BurmaTV Pro

Amazing! He never stops for new records. ONE of the GOATs.

The Greatest footballer in the world! NO MORE ONE.

ချစ်ခင်ရပါသော မိတ်ဆွေညီကိုများခင်ဗျာ - သတိပေးချက် (Disclaimer) လက်ရှိတွင် Website ပြင်ပ၌ အကောင့်တု၊ လိပ်စာတုများစွာ ရှိနေပါတယ်။ ❌ Telegram Channel တွင်ပေါ်နေသော (Ads) ကြော်ငြာများ မှတစ်ဆင့် အခြားသော App များ / Website များ / တုပထားသော အကောင့်များ နှင့် ဆက်သွယ်မိ၍ နစ်နာဆုံးရှုံးမှုများ ဖြစ်ပေါ်လာပါက ကျွန်တော်တို့ဘက်မှ တာဝန်ယူဖြေရှင်းပေးနိုင်မည် မဟုတ်ကြောင်း ကြိုတင်အသိပေး အကြောင်းကြားအပ်ပါတယ်ခင်ဗျာ။ ကျွန်တော်တို့ရဲ့ ဝန်ဆောင်မှုများကို စိတ်ချယုံကြည်စွာ အသုံးပြုနိုင်ရန်အတွက် အောက်ပါအချက်အလက်များကို အထူးသတိပြုစေလိုပါတယ်။ (၁) အခြားအပလီကေးရှင်းများနှင့် သက်ဆိုင်ခြင်းမရှိခြင်း: ကျွန်တော်တို့ရဲ့ App မဟုတ်သော အခြားပြင်ပ App များနှင့် ပတ်သက်၍ ဖြစ်ပေါ်လာသည့် မည်သည့်ကိစ္စရပ်များကိုမဆို ကျွန်‌တော်တို့အနေဖြင့် တာဝန်ယူ ဖြေရှင်းဆောင်ရွက်ပေးမည် မဟုတ်ပါခင်ဗျာ။ (၂) Website မှ ဆက်သွယ်ရန်လိုင်းများသာ အသုံးပြုရန်: ကျွန်တော်တို့ရဲ့ Website တွင် ဖော်ပြထားသော Telegram နှင့် Messenger လိပ်စာများမှတစ်ဆင့်သာ ဆက်သွယ်ဆောင်ရွက်ပေးပါရန် မေတ္တာရပ်ခံအပ်ပါတယ်။ 👉 📱🖥💻 App အသစ်မှာ Premium Package စနစ်နဲ့ တောက်လျှောက် Run သွားမှာဖြစ်ပြီး စျေးနှုန်းနဲ့ အကျိုးခံစားခွင့်တွေကိုတော့ အောက်ပါအတိုင်း သတ်မှတ်ထားပါတယ်ခင်ဗျာ။ ၁ လ ➔ ၅,၀၀၀ ကျပ် (3 Devices) ၃ လ ➔ ၁၅,၀၀၀ ကျပ် (3 Devices) [+၃၀ ရက် အပိုလက်ဆောင်] ၆ လ ➔ ၂၅,၀၀၀ ကျပ် (3 Devices) [+၄၅ ရက် အပိုလက်ဆောင်] ၁ နှစ် ➔ ၄၅,၀၀၀ ကျပ် (4 Devices) [+၆၀ ရက် အပိုလက်ဆောင်] ကြည့်ရှုနိုင်မည့် Device များ - Android Phone/TV, Windows နဲ့ Mac OS တွေမှာ အဆင်ပြေပြေ အသုံးပြုနိုင်ပါတယ်။ 👉 Website Link - https://burmatvpro.com/ 👉 Telegram Link - @burmatvprov2

Comment ပိတ်ပါတော့မယ်ဗျ Comment ညီကိုမောင်နှမတွေကို Target ထားပြီးလိုက်လိမ်နေလို့ပါ ခင်ဗျာ

လူလိမ် Kpay နံမည်ပါဗျ

http://t.me/burmatvprov2 ဒီ တယ်လီဂရမ် link ကနေပဲ ဆက်သွယ်ပေးကြပါခင်ဗျာ။ ဒါကပဲ ကျွန်တော်တို့ရဲ့ official ပါ။ အကောင့်တုများစွာရှိနေလို့ သတိထားပေးကြပါဗျ။ ဒီကနေပဲ ဆက်သွယ်ပေးကြပါ။

'လေးစားစွာဖြင့် အသိပေးပန်ကြားချက်' ကျွန်တော်တို့၏ App အား အစဉ်တစိုက် အားပေးလာခဲ့ကြသည့် မိတ်ဆွေညီကိုများအားလုံးကို ရှေးဦးစွာ ကျေးဇူးအထူးတင်ရှိအပ်ပါသည်။ ယခုအခါ ပိုမိုကောင်းမွန်ပြီး အဆင့်မြင့်သည့် ဝန်ဆောင်မှုများကို ပေးစွမ်းနိုင်ရန်အတွက် ကျွန်တော်တို့၏ App အဟောင်းအား လာမည့် ၁၂.၆.၂၀၂၆ (သောကြာနေ့) တွင် အပြီးသတ် ရပ်နားသွားမည် ဖြစ်ပါသည်။ ထို့ကြောင့် ယနေ့မှစတင်ကာ ပိုမိုစုံလင်ဆန်းသစ်ပြီး တည်ငြိမ်မှုအပြည့်ရှိမည့် App အသစ် ကို စတင်ဖြန့်ချိလိုက်ပြီ ဖြစ်ကြောင်း သတင်းကောင်းပါးအပ်ပါသည်။ နောင်တွင် ဝန်ဆောင်မှုအားလုံးကို ယခု App အသစ်တစ်ခုတည်းတွင်သာ Premium Package များဖြင့် ဆက်လက်လည်ပတ် ပြသသွားမည် ဖြစ်ပါသည်။ လူကြီးမင်းတို့ စိတ်ကြိုက်ရွေးချယ်နိုင်မည့် Premium Pricing Plans များမှာ အောက်ပါအတိုင်း ဖြစ်ပါသည် - * 1 Month - ၅,၀၀၀ ကျပ်၊ 3 Devices * 3 Months - ၁၅,၀၀၀ ကျပ်၊ 3 Devices (+ ၃၀ ရက် အပိုလက်ဆောင်) * 6 Months - ၂၅,၀၀၀ ကျပ်၊ 3 Devices (+ ၄၅ ရက် အပိုလက်ဆောင်) * 1 Year - ၄၅,၀၀၀ ကျပ်၊ 4 Devices (+ ၆၀ ရက် အပိုလက်ဆောင်) စိတ်ကြိုက်အသုံးပြုနိုင်မည့် Platform များ - ကျွန်တော်တို့၏ App အသစ်ကို Android TV / Phone ၊ Windows နှင့် MacOS Device များအားလုံးတွင် စိတ်တိုင်းကျ ထည့်သွင်းအသုံးပြုနိုင်ပါသည်။ 🌐 App အသစ် ရယူရန် Website Link: https://burmatvpro.com/ App အသစ်နှင့် ပတ်သက်၍ အောက်ပါ တယ်လီဂရမ်မှတစ်ဆင့် ဆက်သွယ်မေးမြန်းစုံစမ်းနိုင်ပါသည် - t.me/burmatvprov2

သို့သော်လည်း လက်ရှိ ၂၀၂၆ ကမ္ဘာ့ဖလားမှာတော့ စပိန်အသင်းဟာ ကမ္ဘာ့လောင်း-ကစားဒိုင်တွေရဲ့ Predictions Market မှာ +450 odds နဲ့ ပြိုင်ပွဲရဲ့ အကြီးမားဆုံး အကြိုက်ဆုံးအသင်းအဖြစ် ထိပ်ဆုံးက ရပ်တည်နေပြီး ပြင်သစ်၊ အင်္ဂလန်နဲ့ ဘရာဇီးလ်တို့ကို ကျော်လွန်ကာ လောင်း-ကြေး-ပမာဏ အများဆုံး စီးဆင်းရာအသင်း ဖြစ်နေပါတယ်။ စပိန်ဟာ အုပ်စု (H) မှာ ကိပ်ဗာဒီ၊ ဆော်ဒီအာရေဗျ၊ ဥရုဂွေးတို့နဲ့ ကျရောက်နေပြီး ဇွန်လ ၁၅ ရက်နေ့မှာ ကိပ်ဗာဒီနဲ့ စတင်ကစားမှာ ဖြစ်ပါတယ်။ နည်းပြ ဒီလာဖွန်တေးကတော့ "ဒဏ်ရာတွေ ထပ်မကြီးထွားလာဘူးဆိုရင် ဇွန် ၁၅ ဖွင့်ပွဲမှာ ကစားသမား အားလုံးနီးပါး အဆင်သင့်ဖြစ်မှာပါ" လို့ ယုံကြည်ချက်အပြည့်နဲ့ ဆိုထားပါတယ်။ ဇွန်လ ၈ ရက်နေ့ ပီရူးနဲ့ နောက်ဆုံးခြေစမ်းပွဲအပြီးမှာ အသင်းရဲ့ အချိတ်အဆက်က ပိုမိုကျစ်လစ်လာမှာပါ။ ယာမားလ်နဲ့ နီကို ဝီလျံစ်တို့သာ ကမ္ဘာ့ဖလား အဖွင့်ပွဲတွေမှာ ရာနှုန်းပြည့် ကြံ့ခိုင်မှု ပြန်ရလာမယ်ဆိုရင် ယူရို ၂၀၂၄ ရဲ့ ချန်ပီယံ DNA ကို ပိုင်ဆိုင်ထားတဲ့ စပိန်အသင်းဟာ ပြီးခဲ့တဲ့ ဆယ်စုနှစ်တစ်ခုစာ ကမ္ဘာ့ဖလား ကျရှုံးမှုတွေကို အကောင်းဆုံး ကလဲ့စားချေပြီး ဆီမီးဖိုင်နယ်၊ ဗိုလ်လုပွဲအဆင့်တွေအထိ ချိုးဖောက်ကာ ၎င်းတို့ရဲ့ ဒုတိယမြောက် ရွှေဖလားကြီးကို ကမ္ဘာ့ကောင်းကင်ယံထက် မြှောက်ကိုင်ပြသွားနိုင်မလားဆိုတာ တစ်ကမ္ဘာလုံးက စိတ်လှုပ်ရှားစွာ စောင့်ကြည့်ရတော့မှာ ဖြစ်ပါတယ်။

လာရိုဟားတို့ရဲ့ ရွှေရောင်ဆင်မြန်းမယ့်လမ်း ကမ္ဘာ့ဖလားပြိုင်ပွဲ စတင်ဖို့ ရက်ပိုင်းအလိုမှာပဲ ကမ္ဘာ့ဖလားကို ဒုတိယအကြိမ်မြောက် သိမ်းပိုက်ဖို့ ခြေစွမ်းအကောင်းဆုံး ဖြစ်နေတဲ့ စပိန်အသင်းရဲ့ နောက်ဆုံးလူ ၂၆ ဦးစာရင်းကို နည်းပြ လူးဝစ် ဒီလာဖွန်တေးက မေလ ၂၅ ရက်နေ့မှာ တရားဝင် ထုတ်ပြန်ကြေညာခဲ့ပြီးပါပြီ။ လက်ရှိ ယူရို ၂၀၂၄ ချန်ပီယံ စပိန်အသင်းဟာ ဖီဖာရဲ့ ကမ္ဘာ့အဆင့်သတ်မှတ်ချက်တွေမှာ အမှတ်အများဆုံးနဲ့ ထိပ်ဆုံးက ရပ်တည်နေပြီး ဗိုလ်စွဲဖို့ ရေပန်းအစားဆုံး Favorite အဖြစ် သတ်မှတ်ခံထားရပါတယ်။ ဒါပေမဲ့ ဒီတစ်ကြိမ် ကြေညာချက်မှာတော့ စပိန်ဘောလုံးသမိုင်းတစ်လျှောက် ဘယ်တုန်းကမှ မရှိခဲ့ဖူးတဲ့ ထူးဆန်းလွန်းတဲ့ သမိုင်းမှတ်တိုင်တစ်ခု ပါဝင်လာခဲ့သလို၊ အသင်းရဲ့ အဓိက အသက်သွင်းဝင်ရိုးတွေမှာ ဒဏ်ရာမုန်တိုင်းတွေ တိုက်ခတ်နေတာကြောင့် ပရိသတ်တွေကြား ရင်တမမ စိုးရိမ်မှုတွေလည်း ဒွန်တွဲနေပါတယ်။ ဒီတစ်ကြိမ် စပိန်အသင်းရဲ့ လူစာရင်းမှာ အကြီးမားဆုံး သမိုင်းဝင်ဖြစ်ရပ်ကတော့ ကမ္ဘာ့ဖလားသမိုင်းတစ်လျှောက် ပထမဆုံးအကြိမ်အဖြစ် ရီးရဲလ်မက်ဒရစ် ကစားသမားတစ်ဦးမျှ ပါဝင်လာခြင်း မရှိတာပါပဲ။ ဒင်း ဟာဆန်နဲ့ ကာရီးယက်စ်တို့ ချန်လှပ်ခံခဲ့ရသလို၊ ပြီးခဲ့တဲ့ ယူရိုပြိုင်ပွဲတုန်းက တိုက်စစ်ကို ဦးဆောင်ခဲ့တဲ့ ဝါရင့်တိုက်စစ်မှူး မိုရာတာပါ နေရာပျောက်ခဲ့ပါတယ်။ ဒါပေမဲ့ ဒီစုဖွဲ့မှုရဲ့ Squad Depth ကတော့ တကယ့်ကို ကြောက်ခမန်းလိန်းပါပဲ။ ဂိုးသမားနေရာမှာ ဘီလ်ဘာအိုရဲ့ အူနိုင်း ဆီမွန်၊ အာဆင်နယ်ရဲ့ ဒေးဗစ် ရာယာနဲ့ ဘာစီလိုနာရဲ့ ဂျိုအန် ဂါစီယာတို့ ပါဝင်လာလို့ ကမ္ဘာ့ဖလားပြိုင်ပွဲရဲ့ အကောင်းဆုံး ဂိုးသမားအစုအဖွဲ့လို့ သတ်မှတ်နိုင်ပါတယ်။ ခံစစ်ပိုင်းမှာ ချဲလ်ဆီးရဲ့ မာ့ခ် ကူကူရီလာ၊ လေဗာကူဆင်ရဲ့ အလက်ဟန်ဒရို ဂရီမဲလ်ဒို၊ ဘာစီလိုနာရဲ့ အဲရစ် ဂါစီယာနဲ့ လူငယ်ကျောက်ဆောင် ကူဘာစီ၊ ဘီလ်ဘာအိုရဲ့ အိုက်မရစ် လာပေါ့တ်တို့နဲ့အတူ အက်သလက်တီကို မက်ဒရစ်ရဲ့ မာ့ခ် ပူဘေးလ်၊ မားကော့စ် လိုရန်တေးနဲ့ စပါးရဲ့ ပက်ဒရို ပေါ်ရိုတို့ ပါဝင်လာပါတယ်။ ပူဘေးလ်နဲ့ အဲရစ် ဂါစီယာတို့ ပါဝင်လာမှုအပေါ် ပရိသတ်အချို့က မကျေနပ်မှုတွေ ရှိခဲ့ပေမဲ့ နည်းပြ ဒီလာဖွန်တေးကတော့ သူတို့ဟာ ရာသီတစ်ခုလုံး အဆင့်မြင့်ခြေစွမ်းပြခဲ့သူတွေဖြစ်ကြောင်း ပြောဆိုခဲ့ပါတယ်။ ကွင်းလယ်ပိုင်းကတော့ အနက်ရှိုင်းဆုံးနဲ့ အရည်အသွေးအမြင့်မားဆုံးလို့ ညွှန်းဆိုရမှာပါ။ ဘာစီလိုနာရဲ့ ပက်ဒရီ၊ ဂါဗီ၊ ပီအက်စ်ဂျီရဲ့ ဖာဘီယန် ရုဇ်၊ မန်စီးတီးရဲ့ ရိုဒရီတို့နဲ့အတူ အာဆင်နယ်ရဲ့ မာတင် ဇူဘီမန်ဒီ၊ မီကယ် မီရီနိုနဲ့ အက်သလက်တီကို မက်ဒရစ်ရဲ့ အဲလက်စ် ဘာအေနာတို့ ပါဝင်လာပါတယ်။ အထူးသဖြင့် ပြင်းထန်တဲ့ ဒဏ်ရာကြောင့် ကာလရှည်အနားယူခဲ့ရတဲ့ ဂါဗီ ပြန်လည်ပါဝင်လာမှုအပေါ် နည်းပြ ဒီလာဖွန်တေးက "သူဟာ အသင်းတစ်ခုလုံးရဲ့ နှလုံးသားပါပဲ" လို့ ဆိုရင်း ခံစားချက်အပြည့်နဲ့ ပြောဆိုခဲ့သလို၊ လူငယ်ကြယ်ပွင့် လာမင်း ယာမားလ်ရဲ့ ဗီဒီယိုဖိုင်ထဲမှာလည်း ဂါဗီတစ်ယောက် ဝမ်းသာလွန်းလို့ ငိုကြွေးခဲ့ရတဲ့အထိ အသင်းရဲ့ စိတ်ဓာတ်ပိုင်းဆိုင်ရာ စုစည်းမှု Team Chemistry က အကောင်းဆုံး အနေအထားမှာ ရှိနေပါတယ်။ တိုက်စစ်ပိုင်းမှာတော့ ဘာစီလိုနာရဲ့ လာမင်း ယာမားလ်၊ ဖာရန် တောရက်စ်၊ ဒန်နီ အိုလ်မိုတို့နဲ့အတူ ဘီလ်ဘာအိုရဲ့ နီကို ဝီလျံစ်၊ ဆိုစီဒက်ရဲ့ မီကယ် အိုယာဇာဘယ်၊ ခရစ္စတယ်ပဲလေ့စ်ရဲ့ ယာရီမီ ပီနို၊ ဆယ်လ်တာဗီဂိုရဲ့ ဘိုဟာ အစ်ဂလက်စီးယပ်စ်နဲ့ အိုဆာဆူနာရဲ့ ဗစ်တာ မူညိုးဇ်တို့ ပါဝင်လာပါတယ်။ စပိန်အသင်းဟာ မကြာသေးမီက ဂျော်ဂျီယာကို ၄-၀ နဲ့ ဖြိုခွဲပြီးနောက် ရှုံးပွဲမရှိစံချိန်ကို ၂၅ ပွဲကျော်အထိ ဆက်တိုက်ဆွဲဆန့်ကာ ဗီဆန်းတေး ဒဲလ်ဘော့စကေးခေတ်က ၂၉ ပွဲစံချိန်ကို လိုက်မှီဖို့ အရှိန်ကောင်းနေပါတယ်။ ဒါပေမဲ့ အဓိက ပြဿနာကတော့ ဧပြီလကတည်းက ဒဏ်ရာ ရခဲ့တဲ့ ယာမားလ်နဲ့ နီကို ဝီလျံစ်၊ ပက်ဒရီတို့ရဲ့ ကျန်းမာရေး အခြေအနေပါပဲ။ ပြီးခဲ့တဲ့ အီရတ်နဲ့ ခြေစမ်းပွဲမှာ သူတို့မပါဝင်နိုင်ခဲ့ဘဲ ၁-၁ သရေကျခဲ့စဉ်က တိုက်စစ်ပိုင်း အခွင့်အရေး ဖန်တီးနိုင်မှု ကင်းမဲ့ခဲ့တာကြောင့် ဒီလူငယ်တောင်ပံနှစ်ဖက်ရဲ့ ကွင်းတွင်းသက်ရောက်မှုဟာ စပိန်အတွက် ဘယ်လောက်အရေးပါကြောင်း သက်သေပြနေပါတယ်။ စပိန်အသင်းရဲ့ ကမ္ဘာ့ဖလား သမိုင်းမှာ ဒွန်တွဲနေတဲ့ သင်ခန်းစာတွေ ရှိခဲ့ပါတယ်။ ၂၀၁၀ တုန်းက အင်နီယေစတာရဲ့ သမိုင်းဝင် သွင်းဂိုးနဲ့အတူ ဥရောပတိုက်ပြင်ပမှာ ပထမဆုံးအကြိမ် ကမ္ဘာ့ဖလားကို သိမ်းပိုက်နိုင်ခဲ့ပေမဲ့ ၂၀၁၄ မှာတော့ ဘာစီလိုနာ-ရီးရဲလ် ကျောရိုး ပျက်ပြယ်မှုနဲ့အတူ အုပ်စုအဆင့်ကတင် အရှက်တကွဲ ထွက်ခဲ့ရပါတယ်။ အဲဒီနောက်ပိုင်း ၂၀၁၈ နဲ့ ၂၀၂၂ ကာတာကမ္ဘာ့ဖလားတွေမှာလည်း မော်ရိုကိုလို အသင်းတွေကို ပင်နယ်တီနဲ့ ရှုံးပြီး ၁၆ သင်းအဆင့်ကနေပဲ ဆက်တိုက် လမ်းခွဲခဲ့ရတာကြောင့် စပိန်ပရိသတ်တွေအတွက်တော့ မချိတင်ကဲ အမည်းစက်တွေ ဖြစ်ခဲ့ပါတယ်။

ပေါ်တူဂီရဲ့ ကမ္ဘာ့ဖလား သမိုင်းကြောင်းကို ပြန်ကြည့်ရင် သူတို့ဟာ တစ်ကြိမ်မျှ ဆွတ်ခူးနိုင်ခဲ့ခြင်း မရှိသေးပါဘူး။ အခု ၂၀၂၆ ဟာ ပေါ်တူဂီအတွက် ၉ ကြိမ်မြောက် ကမ္ဘာ့ဖလားဖြစ်ပြီး သူတို့ရဲ့ အကောင်းဆုံးမော်ကွန်းက ၁၉၆၆ တုန်းက သမိုင်းဝင် တိုက်စစ်မှူးကြီး ယူဆီဘီယို ရဲ့ ရွှေခေတ်ဖြစ်ခဲ့ပြီး ၉ ဂိုးသွင်းကာ တတိယနေရာ ရရှိခဲ့တာပဲ ဖြစ်ပါတယ်။ အဲဒီနောက်ပိုင်း ၁၉၈၆ နဲ့ ၂၀၀၂ တွေမှာ အုပ်စုအဆင့်နဲ့တင် လမ်းခွဲခဲ့ရတဲ့ အမှောင်ခေတ်တွေ ရှိခဲ့ဖူးသလို၊ ၂၀၀၆ ဂျာမနီမှာတော့ ရော်နယ်ဒိုရဲ့ လူငယ်ခေတ်ဦး တောက်ပြောင်မှုနဲ့အတူ စတုတ္ထနေရာအထိ ရောက်ခဲ့ပါတယ်။ ပြီးခဲ့တဲ့ ၂၀၂၂ ကာတာမှာတော့ ကွာတားဖိုင်နယ်မှာ မော်ရိုကိုပွဲမှာ ၁-၀ နဲ့ အံ့ဩဖွယ် ရှုံးနိမ့်ပြီး မျက်ရည်နဲ့ နှုတ်ဆက်ခဲ့ရပါတယ်။ ဒီတစ်ကြိမ် ၂၀၂၆ ကမ္ဘာ့ဖလားမှာတော့ Opta စူပါကွန်ပျူတာရဲ့ ခန့်မှန်းချက်အရ ပေါ်တူဂီဟာ ချန်ပီယံဖြစ်ဖို့ ၇ ရာခိုင်နှုန်းနဲ့ ဗိုလ်လုပွဲတက်ဖို့ ၁၀ ရာခိုင်နှုန်းကျော် အခွင့်အရေးရှိလို့ ဥရောပရဲ့ ပဥ္စမမြောက် ရေပန်းအစားဆုံး အသင်းအဖြစ် သတ်မှတ်ခံထားရပါတယ်။ ပေါ်တူဂီဟာ အုပ်စု (K) မှာ ကွန်ဂို၊ ဥဇဘက်ကစ္စတန်၊ ကိုလံဘီယာတို့နဲ့ ကျရောက်နေတာကြောင့် အုပ်စုအဆင့် ဖြတ်ကျော်ဖို့ကတော့ မေးခွန်းထုတ်စရာ မလိုအောင် သေချာသလောက် ရှိနေပါတယ်။ ဘရူနို ဖာနန်ဒက်ဇ်၊ ဘာနာဒို ဆေးလ်ဗား၊ ဗီတင်ညာတို့ ဦးဆောင်တဲ့ ကွင်းလယ်ပိုင်းက ပြိုင်ပွဲရဲ့ အကောင်းဆုံး Technical Unit တစ်ခု ဖြစ်နေလို့ အသင်းရဲ့ အကြီးမားဆုံး အားသာချက်ပါ။ သို့သော်လည်း ပေါ်တူဂီအသင်းရဲ့ အဓိက အားနည်းချက်ကတော့ အရေးကြီးတဲ့ အလှည့်အပြောင်းတွေမှာ ကစားဟန် ပျောက်ဆုံးသွားတတ်ပြီး တစ်ခါတစ်ရံ ချန်ပီယံဆုကို စိန်ခေါ်နိုင်သူလို ပြတတ်ပေမဲ့ တစ်ခါတစ်ရံမှာတော့ ဟန်ပြအသင်းလို ဖြစ်သွားတတ်တာပါပဲ။ အဓိက သော့ချက်ကတော့ ရော်နယ်ဒို ဗဟိုပြုတဲ့ ကစားကွက်ကနေ အသင်းရဲ့ တိုက်စစ်စွမ်းရည်ကို ဘယ်လိုမျိုး ချိတ်ဆက်ပြီး အသွင်ကူးပြောင်းမလဲ ဆိုတာပါပဲ။ အသင်းရဲ့ လူအင်အားအရ အရည်အသွေးမြင့်မားလို့ ကွာတားဖိုင်နယ်အဆင့်ထိ ဖြတ်ကျော်နိုင်မှာဖို့များပြီး၊ အကယ်၍ ရော်နယ်ဒို factor နဲ့ အသင်းသားတွေကြား ကစားကွက် ချိတ်ဆက်မှုသာ ကောင်းမွန်သွားမယ်ဆိုရင်တော့ ပေါ်တူဂီအသင်းဟာ သမိုင်းတစ်လျှောက် ပထမဦးဆုံးအကြိမ် ကမ္ဘာ့ရွှေဖလားကြီးကို သိမ်းပိုက်ပြီး သူတို့ရဲ့ ကမ္ဘာ့ဖလား အိပ်မက်သစ်ကို ဆွတ်ခူးသွားနိုင်မလားဆိုတာ ရင်ခုန်စွာနဲ့ စောင့်ကြည့်ရတော့မှာ ဖြစ်ပါတယ်။ Aကေဇင်

'ပေါ်တူဂီ မျှော်လင့်ရပါသော ကမ္ဘာ့ဖလား' ကမ္ဘာ့ဖလားပြိုင်ပွဲကြီး စတင်ဖို့ လက်တစ်ကမ်းအလိုမှာပဲ နည်းပြ ရောဘတ်တို မာတီးနက်ဇ်ရဲ့ ပေါ်တူဂီအသင်းဟာ ပုံမှန် ၂၆ ဦးစာရင်းအပြင် နောက်ထပ် ကစားသမားတစ်ဦး ပိုမိုဖြည့်စွက်ပြီး စုစုပေါင်း ၂၇ ဦးနဲ့အတူ ကမ္ဘာ့ဖလားဆီ ဦးတည်ထွက်ခွာဖို့ ပြင်ဆင်နေပါတယ်။ ဒါပေမဲ့ ဖီဖာ (FIFA) ရဲ့ စည်းမျဉ်းဥပဒေအရ ပြိုင်ပွဲမှာ တရားဝင်မှတ်ပုံတင်ခွင့်ရမှာက ၂၆ ဦးသာ ဖြစ်လို့ နောက်ဆုံးအဆင့်မှာ လူပိုတစ်ယောက်ကို ပြန်လည်ဖြတ်တောက်ရမယ့် အခြေအနေလည်း ရှိနေပါတယ်။ ဘာပဲဖြစ်ဖြစ် ဒီတစ်ကြိမ် ပေါ်တူဂီရဲ့ စုဖွဲ့မှုက ချန်ပီယံ momentum အပြည့်နဲ့ ဥရောပရဲ့ ထိပ်သီးအင်အားစုကြီးအဖြစ် ရပ်တည်နေတာကတော့ ငြင်းလို့မရပါဘူး။ နည်းပြ မာတီးနက်ဇ် ရွေးချယ်ထားတဲ့ သွေးသစ်သွေးဟောင်း ပေါင်းစပ်ထားတဲ့ လူစာရင်းကို ကြည့်ရင် တော်တော်လေး စိတ်ဝင်စားဖို့ ကောင်းပါတယ်။ ဂိုးသမားနေရာမှာတော့ ပေါ်တိုရဲ့ ဒီယိုဂို ကော်စတာ၊ စပို့တင်း ရဲ့ ရူအီ ဆေးလ်ဗား၊ ဘာလီဂီရဲ့ ရီကာဒို ဗဲလ်ဟိုနဲ့ ဝုလ်ဗ်ရဲ့ ဟိုဆေး ဆာတို့ ပါဝင်လာပါတယ်။ ခံစစ်ပိုင်းမှာတော့ ယူနိုက်တက်ရဲ့ ဒါလော့၊ ဖီနာဘာချီရဲ့ နယ်လ်ဆင် ဆီမီဒို၊ ဘာစီလိုနာရဲ့ ကန်ဆယ်လို၊ ပီအက်စ်ဂျီရဲ့ နူနို မန်ဒက်စ်၊ စပို့တင်းရဲ့ ဂွန်ဆာလို အီနာစီယို၊ ဗီလာရီးရဲလ်ရဲ့ ရီနာတို ဗေဂါ၊ မန်စီးတီးရဲ့ ရူဘင် ဒီယက်စ်၊ မားသီးယပ်စ် နူနက်ဇ်နဲ့ ဘင်ဖီကာရဲ့ တိုမတ်စ် အာရူဂျိုတို့နဲ့ ကျောက်ဆောင်လို ခိုင်မာတဲ့ ခံစစ်တံတိုင်းကြီးကို တည်ဆောက်ထားပါတယ်။ ကွင်းလယ်ပိုင်းကတော့ ပေါ်တူဂီရဲ့ နည်းဗျူဟာမြောက် အကောင်းဆုံး တိုက်စစ်ဝင်ရိုးလို့ ပြောရပါမယ်။ အယ်လ်ဟီလယ်ရဲ့ ရုဘင် နီဗက်စ်၊ မာယော့ကာရဲ့ ဆင်မြူရယ် ကော်စတာတို့အပြင် ပီအက်စ်ဂျီရဲ့ ဂျာအို နာဗက်စ်၊ ဗီတင်ညာနဲ့အတူ မန်ချက်စတာ ယူနိုက်တက်ရဲ့ ဘရူနို ဖာနန်ဒက်ဇ်၊ မန်စီးတီးရဲ့ ဘာနာဒို ဆေးလ်ဗားတို့လို ကမ္ဘာ့အဆင့် ဖန်တီးရှင်တွေ ပါဝင်လာပါတယ်။ တိုက်စစ်ပိုင်းမှာတော့ အယ်လ်နက်ဆာရဲ့ ဂျာအို ဖီးလစ်၊ စပို့တင်းရဲ့ ဖရန်စစ္စကို ထရင်ကာအို၊ ဂျူဗင်တပ်စ်ရဲ့ ဖရန်စစ္စကို ကွန်ဆီဆာအို၊ ချဲလ်ဆီးရဲ့ ပက်ဒရို နက်တို၊ အေစီမီလန်ရဲ့ ရာဖေးလ် လီယာအို၊ ဆိုစီဒက်ရဲ့ ဂွန်ဆာလို ဂီဒက်စ်၊ ပီအက်စ်ဂျီရဲ့ ဂွန်ဆာလို ရာမို့စ်တို့နဲ့အတူ အသင်းရဲ့ အထက်မြက်ဆုံး သမိုင်းဝင် တိုက်စစ်မှူးကြီး ခရစ်စတီယာနို ရော်နယ်ဒိုက ဦးဆောင်လာမှာ ဖြစ်ပါတယ်။ ဒီလူစာရင်းရဲ့ အကြီးမားဆုံး ဒရာမာကတော့ အသက် ၄၁ နှစ်ရှိပြီဖြစ်တဲ့ ဝါရင့်တိုက်စစ်မှူးကြီး ရော်နယ်ဒိုကို အသင်းခေါင်းဆောင်အဖြစ် ဆက်လက်ခေါ်ယူခဲ့တာပါပဲ။ ရော်နယ်ဒိုဟာ အခုဆိုရင် ကမ္ဘာ့ဖလားသမိုင်းမှာ ၆ ကြိမ်မြောက် ကမ္ဘာ့ဖလားပြိုင်ပွဲကို ဆင်နွှဲတော့မှာဖြစ်ပြီး နိုင်ငံတကာသွင်းဂိုး ၁၄၃ ဂိုးနဲ့ ဘောလုံးလောကရဲ့ ဂိုးသွင်းအများဆုံး ဘုရင်အဖြစ် ရပ်တည်နေဆဲပါ။ ဒါပေမဲ့ သူ့ရဲ့ ပါဝင်မှုက အသင်းရဲ့ နည်းဗျူဟာ လိုက်လျောညီထွေရှိမှု (Tactical Flexibility) ကို ကန့်သတ်မလားဆိုပြီး ဝေဖန်သူတွေက မေးခွန်းထုတ်နေကြပါတယ်။ ဘောလုံးသုံးသပ်သူ တေလာ တွဲလ်မန်းကဆိုရင် "ရော်နယ်ဒိုမပါဘဲ ကစားရင် ပေါ်တူဂီဟာ ပိုကောင်းလိမ့်မယ်" လို့အထိ ပွင့်ပွင့်လင်းလင်း မှတ်ချက်ပြုခဲ့ပါတယ်။ သို့သော် ရော်နယ်ဒိုသာလျှင် ပေါ်တူဂီရဲ့ သွေးကြောလို့ လက်ခံထားကြသူများလဲ ဒုနဲ့ဒေး။ ဆိုတော့ ဖိအားတွေရော၊ အိပ်မက်တွေရောက ရော်နယ်ဒိုအပေါ်မှာ ကျရောက်နေပါတယ်။ ရော်နယ်ဒို ဘယ်လိုမျိုး၊ ဘယ်လောက်ထိ စွမ်းဆောင်ပြနိုင်မလဲက တော်တော်လေး စိတ်ဝင်စားစရာပါ။ ဒါ့အပြင် အသက် ၃၁ နှစ်အရွယ် ညာနောက်ခံလူ ဆီမီဒိုကို ခေါ်ယူခဲ့တာကလည်း ဝေဖန်စရာ ဖြစ်လာခဲ့ပါတယ်။ ဘာဖြစ်လို့လဲဆိုတော့ အသင်းမှာ ကန်ဆယ်လို၊ ဒါလော့နဲ့ နူနက်ဇ်တို့လို ညာနောက်ခံနေရာ ကစားနိုင်သူ ၄ ဦးအထိ များပြားနေပြီး၊ တစ်ဖက်မှာတော့ ကွင်းလယ်အဖျက်ကစားသမား ဂျာအို ပယ်လင်ညာကို ချန်လှပ်ထားခဲ့တာကြောင့် နည်းပြ မာတီးနက်ဇ်ရဲ့ လူရွေးချယ်မှုအပေါ် မေးခွန်းထုတ်စရာတွေ ဖြစ်လာခဲ့ပါတယ်။ အပြုသဘောဆောင်တဲ့ အချက်ကတော့ ဥရောပချန်ပီယံဆုကို ဆွတ်ခူးခဲ့တဲ့ ပီအက်စ်ဂျီရဲ့ ကစားသမား ၄ ဦး (ဗီတင်ညာ၊ ဂျာ နာဗက်စ်၊ နူနို မန်ဒက်စ်၊ ဂွန်ဆာလို ရာမို့စ်) ဟာ ဇွန်လ ၆ ရက်နေ့မှာ အသင်းနဲ့ လာရောက်ပူးပေါင်းမှာဖြစ်လို့ သူတို့ သယ်ဆောင်လာမယ့် ချန်ပီယံ Momentum က အသင်းအတွက် အကြီးမားဆုံး အားဆေး ဖြစ်လာမှာပါ။ ပေါ်တူဂီအသင်းရဲ့ လက်ရှိခြေစွမ်းပိုင်းက မကြာသေးမီ ၅ ပွဲမှာ ၂ နိုင်၊ ၂ သရေ၊ ၁ ရှုံး ရလဒ်နဲ့အတူ ဂိုး ၁၃ ဂိုးအထိ သွင်းယူထားနိုင်ခဲ့ပါတယ်။ အိုင်ယာလန်ကို ၂-၀ နဲ့ ရှုံးပြီး ဟန်ဂေရီနဲ့ ၂-၂ သရေကျခဲ့လို့ အနည်းငယ် ပုံစံပျက်ခဲ့ပေမဲ့ အာမေးနီးယားကို ၉-၁ ဆိုတဲ့ ရလဒ်နဲ့ ရက်ရက်စက်စက် တိုက်ကျွေးဖြိုခွဲပြီး ကမ္ဘာ့ဖလား ခြေစစ်ပွဲကို အောင်မြင်စွာ အဆုံးသတ်နိုင်ခဲ့ပါတယ်။ အခု လက်ရှိ ပြင်ဆင်မှုကာလမှာတော့ အိုအီရပ်စ်မြို့မှာ နည်းပြ မာတီးနက်ဇ်ရဲ့အောက်မှာ လေ့ကျင့်နေပြီး ဇွန်လ ၆ ရက်နေ့မှာတော့ အသင်းသားအားလုံး အပြည့်အဝ ပေါင်းစည်းတော့မှာ ဖြစ်ပါတယ်။

အာဂျင်တီးနားရဲ့ စုဖွဲ့မှုက လက်ရှိအချိန်မှာ Momentum အကောင်းဆုံး ဖြစ်နေပါတယ်။ သို့သော်လည်း ကမ္ဘာ့ဖလားသမိုင်းတစ်လျှောက်မှာ ဆက်တိုက်ချန်ပီယံ (Back to Back) ဖြစ်ခဲ့တဲ့မှတ်တမ်းက ၁၉၅၈ နဲ့ ၁၉၆၂ တုန်းက ဘရာဇီးလ်အသင်းတစ်သင်းပဲ ရှိခဲ့ဖူးတာကြောင့် ဒါဟာ အလွန်ခက်ခဲတဲ့ အိပ်မက်တစ်ခု ဖြစ်ပါတယ်။ လောင်းကစားဒိုင်တွေကလည်း လက်ရှိအချိန်မှာ စပိန်၊ ပြင်သစ်၊ အင်္ဂလန်တို့ရဲ့နောက် စတုတ္ထမြောက် ရေပန်းအစားဆုံးနေရာမှာပဲ အာဂျင်တီးနားကို ထားရှိပါတယ်။ ဒါပေမဲ့ ဖိအားတွေကို ကြံ့ကြံ့ခံပြီး အောင်ပွဲဆွတ်ခူးတတ်တဲ့ အာဂျင်တီးနားတို့ရဲ့ အတွေ့အကြုံအရ သူတို့ကို ဗိုလ်စွဲမယ့်စာရင်းကနေ ချန်လှပ်ထားရင်တော့ ကြီးမားတဲ့ အမှားတစ်ခု ဖြစ်သွားပါလိမ့်မယ်။ ဒဏ်ရာပြဿနာတွေ ရှိနေပေမဲ့ မက်ဆီ၊ အယ်လ်ဗာရက်ဇ်၊ မာတီနက်ဇ်၊ အန်ဇို၊ မက် အယ်လစ္စတာနဲ့ ရိုမီရိုတို့ရဲ့ အရည်အသွေးမြင့် ကစားကွက်တွေနဲ့အတူ အာဂျင်တီးနားအသင်းဟာ ဆီမီးဖိုင်နယ်ကနေ ဗိုလ်လုပွဲအထိ တက်ရောက်ပြီး သမိုင်းဝင် Back to Back အိပ်မက်ကြီးကို အသက်သွင်းသွားနိုင်မလားဆိုတာ ကမ္ဘာ့ပရိသတ်တွေ စိတ်လှုပ်ရှားစွာ စောင့်ကြည့်ရတော့မှာပဲ ဖြစ်ပါတယ်။ Aကေဇင်

'အာဂျင်တိုင်းနဲ့ back to back အိပ်မက်' ဘောလုံးကမ္ဘာရဲ့ အခမ်းနားဆုံး စင်မြင့်ဖြစ်တဲ့ ၂၀၂၆ ကမ္ဘာ့ဖလားကြီး နီးကပ်လာတာနဲ့အမျှ လက်ရှိချန်ပီယံ အာဂျင်တီးနားအသင်းနဲ့ ပတ်သက်ပြီးလည်း ပရိသတ်တွေကြား ရင်ခုန်သံ အမြင့်မားဆုံး ဖြစ်လာခဲ့ပါတယ်။ နည်းပြ လီယွန်နယ် စကာလိုနီဟာ ကာတာမြေပေါ်မှာ ဆွတ်ခူးခဲ့တဲ့ ရွှေဖလားကြီးကို ကာကွယ်ဖို့အတွက် နောက်ဆုံးလူ ၂၆ ဦးစာရင်းကို တရားဝင် ထုတ်ပြန်ကြေညာထားပါတယ်။ ဒီစုဖွဲ့မှုဟာ ကာတာ ၂၀၂၂ က ချန်ပီယံအရှိန်အဝါကိုတင် အခြေမခံပဲ အသင်းရဲ့ Continuity၊ ကစားသမား အချင်းချင်းကြား နားလည်မှုနဲ့ ကမ္ဘာ့ဖလားရဲ့ ကြီးမားတဲ့ ဖိအားကို ဘယ်လိုကိုင်တွယ်မလဲဆိုတဲ့ အချက်တွေအပေါ် အဓိကအခြေခံပြီး ရွေးချယ်ထားတာ တွေ့ရပါတယ်။ နည်းပြ စကာလိုနီ ရွေးချယ်လိုက်တဲ့ လူစာရင်းကို ကြည့်မယ်ဆိုရင် ဂိုးသမားနေရာမှာတော့ ဒီဘူ လို့ လူသိများတဲ့ အက်စတွန်ဗီလာရဲ့ မာတီနက်ဇ်၊ မာဆေးလ်ရဲ့ ဟီရိုနီမို ရူလီနဲ့ အက်သလက်တီကို မက်ဒရစ်ရဲ့ ဟွမ် မူဆိုတို့ ပါဝင်လာပါတယ်။ ခံစစ်တံတိုင်းမှာတော့ မာဆေးလ်ရဲ့ လီယိုနာဒို ဘာလာဒီ၊ ဖာကွန်ဒို မက်ဒီနာ၊ လိုင်ယွန်ရဲ့ နီကိုလပ်စ် တာဂလီယာဖီကို၊ ရေးဗားပလိတ်ရဲ့ ဂွန်ဇာလို မွန်တီရယ်၊ မန်ချက်စတာ ယူနိုက်တက်ရဲ့ လီဆန်ဒရို မာတီနက်ဇ်၊ တော်တင်ဟမ်ရဲ့ ခရစ္စတီယန် ရိုမီရို၊ ဘင်ဖီကာရဲ့ ဝါရင့်နောက်ခံလူ နီကိုလပ်စ် အိုတာမန်ဒီနဲ့ အက်သလက်တီကို မက်ဒရစ်ရဲ့ နာဟူရယ် မိုလီနာတို့ ပါဝင်လာပြီး ကာတာချန်ပီယံ ခံစစ်အူတိုင်ကို ပြန်လည်ထိန်းသိမ်းထားပါတယ်။ ကွင်းလယ်ပိုင်းမှာတော့ ဘိုကာဂျူနီယာရဲ့ လီယန်ဒရို ပါရီဒက်စ်၊ အင်တာမိုင်ယာမီရဲ့ ရိုဒရီဂို ဒီပေါလ်၊ စထရာဘိုးဂ်ရဲ့ ဗလန်တိုင်း ဘာကို၊ ရီးရဲလ်ဘက်တစ်ရဲ့ ဂျီယိုဗာနီ လို ဆယ်လ်ဆို၊ လေဗာကူဆင်ရဲ့ အက်ဆီကီရယ် ပါလာစီယို့စ်တို့နဲ့အတူ အသင်းရဲ့ အဓိက မောင်းနှင်အားတွေဖြစ်တဲ့ လီဗာပူးလ်ရဲ့ အလက်ဆစ် မက် အယ်လစ္စတာနဲ့ ချဲလ်ဆီးရဲ့ အန်ဇို ဖာနန်ဒက်ဇ်တို့က အင်အားဖြည့်ပေးထားပါတယ်။ တိုက်စစ်ပိုင်းကတော့ အမြဲတမ်း စိတ်လှုပ်ရှားစရာပါ။ အသင်းခေါင်းဆောင် လီယွန်နယ် မက်ဆီနဲ့အတူ အင်တာမီလန်ရဲ့ လော်တာရို မာတီနက်ဇ်၊ အက်သလက်တီကို မက်ဒရစ်ရဲ့ ဟူလီယန် အယ်လ်ဗာရက်ဇ်၊ နီကို ဂွန်ဇာလတ်ဇ်၊ သီယာဂို အယ်လ်မာဒါ၊ ဂျူလီယာနို ဆီမီယွန်နီ၊ ကိုမိုရဲ့ နီကို ပက်ဇ်နဲ့ ပါးမီးရက်စ်ရဲ့ ဟွမ် မန်နျူရယ် လိုပက်ဇ်တို့ ပါဝင်လာပါတယ်။ ဒီလူစာရင်းရဲ့ အဓိက ဒရာမာနဲ့ အပြောင်းအလဲကတော့ ဝါရင့်နောက်ခံလူ မားကို့စ် အာကူညာနဲ့ ရီးရဲလ်မက်ဒရစ်ရဲ့ လူငယ်ကြယ်ပွင့် ဖရန်ကို မာစတန်တွာနိုတို့ ချန်လှပ်ခံခဲ့ရတာပါပဲ။ ဒါ့အပြင် အက်စတွန်ဗီလာရဲ့ ဘီယန်ဒီယာ၊ လူငယ်ကြယ်ပွင့် ပရက်စတီယာနီနဲ့ အာလေဟန်ဒရို ဂါနာချိုတို့ မပါဝင်လာတာကလည်း ပရိသတ်တွေကြား ငြင်းခုံစရာအချို့ ဖြစ်စေခဲ့ပါတယ်။ တစ်ဖက်မှာတော့ စီးရီးအေမှာ တောက်ပနေတဲ့ နီကို ပက်ဇ်နဲ့ ကမ္ဘာ့ဖလားကို ပထမဆုံးအကြိမ် ဆင်နွှဲခွင့်ရမယ့် ဗလန်တိုင်း ဘာကိုတို့လို သွေးသစ်လောင်းမှုတွေ ပါဝင်လာတာကတော့ အားရစရာပါ။ ဒါပေမဲ့ ဒီတစ်ကြိမ် အာဂျင်တီးနားအသင်း ရင်ဆိုင်နေရတဲ့ အကြီးမားဆုံး အခက်အခဲကတော့ ဒဏ်ရာပြဿနာတွေပါပဲ။ အသင်းမှာ ကစားသမား ၁၀ ဦးအထိ ကျန်းမာရေးပြဿနာတွေ ကြုံတွေ့နေရလို့ စကာလိုနီအတွက်တော့ ခေါင်းခဲစရာ ဖြစ်နေပါတယ်။ အဓိက ကစားသမားကြီးတွေရဲ့ အခြေအနေကို ကြည့်ရင် အသင်းခေါင်းဆောင် မက်ဆီက ဘယ်ဒူးကြွက်သား ပင်ပန်းမှုကြောင့် သီးသန့်လေ့ကျင့်နေရပေမဲ့ ဇွန်လ ၁၆ ရက် အယ်လ်ဂျီးရီးယားနဲ့ပွဲမှာ ပါနိုင်ဖို့တော့ ရှိပါတယ်။ ဂိုးသမား ဒီဘူ မာတီနက်ဇ်ကတော့ လက်ချောင်းကျိုးဒဏ်ရာကြောင့် အဖွင့်ပွဲမီပါ့မလား မသေချာသေးသလို၊ ခရစ္စတီယန် ရိုမီရိုနဲ့ ဟူလီယန် အယ်လ်ဗာရက်ဇ်တို့ကတော့ ဒဏ်ရာတွေ သက်သာကာစ လေ့ကျင့်ခန်း ပြန်ဆင်းနိုင်ရုံပဲ ရှိပါသေးတယ်။ ပါရီဒက်စ်နဲ့ မိုလီနာတို့ကတော့ ကြွက်သားဒဏ်ရာတွေကြောင့် သီးသန့်ကုသမှု ခံယူနေရဆဲ ဖြစ်ပါတယ်။ အာဂျင်တီးနားရဲ့ ကမ္ဘာ့ဖလား သမိုင်းကြောင်းကတော့ အမြဲတမ်း ခမ်းနားထည်ဝါခဲ့ပါတယ်။ ၁၉၇၈ ခုနှစ် မိခင်မြေပေါ်မှာ မာရီယို ကမ်းပက်စ်ရဲ့ သွင်းဂိုးတွေနဲ့ ပထမဆုံးအကြိမ် ဗိုလ်စွဲခဲ့သလို၊ ၁၉၈၆ ခုနှစ်မှာတော့ ဒီယေဂို မာရီဒိုနာရဲ့ Hand of God ဂိုး၊ Goal of the Century တွေနဲ့အတူ ကမ္ဘာ့ဖလားသမိုင်းမှာ တစ်ဦးချင်းခြေစွမ်းနဲ့ အသင်းကို ဖလားရအောင် ဆွဲတင်ခဲ့တဲ့ အမွေအနှစ်ကို ချန်ထားခဲ့ပါတယ်။ ပြီးခဲ့တဲ့ ၂၀၂၂ ကာတာကမ္ဘာ့ဖလားမှာတော့ မက်ဆီရဲ့ သွင်းဂိုး ၇ ဂိုး၊ ဂိုးဖန်တီးမှု ၃ ကြိမ် ဆိုတဲ့ မှော်ခြေစွမ်းနဲ့အတူ သမိုင်းတစ်လျှောက် အကောင်းဆုံး ဗိုလ်လုပွဲအဖြစ် သတ်မှတ်ရမယ့်ပွဲမှာ ပြင်သစ်ကို ကျော်ဖြတ်ပြီး တတိယမြောက် ရွှေဖလားကြီးကို ဆွတ်ခူးခဲ့တာ ဖြစ်ပါတယ်။ ဒီတစ်ကြိမ် ၂၀၂၆ ကမ္ဘာ့ဖလားမှာတော့ အသက် ၃၉ နှစ်အရွယ် ရှိပြီဖြစ်တဲ့ လီယွန်နယ် မက်ဆီဟာ ကမ္ဘာ့ဘောလုံးသမိုင်းမှာ ကမ္ဘာ့ဖလား ၆ ကြိမ်မြောက် ယှဉ်ပြိုင်ခြင်းဆိုတဲ့ မိုင်တိုင်အသစ်ကို စိုက်ထူတော့မှာ ဖြစ်ပါတယ်။ အာဂျင်တီးနားဟာ အုပ်စု (J) မှာ အယ်လ်ဂျီးရီးယား၊ ဩစတြီးယား၊ ဂျော်ဒန်တို့နဲ့ ကျရောက်နေလို့ အုပ်စုအဆင့်ကိုတော့ အေးအေးလူလူ ဖြတ်ကျော်နိုင်မှာ သေချာပါတယ်။ ၂၀၂၁ ကိုပါအမေရိက ချန်ပီယံဖြစ်ကတည်းက ၅ ပွဲသာ ရှုံးနိမ့်ဖူးတဲ့

ဒီတစ်ကြိမ် ၂၀၂၆ ကမ္ဘာ့ဖလားမှာတော့ ပြင်သစ်အသင်းဟာ အုပ်စု (I) မှာ ဆီနီဂေါ၊ အီရတ်၊ နော်ဝေတို့နဲ့အတူ အုပ်စုကြပ်ထဲ ကျရောက်နေပါတယ်။ ဇွန်လ ၁၆ ရက်နေ့မှာ ဆီနီဂေါနဲ့ စတင်ရင်ဆိုင်ရမှာ ဖြစ်ပါတယ်။ ပြီးခဲ့တဲ့ ယူရို ၂၀၂၄ ပြိုင်ပွဲတုန်းက တိုက်စစ်အင်အား တောင့်တင်းပါလျက်နဲ့ ဂိုးမသွင်းနိုင်ဘဲ ဒေးရှောင့်ရဲ့ ခံစစ်ပိတ်ကစားဟန်က ဝေဖန်ခံခဲ့ရတာမို့၊ ဒီတစ်ကြိမ်မှာတော့ နည်းပြကြီးအနေနဲ့ သူ့ရဲ့ နည်းဗျူဟာပိုင်းကို သက်သေပြရတော့မှာ ဖြစ်ပါတယ်။ ကမ္ဘာ့ဖလား ၁၂ ဂိုး သွင်းထားပြီး ကလိုဆေးရဲ့ ၁၆ ဂိုး မှတ်တမ်းကို ဖြိုဖျက်ဖို့ နီးစပ်နေတဲ့ အမ်ဘာပေ၊ ခြေစွမ်းအထက်ဆုံးဖြစ်နေတဲ့ ဒမ်ဘီလီ၊ အိုလီဆေးတို့ရဲ့ တိုက်စစ်အတွဲအဖက်က ကမ္ဘာ့အကောင်းဆုံးလို့ ဆိုနိုင်ပါတယ်။ ဒေးရှောင့်ကိုယ်တိုင်က "ကျွန်တော်တို့ဟာ ကမ္ဘာ့ဖလားဗိုလ်စွဲနိုင်တဲ့ ထိပ်သီးအသင်းတွေထဲမှာ ပါဝင်ပေမဲ့ မာနမထောင်ချင်ပါဘူး" လို့ သတိကြီးစွာ ပြောဆိုထားပါတယ်။ ဆာလီဘာနဲ့ ကွန်ဒေးတို့ ဦးဆောင်တဲ့ ခံစစ်က တည်ငြိမ်နေပြီး ကစားသမားတွေရဲ့ စိတ်ဓာတ်ပိုင်း လှုံ့ဆော်မှု ကလည်း မြင့်မားနေတာကြောင့် ပြင်သစ်အသင်းဟာ ဆီမီးဖိုင်နယ်ကို မပျက်မကွက် တက်ရောက်နိုင်ရုံတင်မကပဲ ၎င်းတို့ရဲ့ တတိယမြောက် ကမ္ဘာ့ရွှေဖလားကြီးကိုပါ သိမ်းပိုက်ပြီး Les Bleus တို့ရဲ့ ခမ်းနားတဲ့ ခေတ်တစ်ခေတ်ကို ပြန်လည်မောင်းနှင်နိုင်မလားဆိုတာကတော့ စိတ်လှုပ်ရှားစွာ စောင့်ကြည့်ရတော့မှာပဲ ဖြစ်ပါတယ်။