KASBI.UZ | RASMIY - Касби тумани ҳокимлиги

E'lon Hududlarda ta’mirlash ishlari amalga oshirilishi sababli, 23-iyun kuni soat 9.00 dan 15.00 gacha Xo‘ja Kasbi, Xo‘jahayron va Yuksalish mahallalarida elektr ta’minotida uzilishlar kuzatiladi. 📞Tel: 75-230-03-60 75-230-03-61 Keltirilgan noqulayliklar uchun Kasbi TЕTK uzr so‘raydi. Rasmiy sahifalarimiz : 📱Web-site | 📱Telegram | 📱YouTube | 🟥 Instagram | 📱Facebook | 📱 X

🏠 Agar siz o‘z hovlingizda, bo‘sh turgan yer maydonida uy, tadbirkorlik uchun noturar bino yoki boshqa har qanday obyekt qurmoqchi bo‘lsangiz, avvalo tegishli tartibda ruxsat olishingiz, loyiha hujjatlarini rasmiylashtirishingiz hamda shaharsozlik talablariga rioya qilgan holda qurilishni boshlashingiz talab etiladi. ❗️ Aks holda bu noqonuniy qurilish holati sifatida baholanib, jarima to‘lashingizga va obyektning majburiy buzilishigacha olib kelishi mumkin. Rasmiy sahifalarimiz : 📱Web-site | 📱Telegram | 📱YouTube | 🟥 Instagram | 📱Facebook | 📱 X

"Аёллар дафтари" бўйича манзилли ишлар таҳлил қилинмоқда Мамлакатимизда хотин-қизларни ҳар томонлама қўллаб-қувватлаш, уларнинг ижтимоий ҳимоясини кучайтириш, бандлигини таъминлаш ҳамда муаммоларини манзилли ҳал этиш давлат сиёсатининг устувор йўналишларидан бирига айланган. Президентимиз ташаббуси билан жорий этилган "Аёллар дафтари" тизими орқали эҳтиёжманд ва турмуш шароити оғир бўлган хотин-қизларни аниқлаш, уларнинг муаммоларини ўрганиш ва амалий кўмак бериш бўйича кенг қамровли ишлар изчил амалга оширилмоқда. Айни пайтда Касби туманида "Аёллар дафтари"нинг 7-босқичига киритилган хотин-қизларни ва амалга оширилаётган чора-тадбирлар самарадорлиги юзасидан ўрганиш ишлари олиб борилмоқда. Маълумотларга кўра, туманда 2026-йил 1-январь ҳолатига 39 709 та хонадон, 50 282 та оила ва 222 262 нафар аҳоли мавжуд бўлиб, шундан 108 654 нафарини ёки 48,9 фоизини хотин-қизлар ташкил этади. 2026-йил учун "Аёллар дафтари"нинг 7-босқичига ижтимоий ҳимояга муҳтож 6 051 нафар хотин-қизни киритиш белгиланган. Хатлов ишлари натижасида эҳтиёжманд хотин-қизларнинг рўйхатлари шакллантирилиб, "Маҳалла еттилиги"нинг коллегиал қарорлари билан тасдиқланган ҳамда "Ayol.gov.uz" электрон платформаси орқали тизимга тўлиқ юкланган. Ўрганишлар жараёнида Республика вакили С.Саидмухторов томонидан "Аёллар дафтари"га киритилган хотин-қизларнинг анкета-сўровномалари таҳлил қилиниб, уларнинг ижтимоий аҳволи, муаммолари ва эҳтиёжлари ҳар бир ҳолат кесимида ўрганилмоқда. Шунингдек, "Маҳалла еттилиги" томонидан шакллантирилган рўйхатларнинг ҳаққонийлиги, қарорларнинг белгиланган тартибда тасдиқланганлиги, ҳар бир хотин-қиз учун индивидуал дастурлар ишлаб чиқилганлиги ҳамда муаммоларни ҳал этишга қаратилган "Йўл хариталари"нинг мавжудлиги юзасидан мониторинг олиб борилмоқда. Ўрганишлар давомида тасдиқланган маълумотларнинг ахборот тизимига ўз вақтида киритилиши, электрон маълумотлар билан амалдаги ҳужжатларнинг ўзаро мувофиқлиги ҳам таҳлил қилиниб, аниқланган камчиликларни бартараф этиш бўйича тегишли кўрсатмалар ва амалий ёрдамлар берилмоқда. Таъкидлаш жоизки, Ўзбекистон Республикаси Вазирлар Маҳкамасининг 2025-йил 23- июлдаги 462-сонли қарорига мувофиқ, "Аёллар дафтари" жамғармаси маблағлари ҳисобидан ижтимоий ҳимояга муҳтож хотин-қизларга манзилли ижтимоий ёрдам кўрсатиш тартиби белгиланган. Мазкур тизим орқали эҳтиёжманд хотин-қизларнинг бандлигини таъминлаш, соғлиғини тиклаш, ҳуқуқий ва ижтимоий қўллаб-қувватлаш чоралари амалга оширилмоқда. Расмий саҳифаларимиз : 📱Web-site | 📱Telegram | 📱YouTube | 🟥 Instagram | 📱Facebook | 📱 X

#Жараён Қашқадарё вилоят судининг жиноят ишлари бўйича судьяси Орзимурод Шукуров, жиноят ишлари бўйича Касби туман судининг раиси Шавкат Нурматов ва тергов судьяси Зафар Жумаевлар томонидан Касби тумани Ёшлар ва Маънавият маркази биносида маҳалла фаоллари, профилактика инспекторлари ва ёшлар иштирокида Ўзбекистон Республикасининг 2026 йил 11 июндаги “Ўзбекистон Республикасининг айрим қонун ҳужжатларига гиёҳвандлик воситалари, психотроп моддалар ёки уларнинг аналоглари ҳамда кучли таъсир қилувчи моддалар билан қонунга хилоф муомала қилганлик учун жавобгарликни такомиллаштиришга қаратилган қўшимча ва ўзгартиришлар киритиш тўғрисида”ги ЎРҚ-1151-сонли Қонунининг мазмун ва моҳиятига бағишланган учрашув ташкил этилди Расмий саҳифаларимиз : 📱Web-site | 📱Telegram | 📱YouTube | 🟥 Instagram | 📱Facebook | 📱 X

E'lon Hududlarda ta’mirlash ishlari amalga oshirilishi sababli, 22-iyun kuni soat 9.00 dan 15.00 gacha Mug‘lon mahallasida elektr ta’minotida uzilishlar kuzatiladi. 📞Tel: 75-230-03-60 75-230-03-61 Keltirilgan noqulayliklar uchun Kasbi TЕTK uzr so‘raydi. Rasmiy sahifalarimiz : 📱Web-site | 📱Telegram | 📱YouTube | 🟥 Instagram | 📱Facebook | 📱 X

⚽️ Yillar davomidagi orzu. Millionlab yuraklarning umidi. Butun xalq kutgan tarixiy lahza. Prezident Shavkat Mirziyoyev rahbarligida sport sohasida amalga oshirilgan izchil islohotlar, zamonaviy infratuzilma va futbol rivojiga qaratilgan e’tibor o‘zining tarixiy samarasini berdi.

O‘zbekiston milliy terma jamoasi ilk bor futbol bo‘yicha Jahon chempionati maydoniga chiqdi! O‘zbekiston bayrog‘i futbolning eng nufuzli maydonida hilpiradi!

Millionlab muxlislar orzusini ro‘yobga chiqargan, O‘zbekiston nomini jahon chempionati sahifalariga muhrlagan futbolchilarimizga yuksak ehtirom! Rasmiy sahifalarimiz : 📱Web-site | 📱Telegram | 📱YouTube | 🟥 Instagram | 📱Facebook | 📱 X

Эски автомашиналарни утилизация қилиш тартиби йўлга қўйилади 🔄Ўзбекистонда ишлаб чиқарилганига 30 йил ва ундан ортиқ бўлган автотранспорт воситалари эгаларидан бозор нархида баҳоланиб, харид қилинади ва утилизация қилинадиган тизим яратилади. Бу ҳақда Чиқиндиларни бошқариш агентлиги маълум қилди. Унга кўра, ⏺️Автотранспорт эгасига янги автомобилнинг бошланғич тўлови учун электрон ваучер тақдим этилади, ёки ваучер пулга айлантириб берилади. ⏺️Истеъмолчи ушбу ваучер ёрдамида Ўзбекистонда ишлаб чиқарилаётган янги автомобилларни бир йилдан ортиқ муддатда бўлиб тўлаш шарти билан имтиёзли сотиб олиши мумкин бўлади. ⏺️Эски автомашинасини ўз вақтида утилизацияга топширмаган фуқаролар йилига бир маротаба базавий ҳисоблаш миқдорининг 30 баробари миқдорида экологик компенсация тўлайди. Расмий саҳифаларимиз : 📱Web-site | 📱Telegram | 📱YouTube | 🟥 Instagram | 📱Facebook | 📱 X

#Хушхабар ЗАФАРНОМА Касби тумани ғаллакорлари вилоятда биринчи бўлиб ғалла топшириш режасини ортиғи билан бажаришди. Туманда 2026-йил қишлоқ хўжалиги соҳаси учун баракали келди. Деҳқончилик ҳандалаги ҳисобланган пилла топшириш режаси уддаланиши ортидан ғаллакорлар ҳам зафар маррасини забт этдилар. 14450 гектар майдондан 48828 тонна сара дон йиғиштириб олиниб, шартномавий режа уддаланди. Катта хирмонга тумандаги "Ғалаба", "Т.Малик", "С.Насафий", "Пахтакор", "М.Улуғбек" ҳудудлари айниқса, "Камол Файзиев”, “Қўшшаев Юсуф”, “Сахий Офтоб” ҳамда яна бир қатор фермер хўжаликлари муносиб ҳисса қўшдилар. Улар гектаридан 100-110 центнердан ошиқ ғалла олишга эришдилар. Ҳали далаларимизда ҳосил бор. Шу боис касбилик миришкорлар ўртача ҳосилдорликни 100 центнерга етказиш мақсадида астойдил меҳнат қилишмоқда. Ҳосилни йиғиб олишда муносиб ҳиссаларини қўшган фермер хўжаликлари, комбайнчи-механизаторлар бугунги куннинг чинакам қаҳрамонларидирлар! Расмий саҳифаларимиз : 📱Web-site | 📱Telegram | 📱YouTube | 🟥 Instagram | 📱Facebook | 📱 X

Dolzarb masalalar yuzasidan tanqidiy-tahliliy yig‘ilish o‘tkazildi Kasbi tumani hokimi To‘xtamurod Meyliyev rahbarligida tuman hokimligi majlislar zalida hududning ijtimoiy-iqtisodiy rivojlanishiga oid ustuvor vazifalar muhokamasiga bag‘ishlangan yig‘ilish bo‘lib o‘tdi. Unda tuman hokimining o‘rinbosarlari, korxona va tashkilotlar rahbarlari ishtirok etdi. Barcha mahallalardagi "mahalla yettiligi" vakillari esa yig‘ilishga Zoom platformasi orqali ulanib, o‘z hududlaridagi holat yuzasidan ma'lumot berishdi. Yig‘ilishda mahalliy byudjet tushumlarini oshirish, yer va mol-mulk soliqlari bo‘yicha qarzdorliklarni kamaytirish, yashirin iqtisodiyot holatlariga barham berish, faoliyat yuritayotgan subyektlarni qonuniy maydonga olib chiqish hamda aholi bandligini ta'minlash masalalari tanqidiy-tahliliy ruhda ko‘rib chiqildi. Har bir yo‘nalish bo‘yicha amalga oshirilayotgan ishlar sarhisob qilinib, yo‘l qo‘yilgan kamchiliklar muhokama etildi. Mas'ullarga mavjud imkoniyat va zaxiralardan samarali foydalanish, natijadorlikni oshirish hamda belgilangan ko‘rsatkichlarga erishish yuzasidan aniq vazifalar yuklatildi. Yig‘ilish yakunida tuman hokimi tomonidan topshiriqlar ijrosini qat'iy nazoratga olish va belgilangan vazifalarni o‘z vaqtida hamda sifatli bajarish bo‘yicha tegishli ko‘rsatmalar berildi. Rasmiy sahifalarimiz : 📱Web-site | 📱Telegram | 📱YouTube | 🟥 Instagram | 📱Facebook | 📱 X

"Stritbol" sport musobaqasining tuman bosqichi o‘tkazildi Kasbi tumanida aholi o‘rtasida sog‘lom turmush tarzini keng targ‘ib etish, jismoniy tarbiya va sportni ommalashtirish hamda fuqarolarning sportga bo‘lgan qiziqishini yanada oshirish maqsadida "Stritbol" sport musobaqasining tuman bosqichi o‘tkazildi. Musobaqada tumanning turli hududlaridan kelgan ishtirokchilar faol qatnashib, o‘zlarining jismoniy tayyorgarligi, chaqqonligi va jamoaviy o‘yin mahoratini namoyon etdilar. Bellashuvlar qizg‘in va murosasiz kurashlar ostida kechib, tomoshabinlarda katta taassurot qoldirdi. Musobaqa davomida yuqori natijalarni qayd etgan jamoalar va ishtirokchilar aniqlanib, g‘olib hamda sovrindorlar munosib taqdirlandi. Rasmiy sahifalarimiz : 📱Web-site | 📱Telegram | 📱YouTube | 🟥 Instagram | 📱Facebook | 📱 X

Navbatdagi fuqarolar qabuli o‘tkazildi Kasbi tumani hokimi hamda hokim o‘rinbosarlarining fuqarolar uchun navbatdagi shaxsiy qabuli tuman "Xalq qabulxonasi" binosida o‘tkazildi. Mamlakatimizda aholi murojaatlari bilan ishlash, fuqarolarni qiynab kelayotgan muammolarni o‘z vaqtida aniqlash va ularni bartaraf etish davlat organlari faoliyatining ustuvor yo‘nalishlaridan biri etib belgilangan. Shu bois Kasbi tumanida ham fuqarolar bilan ochiq muloqotni yo‘lga qo‘yish, ularning murojaatlarini eshitish va amaliy yechim topish borasida tizimli ishlar olib borilmoqda. Mazkur qabul davomida fuqarolar tomonidan bandlik, ijtimoiy qo‘llab-quvvatlash, kommunal xizmatlar, yer va mulk masalalari, infratuzilma hamda boshqa yo‘nalishlardagi murojaatlar yo'llandi. Har bir murojaat mas’ul tashkilotlar vakillari ishtirokida batafsil ko‘rib chiqilib, ularni hal etish yuzasidan tegishli topshiriqlar berildi. Qabul jarayonida ayrim murojaatlar joyida ijobiy hal etilgan bo‘lsa, qo‘shimcha o‘rganish talab etiladigan masalalar nazoratga olinib, ijrosi yuzasidan mas’ullarga aniq vazifalar yuklatildi. Ta’kidlash joizki, Kasbi tumani "Xalq qabulxonasi" binosida fuqarolar uchun doimiy ravishda shaxsiy qabullar tashkil etib kelinmoqda. Bunday uchrashuvlar aholi muammolarini o‘rganish, murojaatlarni manzilli hal etish hamda davlat organlari va fuqarolar o‘rtasidagi ochiq muloqotni yanada mustahkamlashda muhim ahamiyat kasb etmoqda. Rasmiy sahifalarimiz : 📱Web-site | 📱Telegram | 📱YouTube | 🟥 Instagram | 📱Facebook | 📱 X

Xotin-qizlarni kasb-hunarga o‘qitish va tadbirkorlikka jalb etish — ustuvor vazifalardan biri Xotin-qizlarni kasb-hunarga o‘qitish, ularning mehnat bozorida munosib o‘rin egallashini ta’minlash hamda “Ayollar daftari”da ro‘yxatda turuvchi xotin-qizlarni tadbirkorlik faoliyatiga keng jalb etish orqali daromad manbalarini yaratish va iqtisodiy faolligini oshirishga qaratilgan amaliy chora-tadbirlar izchil amalga oshirilmoqda. Rasmiy sahifalarimiz : 📱Web-site | 📱Telegram | 📱YouTube | 🟥 Instagram | 📱Facebook | 📱 X

🎯🎯🎯🎯🎯 🚀 AI VA DASTURLASH KLUBIGA QABUL BOSHLANDI! 🤖 Sun'iy intellekt (AI) vositalari bilan ishlashni o'rganing. 🌐 O'zingizning ilk web-saytingizni yarating. 💻 GitHub va portfolio bilan ishlashni boshlang. 📚 Mashg'ulotlar davomida: ✅ Kompyuter savodxonligi ✅ AI vositalari bilan ishlash ✅ Web-sayt yaratish ✅ GitHub va portfolio ✅ Amaliy loyihalar

📌 Dasturlashni oldindan bilish shart emas. 📌 Dastlab ishtirokchilarning qiziqishi va bilim darajasi aniqlanadi. 📌 Shundan so'ng o'quvchilar o'z darajasiga mos guruhlarga ajratiladi. 📍❗️❗️❗️Uztelecom binosi IT markazi 📆 Boshlanish sanasi: 16-iyun 🔜Soat :10:00da

🟥⏰ Mashg'ulot kunlari va vaqtlari guruhlarning darajasi va tarkibidan kelib chiqib belgilanadi.🟥 🚀 Texnologiyadan foydalanuvchi emas, yaratuvchi bo'ling! ⚡️ O'rinlar soni cheklangan! 📝 Ro'yxatdan o'tishuchun ko‘k yozuv ustiga bosing 📞 Qo'shimcha ma'lumot uchun: 👤 @UFQ_Manager 🤙 +998 91 458 08 14 Rasmiy sahifalarimiz : 📱Web-site | 📱Telegram | 📱YouTube | 🟥 Instagram | 📱Facebook | 📱 X

Kasbi tumani hokimi va hokim o’rinbosarlarining jismoniy hamda yuridik shaxslarni qabul qilish jadvali Rasmiy sahifalarimiz : 📱Web-site | 📱Telegram | 📱YouTube | 🟥 Instagram | 📱Facebook | 📱 X

Aholi bilan ochiq muloqot – muammolar yechimi sari Tasdiqlangan reja asosida Kasbi tumani hokimining o‘rinbosari, Oila va xotin-qizlar bo‘limi boshlig‘i Gulzoda Axatovaning navbatdagi shaxsiy fuqarolar qabuli o‘tkazildi. Tashkil etilgan qabul davomida fuqarolarning murojaat va takliflari atroflicha o‘rganilib, ularning aksariyati joyida ijobiy hal etildi. Shuningdek, qabul jarayonida xotin-qizlarni qiynayotgan muammoli masalalar tinglanib, ularning yechimi yuzasidan tegishli mutasaddilarga aniq topshiriqlar berildi. Bundan tashqari, sog‘liqni saqlash, ta’lim, ijtimoiy himoya hamda yoshlar masalalariga oid murojaatlar yuzasidan mas’ullarga vazifalar yuklatildi. Qabul davomida ko‘tarilgan masalalarni qonuniy hal etish va murojaatlar ijrosini ta’minlash yuzasidan nazorat o‘rnatildi. Fuqarolarning, ayniqsa xotin-qizlarning muammo va takliflarini o‘rganish, ularning huquq va qonuniy manfaatlarini ta’minlashga qaratilgan ishlar izchil davom ettirilmoqda. Rasmiy sahifalarimiz : 📱Web-site | 📱Telegram | 📱YouTube | 🟥 Instagram | 📱Facebook | 📱 X

🏙 E'LON Kasbi tuman Suv ta’minoti filiali nazoratchi lavozimiga tanlov asosida ishga qabul qilish boshlanganini ma’lum qiladi. Mazkur lavozimga yoshi 40 yoshgacha bo‘lgan o‘g‘il-qizlar taklif etiladi. Nomzodlar uchun qulay ish sharoitlari va munosib mehnat haqi belgilangan. Tanlovda ishtirok etish istagida bo‘lgan fuqarolar Kasbi tuman Suv ta’minoti filialiga murojaat qilishlari mumkin. 📞 Qo‘shimcha ma’lumotlar uchun: 91-597-03-14 Rasmiy sahifalarimiz : 📱Web-site | 📱Telegram | 📱YouTube | 🟥 Instagram | 📱Facebook | 📱 X

#nazorat_tadbirlari 💦 Suv haqini to‘lamagan iste’molchilarga ta’sir choralari qo‘llanildi

📊 Kasbi tuman prokuraturasi, MIB tuman bo‘limi va "Qashqadaryo suv ta’minoti" AJ va Kasbi tuman suv ta’minoti filiali xodimlaridan iborat ishchi guruh a’zolari tumandagi Do‘stlik mahallasida reyd tadbirlari o‘tkazmoqda. 🚰 Ichimlik suvi uchun to‘lovlardan muddati o‘tgan qarzdorliklarni bartaraf etish maqsadida o‘tkazilayotgan monitoring tadbiri davomida qarzdorlikka yo‘l qo‘ygan iste’molchilarga qonun talablari yuzasidan tushuntirish berildi. 💵 Ma’lum bo‘lishicha, ushbu mahallada yashovchi aholining suv ta’minoti korxonasi oldidagi qarzdorligi 115 mln. so‘mni tashkil etmoqda. 📝 Reyd tadbiri davomida 45 ta xonadon xatlovdan o‘tkazildi, 7 ta iste’molchi tarmoqdan uzildi, jami 8,5 million so‘m qarzdorlik undirildi.

🔰 Reyd tadbirlari davom etmoqda. ❗️ Eslatma: Qarzdorlikni to‘lamagan iste’molchilarga nisbatan tarmoqdan uzish, sud organlariga da’vo arizalari kiritish va majburiy undirish choralari qo‘llaniladi. Rasmiy sahifalarimiz : 📱Web-site | 📱Telegram | 📱YouTube | 🟥 Instagram | 📱Facebook | 📱 X

Probatsiya nazoratidagi fuqarolar bilan ochiq muloqot o‘tkazildi Kasbi tumanidagi “Yoshlar va ma’naviyat markazi”da viloyat prokurori o‘rinbosari Ulug‘bek Umarov, tuman prokurori O‘ktamjon Akramov, tuman IIB boshlig‘i Dilshod Umarov hamda probatsiya nazoratida turuvchi fuqarolar ishtirokida uchrashuv o‘tkazildi. Tadbir davomida jinoyatchilikning oldini olish, huquqbuzarlik sodir etgan shaxslarning o‘z qilmishidan tegishli xulosa chiqarib, jamiyatda munosib o‘rin egallashi, qonunlarga hurmat ruhida yashashi masalalariga alohida e’tibor qaratildi. Shuningdek, giyohvandlik vositalari va psixotrop moddalarni iste’mol qilish, saqlash hamda tarqatish bilan bog‘liq jinoyatlarga qarshi murosasiz kurashish, takroriy jinoyatchilikning oldini olish, ko‘p marotaba sudlangan fuqarolar bilan manzilli va tizimli ishlash yuzasidan tushuntirish ishlari olib borildi. Uchrashuv davomida ishtirokchilar tomonidan bildirilgan murojaat va takliflar tinglanib, ularni qiynayotgan masalalar yuzasidan tegishli mutasaddilar tomonidan huquqiy tushuntirishlar berildi. Tadbir doirasida probatsiya nazoratidagi fuqarolarning bandligini ta’minlash va ularni ijtimoiy qo‘llab-quvvatlash maqsadida “Mehnat yarmarkasi” ham tashkil etildi. Yarmarkada korxona va tashkilotlar tomonidan mavjud bo‘sh ish o‘rinlari taklif etilib, fuqarolarning doimiy ish bilan ta’minlanishiga ko‘maklashildi. Mazkur tadbir fuqarolarning huquqiy ongi va madaniyatini yuksaltirish, ularni jamiyatga moslashtirish hamda takroriy jinoyatchilikning oldini olishga qaratilgan amaliy ishlardan biri bo‘ldi. Rasmiy sahifalarimiz : 📱Web-site | 📱Telegram | 📱YouTube | 🟥 Instagram | 📱Facebook | 📱 X

⚡️ Prezidentimiz terma jamoamizning ruhini ko‘tardi:

"Futbolchilarimiz juda katta tajribali jamoaga qarshi kuchli xarakterini ko‘rsatdi. Biz uchun birinchi jahon chempionatida birinchi golimiz - bu ham g‘alaba".

https://t.me/Rasmiy_axborot_official

⚽️Гол завқи Расмий саҳифаларимиз : 📱Web-site | 📱Telegram | 📱YouTube | 🟥 Instagram | 📱Facebook | 📱 X