ပြည်သူ့မုန့်ဈေးတန်း

ရဲဘော်များအား အလုပ်နှင့်ပါစင်နယ်ခွဲရန် ပြောလိုက်မိသောအခါ

အာကြီးကို ယုံကြည်မိသောအခါ

လုံးဝ ကြောက်မှာမဟုတ်ဘူး

ပြည်သူ့မုန့်ဈေးတန်းဟာ မကြာခင်အချိန်အတွင်းမှာပုံစံတစ်မျိုးနဲ့ပြန်လာပါတော့မယ်!

😌

တစ်ပုံတစ်ကြောင်

ရန်သူ၏ နောက်ဆုံးထွက်သက် "လေတပ်" နှင့် တော်လှန်ရေး၏ အဖြေ လက်ရှိ နွေဦးတော်လှန်ရေး အချိုးအကွေ့ကို လေ့လာကြည့်လျှင် မြေပြင်တိုက်ပွဲများ၌ အဘက်ဘက်မှ အရေးနိမ့်နေသော ရန်သူသည် လေကြောင်းအင်အားကိုသာ အလုံးစုံ မှီခိုအားထားနေရသည်ကို တွေ့ရမည်ဖြစ်သည်။ ရန်သူ့အတွက် လေတပ်၏ အသက်တမျှ အရေးပါမှု၊ လေတပ်သာ ပြိုလဲသွားပါက ဖြစ်လာမည့် အကျိုးဆက်များနှင့် ဤအန္တရာယ်ကို မည်သို့ ရင်ဆိုင်ချေမှုန်းမည်နည်းဆိုသည်ကို စစ်ရေးရှုထောင့်မှ သုံးသပ်တင်ပြအပ်ပါသည်။ ၁။ ရန်သူ့အတွက် လေတပ်က ဘယ်လောက် အရေးပါသလဲ？ ယနေ့အချိန်တွင် လေတပ်သည် ရန်သူ့စစ်တပ်အတွက် "တစ်ခုတည်းသော အသက်ရှူပေါက်" နှင့် "နောက်ဆုံးခံတပ်" ဖြစ်နေပါသည်။ အသက်ဆက်ပေးနေသော ထောက်ပို့ယန္တရား (Logistics Lifeline): ကုန်းလမ်း၊ ရေလမ်း ထောက်ပို့ကြောင်းများအားလုံး ပြတ်တောက်နေချိန်တွင် ဝိုင်းပယ်ပိတ်ဆို့ခံထားရသော ရှေ့တန်းစခန်းများထံ ရိက္ခာ၊ လက်နက်နှင့် လူအင်အား ဖြည့်တင်းရန် လေကြောင်းကိုသာ ရာနှုန်းပြည့် မှီခိုနေရပါသည်။ စစ်ရေးအသာစီးရမှုနှင့် စိတ်ဓာတ်မြှင့်တင်ရေး (Air Superiority & Morale): မြေပြင်တပ်များ၏ တိုက်ရည်ခိုက်ရည် ကျဆင်းနေချိန်တွင် လေကြောင်းပစ်ကူ (Air Strike) သည်သာ ၎င်းတို့တပ်များ မပြိုကွဲအောင် ထိန်းထားနိုင်သည့် တစ်ခုတည်းသော အားသာချက် ဖြစ်နေသည်။ လေတပ်၏ ပစ်ကူမပါလျှင် ရန်သူ့မြေပြင်စစ်ကြောင်းများသည် ရှေ့တစ်လှမ်းမျှ မတိုးရဲသည့် အခြေအနေသို့ ဆိုက်ရောက်နေပါသည်။ ၂။ လေတပ်သာ မရှိတော့ရင် ဘာဖြစ်သွားမလဲ？ ဤအသက်သွေးကြောသာ ပြတ်တောက်သွားမည်ဆိုပါက ရန်သူ့ယန္တရားတစ်ခုလုံး ဖဲချပ်များကဲ့သို့ ချက်ချင်း ပြိုကျသွားမည်ဖြစ်သည်။ စခန်းများ အလွယ်တကူ ကျဆုံးခြင်း: ထောက်ပို့စနစ် ပြတ်တောက်သွားသည်နှင့် တစ်ပြိုင်နက် ရှေ့တန်းစခန်းများသည် ရိက္ခာနှင့် ခဲယမ်းပြတ်လပ်ကာ အချိန်တိုအတွင်း လက်နက်ချခြင်း၊ စခန်းစွန့်ခွာ ထွက်ပြေးခြင်းများ ဆက်တိုက် ဖြစ်ပေါ်လာပါမည်။ စိတ်ဓာတ်ရေးရာ အလုံးစုံ ပြိုလဲခြင်း: "လေယာဉ်လာကူလိမ့်မည်" ဟူသော မျှော်လင့်ချက် မရှိတော့ပါက မြေပြင်ရှိ အောက်ခြေတပ်သားများ၏ စိတ်ဓာတ်သည် အောက်ဆုံးအထိ ထိုးကျသွားပြီး တိုက်ပွဲဝင်လိုစိတ် လုံးဝ ပျောက်ကွယ်သွားပါမည်။ တော်လှန်ရေး အလှည့်အပြောင်း (Turning Point): လေကြောင်းအသာစီးရမှု ပျောက်ကွယ်သွားခြင်းသည် စစ်ရေးချိန်ခွင်လျှာကို ချက်ချင်း ပြောင်းလဲစေပြီး တော်လှန်ရေးအင်အားစုများဘက်မှ မြေပြင်စိုးမိုးမှုကို အလုံးစုံ ရယူနိုင်ကာ စစ်အာဏာရှင်စနစ် နိဂုံးချုပ်မည့် အချိန်ဇယား သိသိသာသာ မြန်ဆန်သွားမည် ဖြစ်သည်။ ၃။ လေကြောင်းအန္တရာယ်ကို ဘယ်လို လျှော့ချ၊ ချေမှုန်းမလဲ？ လေတပ်ကို ရင်ဆိုင်ရာတွင် "ခုခံကာကွယ်ခြင်း (Defense)" နှင့် "တန်ပြန်ချေမှုန်းခြင်း (Offense)" ဟူသော ဗျူဟာနှစ်ရပ်ဖြင့် ချဉ်းကပ်ရမည် ဖြစ်သည်။ အန္တရာယ်ကို လျှော့ချခြင်း (ခုခံကာကွယ်မှု ဗျူဟာ) သတင်းဦးရယူခြင်း (Early Warning): လေယာဉ်တက်လာသည့် သတင်းကို ကင်းထောက်ကွန်ရက်များမှတစ်ဆင့် အချိန်နှင့်တစ်ပြေးညီ ရယူပြီး "ကြိုသိ၊ ကြိုရှောင်" စနစ်ကို အားကောင်းအောင် တည်ဆောက်ရပါမည်။ ခိုင်လုံသော အကာအကွယ် (Bunkers): ကျေးရွာများနှင့် စခန်းများတွင် လေကြောင်းရန်ကာကွယ်နိုင်သော ဗုံးခိုကျင်းများ၊ မြေအောက်ခန်းများကို စနစ်တကျ မဖြစ်မနေ တည်ဆောက်ထားရပါမည်။ မြေကြီးသည် အကောင်းဆုံး အကာအကွယ်ဖြစ်သည်။ ပစ်မှတ် ဖုံးကွယ်ခြင်း (Camouflage & Dispersal): အစုလိုက်အပြုံလိုက် နေထိုင်ခြင်း၊ ထင်ရှားသော အဆောက်အအုံများ အသုံးပြုခြင်းကို ရှောင်ကြဉ်ပြီး သဘာဝပတ်ဝန်းကျင်နှင့် သဟဇာတဖြစ်အောင် ပုန်းကွယ်လှုပ်ရှားရပါမည်။ တန်ပြန်ချေမှုန်းခြင်း (ထိုးစစ်ဗျူဟာ) အနီးကပ် တိုက်ပွဲဖော်ဆောင်ခြင်း (Close-Quarter Combat): ရန်သူနှင့် အနီးကပ် ကပ်၍ တိုက်ခိုက်ခြင်းဖြင့် ရန်သူသည် မိမိလူကို ပြန်ထိမည်စိုးသဖြင့် လေကြောင်းပစ်ကူ ခေါ်ယူရန် ခက်ခဲသွားစေမည့် ဗျူဟာကို သုံးရပါမည်။ လေတပ်အခြေခံအဆောက်အအုံများကို ပစ်မှတ်ထားခြင်း: လေယာဉ်များ တိုက်ရိုက်မပျံသန်းနိုင်စေရန် လေတပ်စခန်းများ၊ လေယာဉ်ဆီ သိုလှောင်ရုံများနှင့် ထောက်ပို့လမ်းကြောင်းများကို အထူးစစ်ဆင်ရေးများဖြင့် ဖြတ်တောက်ဟန့်တားခြင်းများ ပြုလုပ်ရပါမည်။ (လက်တွေ့တွင် တော်လှန်ရေးတပ်ဖွဲ့များက ဒရုန်းများဖြင့် လေတပ်စခန်းများကို တန်ပြန်တိုက်ခိုက်မှုများ ပြုလုပ်နေပြီ ဖြစ်သည်။) လေကြောင်းရန်ကာကွယ်ရေး စနစ်များ (Air Defense): တော်လှန်ရေးအင်အားစုများအနေဖြင့် ခေတ်မီ လေယာဉ်ပစ်လက်နက်များ (MANPADS ကဲ့သို့သော) ရရှိရေးကို အစွမ်းကုန် ကြိုးပမ်းခြင်းဖြင့် ရန်သူ့လေယာဉ်များ စိတ်ကြိုက် ပျံသန်းတိုက်ခိုက်နေနိုင်မှုကို တိုက်ရိုက် ခြိမ်းခြောက်နိုင်မည် ဖြစ်သည်။ နိဂုံးချုပ် ရန်သူသည် လေတပ်ကိုသာ အလွန်အကျွံ အားပြုနေရခြင်းမှာ မြေပြင်တွင် အင်အားချည့်နဲ့နေပြီဆိုသည့် အချက်ကို သက်သေပြနေခြင်းဖြစ်သည်။ ပြည်သူ့အင်အား၊ တော်လှန်ရေးတပ်ဖွဲ့များ၏ စည်းလုံးညီညွတ်မှု၊ ဉာဏ်ပညာနှင့် စနစ်ကျသော စစ်ရေးဗျူဟာများသာရှိလျှင် ရန်သူ၏ နောက်ဆုံးခံတပ်ဖြစ်သော လေကြောင်းအန္တရာယ်ကိုပါ မလွဲမသွေ ကျော်လွှားချေမှုန်းနိုင်မည်မှာ အသေအချာပင် ဖြစ်သည်။

မိမိမှာဓာတ်ပုံရိုက်လိုက်ရသော်လည်း 2021 ဆန္ဒပြပွဲအားပြန်လည်သတိရသွားသောအခါ

kpay ရှိကြလားဗျ

ပြင်ဦးလွင်သူတွေရှိကြလား? ပြင်ဦးလွင်သားကိုမေးတာမဟုတ်ပါ!

လက်ရှိမစ်ဂွမ်းဆိုတဲ့ဟာက တခြားမဟုတ်ပါဘူး iyo က ရဲမေတွေစိတ်ဖောက်ပြီးဝင်ပြိုင်နေကြတာပါ jk

ရန်ကုန်မှတောသားများတောဓါးပြအဖြစ်သို့ဆင့်ကဲပြောင်းလဲလာ

Myanmar Plaza အနီး အင်းလျားကန်ပေါင်ပေါ်တွင် အုပ်စုလိုက်သွားလာနေသော လူငယ်များအား တွေ့ရစဥ် ဓါတ်ပုံ-CJ

​အချုပ်အားဖြင့်တော့ ဒါဟာ အုပ်စုလိုက် လွှမ်းမိုးမှုနဲ့ တန်ဖိုးထားမှု မှားယွင်းခြင်းတို့ ပေါင်းစပ်သွားတဲ့ ရလဒ်လို့ ပြောလို့ရပါတယ်။ ဒီလို လုပ်ရပ်တွေဟာ ရေရှည်မှာ ရာဇဝတ်မှု အကြီးစားတွေဆီကို ဦး တည်သွားနိုင်တဲ့အတွက် လူမှုရေးအရရော၊ ဥပဒေအရပါ ထိထိရောက်ရောက် ကိုင်တွယ်ဖို့ လိုအပ်နေတဲ့ အခြေအနေ ဖြစ်ပါတယ်။ ခက်တာက ဘယ်မလဲ ဥပဒေ။ ဘယ်မလဲ တရားမျှတမှု။ စစ်ခေါင်းဆောင် အာဏာသိမ်းလိုက်တာဟာ အခုဆိုရင်ဖြင့် ရန်ကုန် ရွှေမြို့တော်ကြီးမှာကိုယ်ကြိုက် နှစ်သက်ရာ အဝတ်အစားကို လွတ်လပ်စွာ ဝတ် ဆင်ဖို့တောင် ဘေးကင်းလုံခြုံမှု မရှိတော့တဲ့ အခြေအနေကို ရောက်ရှိသွားပြီ ဖြစ်ပါတယ်ခင်ဗျာ။ ။

■​ဆောင်းပါး ရန်ကုန်မှာ ခပ်လန်းလန်း ဝတ်မယ်ဆို သတိထား Scorpio/People's Spring စာဖတ်သူဟာ ရန်ကုန်ဒေသခံဖြစ်ပြီး ခေတ္တအဝေးရောက်နေရင်ဖြစ်ဖြစ်၊ ဒါမှမဟုတ် ရန်ကုန်ဒေသခံမဟုတ်ပေမဲ့ ရန်ကုန် မရောက်တာကြာပြီဆိုရင်ဖြစ် ဖြစ် စာဖတ်သူ ပါးစပ်အဟောင်းသား ဖြစ်သွားစေနိုင်တဲ့ ရန်ကုန်မြို့ကြီးပေါ်က လုယက်မှု ဖြစ်စဥ်တွေအကြောင်း ပြောပြချင်ပါတယ်။ စစ်အုပ်စု အာဏာသိမ်းထားတဲ့ကာလ လုယက်မှုဖြစ်တာ ဘာဆန်းတုန်းလို့ မေးရင် ဟုတ်ကဲ့ မဆန်းပါဘူး။ ဒါပေမယ့် အခုဖြစ်တာက ရွှေလုတာ၊ ဖုန်းလုတာလည်းမဟုတ်ဘူး။ ကားတွေ ဆိုင်ကယ်တွေ လုတာလည်းမဟုတ်ဘူး။ ဒါဆိုဘာများလဲလို့မေးလာရင် ဟုတ်ကဲ့ အင်္ကျီတွေ လုတာပါတဲ့ခင်ဗျာ။ မကြာသေးမီက ရန်ကုန်မြို့ရဲ့လူစည်ကားရာ လှည်းတန်း၊ မြေနီကုန်း၊Myanmar Plaza၊ M Tower နဲ့ Center ကြီးတွေမှာ ဆယ်ကျော်သက် လူငယ်အုပ်စုတွေက အခြား လူငယ်တွေကို အုပ်စုဖွဲ့ ဝိုင်းဝန်းရိုက်နှက်ပြီး ဝတ်ဆင်ထားတဲ့ အဝတ် အစားတွေကို အတင်းအဓမ္မ ချွတ်ယူလုယက်တဲ့ ဖြစ်စဉ်တွေ ခပ်စိပ်စိပ် ဖြစ်ပွားနေတာပါ။ ​အဓိကအားဖြင့် လူငယ်တွေကြား ခေတ်စားနေတဲ့ NRF, SIS, IWYWH, NFC စတဲ့ Local Brand အဝတ်အစားတွေကို ပစ်မှတ်ထားကြတာပါ။ ဒီအဝတ်အစားတွေဟာ Limited Edition (အရေအတွက် ကန့်သတ်ချက်ဖြင့် ထုတ်လုပ်ခြင်း) ဖြစ်တာကြောင့် ပြန်လည်ရောင်းချတဲ့ ဈေး ကွက်မှာ မူရင်းဈေးထက် အဆမတန် မြင့်မားနေတတ်ပါတယ်။ အင်္ကျီတစ်ထည်ကို ကျပ် ရှစ်သောင်း၊ တစ်သိန်းကနေ သိန်းကျော်အထိ ပေါက် ဈေးရှိနေတာကဒီဆယ်ကျော်သက်တွေကို ဒုစရိုက်မှု ကျူးလွန်ဖို့ တွန်းအားပေးသလို ဖြစ်နေတာပါ။ နောက်တစ်ခုကတော့ လုလာတဲ့ အဝတ်အစားတွေကိုဝတ်ဆင်ပြီးနောက်ရက်တွေမှာRich Kid ပိုက် ဆံရှိသမီးပုံစံ သွားလာကြတယ်၊ Tiktok ရိုက်ကြတယ်လို့ ရန်ကုန်က လူငယ်တွေက ပြောပါတယ်။ လုယက်သူတွေဟာ အသက် ၁၃ နှစ်ကနေ ၁၈ နှစ်ကြား ဆယ်ကျော်သက်တွေ ဖြစ်ကြပြီး အင်အား ၅ ယောက်ကနေ ၃၀ ဝန်းကျင်အထိ အုပ်စုဖွဲ့ လှုပ် ရှားကြပါတယ်။ အများပြည်သူသုံး အိမ်သာတွေ၊ လူပြတ်တဲ့ လမ်း ကြားတွေနဲ့ မှတ်တိုင်တွေမှာ စောင့်ဆိုင်းကြပါတယ်။လိုချင်တဲ့အင်္ကျီဝတ်ထားသူကိုတွေ့ရင် ခါးပတ်တွေနဲ့ ရိုက်တာ၊ ဝိုင်းဝန်းထိုးကြိတ်တာတွေ ပြုလုပ်ပြီး အဝတ်အစားတွေကို ဆွဲချွတ်ယူသွားကြပါတယ်။ တကယ်လို့ လုစရာမရှိရင်တောင် "ဘာကြည့်တာလဲ"ဆိုတဲ့အကြောင်းပြချက်နဲ့ ရန်ရှာရိုက်နှက်တတ်ကြတယ်လို့ ကိုယ်တွေ့ကြံဖူးသူတွေက ပြောပါတယ်။ "သူတို့လိုချင်တဲ့ အင်္ကျီဝတ်ထားတဲ့လူတွေ့ရင် toilet ထဲထိလိုက်ပြီး အဖွဲ့လိုက် ရိုက်လုကြတာပါ"လို့ ကိုယ်တွေကြုံဖူးတဲ့ အသက် ၂၀ အရွယ် ရန်ကုန်မြို့ခံလူငယ်တစ်ဦးက ပြောပါတယ်။ ဒီလုပ်ရပ်ရဲ့ အဆိုးဝါးဆုံး အပိုင်းကတော့ ကျူး လွန်သူတွေဟာ သူတို့ လုယူထားတဲ့ အဝတ်အစားတွေကို Telegram Channel တွေမှာ ပြန်လည်ကြွားဝါကြတာပဲ ဖြစ်ပါတယ်။ "အဲ့က​လေး​တွေက Telegram မှာ channel​ ထောင်ပြီး ဒီ​နေ့​တော့ ဘယ်ဘရန်းထဲက ဘာအဝတ်အစားလုနိုင်ခဲ့တယ်ဆိုပြီး ပြန်ကြွားတင်ကြတာတဲ့။"လို့ ရန်ကုန်ဒေသခံအမျိုးသမီးတစ်ဦးက ဆိုပါတယ်။ ​ခံရတဲ့လူငယ်အချို့မှာလက်ကျိုးတာ၊ သွေးထွက် သံယိုဖြစ်တာတွေအထိ ပြင်းထန်တဲ့ ဒဏ်ရာတွေ ရရှိနေကြပါတယ်။ အချို့ဆိုရင် ရရှိတဲ့ လစာလေးနဲ့ စုဆောင်းဝယ်ထားတဲ့ အင်္ကျီကို အလုခံရရုံတင်မကဘဲ လူအုပ်နဲ့ ဝိုင်းခံရတာကြောင့် စိတ်ပိုင်းဆိုင်ရာပါ ထိခိုက်မှုတွေ ရှိနေပါတယ်။ အဲဒီအဖွဲ့တွေကို စစ်ကောင်စီလက်အောက်ခံ ရဲတွေကို တိုင်ဖူးသူတွေရှိပါတယ်။ ဘာများထူးမယ်ထင်ပါသလဲ။ "ရဲနဲ့တိုင်လည်းဒီကောင်တွေတစ်ရက်နှစ်ရက်နဲ့ပြန်လွတ်လာတာ"လို့ လူင​ယ်​တစ်ဦးက ပြောပါတယ်။ အုပ်စုဖွဲ့ ကျူးလွန်တဲ့ ဆယ်ကျော်သက်တွေဟာ တစ်ယောက်တည်းဆိုရင် ဒီလောက် ရဲတင်းမှာ မဟုတ်ပေမဲ့ အုပ်စုထဲ ရောက်သွားတဲ့အခါ "ငါ" ဆိုတဲ့ တစ်ကိုယ်ရေ တာဝန်ခံမှုကို မေ့သွားပြီး "ငါတို့" ဆိုတဲ့ အုပ်စုနောက်ကိုပါသွားတတ်ပါတယ်။ အုပ်စု လိုက် ဖြစ်သွားတဲ့အခါ ကိုယ်ကျင့်တရားဆိုင်ရာ ထိန်းချုပ်မှု လျော့နည်းသွားပြီး ပိုမို ကြမ်းတမ်းတဲ့ လုပ်ရပ်တွေကို ဝန်မလေးဘဲ လုပ်ဆောင်တတ်ကြပါတယ်။ ​ဆယ်ကျော်သက်အရွယ်မှာ မိဘ ဒါမှမဟုတ် လူ့အသိုင်းအဝိုင်းထက် မိမိတို့ အပေါင်းအသင်းရဲ့ အသိအမှတ်ပြုမှုကို ပိုပြီး အလေးထားတတ်ကြပါတယ်။ Telegram မှာ ပြန်ကြွားတာတွေ၊ ဘာဘရန်းကို လုနိုင်ခဲ့တယ်လို့ ပြောတာတွေဟာ သူတို့အချင်းချင်းကြားမှာ "ငါဟာ အစွမ်းအစရှိတယ်၊ သတ္တိရှိတယ်" ဆိုတာကို ပြသချင်တဲ့ ပုံစံမှား တစ်ခုဖြစ်နေပါတယ်။ နောက်ပြီး ရုပ်ဝတ္ထုကို အလွန်အကျွံအလေးထားတာ၊အဲ့ဒီ အဝတ်အစားကို ဝတ်ထားခြင်းဖြင့် သူတို့ကိုယ်သူတို့ ခေတ်မီတယ်လို့ ထင်မြင်စေတဲ့ စိတ် ကူးယဉ်မှုကြောင့်လည်း ပါပါတယ်။ ဆယ်ကျော်သက်တွေရဲ့ဦးနှောက် ဖွံ့ဖြိုးမှုအရ ဆုံး ဖြတ်ချက်ချတဲ့အပိုင်းက အပြည့်အဝ မရင့်ကျက်သေးတဲ့အတွက် အကျိုးအပြစ်ထက် ရင်ခုန်စိတ်လှုပ်ရှားမှုကိုဦးစားပေးတတ်ကြပါတယ်။ဒီလို လု ယက်တာကို ရာဇဝတ်မှုလို့ မမြင်ဘဲ စိန်ခေါ်မှုရှိတဲ့ ဂိမ်းတစ်ခုလို သဘောထားပြီး ကျူးလွန်ကြတာမျိုးလည်း ဖြစ်နိုင်ပါတယ်။

စီနီယာတွေရှိတာမလို့ ပညာသင်ရင်းအလုပ်လုပ်ချင်သူတွေအတွက် အခွင့်အရေးကောင်းတစ်ခုဖြစ်ပါတယ်။

အရမ်းအချိန်မပေးရပဲနဲ့ ကိုယ်တက်တဲ့ပညာလေးတွေနဲ့ ပြည်သူတွေကို အကျိုးပြုချင်သူတွေရှိကြလား ခက်ခဲနေတဲ့ အချိန်ကာလမှာ ပြည်သူတွေအတွက် အကျိုးရှိမယ့် သတင်းစကားတွေ၊ ခွန်အားဖြစ်စေမယ့် ဖန်တီးမှုတွေကို အတူတကွ ပုံဖော်ပေးဖို့ Volunteer (Digital Creators) တွေကို ဖိတ်ခေါ်ချင်ပါတယ်။ ကိုယ့်ရဲ့ ကျောင်းကိစ္စ၊ လုပ်ငန်းခွင်ကိစ္စတွေ မထိခိုက်စေဖို့အတွက် တစ်လကို (၁၀) Post ထက်မပိုတဲ့ အနေအထားနဲ့ပဲ အချိန်ကို ညှိနှိုင်းပြီး သက်တောင့်သက်သာ ပါဝင်ပေးရုံပါပဲ။ အိမ်ကနေ (Work From Home) လုံလုံခြုံခြုံနဲ့ ကိုယ်တတ်ကျွမ်းတဲ့ ပညာရပ်ကို အသုံးပြုပြီး အများအကျိုးအတွက် ပါဝင်ခွင့်ရမယ့် အခွင့်အရေးလေးတစ်ခု ဖြစ်ပါတယ်။ 📌 လိုအပ်နေသော ကဏ္ဍများ - 1️⃣ Graphic Designer (WFH) 2️⃣ Content Writer (WFH) 3️⃣ Video Editor (WFH) ဘယ်လိုလူတွေ ပါဝင်လို့ရမလဲ? ✔️ အချိန်အများကြီး ပေးစရာမလိုဘဲ ကိုယ့်အားလပ်ချိန်လေးမှာ အဓိပ္ပာယ်ရှိတဲ့ အလုပ်တစ်ခုကို ဖန်တီးချင်သူ ✔️ အများပြည်သူ အကျိုးအတွက် စေတနာထားပြီး ကူညီပေးချင်သူ ✔️ အသင်းအဖွဲ့နဲ့ တက်တက်ကြွကြွ ပူးပေါင်းလုပ်ဆောင်နိုင်သူ ဘာတွေပြန်ရမလဲ? အဖွဲ့အစည်းဘက်ကနေ ၆လပြည့်ရင် ဂုဏ်ပြုမှတ်တမ်းလွှာတစ်ခုပြန်လည်ပေးအပ်မှာဖြစ်ပါတယ်။ ၁နှစ်ပြည့်ရင် ဂုဏ်ပြုမှတ်တမ်းလွှာအပါအဝင်ဆုလက်ဆောင်တချို့ပါ ပေးအပ်မှာပါ။ အဖွဲ့အစည်းရဲ့တရားဝင်အဖွဲ့ဝင်ရဲဘော်တစ်ဦးအနေနဲ့လဲနေလို့ရပါတယ်။ အောက်ပါတို့ကနေ ဆက်သွယ်နိုင်ပါတယ်ရှင့် telegram - https://t.me/iyo_offical_channel tiktok - https://www.tiktok.com/@iyo972024 youtube- https://www.youtube.com/@IndependentStudentsOrganizatio twitter - https://x.com/iyooffical facebook - https://www.facebook.com/profile.php?id=61585830523104 web - https://violet-trust-058625.framer.app/ telegram acc - @IndependentYouthsOrganization