး စကားတွေအရ အာဆီယံကို မြန်မာပြန်လာဖို့ မဝေးတော့ပါဘူး။
အရွှေ့တိုင်းမှာ နိုင်ငံအတွက် စေတနာလေးထည့်ရင် တကယ်ရွေ့ပါတယ်ဗျာ။ ခြေလှမ်းမှန်မှန်လေး လှမ်းဖို့ပဲ လိုတာပါ။
(ပိုင်စိုး) | 1 154 |
| 4 |  ရွှေရောင်လွှမ်းသော နေ့သစ်များ
နိုင်ငံ့တာဝန်များကို ထမ်းဆောင်နေကြသည့် နိုင်ငံတော်သမ္မတကြီးနှင့်တကွ နိုင်ငံ့ဝန်ထမ်းများအားလုံးအတွက် HOS အဖွဲ့သားများမှ ဂုဏ်ပြုတင်ဆက်သည်။
All video credits go to the original uploaders. | 1 419 |
| 5 | မြေကြီးမှသည် အာကာပြင်ထိ အကျိုးရှိခဲ့သည့် ခရီးစဉ်
-------------
(၁၉-၆-၂၀၂၆)
တရုတ်သမ္မတ ရှီကျင့်ဖျင်ရဲ့ ဖိတ်ကြားချက်အရ နိုင်ငံတော်အဆင့် ချစ်ကြည်ရေးခရီးစဉ် သွားရောက်နေတဲ့ သမ္မတကြီးရဲ့ ခရီးစဉ်ကတော့ ဒီနေ့မှာ ပြည်တော်ပြန်ဝင်ခဲ့ပါပြီ။
ဒီငါးရက်တာ ကာလအတွင်း နိုင်ငံတော်အဆင့် ကြိုဆိုအခမ်းအနား၊ ဂုဏ်ပြုညစာစားပွဲတွေ ဆောင်ရွက်ခဲ့သလို မြန်မာနိုင်ငံအတွက် ဟိုးမြေပြင် စိုက်ပျိုးရေး၊ စီးပွားရေးကစလို့ စက်ရုပ် နည်းပညာနဲ့ အာကာသဆိုင်ရာ ကိစ္စရပ်တွေအထိ မနားမနေ ဆောင်ရွက်ခဲ့ရတာကိုလည်း မြင်မိပါရဲ့။
စရောက်တဲ့ နေ့ကတည်းက သမ္မတ ရှီကျင်းဖျင်နဲ့ MOU ထိုးနိုင်ခဲ့တဲ့အထဲမှာ တရုတ်-မြန်မာ စီးပွားရေးစင်္ကြံ CMEC စီမံကိန်းနဲ့ ကျောက်ဖြူရေနက်ဆိပ်ကမ်းစီမံကိန်းလို တကယ့် စီမံကိန်းအကြီးကြီးတွေပါဝင်သလို မြန်မာ့လယ်ယာထွက်ကုန်တွေကို ဈေးကွက်ချဲ့ထွင်မယ့် ကိစ္စတွေလည်း ပါဝင်တယ်။
MOU ထိုးနိုင်တဲ့ သဘောတူညီချက်တွေ များလွန်းလို့ ဖြစ်နိုင်ပါ့မလားလို့ သံသယမဝင်နိုင်အောင်ပဲ အဲ့ဒီနေ့ပြီးကတည်းက စာချုပ်မှာ ပါတဲ့ တစ်ခုချင်းစီတိုင်းကို နေရာအနှံ့သွားပြီး တွေ့ဆုံဆွေးနွေးခဲ့တာတွေ့ရတယ်။
မီးရထားလမ်းအဆင့်မြှင့်တာပါတယ်။ နယ်စပ်ဂိတ်တွေ လုံခြုံရေးကိစ္စပါတယ်၊ စက်မှုအသေးစားထုတ်လုပ်တာတွေပါတယ်။ အင်းဝတံတားပြန်လည်ပြုပြင်ရေးတွေ ပါတယ်။ ဒါ့အပြင် မြန်မာ့စီးပွားရေးလုပ်ငန်းရှင်တွေကိုပါ ခေါ်သွားပြီး ဟိုဘက် ဒီဘက် စီးပွားရေးသမားတွေကို ပေါင်းကူးတွေ့ဆုံပွဲလုပ်ပေးခဲ့တယ်။
သဘောအကျဆုံးကတော့ AI နဲ့ အာကာသနည်းပညာတွေ၊ စက်ရုပ်နည်းပညာတွေအတွက်ကိုပါ ကမ်းလမ်းမှုတွေ ရရှိခဲ့တာပါပဲ။ အခု ခရီးစဉ်မပြန်ခင်လေးမှာလည်း တရုတ်ရဲ့ အကြီးဆုံးစက်ရုပ်ကုမ္ပဏီ Unitree ကို ဝင်လေ့လာ ဆွေးနွေးမှုတွေ လုပ်ခဲ့တယ်ဆိုတော့ နည်းပညာပိုင်းမှာ အများကြီး အထောက်အကူရလာနိုင်လိမ့်မယ်လို့ မျှော်လင့်ရပါတယ်။
ကိုယ်တွေနိုင်ငံဟာ သူများတန်းတူ ဖွံ့ဖြိုးတိုးတက်ဖို့ဆိုရင် ဒီခေတ်ကြီးမှာ အာကာသနည်းပညာတို့ စက်ရုပ်နည်းပညာတို့က အရမ်း အရေးပါလာတယ်။ ဂြိုဟ်တုနည်းပညာနဲ့ စိုက်ပျိုးရေး၊ ဆက်သွယ်ရေးကဏ္ဍတွေမှာအကျိုးရှိရှိ အထောက်အကူပြုပေးနိုင်တယ်။ ကိုယ့်လူမျိုးတွေ မသိသေးလို့သာ အာကာသလို့ပြောလိုက်ရင် ရယ်စရာလုပ်နေကြတာ၊ ဂြိုဟ်တုနဲ့ စိုက်ပျိုးမြေ ရေလွှမ်းတာ၊ သီးပင်စားပင် ပိုးကျတာ၊ အချိန်မတိုင်ခင် ရင့်မှည့်တာ စသဖြင့် လုပ်နိုင်တာတွေ အများကြီးပါပဲ ။ မြန်မာလို စိုက်ပျိုးရေးအားကိုးရတဲ့နိုင်ငံမှာ ဂြိုလ်တုနည်းပညာက မရှိမဖြစ် လိုအပ်နေပါတယ်။
အချုပ်ပြောရရင် သမ္မတကြီးကတော့ ကိုယ့်နိုင်ငံဖွံ့ဖြိုးတိုးတက်ဖို့ ဘက်ပေါင်းစုံက တံခါးတွေ ဖွင့်ခဲ့ပြီ။ လုပ်နိုင်မယ်ထင်တဲ့ သက်ဆိုင်ရာပုဂ္ဂိုလ်တွေကိုလည်း ပေါင်းကူးပေးခဲ့ပြီ။ ကိုယ့်နိုင်ငံအတွက် အလည်အပတ်ခရီးစဉ်တစ်ခုထက် အများကြီးပိုခဲ့တဲ့ ဒီခရီးစဉ်အတွက်လည်း ကျေးဇူးတင်မိပါတယ်။
(ပိုင်စိုး) | 2 707 |
| 6 |  မြေကြီးမှသည် အာကာပြင်ထိ အကျိုးရှိခဲ့သည့် ခရီးစဉ် (ပိုင်စိုး) | 1 775 |
| 7 |  အာကာသနည်းပညာဆီ ပထမဆုံး ခရီးချီခဲ့သည့် သမ္မတကြီး၏ ခရီးစဉ်
=====================================
တရုတ်နိုင်ငံကို နိုင်ငံတော်အဆင့် ချစ်ကြည်ရေးခရီး သွားရောက်နေတဲ့ နိုင်ငံတော်သမ္မတ ကြီးဟာ မနေ့ကပဲ တရုတ်နိုင်ငံ မြို့တော် ပေကျင်းမြို့ကို ရောက်ရှိခဲ့ပါတယ်။ နိုင်ငံတော်အဆင့် ချစ်ကြည်ရေးခရီးပီပီ လေဆိပ်မှာ ကော်ဇောနီခင်းပြီး ဂုဏ်ပြုတပ်ဖွဲ့နဲ့ တလေးတစား ကြိုဆိုခဲ့တာပါ။ အဲဒီနောက် ကျောက်ယွီထိုင် နိုင်ငံတော်ဧည့်ဂေဟာဆီ ဆက်လက်ထွက်ခွာရာ လမ်းကြောင်း တစ်လျှောက်မှာလဲ တရုတ်၊ မြန်မာ နှစ်နိုင်ငံရဲ့ နိုင်ငံတော်အလံတွေကို လွှင့်ထူပြီး လှိုက်လှိုက်လှဲလှဲ နွေးနွေးထွေးထွေး ကြိုဆိုထားပုံက ရှိရင်းစွဲ ချစ်ကြည်ရင်းနှီးမှုကို ပိုပြီးတော့ လေးနက်စေခဲ့ပါတယ်။
နိုင်ငံတော်အကြီးအကဲဟာ ပေကျင်းမြို့ကို ရောက်လျှင်ရောက်ချင်း ခဏတစ်ဖြုတ်ပင် နားနေခြင်းမရှိဘဲ Aerospace City ကို ချက်ချင်းသွားရောက်ပြီး တရုတ်နိုင်ငံရဲ့ အာကာသသိပ္ပံနဲ့ နည်းပညာဆိုင်ရာ ဖွံဖြိုးတိုးတက်မှုတွေကို ကြည့်ရှုလေ့လာခဲ့ပါတယ်။
ဆက်လက်ဖတ်ရှုရန် | 1 |
| 8 | အာကာသနည်းပညာဆီ ပထမဆုံး ခရီးချီခဲ့သည့် သမ္မတကြီး၏ ခရီးစဉ်
=================================
တရုတ်နိုင်ငံကို နိုင်ငံတော်အဆင့် ချစ်ကြည်ရေးခရီး သွားရောက်နေတဲ့ နိုင်ငံတော်သမ္မတ ကြီးဟာ မနေ့ကပဲ တရုတ်နိုင်ငံ မြို့တော် ပေကျင်းမြို့ကို ရောက်ရှိခဲ့ပါတယ်။ နိုင်ငံတော်အဆင့် ချစ်ကြည်ရေးခရီးပီပီ လေဆိပ်မှာ ကော်ဇောနီခင်းပြီး ဂုဏ်ပြုတပ်ဖွဲ့နဲ့ တလေးတစား ကြိုဆိုခဲ့တာပါ။ အဲဒီနောက် ကျောက်ယွီထိုင် နိုင်ငံတော်ဧည့်ဂေဟာဆီ ဆက်လက်ထွက်ခွာရာ လမ်းကြောင်း တစ်လျှောက်မှာလဲ တရုတ်၊ မြန်မာ နှစ်နိုင်ငံရဲ့ နိုင်ငံတော်အလံတွေကို လွှင့်ထူပြီး လှိုက်လှိုက်လှဲလှဲ နွေးနွေးထွေးထွေး ကြိုဆိုထားပုံက ရှိရင်းစွဲ ချစ်ကြည်ရင်းနှီးမှုကို ပိုပြီးတော့ လေးနက်စေခဲ့ပါတယ်။
နိုင်ငံတော်အကြီးအကဲဟာ ပေကျင်းမြို့ကို ရောက်လျှင်ရောက်ချင်း ခဏတစ်ဖြုတ်ပင် နားနေခြင်းမရှိဘဲ Aerospace City ကို ချက်ချင်းသွားရောက်ပြီး တရုတ်နိုင်ငံရဲ့ အာကာသသိပ္ပံနဲ့ နည်းပညာဆိုင်ရာ ဖွံဖြိုးတိုးတက်မှုတွေကို ကြည့်ရှုလေ့လာခဲ့ပါတယ်။ Aerospace City ဟာ ပေကျင်းမြို့ ဟိုင်ဒျန်ခရိုင် (Haidian District) အနောက်မြောက်ပိုင်းမှာ တည်ရှိပြီး “Project 921” လို့ လူသိများတဲ့ တရုတ်နိုင်ငံရဲ့ လူလိုက်ပါအာကာသစီမံကိန်းအတွက် အရေးပါတဲ့ အခြေစိုက်စခန်း တစ်ခုဖြစ်ပါတယ်။ အာကာသယာဉ်မှူးလေ့ကျင့်ရေးစင်တာတွေ၊ မစ်ရှင်ထိန်းချုပ်ရေး စင်တာတွေနဲ့ အာကာသနည်းပညာဆိုင်ရာ သုတေသနအဖွဲ့အစည်းများ တည်ရှိရာ နေရာဖြစ်ပါတယ်။ ဧရိယာ ၂.၃ စတုရန်းကီလိုမီတာခန့် ကျယ်ဝန်းတဲ့ Aerospace City ကို ၁၉၉၈ ခုနှစ်မှာ စတင်ဖွင့်လှစ်ခဲ့ပြီး ပေကျင်း အာကာသထိန်းချုပ်ရေးစင်တာ (Beijing Aerospace Control Centre - BACC)၊ တရုတ် အာကာသနည်းပညာအကယ်ဒမီ(China Academy of Space Technology - CAST) နဲ့ တရုတ် အာကာသယာဉ်မှူးစင်တာ (Astronaut Centre of China - ACC) တို့ အခြေစိုက်ရာ နေရာလဲ ဖြစ်ပါတယ်။
Aerospace City အတွင်းမှာ ရှိတဲ့ တရုတ်အာကာသသိပ္ပံနှင့် နည်းပညာကော်ပိုရေးရှင်း (CASC) ဟာ တရုတ်ဗဟိုအစိုးရကနေ တိုက်ရိုက်ကြီးကြပ်ကွပ်ကဲတဲ့ နိုင်ငံတော်ပိုင်အဆင့်မြင့် နည်းပညာအဖွဲ့အစည်းတစ်ခုဖြစ်ပါတယ်။ တရုတ်အာကာသအစီအစဉ်များကို အဓိက ဆောင်ရွက် လျက်ရှိပြီး နိုင်ငံရဲ့ ကာကွယ်ရေးနဲ့ အာကာသဆိုင်ရာစူးစမ်းလေ့လာမှုများကို ပြုလုပ်ပေးလျက်ရှိကာ အာကာသစနစ်များအတွက် ကမ္ဘာ့အဆင့်မီကုမ္ပဏီစုစုပေါင်း ၅၀၀ ပေါင်းစည်းပြီး သုတေသန၊ ဒီဇိုင်း၊ ထုတ်လုပ်မှု၊ စမ်းသပ်မှုနဲ့ ဂြိုဟ်တုလွှတ်တင်မှုတွေ ဆောင်ရွက်လျက်ရှိပါတယ်။
ဒီလို အာကာသနည်းပညာတွေ စုစည်းထားတဲ့ နေရာဆီကို ခရီးစဉ်ရဲ့ ပထမဆုံးနေ့မှာတင် အရောက်သွားခဲ့ခြင်းက နိုင်ငံတော်အကြီးအကဲရဲ့ စိတ်ထဲမှာ အာကာသနည်းပညာနဲ့ပတ်သက်ပြီး တော်တော်လေး အာရုံစိုက်ထားတာကြောင့်လို့ ဆိုရမှာပါ။ ကောင်းမွန်တဲ့ ပြောင်းလဲမှုတွေကို လက်မတွန့်ဘဲ ပြောင်းလဲတတ်လေ့ရှိတဲ့ နိုင်ငံတော်အကြီးအကဲရဲ့ လက်ထက်မှာ နည်းပညာကဏ္ဍ ဟာလဲ အရင်နဲ့မတူ ပြောင်းလဲတိုးတက်နေလျက်ရှိတာ တွေ့ရမှာပါ။ ဝန်ကြီးဌာနတွေမှာ ဒီဂျစ်တယ် ဖွံ့ဖြိုးတိုးတက်ရေးနှင့် ဆက်သွယ်ရေးဝန်ကြီးဌာနဆိုပြီး ထည့်သွင်းဖွဲ့စည်းထားတာကိုပဲ ကြည့်။ ဒီဂျစ် တယ် နည်းပညာကို ဖွံ့ဖြိုးတိုးတက်မှုရှိအောင် တစ်စိုက်မတ်မတ် ဆောင်ရွက်နိုင်စေဖို့ပါ။ ဒီကနေ့ ခေတ်ဟာ နည်းပညာခေတ်ဖြစ်တာနဲ့အညီ ကမ္ဘာတစ်ဝန်းက နိုင်ငံအသီးသီးမှာ အာကာသနည်းပညာ တွေကို အရှိန်အဟုန်ပြင်းပြင်းနဲ့ အပြိုင်အဆိုင် လုပ်ဆောင်နေကြတာ တွေ့ရပါလိမ့်မယ်။ နိုင်ငံတော် အကြီးအကဲအနေနဲ့လဲ သူ ဦးဆောင်နေတဲ့ နိုင်ငံတော်အတွင်းမှာ အာကာသနည်းပညာကဏ္ဍ ဖွံ့ဖြိုး တိုးတက်လာတာကို မြင်ချင်၊ တွေ့ချင်နေပုံ ရတယ်။ ဒါကြောင့်ပဲ တရုတ်နိုင်ငံကို ရောက်ရောက်ချင်း ဆန္ဒစောစွာနဲ့ Aerospace City ကို သွားရောက်ခဲ့တာပေါ့။ မြန်မာနိုင်ငံမှာလဲ နိုင်ငံတော်အကြီးအကဲ ကိုယ်တိုင် အကောင်အထည်ဖော်ဖွဲ့စည်းပေးခဲ့တဲ့ မြန်မာအာကာသအေဂျင်စီ ရှိနေခဲ့ပြီဆိုတော့ မကြာ မီသော အချိန်ကာလအတွင်းမှာ မြန်မာဆိုတာဟာလဲ အာကာသနယ်ပယ်မှာ ခရီးဆန့်နိုင်တော့မှာ ဖြစ်ပါတယ်။
“နည်းပညာဟာ အနာဂတ်ကို ပုံဖော်သူ” ဆိုတဲ့အတိုင်း နိုင်ငံတော်အကြီးအကဲအနေနဲ့လဲ ဒါကို လက်ခံထားပြီး မြန်မာနိုင်ငံရဲ့အနာဂတ်ကို နည်းပညာနဲ့ ပုံဖော်ဖို့ အဘက်ဘက်ကနေ ကြိုးစားဖြည့် ဆည်းပေးနေလျက်ရှိပါတယ်။ အိမ်နီးချင်း တရုတ်နိုင်ငံရဲ့ နိုင်ငံတော်အဆင့် ချစ်ကြည်ရေးခရီးစဉ်မှာ အာကာသနည်းပညာဆီ အရောက်သွားခဲ့တဲ့ သမ္မတကြီးရဲ့ ခရီးစဉ်ကနေ အမိနိုင်ငံအတွက် ဘယ်လို အကျိုးရလဒ်တွေ ဖော်ဆောင်နိုင်မလဲဆိုတာ စိတ်ဝင်စားစရာ ကောင်းလှပါတယ်။
ကိုလူပျို
(၁၆-၆-၂၀၂၆) | 2 133 |
| 9 | သမ္မတကြီးသွားရောက်လေ့လာခဲ့တဲ့ တရုတ်နိုင်ငံရဲ့ Aerospace city အကြောင်း | 1 385 |
| 10 |  +2မြန်မာ-တရုတ် နှစ်နိုင်ငံခေါင်းဆောင်များ ဆွေးနွေးပွဲမှ အဓိကရလဒ်များ
တရုတ်ပြည်သူ့သမ္မတနိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် ရောက်ရှိနေသော နိုင်ငံတော်သမ္မတ ဦးမင်းအောင်လှိုင်သည် ဇွန် ၁၆ ရက် နံနက်ပိုင်းက ပေကျင်းမြို့ရှိ Great Hall of the People (ပြည်သူ့ခန်းမဆောင်ကြီး) တွင် တရုတ်နိုင်ငံသမ္မတ မစ္စတာ ရှီကျင့်ဖျင်နှင့် နိုင်ငံတော်အဆင့် တွေ့ဆုံဆွေးနွေးခဲ့သည်။
မြန်မာနိုင်ငံနှင့် တရုတ်နိုင်ငံ ခေါင်းဆောင်များအကြား ပြုလုပ်ခဲ့သည့် တွေ့ဆုံဆွေးနွေးပွဲတွင် နှစ်နိုင်ငံဆက်ဆံရေး ပိုမိုနက်ရှိုင်းခိုင်မာစေရေး၊ စီးပွားရေးနှင့် ကုန်သွယ်ရေးပူးပေါင်းဆောင်ရွက်မှု တိုးမြှင့်ရေး၊ နယ်စပ်ဒေသတည်ငြိမ်ရေးနှင့် အဆင့်မြင့်နည်းပညာကဏ္ဍများ ဖွံ့ဖြိုးတိုးတက်ရေးတို့ကို အဓိကထား ဆွေးနွေးခဲ့ကြသည်။
ဆွေးနွေးပွဲတွင် နှစ်နိုင်ငံအနေဖြင့် မည်သည့်အခြေအနေမျိုးတွင်မဆို ယခင်က သဘောတူချမှတ်ထားသော ကတိကဝတ်များ၊ လမ်းညွှန်ချက်များနှင့် ရေရှည်ဖွံ့ဖြိုးတိုးတက်ရေး ရည်မှန်းချက်များကို ဆက်လက်အကောင်အထည်ဖော်သွားရန် သဘောတူညီခဲ့ကြသည်။
တရုတ်နိုင်ငံဘက်ကလည်း မြန်မာနိုင်ငံ၏ အချုပ်အခြာအာဏာနှင့် နယ်မြေတည်တံ့ခိုင်မြဲရေးကို လေးစားကြောင်း ထပ်မံအတည်ပြုခဲ့ပြီး မြန်မာနိုင်ငံ၏ တည်ငြိမ်အေးချမ်းရေး၊ အမျိုးသားပြန်လည်သင့်မြတ်ရေး၊ ငြိမ်းချမ်းရေးလုပ်ငန်းစဉ်နှင့် လူမှုစီးပွားဖွံ့ဖြိုးတိုးတက်ရေးဆိုင်ရာ ကြိုးပမ်းမှုများကို ဆက်လက်ထောက်ခံအားပေးသွားမည်ဖြစ်ကြောင်း ဆွေးနွေးခဲ့ကြသည်။
ထို့ပြင် ကုလသမဂ္ဂနှင့် ဒေသတွင်းအဖွဲ့အစည်းများတွင် အပြန်အလှန်ဝန်းရံထောက်ခံမှုများ ဆက်လက်ပြုလုပ်သွားရန်၊ အာဆီယံ၏ ဗဟိုအခန်းကဏ္ဍကို အလေးထားကာ မြန်မာနိုင်ငံ၏ ဒေသတွင်း ပူးပေါင်းဆောင်ရွက်မှုများ ပိုမိုအားကောင်းလာစေရေး ကူညီဆောင်ရွက်သွားရန်လည်း ဆွေးနွေးခဲ့ကြသည်။
စီးပွားရေးကဏ္ဍတွင် ရပ်ဝန်း နှင့် ပိုးလမ်းမ အစီအမံ(BRI) နှင့် တရုတ်-မြန်မာ စီးပွားရေးစင်္ကြံ (CMEC) အောက်ရှိ စီမံကိန်းများကို ပိုမိုနက်ရှိုင်းကျယ်ပြန့်စွာ အကောင်အထည်ဖော်သွားရန် သဘောတူခဲ့ကြပြီး လမ်းပန်းဆက်သွယ်ရေး၊ ရထားလမ်း၊ စွမ်းအင်နှင့် အခြေခံအဆောက်အအုံကဏ္ဍများတွင် ပူးပေါင်းဆောင်ရွက်မှုများ တိုးမြှင့်သွားရန် ဆွေးနွေးခဲ့ကြသည်။
နှစ်နိုင်ငံကုန်သွယ်မှုနှင့် ရင်းနှီးမြှုပ်နှံမှုများ ပိုမိုတိုးတက်လာစေရေး၊ ကုန်သွယ်မှုချိန်ခွင်လျှာကို အပြန်အလှန်အကျိုးရှိသည့်ပုံစံဖြင့် ထိန်းညှိနိုင်ရေးနှင့် တရုတ်လုပ်ငန်းရှင်များ မြန်မာနိုင်ငံတွင် ပိုမိုရင်းနှီးမြှုပ်နှံနိုင်ရေးအတွက် လိုအပ်သော ပံ့ပိုးမှုများ ဆောင်ရွက်ပေးသွားရန်လည်း နှစ်ဖက်သဘောတူညီခဲ့ကြသည်။
ထို့အပြင် နယ်စပ်ကုန်သွယ်ရေးဇုန်များနှင့် ကုန်စည်စီးဆင်းမှုလမ်းကြောင်းများ လုံခြုံစိတ်ချပြီး အဆင်ပြေချောမွေ့စေရေး ပူးပေါင်းဆောင်ရွက်သွားရန်နှင့် နှစ်နိုင်ငံမြို့ကြီးများအကြား ညီအစ်မမြို့တော်ဆက်ဆံရေးများ တိုးချဲ့ထူထောင်၍ ယဉ်ကျေးမှုနှင့် စီးပွားရေးဖလှယ်မှုများ မြှင့်တင်သွားရန် ဆွေးနွေးခဲ့ကြသည်။
နယ်စပ်ဒေသတည်ငြိမ်ရေးနှင့် လုံခြုံရေးကဏ္ဍတွင် နှစ်နိုင်ငံအနေဖြင့် နယ်စပ်ဒေသများ၌ တရားဥပဒေစိုးမိုးရေး၊ လုံခြုံရေးနှင့် ပြည်သူများ၏ ဘေးကင်းလုံခြုံမှုကို ပိုမိုအားကောင်းစွာ ပူးပေါင်းဆောင်ရွက်သွားရန် သဘောတူခဲ့ကြသည်။
အထူးသဖြင့် အွန်လိုင်းလိမ်လည်မှုလုပ်ငန်းများ၊ ဆိုက်ဘာမှုခင်းများ၊ မူးယစ်ဆေးဝါးရောင်းဝယ်ဖောက်ကားမှုများ၊ လူကုန်ကူးမှုများနှင့် တရားမဝင်လောင်းကစားလုပ်ငန်းများကို ထိရောက်ပြတ်သားစွာ ပူးပေါင်းနှိမ်နင်းသွားရန် ဆွေးနွေးခဲ့ကြသည်။
အဆင့်မြင့်နည်းပညာကဏ္ဍတွင်လည်း ခေတ်မီနည်းပညာများ၊ AI နှင့် အာကာသနည်းပညာဆိုင်ရာ ကဏ္ဍများ၊ အလိုအလျောက်စနစ်များ၊ စက်ရုပ်နည်းပညာများနှင့် သတင်းအချက်အလက်နည်းပညာများကို ပိုမိုဖလှယ်ကာ အသုံးချနိုင်ရေးအတွက် ပူးပေါင်းဆောင်ရွက်သွားရန် သဘောတူခဲ့ကြသည်။
ပညာရေးနှင့် လူသားအရင်းအမြစ်ဖွံ့ဖြိုးတိုးတက်ရေးကဏ္ဍတွင် မြန်မာကျောင်းသား၊ ကျောင်းသူများအတွက် ပညာတော်သင်ဆုများ တိုးမြှင့်ပေးအပ်ရေးနှင့် နည်းပညာဆိုင်ရာ အကူအညီများ ပိုမိုပံ့ပိုးပေးရေးတို့ကို ဆွေးနွေးခဲ့ကြသကဲ့သို့ ကျန်းမာရေးစောင့်ရှောက်မှုကဏ္ဍ၊ အထူးသဖြင့် နယ်စပ်ဒေသများရှိ ပြည်သူများ၏ ကျန်းမာရေးဝန်ဆောင်မှုများ တိုးတက်ကောင်းမွန်လာစေရေးအတွက်လည်း ပူးပေါင်းဆောင်ရွက်မှုများ တိုးမြှင့်သွားရန် သဘောတူညီခဲ့ကြသည်။
ထို့ပြင် မြန်မာနိုင်ငံ၌ ဖြစ်ပွားခဲ့သည့် ငလျင်ဘေးဒဏ်သင့်ဒေသများ၏ ပြန်လည်ထူထောင်ရေးနှင့် ပြန်လည်တည်ဆောက်ရေးလုပ်ငန်းများတွင် လိုအပ်သည့် အကူအညီများ ဆက်လက်ပံ့ပိုးပေးနိုင်ရေး၊ လူမှုစီးပွားဘဝများ အမြန်ဆုံး ပြန်လည်ကောင်းမွန်လာစေရေးနှင့် ဘေးအန္တရာယ်စီမံခန့်ခွဲမှုဆိုင်ရာ ပူးပေါင်းဆောင်ရွက်မှုများ တိုးမြှင့်သွားရေးတို့ကိုလည်း ဆွေးနွေးခဲ့ကြသည်။ | 2 265 |
| 11 |  တစ်ခြားနိုင်ငံမှာ ကိုယ့်နိုင်ငံအလံကို ဝင့်ဝင့်ကြွားကြွားမြင်ရတာလောက် ဂုဏ်ယူစရာရှိမလား
ခေတ်စနစ်အသစ်တစ်ခု New Era တစ်ခု စတင်ပြီလို့ပဲ မှတ်ယူပါတယ်။ နိုင်ငံတော်လျှောက်လှမ်းနေတဲ့ လမ်းအသစ်မှာ ဘက်ပေါင်းစုံကနေ ကြိုးပမ်းနေသူ တစ်ဦးတစ်ယောက်ချင်းစီကို ဂုဏ်ပြုပါတယ်။
(ပိုင်စိုး) | 1 612 |
| 12 | ခုတ်ရာနဲ့ ရှရာ
------------------
(၁၂-၆-၂၀၂၆)
ကမ္ဘာ့အလုပ်သမား သမဂ္ဂအဖွဲ့ချုပ်က မြန်မာနိုင်ငံမှာရှိတဲ့ အထည်ချုပ်စက်ရုံတွေ ထွက်ခွာဖို့ ထပ်ပြီးတိုက်တွန်းလိုက်တယ်တဲ့။ အဲ့ဒီအပြင် မြန်မာ့အထည်အလိပ်တွေ တင်ပို့နေတဲ့ EU ကိုတောင် ကုန်သွယ်မှု အထူးအခွင့်အရေးတွေ ရပ်ဆိုင်းပေးဖို့ တောင်းဆိုလိုက်သေးတယ်။
အကြောင်းရင်းကတော့ လုပ်ခလစာနည်းပါးတာ၊ အချိန်ပို အတင်းအကျပ် လုပ်ကိုင်စေခိုင်းခံရတာနဲ့ စစ်မှုထမ်းစုဆောင်းခံရနိုင်တဲ့ အန္တရာယ်တွေကို ရင်ဆိုင်နေရလို့ပြောထားပေမယ့် အထည်အလိပ်လုပ်ငန်းကရတဲ့ နိုင်ငံခြားဒေါ်လာတွေ အစိုးရဆီ စီးဝင်နေလို့ကြောင့်ပါတဲ့။
လုပ်ခလစာနည်းပါးရင် များလာအောင် ကုမ္ပဏီတွေနဲ့ အစိုးရကြား ဝင်ပြီး ညှိနှိုင်းပေးရမယ့်အစား စက်ရုံတွေပိတ်ဖို့တောင်းဆိုတာ နည်းနည်းတော့ လွဲနေတယ်။ စက်ရုံအလုပ်သမား ၄ သိန်းကျော်ဟာ လခနည်းတယ်ဆိုရင်တောင် အနိမ့်ဆုံးလစာဟာ သူတို့ပြောသလို ၂ ဒေါ်လာအောက်မှာ ဘယ်စက်ရုံအလုပ်သမားမှ လက်မခံကြတော့ပါဘူး။
အနည်းဆုံးတော့ OT ကြေးပါရင် ၃ သိန်းကျော်ရကြပါတယ်။ အခုခေတ်ကုန်ဈေးနှုန်းနဲ့ ယှဉ်ရင် နည်းပါးတယ်ဆိုပေမယ့် အထည်ချုပ်ဝန်ထမ်းတစ်ခုပဲ ဒီလစာရတာ မဟုတ်ဘူးလေ။ ဆရာဝန်၊ ကျောင်းဆရာ၊ စစ်သား ဝန်ထမ်းအားလုံး ဒီလစာ ဝန်းကျင်တွေနဲ့ ရပ်တည်နေကြရတာမဟုတ်လား။
၂၀၂၁ ကြောင့်၊ စစ်ပွဲတွေကြောင့်၊ ရေနံကြောင့် စသဖြင့်အကြောင်းအရင်းမျိုးစုံနဲ့ ကုန်ဈေးနှုန်းတွေကြီးမြင့်လာတဲ့အချိန်မှာ မြန်မာအခြေခံလုပ်သားပြည်သူတွေ အနေနဲ့ ပိုမိုကြပ်တည်းလာတာ အမှန်ပါပဲ။ သို့သော်လည်း ဒီကြပ်တည်းမှုကို လက်ရှိအစိုးရကြောင့်သက်သက်လို့ ပုံဖော်နေတာကိုတော့ လက်မခံပါဘူး။
အခုပဲကြည့်ပါ၊ အခြေခံလုပ်သားတွေ ရဲ့ လုပ်အားခခေါင်းပုံဖြတ်တာမျိုး၊ လုပ်ငန်းခွင် အနိုင်ကျင့်မှုမျိုး စတဲ့ ဒုက္ခ တွေကို ဖြေရှင်းပေးဖို့ ကြိုးစားတာမဟုတ်ပဲနဲ့ အထည်ချုပ်ကနေ နိုင်ငံတော်ဆီ ငွေတွေဝင်နေပါတယ်ဆိုတဲ့ အကြောင်းပြချက်နဲ့ စက်ရုံတွေ ပိတ်ခိုင်းတာဟာ မြန်မာနိုင်ငံမှာ အလုပ်အကိုင်ရှားပါးပြီး ပို ကြပ်တည်းလာဖို့ ရည်ရွယ်တာမဟုတ်ဖူးလား။
ဒီအစိုးရလက်ထက်မှာ လူတွေပိုမိုကြပ်တည်းပြီး အဓိကရုဏ်းတွေဖြစ်လာဖို့၊ ခိုးဆိုးလုနှိုက်တွေ များလာဖို့၊ အစိုးရနာမည်ပျက်ဖို့ တစ်ခုတည်းနဲ့တော့ ပြည်သူတွေကို ထပ်ပြီး မစတေးပါနဲ့တော့လေ။
လက်ရှိအစိုးရ လုပ်သမျှကိုင်သမျှ ဥပမာ ၁၉ လမ်းအဆင့်မြှင့်တင်တာ၊ တောင်ငူ ဗိုလ်ချုပ်ရုပ်ထုအောက်က ရေမြောင်းပြင်နေတာမျိုးတွေကို ကြိုက်သလောက် အာသာဖြေခေါင်းစဉ်တွေတပ်ပြီး နာမည်ဖျက်တာ ကိစ္စမရှိပေမယ့် အလုပ်သမားသမဂ္ဂလိုမျိုး နိုင်ငံတကာအဖွဲ့အစည်းတွေရဲ့ ဝင်ရောက်စွက်ဖက်မှုကြောင့် နိုင်ငံသားတွေအပေါ်အကျိုးသက်ရောက်မှု တစုံတရာ မရှိစေချင်ဘူး။
လက်ရှိအစိုးရ တောင့်မခံနိုင်အောင် ကိုယ့်နိုင်ငံသားအားလုံး စားရမဲ့ သောက်ရမဲ့ စုတ်ပြတ်သွားတဲ့အထိ ဘက်ပေါင်းစုံက ဆွဲချနေတာကို နိုင်ငံရေးလို့ ခေါင်းစဉ်တပ်မယ့် လူတွေနဲ့တော့ ခုတ်ရာနဲ့ ရှရာက လွဲနေဦးမှာပါပဲ။ တောင့်ခံနေရတာ အစိုးရမဟုတ်ပဲ ပြည်သူတွေကိုယ်တိုင်ဖြစ်နေတာကိုတော့ မသိချင်၊ မမြင်ချင်ကြဘူးလေ။
(ပိုင်စိုး) | 2 977 |
| 13 |  ခုတ်ရာနဲ့ရှရာ (ပိုင်စိုး) | 2 144 |
| 14 |  သတင်းဖုံးရာမှာ ဆရာကျသူများ
PDF တွေဗုံးခွဲလို့ စစ်ကိုင်းမှာ မှတ်ပုံတင်လုပ်နေတဲ့ ပြည်သူ အယောက် ၂၀ လောက် ထိခိုက်ဒဏ်ရာရတယ်။
ဒါကို မြန်မာမှတ်ပုံတင်သွားလုပ်လို့ ဖြစ်ရတာလို့ အကောင့်တုတွေနဲ့ မန့်ပြီး အပြစ်မဲ့ထိခိုက်သူတွေရဲ့ အပြစ်ဖြစ်သယောင် ရေးကြတယ်။
ပြည်တွင်းထဲမှာ နေထိုင်နေရတဲ့ ပြည်သူတွေအတွက်တော့ မှတ်ပုံတင်မရှိရင် ဘယ်လောက် သွားရလာရခက်ခဲသလဲဆိုတာ အားလုံးသိကြပါတယ်။ PDF တောင် မြို့တွေထဲ ခိုးဝင်ချင်ရင် မှတ်ပုံတင်ကိုင်ထားရသေးတယ်မဟုတ်လား။
ဘယ်လောက်ပဲ စစ်သား/ရဲ/ ဝန်ထမ်းတွေကြောင့်ရှိတဲ့နေရာမို့ ဗုံးခွဲရတာပါလို့ ဖော့ရေးပေးနေလည်း တကယ်ထိသွားတာ ပြည်သူတွေဖြစ်တဲ့အတွက် ဒီသတင်းကြားတဲ့ ပြည်သူတိုင်းက မင်းတို့လုပ်ရပ်ကို ရွံရှာနေမှာ အသေအချာပါပဲ။
စာသင်ကျောင်းတွေဖြိုချ ဆိုတဲ့ အောက်တန်းစားတွေစိတ်ထဲမှာ တစ်နိုင်ငံလုံးကို မီးရှို့ပြီး ပြာပုံဖြစ်စေချင်တာဆိုတော့ ပြည်သူတွေ ဘာတွေ ခွဲနေပုံမရတော့ပါဘူး။
ပြည်သူတွေ ရှိတဲ့နေရာ ဗုံးခွဲတဲ့သတင်းကို ဖြူဖြူနဲ့ဒေါင်းရဲ့ အညှီအဟောက်သတင်းလေးနဲ့ ဖုံးလိုက်ကြစို့ဦးရဲ့။
(ပိုင်စိုး) | 3 763 |
| 15 | နေခြည်မှာ ရွှေရည်လောင်း
---------------------
(၁-၆-၂၀၂၆)
ဒီနေ့ဟာ မြန်မာ့အနာဂတ်ကျောင်းသားလေးတွေရဲ့ အခြေခံပညာကျောင်းတွေ ရဲ့ ပညာသင်နှစ်တစ်ခု အစပျိုးမယ့် ကျောင်းအပ်လက်ခံတဲ့နေ့ဖြစ်ပါတယ်။
ဂျန်နရေးရှင်းတစ်ခုပြီးတစ်ခု တိုးတက်လာတယ်ဆိုတဲ့နေရာမှာ ပညာရေးက အရေးအပါဆုံး အခန်းကဏ္ဍကနေ ပါဝင်နေပါတယ်။ ပညာရေးရဲ့ အရင်းအမြစ်ကတော့ စာသင်ကျောင်းတွေပေါ့။
စာသင်ကျောင်းတွေဟာ အတန်းပညာတစ်ခုတည်းကိုသာ သင်ကြားပေးနေတာမဟုတ်ပဲ အသိပညာနဲ့ အတတ်ပညာနှစ်မျိုးလုံးကို လက်ဆင့်ကမ်းရတဲ့နေရာတွေဖြစ်တာကောင့် နိုင်ငံတိုင်းအတွက် အရမ်းအရေးကြီးပါတယ်။
ဒါကြောင့်လည်း နိုင်ငံတိုင်းက စာသင်ကျောင်းတွေကို တိုင်းပြည်ကရတဲ့ အခွန်အခတွေနဲ့သာ ပံ့ပိုးစေပြီး တတ်နိုင်သမျှ အခမဲ့ ရင်းနှီးမြှုပ်နှံကြတာပေါ့။
မြန်မာ့သမိုင်းမှာ ပညာရေးရဲ့အရေးပါခဲ့ပုံကို ဥပမာပြောရမယ်ဆိုရင် ဗိုလ်ချုပ်အောင်ဆန်းတို့ ခေတ်မတိုင်ခင် ၁၈၆၀ ခုနှစ် ကာလတွေမှာ ဗြိတိသျှအစိုးရရဲ့ပညာရေးဟာ လူနည်းစုသာ ပညာသင်ယူခွင့် ရှိခဲ့ကြပါတယ်။ ဘုန်းတော်ကြီးကျောင်းတွေကနေ အတန်းပညာကျောင်းတွေဖြစ်လာအောင်၊ အဲ့ဒီကနေ ရန်ကုန်ကောလိပ်၊ ပြီးတော့မှ ၁၉၂၀ ရန်ကုန်တက္ကသိုလ်အဆင့်ထိ ရောက်လာဖို့ ခက်ခက်ခဲခဲ အဆင့်တိုးမြှင့်ခဲ့ကြရတယ်။
ဒီလိုမျိုး ကြိုးပမ်းခဲ့ကြလို့ ဗိုလ်ချုပ်တို့ မျိုးဆက်တွေအချိန်ရောက်လာတော့ တိုင်းတပါးရဲ့ အုပ်ချုပ်မှုအောက်ကနေ လွတ်မြောက်အောင် စစ်ရေး၊ သံတမန်ရေး အဘက်ဘက်က ကြိုးပမ်းနိုင်ခဲ့တဲ့ ပညာတတ်လူငယ်တွေ ဖြစ်လာခဲ့ကြတာမဟုတ်လား။
ဗိုလ်ချုပ်တို့ ခေတ်မတိုင်မှာ ပညာရေးကို လျစ်လျူရှုမိလို့ အနောက်နိုင်ငံတွေရဲ့ တိုးတက်နေတဲ့ လက်နက်ပညာ၊ စစ်ဗျူဟာပညာတွေကို လိုက်မမှီပဲ သူ့ကျွန်ဖြစ်ခဲ့ရတာဆိုတော့ သူတို့လက်ထဲက လွတ်မြောက်ချင်ရင် သူတို့ရဲ့ ပညာရေးကို တတ်မြောက်ထားမှဖြစ်မှာမို့ ၁၉၀၀ ပြည့်နှစ်တွေမှာ မြန်မာပြည်သားတွေရဲ့ ပညာရေးစိတ်ဝင်စားမှုက အမြင့်ဆုံးဖြစ်ခဲ့ပါတယ်။
ဒါပေမယ့် စိတ်မကောင်းစရာက အခု တော်လှန်ရေးအမည်ခံ နိုင်ငံဖျက်ပွဲကြီးမှာ စာသင်ကျောင်းတွေဟာ အဓိက ပစ်မှတ်ထားပြီး ချေမှုန်းခံခဲ့ရတယ်။ ဆရာ/ဆရာမတွေကို CDM လုပ်ဖို့တောင်းဆိုတာက စလို့ ဆဲဆိုရိုင်းစိုင်းမှုတွေ၊ ဒလန်စွပ်စွဲပြီး သတ်ဖြတ်မှုတွေ၊ ကျောင်းတွေမှာ ခံစစ်ပြင်ဆင်မှုတွေ၊ ကျောင်းသားကလေးငယ်တွေကို အသုံးချပြီး ဝါဒဖြန့်မှုတွေ၊ နောက်ဆုံး ကျောင်းဖွင့်ရင် ဘာလုပ်မယ်ညာလုပ်မယ်လို့ ခြိမ်းခြောက်မှုတွေ စသဖြင့် အဆင့်ဆင့်လုပ်ဆောင်လာကြတာကိုကြည့်ရင် လူငယ်တွေရဲ့ ပညာရေးမဏ္ဍိုင်ကို အရင်းကနေ ဖြိုဖျက်နေတာ တွေ့လာရတယ်။
ဒီလို အခက်အခဲတွေ အများကြီးကြားထဲက တောင့်ခံပြီး ပညာသင်ကြားပေးတဲ့ ဆရာဆရာမတွေရော၊ ကလေးတွေကို ကျောင်းကိုရောက်အောင် ပို့ပေးကြတဲ့ မိဘတွေကိုရော စိတ်ထဲကနေ တကယ်ဂုဏ်ယူမိပါတယ်။ အဖြူအစိမ်းဝတ် ကျောင်းသူ/ကျောင်းသားတွေရဲ့ တက်ကြွလန်းဆန်းတဲ့အပြုံးတွေကို မြင်ရတော့ ငယ်ငယ်က ဆိုခဲ့ရတဲ့ ကလေးကဗျာလေးကို သတိရတယ်။ တစ်နိုင်ငံလုံးက ကလေးသူငယ်တိုင်းကိုလည်း အန္တရာယ်ကင်းစွာနဲ့ ကျောင်းတွေဆီ ရောက်လာနိုင်ပါစေလို့လည်း ဆန္ဒပြုရင်း။
(ပိုင်စိုး) | 3 563 |
| 16 |  နေခြည်မှာ ရွှေရည်လောင်း (ပိုင်စိုး) | 3 102 |
| 17 |  အရင်က အခြားနိုင်ငံတွေကိုသွားရောက်ခဲ့ရတဲ့ အခြေအနေနဲ့ အခု ရွေးကောက်ခံ သမ္မတတစ်ယောက်အနေနဲ့ သွားရောက်တဲ့အခြေအနေဟာ များစွာကွာခြားသွားခဲ့ပြီ။
အခြေအနေတွေကွာသွားသလို လုပ်နိုင်ခွင့်တွေလည်း ကွာသွားပါပြီ။ ရှေ့ဆက် နိုင်ငံအတွက် ပိုမိုကောင်းမွန်တဲ့ အခွင့်အလမ်းတွေအတွက် လမ်းကြောင်းအစလို့ မြင်မိပါတယ် ။
(ပိုင်စိုး) | 3 529 |
| 18 | သမ္မတတစ်ဦးရဲ့ ပထမဆုံးတရားဝင်ချစ်ကြည်ရေးခရီးစဉ်
---------------------------
(၃၀-၅-၂၀၂၆)
ဒီကနေ့ မေလ (၃၀) ရက်နေ့မှာ အိန္ဒိယနိုင်ငံဝန်ကြီးချုပ်ရဲ့ ဖိတ်ခေါ်မှုအရ နိုင်ငံတော် သမ္မတ ဦးမင်းအောင်လှိုင်နဲ့ အစိုးရအဖွဲ့ဝင်တွေ တရားဝင် ချစ်ကြည်ရေးခရီးစဉ်စတင်ပါတယ်။ ပြည်ပြေးတွေ ဘယ်လိုကန့်ကွက်ပါတယ် ပြောပြော သွားတဲ့လူက သွားပါပြီ။
ဒါဟာ ၂၀၂၅ ရွေးကောက်ပွဲကနေ ဖြစ်ပေါ်လာတဲ့ မြန်မာ့အစိုးရအသစ်ကို အိန္ဒိယအစိုးရက တရားဝင်လက်ခံကြောင်း ကမ္ဘာကို ကြေငြာလိုက်တာနဲ့ အတူတူပါပဲ။ ပဋိညာဉ်စာတမ်းကို ဖောက်ဖျက်ပြီး သူတို့ အသိအမှတ်ပြုမှ ရလိမ့်မယ်လို့ ကိုယ့်ကိုယ်ကို အဟုတ်ကြီးထင်နေကြတဲ့ အာဆီယံနိုင်ငံတွေအတွက်တော့ မျက်နှာဖျက်ရိုက်လိုက်သလို ဖြစ်နေမှာပါ။
ဒီနေရာမှာ သမ္မတကြီးရဲ့ ပထမဆုံးနိုင်ငံခြားခရီးစဉ်အနေနဲ့ ကိုယ့်အစိုးရရဲ့ မိတ်ဖက်အရင်းတွေဖြစ်တဲ့ ရုရှားနဲ့ တရုတ်တို့မဟုတ်ပဲ အိန္ဒိယဝန်ကြီးချုပ် မိုဒီက အရင်ဖိတ်ခေါ်ခဲ့ခြင်းဟာ အစိုးရအသစ်အတွက် ပိုပြီး မျက်နှာပန်းလှစေတယ်လို့ မြင်မိတယ်။ ဒါဟာ မြန်မာနိုင်ငံရဲ့ ဘက်မလိုက်နိုင်ငံခြားရေးမူဝါဒကို ပိုပေါ်လွင်စေပြီး မီဒီယာတွေမှာ ပုံဖော်နေတဲ့ တရုတ်/ရုရှားလက်ဝေခံဆိုတာကို ချေဖျက်ရာလည်း ရောက်ပါတယ်။
အိန္ဒိယနဲ့ မြန်မာဟာ ၂၀၂၁ ပြီးနောက်ပိုင်းမှာလည်း ကုန်သွယ်ရေးတွေ၊ ရင်းနှီးမြှုပ်နှံရေးတွေ ဆက်လက်လုပ်ဆောင်ခဲ့ကြပေမယ့် အခုတစ်ခေါက်မှာတော့ ပိုပြီး အရေးကြီးတဲ့ ကျပ်-ရူပီး ငွေကြေးစနစ်တွေ၊ ကုလားတန်စီမံကိန်းနဲ့ အိန္ဒိယ-မြန်မာ- ထိုင်း လမ်းမအကြောင်းတွေ ပိုပြီးအကောင်အထည်ဖော်ဖို့ ညှိနှိုင်းခဲ့လိမ့်မယ်လို့ မြင်မိတယ်။
အာဆီယံနိုင်ငံတွေ မြန်မာကို မရှုစိမ့်တာဟာ နိုင်ငံရဲ့ ပထဝီအနေအထားအပြင် အခုလို နိုင်ငံကြီးတွေရဲ့ အရေးပေးမှုတွေကြောင့်လည်း ပါမယ်ထင်ပါရဲ့။ မြန်မာနိုင်ငံရဲ့ တည်ရှိနေတဲ့ ပထဝီအနေအထားအရ ကုန်သွယ်ရေးအချက်အချာဇုန်တစ်ခု ဖြစ်နေတာက ကောင်းကျိုးရော ဆိုးကျိုးရော ဖြစ်နေတာပေါ့။
ကိုယ့်နိုင်ငံသာ အေးချမ်းတည်ငြိမ်မယ်ဆိုရင် အိန္ဒိယ-မြန်မာ-ထိုင်း လမ်းကြောင်းစီမံကိန်း၊ တရုတ်ရဲ့ ပိုးလမ်းမစီမံကိန်း၊ ထားဝယ်ရေနက်ဆိပ်ကမ်း စီမံကိန်း စတာတွေနဲ့ မြန်မာနိုင်ငံဟာ ကုန်းကြောင်း၊ ရေကြောင်း ကုန်စည်စီးဆင်းရာ အဓိကဗဟိုချက် ဖြစ်နေပြီး ဘယ်လောက်စည်ပင်ဝေဆာနေလိုက်မလဲ တွက်ကြည့်လို့ ရပါတယ်။
ကိုယ့်နိုင်ငံမှာက ရေခံမြေခံအားလုံးရှိပြီးသား၊ ဖြစ်အောင်လုပ်မယ့် ခေါင်းဆောင် တစ်ယောက်ပဲလိုတာပါ။ ဒီလောက်တိုက်ခိုက်နေကြတဲ့ကြားက ဒီအဆင့် ဒီခြေလှမ်းအထိ ရောက်လာခဲ့ပြီမို့ အခု အစိုးရသစ်ကိုလည်း အများကြီးမျှော်လင့်ထားပါတယ်။
လေလည်ရင်တောင် စာဖွဲ့ပြီး အပြစ်တင်ခံနေရတဲ့ အစိုးရအဖွဲ့အတွက် မြေစမ်းခရမ်းပျိုးရတာ လွယ်တော့မလွယ်ပါဘူး။ ဒါပေမယ့် ဖြည်းဖြည်းနဲ့ မှန်မှန် သွားနေရင်တော့ တစ်ချိန်ချိန် ရှေ့ကိုရောက်လာမှာပါ။ NUG လို ကန့်လန့်သွားနေတာမှ မဟုတ်တာ။
သမ္မတက နိုင်ငံတကာ တရားဝင်ခရီးစဉ်တွေ သွားဖို့ ပြင်ဆင်နေချိန်မှာ တလရအဖွဲ့တွေက သီချင်းတစ်ပုဒ်နဲ့ တိုင်ပတ်နေကြတာ ကြည့်တတ်မယ်ဆိုရင် လယ်ဗယ်ဘယ်လောက် ကွာသွားလဲဆိုတာ မြင်နိုင်ပါတယ်။
(ပိုင်စိုး) | 3 033 |
| 19 |  သမ္မတတစ်ဦးရဲ့ ပထမဆုံးတရားဝင်ချစ်ကြည်ရေးခရီးစဉ် (ပိုင်စိုး) | 2 233 |
| 20 |  ဒါကြီးဘာကြီးလဲ
ဪ...
ကိုယ့်နိုင်ငံကို နိုင်ငံခြားသားတွေ ဝင်ပြီးစစ်ဆင်ရေးလုပ်နေတဲ့ကိစ္စကို နာရကောင်းမှန်းမသိ အားပေးနေတဲ့လူတွေကိုလည်း အံ့ဩမိပါတယ်။
ကရင်နဲ့ကယားကြားမှာ လူမျိုးခြား အကြမ်းဖက်သမားတွေရှိသလိုပဲ ချင်းအကြမ်းဖက်အဖွဲ့တွေနဲ့ အဆက်အဆံရှိတဲ့ နိုင်ငံခြားသားတွေကို အိန္ဒိယဘက်မှာ ဖမ်းမိတဲ့သတင်းတွေ ဟိုးတလောကမှ တက်လာသေးတယ်။
အခုတော့ ခေတ်သစ်ကျေးဇူးနဲ့ ကိုယ့်နိုင်ငံရေးမှာ ဒီလူမျိုးခြားအကြမ်းဖက်တွေရဲ့ စနက်တွေအကြောင်း တရားဝင်သိလိုက်ကြရပါပြီ။
ဆီးရီးယားမှာ မီးရှို့တာ အားမရလို့ မြန်မာအထိ မီးလာမွှေးပေးနေတဲ့လူတွေကို စေတနာ့ဝန်ထမ်းဆိုပဲ....
အဲ့ဒီစေတနာ့ဝန်ထမ်းတွေကြောင့် ဆီးရီးယားကြီး အရမ်းတိုးတက်ပြီး လွတ်လပ်ရေးတွေရကုန်လို့မျိုး ဒီလိုလူမျိုးတွေကို ဝမ်းပန်းတသာ ကြိုဆိုနေကြတာများလားကွယ်။
စစ်ဖြစ်နေသည်ဖြစ်စေ မဖြစ်နေသည်ဖြစ်စေ လက်ရှိအစိုးရသက်တမ်းကနောက် ၅ နှစ်ပါပဲ။ နောက်အစိုးရပြောင်းချိန်ရောက်တောင် တလရ မအောင်မြင်မယ့်အတူတူ တစ်နိုင်ငံလုံး စစ်မဖြစ်စေချင်တော့ဘူး။
အေးလေ. ကိုယ့်နိုင်ငံသား၊ကိုယ့်မြို့ကိုယ့်ရွာမှ မဟုတ်တာ ဘယ်ကိုယ်ချင်းစာတတ်ပါ့မလဲ။ ဒီနိုင်ငံမှာ စစ်မီးကြာရှည်နေမှ သူတို့အတွက် စရိတ်တွေရမှာကိုး။
(ပိုင်စိုး) | 3 679 |
