NOM

🇮🇶 🤍 🌟 - အီရတ်နိုင်ငံ၊ ဘက်စရာမြို့ရှိ ဘာဂျူးရှား ရေနံလုပ်ငန်းဝင်းအတွင်းမှ အမေရိကန်နှင့် ဗြိတိန်ရေနံကုမ္ပဏီများသည် ညဉ့်အမှောင်ထုကိုအကာအကွယ်ယူ၍ အလောတကြီး ထွက်ပြေးသွားကြကြောင်း နာယာ သတင်းဌာနက ရရှိသည့် ဗီဒီယိုမှတ်တမ်းတွင်ဖော်ပြထားသည်။ NOM

🇯🇴 - ဂျော်ဒန်နိုင်ငံ မူဝါဖတ်ဆော်လ်တီ လေတပ်စခန်းတွင် တပ်ဆင်ထားတဲ့ AN/TPY-2 ရေဒါစနစ် တစ်ခု ပျက်စီးသွားတဲ့ပုံဖြစ်ပါတယ်။ AN/TPY-2 ရေဒါစနစ်ဟာ အလွန်အဆင့်မြင့်တဲ့ နည်းပညာတွေ အသုံးပြုထားတာကြောင့် ကမ္ဘာ့ဈေးအကြီးဆုံး ရေဒါစနစ်တွေထဲမှာ တစ်ခုအပါအဝင် ဖြစ်ပါတယ်။ ၎င်းရဲ့ကုန်ကျစရိတ်ကို ခန့်မှန်းခြေအားဖြင့် အောက်ပါအတိုင်း တွေ့ရှိနိုင်ပါတယ်။ ယူနစ်တစ်ခုချင်းစီ၏ တန်ဖိုး - ပျမ်းမျှအားဖြင့် အမေရိကန်ဒေါ်လာ သန်း ၅၀၀ ခန့် ရှိပါတယ်။ စနစ်တစ်ခုလုံး - အချို့သော ဝယ်ယူမှုစာချုပ်တွေမှာတော့ လေ့ကျင့်ရေး၊ အပိုပစ္စည်းနဲ့ ရေရှည်ပြုပြင်ထိန်းသိမ်းမှု အပိုင်းတွေအပါအဝင် ဆိုရင် ဒေါ်လာ သန်း ၈၀၀ ကျော် အထိရှိနိုင်ပါတယ်။ NOM

🚨 Breaking News ဆော်ဒီအာရေဗျနိုင်ငံရှိ ပရင့်စ် ဆူလ်တန် လေတပ်စခန်းကို အီရန်၏ တာဝေးပစ်ဒုံးကျည်တစ်စင်း တိုက်ရိုက်ထိမှန်ခဲ့သည်။ အဆိုပါ တိုက်ခိုက်မှု မြင်ကွင်းမှာ အလွန်တုန်လှုပ်ဖွယ်ကောင်းလှပြီး မဖြစ်မနေ ကြည့်ရှုသင့်သည့် မှတ်တမ်းတစ်ခု ဖြစ်သည်။ စခန်းအတွင်းဒုံးကျည်ကျရောက်ပေါက်ကွဲမှုကြောင့် အဆိုပါစခန်းတွင် အခြေစိုက်သည့် အမေရိကန်စစ်သားများ ထိခိုက်ဒဏ်ရာရရှိခဲ့ကြောင်း သတင်းများအရသိရသည်။ NOM

ဂျပန်မီဒီယာများ၏ ဖော်ပြချက်အရ - ဟော်မုဇ် ရေလက်ကြား ကို ဖြတ်သန်းသွားလာမှုများ ရပ်တန့်သွားခြင်းကြောင့် ဂျပန်နိုင်ငံသို့ ဦးတည်လာသော ရေနံစိမ်းစည်ပေါင်း ၁၄ သန်း ခန့်မှာ ပါရှန်ပင်လယ်ကွေ့အတွင်း ပိတ်မိနေသည်။ ယခုအခါ ဂျပန်အစိုးရအနေဖြင့် နိုင်ငံအတွင်း သိုလှောင်ထားသော မဟာဗျူဟာမြောက် ရေနံအရန်အင်အားများကို ထုတ်ယူသုံးစွဲရန် စဉ်းစားနေရုံသာမက ယန်ဘူ နှင့် ဖူဂျေရာ တို့ကဲ့သို့ အခြားသော ဆိပ်ကမ်းများမှတစ်ဆင့် ရေနံတင်ဆောင်နိုင်မည့် နည်းလမ်းသစ်များကိုလည်း ရှာဖွေဖော်ထုတ်လျက်ရှိသည်။ NOM

"အီရတ်နိုင်ငံ၊ အာဘေးလ် (Erbil) မြို့ရှိ အမေရိကန်ထောက်လှမ်းရေးအေဂျင်စီ စီအိုင်အေ CIA ကျောထောက်နောက်ခံပြု ကာ့ဒ်လူမျိုးခွဲထွက်ရေးလက်နက်ကိုင် စခန်းများကို အီရန်က ဒရုန်းများဖြင့် တိုက်ခိုက်ခဲ့သည်။ ပစ်မှတ်များကို တိုက်ရိုက်ထိမှန်ခဲ့ကြောင်း သိရသည်။" NOM

"အာရှတိုက်က ချမ်းသာကြွယ်ဝသူ အမြောက်အမြားဟာ ဒူဘိုင်းမှာရှိတဲ့ သူတို့ရဲ့ အခြေခံပိုင်ဆိုင်မှုတွေ၊ ငွေကြေးတွေနဲ့ မိသားစုပိုင် ရင်းနှီးမြှုပ်နှံမှုလုပ်ငန်းတွေကို စင်ကာပူ သို့မဟုတ် ဟောင်ကောင် ထံသို့ တိတ်တဆိတ် ပြန်လည်ရွှေ့ပြောင်းနေကြပါတယ်။ အကြောင်းရင်းကတော့ ပင်လယ်ကွေ့ဒေသ (ဒူဘိုင်းအပါအဝင်) ဟာ အရင်လို "လုံခြုံစိတ်ချရတဲ့ နားခိုရာ" မဟုတ်တော့ဘူးလို့ သူတို့က ခံစားလာရလို့ ဖြစ်ကြောင်း Reuters သတင်းဌာနက ဖော်ပြထားပါတယ်။" NOM

📈 🛢အမေရိကန်-အီရန် စစ်ပွဲကြောင့် ဓာတ်ဆီဈေးနှုန်းများ အဆမတန်မြင့်တက်လာမှုအပေါ် အိမ်ဖြူတော် စိုးရိမ်ထိတ်လန့်နေ အရှေ့အလယ်ပိုင်းဒေသတွင် စစ်မီးများ ပြန့်နှံ့လာသည်နှင့်အမျှ "စွမ်းအင်ဈေးနှုန်းများ (အထူးသဖြင့် ဓာတ်ဆီဈေးနှုန်း) ကို လျှော့ချနိုင်မည့် မည်သည့်နည်းလမ်းကိုမဆို အိမ်ဖြူတော်က အပူတပြင်း ရှာဖွေနေသည်" ဟု ပိုလစ်တီကို (Politico) သတင်းဌာနက ဖော်ပြခဲ့သည်။ ထရေဒင်း အီကောနောမစ် (Trading Economics) ၏ အဆိုအရ ရေနံတင်သင်္ဘောများနှင့် ရေနံချက်စက်ရုံများ တိုက်ခိုက်ခံရမှုကြောင့် ရေနံစိမ်းဈေးနှုန်းမှာ တစ်စည်လျှင် ၈၄ ဒေါ်လာ အထိ ထိုးတက်သွားခဲ့သည်။ အိမ်ဖြူတော်၏ အရာရှိချုပ် ဆူဇီ ဝိုင်းလ်စ် (Susie Wiles) က အကြံပေးပုဂ္ဂိုလ်များအား ယခုအခြေအနေကို ကုစားနိုင်မည့် မည်သည့်အကြံဉာဏ်မျိုးမဆို တင်ပြရန် ပြောကြားထားသလို၊ စွမ်းအင်ဝန်ကြီး ခရစ်စ် ရိုက်တ် (Chris Wright) နှင့် ပြည်ထဲရေးဝန်ကြီး ဒေါ့ဂ် ဘာဂမ် (Doug Burgum) တို့မှာလည်း "သတင်းကောင်း တစ်စုံတစ်ရာ ထွက်ပေါ်လာစေရန်" အပြင်းအထန် ဖိအားပေးခြင်း (အော်ဟစ်ခိုင်းစေခြင်း) ခံနေရသည်ဟု ဆိုသည်။ NOM

အီရန်ဗိုလ်ချုပ်ကြီး အစ္စမေးလ် ကာအာနီ (Esmail Qa'ani) နဲ့ ပတ်သက်တဲ့ သတင်းမှား "ဇီယွန်ဝါဒီအစိုးရ (အစ္စရေး) အတွက် သူလျှိုလုပ်ပေးမှုဖြင့် ဗိုလ်ချုပ်ကြီး အစ္စမေးလ် ကာအာနီ အား ဖမ်းဆီးကွပ်မျက်လိုက်ပြီဟူသော National Emirates ဝဘ်ဆိုက်၏ ဖော်ပြချက်မှာ လုံးဝ (လုံးဝ) မဟုတ်မှန်ကြောင်း အီရန်တာဝန်ရှိများကထုတ်ပြန်ခဲ့သည်။" NOM

"ကူဝိတ်နိုင်ငံရှိ အာရစ်ဖ်ဂျန် (Arifjan) အမေရိကန်စစ်အခြေစိုက်စခန်းကို အီရန်၏ တိုက်ခိုက်မှုကြောင့် ဆက်သွယ်ရေး ရေဒါစနစ် ၆ ခုအပြင် အဆောက်အအုံနှင့် ဂိုဒေါင်အချို့ပျက်စီးသွားကြောင်း ပြသနေသည့် ဂြိုဟ်တုဓာတ်ပုံအသစ်များကို အီရန်နိုင်ငံက ထုတ်ပြန်ကြေညာခဲ့သည်။" NOM

🇺🇸🤡 အိမ်ဖြူတော်ဟာ ရှောင်လွှဲလို့မရနိုင်အောင်ကို ဘာသာရေးဂိုဏ်းတစ်ခုအသွင် ပြောင်းလဲလို့နေပြီ - အမေရိကန်တစ်ဝန်းက စုဝေးရောက်ရှိလာတဲ့ သင်းအုပ်ဆရာတွေဟာ ထရန့်ရဲ့ ရုံးခန်းထဲမှာတင် သူ့အတွက် စုပေါင်းဆုတောင်းပွဲ ပြုလုပ်ခဲ့ကြပါတယ်။ NOM

တရုတ်နိုင်ငံကိုယ်စား သူလျှိုလုပ်ခဲ့တယ်လို့ဆိုကာ ဖိလစ်ပိုင်ဟာ ကာကွယ်ရေးဝန်ထမ်း ၃ ဦးကို ဖမ်းဆီးခဲ့တယ်လို့ သိရပါတယ်။ အမျိုးသားကာကွယ်ရေးဌာန၊ ဖိလစ်ပိုင်ရေတပ်နဲ့ ဖိလစ်ပိုင်ကမ်းခြေစောင့်တပ်တွေမှာ လုပ်ကိုင်ခဲ့တဲ့ ၃ ဦးဖြစ်ပြီး စစ်ဘက်ဝန်ထမ်းစာရင်း၊ အခြားအရေးကြီးတဲ့ အချက်အလက်တွေကို တရုတ်ဆီ လွှဲပြောင်းပေးခဲဲ့တယ်လို့ ဖိလစ်ပိုင်အမျိုးသားလုံခြုံရေးကောင်စီက ပြောဆိုခဲ့ပါတယ်။ News Of Myanmar NOM

တောင်ကိုရီးယားမှာ ဖြန့်ကျက်ထားတဲ့ Patriot ဒုံးကျည်ကာကွယ်ရေးစနစ်တွေကို အီရန်နဲ့ တိုက်ခိုက်နေတဲ့ စစ်ပွဲဆီ ပြောင်းရွှေ့ဖို့အတွက် အမေရိကန်နဲ့ ဆိုးလ်ကြားမှာ ဆွေးနွေးနေတယ်လို့ တောင်ကိုရီးယားနိုင်ငံခြားရေးဝန်ကြီးက ဒီနေ့မှာ ပြောဆိုလိုက်ပါတယ်။ ဒါဟာ အီရန်ရဲ့ ဒရုန်းတွေနဲ့ ဒုံးကျည်အများအပြား ပစ်လွှတ်မှုကြောင့် အမေရိကန်ဟာ လေကြောင်းရန်ကာကွယ်ရေးစနစ်မှာ ဖရိုဖရဲတွေ ဖြစ်နေပြီး အင်အားနည်းပါးလာပြီဆိုတာကို မီးမောင်းထိုးပြနေတာလို့ လေ့လာသူတွေက မှတ်ချက်ပြုခဲ့ပါတယ်။ News Of Myanmar NOM

အီရန်နိုင်ငံဟာ ကူဝိတ်နိုင်ငံမှာရှိတဲ့ အလီ အယ်လ်-ဆာလမ် Ali Al-Salem လေတပ်အခြေစိုက်စခန်းကို အပြင်းထန်ဆုံး တိုက်ခိုက်မှုတွေထဲက တစ်ခုအဖြစ် ပြုလုပ်ခဲ့ပါတယ်။ ဒီတိုက်ခိုက်မှုကြောင့် ကူဝိတ်စစ်ဘက်ဆိုင်ရာဝန်ထမ်း ၆၇ ဦး ဒဏ်ရာရရှိခဲ့ပါတယ်။ NOM

ရန်သူအားလှည့်စားသည့်အနေဖြင့် မြေပြင်ပေါ်တွင် 3D ရုပ်ကြွရေးဆွဲထားသည့် လေယာဉ်အတုပုံများကို လေယာဉ်အစစ်များထင်မှတ်၍ အမေရိကန်နှင့် အစ္စရေးက လေကြောင်းမှ တိုက်ခိုက်မှုများဆက်လက်ပြုလုပ်နေ NOM

လက်ဘနွန်တောင်ပိုင်း ရှီယာ (Shia) မူဆလင်အများစုနေထိုင်တဲ့ဒေသက ဖခင်ဖြစ်သူတစ်ဦးရဲ့ ရင်နင့်ဖွယ်စကားတွေကို အောက်ပါအတိုင်း ဘာသာပြန်ပေးထားပါတယ်။ "ကျွန်တော့်သား အန်နစ် (Anis) တစ်ယောက် မနေ့ကတည်းက မြေပုံအောက်မှာ ပိတ်မိနေတာပါ။ မနေ့ ညနေ ၅ နာရီခွဲလောက်ကတည်းက အခုထိပဲ... ယုံနိုင်စရာတောင် မရှိဘူးဗျာ၊ အစိုးရက မြေတူးစက်တစ်စီးတောင် လွှတ်မပေးဘူး။ ဒါမှမဟုတ် ကျွန်တော်တို့က (တောင်ပိုင်းသားတွေ) ဖြစ်နေလို့ လျစ်လျူရှုထားတာလား။ တောင်ပိုင်းကဆိုရင် ဘယ်သူကမှ ဂရုမစိုက်တော့ဘူးလား။ တကယ်ကို စိတ်မကောင်းစရာပါပဲ။ ကျွန်တော့်သားတစ်ယောက်တည်းမှ မဟုတ်တာ ကျွန်တော်တို့လို လူတွေ အများကြီး မတရားသဖြင့် အသက်ဆုံးရှုံးနေရတယ်။ အစိုးရကလည်း ကျွန်တော်တို့ဘက်က ဘယ်တော့မှ ရပ်တည်မပေးဘူး။ ကျွန်တော်တို့လည်း လက်ဘနွန်နိုင်ငံသားတွေပါပဲ။ ကျွန်တော်တို့မှာလည်း လက်ဘနွန်မှတ်ပုံတင်ရှိတာပဲ။ သူက အဆောက်အအုံပေါ်ကို ၅ မိနစ်လောက်ပဲ တက်သွားတာ၊ အစာစားဖို့ (Iftar) ပြန်ဆင်းလာတော့မယ့်အချိန်မှာ အစ္စရေးလေယာဉ်တွေက ဗုံးကြဲလိုက်တာ။ ဘာမှလည်း မရှိပါဘူး။ ကျွန်တော်တို့မှာ ဘာမှဖုံးကွယ်ထားတာ မရှိပါဘူး။ ဘုရားသခင်ပဲ ကောင်းချီးပေးပါတော့... ကျွန်တော် ဘာပြောနိုင်ဦးမှာလဲ။ အခုတော့ 'လက်ဘနွန်အတွက်' လို့တောင် မပြောချင်တော့ဘူး 'တောင်ပိုင်းသားတွေအတွက်' လို့ပဲ ပြောချင်တော့တယ်။ ဘာလို့လဲဆိုတော့ သူတို့က ကျွန်တော်တို့ကို လက်ဘနွန်နိုင်ငံသားလို့တောင် မသတ်မှတ်ကြတော့လို့ပဲ။" အစ္စရေးနဲ့ဖြစ်ပွားနေတဲ့ ဒီတိုက်ပွဲမှာ လက်ဘနွန်အစိုးရဟာ 'ရှီယာ' (Shia) မူဆလင်တွေကို အထီးကျန်စွာ ပစ်ထားခဲ့တော့မယ်ဆိုတာ အခုတော့ထင်ရှားသွားပါပြီ။ NOM

ရှန်ဟိုင်းဆိပ်ကမ်းရဲ့ အနောက်ဘက် ၃၇ မိုင်အကွာမှာ ရှိတဲ့ ကွန်ရှန်မြို့မှာ ဧရာမဒရုန်းတမျိုးကို သရုပ်ခဲ့ပါတယ်။ Matric လို့ ခေါ်ပြီး အလေးချိန် ၅ တန်ရှိတဲ့ ဒီ လျှပ်စစ်ဒရုန်းဟာ ဒေါင်လိုက်တက်ဆင်းယဉ် ဒါမှမဟုတ် eVTOL ဖြစ်ပြီး တရုတ်မှာ ထုတ်လုပ်တဲ့ အကြီးဆုံးလျှပ်စစ်လေယာဉ်လို့ သတ်မှတ်ခံထားရပါတယ်။ တရုတ်ကုမ္ပဏီ AutoFlight က ခရီးသည် ၁၀ ဦးအထိ တင်ဆောင်နိုင်တဲ့ Matrix ကို တီထွင်ခဲ့တာပါ။ တောင်ပံအလျား ၂၀ မီတာ၊ အရှည် ၁၇.၁ မီတာရှိကာ အမြင့် ၃.၃ မီတာမြင့်ပြီး အားသွင်းစရာမလိုဘဲ တနာရီကြာပျံသန်းနိုင်တယ်လို့ ဆိုပါတယ်။ ဒါကို ပျံသန်းနိုင်တဲ့ တက္ကစီတခုဖြစ်လာနိုင်တယ်လို့ ယူဆနေပြီး အချိန်အနည်းငယ်တော့ လိုဦးမယ်လို့လည်း ဆိုပါတယ်။ News Of Myanmar NOM

အီရန်က ကျန်းမာရေး ဌာန ၁၃ ခုအထိဟာ တိုက်ခိုက်မှုခံခဲ့ရတယ်လို့ WHO က အတည်ပြုပြောကြားလိုက်ပါတယ်။ ဒါဟာ အစ္စရေးနဲ့ အမေရိကန်တို့က ကျန်းမာရေးစောင့်ရှောက်မှုပေးနေတဲ့ နေရာတွေကိုပါ ပစ်မှတ်ထားတိုက်ခိုက်နေတယ်ဆိုတဲ့ သဘောလည်းဖြစ်ပါတယ်။ News Of Myanmar NOM

ဘာရိန်းရှိ အမေရိကန်ရေတပ်အရာရှိများ တည်းခိုရာဟိုတယ်ကို ဒရုန်းဖြင့် တိုက်ခိုက် ဘာရိန်းနိုင်ငံရှိ အမေရိကန်ရေတပ်အရာရှိများ တည်းခိုနေထိုင်ရာ ဟိုတယ်တစ်ခုကို ဒရုန်းဖြင့် ပစ်မှတ်ထား တိုက်ခိုက်ခဲ့သည်။ အမေရိကန် အမှတ် (၅) ရေတပ်​မှ အရာရှိများ တည်းခိုရာ ဂျူဖဲယား (Juffair) အရပ်ရှိ ဟိုတယ်တစ်ခုကို ပစ်မှတ်ထား တိုက်ခိုက်ခြင်း ဖြစ်သည်။ အမှတ် (၅) ရေတပ်သည် ပါရှန်ပင်လယ်ကွေ့၊ ပင်လယ်နီနှင့် အာရေဗျပင်လယ်ပြင်တို့ကို တာဝန်ယူရသည့် အမေရိကန်၏ အလွန်အရေးပါသော ရေတပ်ဖြစ်ပြီး ဌာနချုပ်မှာ ဘာရိန်းနိုင်ငံတွင် တည်ရှိသည်။ Juffair (ဂျူဖဲယား) သည် ဘာရိန်းနိုင်ငံ၊ မနားမားမြို့ (Manama) ရှိ နာမည်ကြီး ရပ်ကွက်တစ်ခုဖြစ်ပြီး အမေရိကန် ရေတပ်စခန်းနှင့် နီးကပ်သည့်အတွက် နိုင်ငံခြားသားများနှင့် စစ်ဘက်ဆိုင်ရာ ပုဂ္ဂိုလ်များ အခြေစိုက်ရာ နေရာဖြစ်သည်။ NOM