CARDIO-NOTES

ينفع نستخدم ال Fibrates اثناء الحمل من بعد الشهر التالت وينفع نستخدم ال Omeg-3 ethyl ester في حالات ال Severe hypertriglyceridemia اذا احتجنا لها بجانب جوانب العلاج الاخرى (اثناء الحمل ال TG طبيعي بتزيد بسبب الاستروجين اللي بيزود ال Hepatic VLDL synthesis وبيقلل ال Lipoprotein lipase activity) #cardionotes

طبقا للارشادات الامريكية 2026 ال statins تتاخد بدءاً من عمر ٨ سنوات (rosuvastatin) ✅✅✅✅✅ هناك ادلة ايضا تقول ينفع تتاخد من عمر ٧سنوات او اكتر (rosuvastatin)، وممكن كمان من عمر ٦سنوات (اتورفاستاتين بجرعة ٥ مج) #cardionotes

فيه ناس عندهم Subclinical atherosclerosis بمعنى عندهم Atherosclerosis لكن معملش اي مشكلة كلينيكال يعني مفيش تاريخ مرضى لل MI, stroke, PAD من قبل دي طبيعي مرحلة بتحصل قبل حدوث المشاكل الكلينيكال لان تصلب الشرايين في الاساس عملية بتحصل على مدار سنوات طويلة Atherosclerosis is a dynamic process that can progress over decades before causing clinical manifestations or cardiovascular events. الجايدلاينز الامريكية الجديدة ٢٠٢٦ لاول مرة نزلت توصيات خاصة بالمرضى دول الاول المريض دا هيتشخص بايه؟ هيتشخص Typically by Coronary Artery Calcium score (CAC) لو مريض عامل اشعة مقطعية ومعاك الكالسيوم سكور ممكن تاخد قرار منه هل اعمل كالسيوم سكور علشان اشخصهم؟ ممكن تعمله لو مريض مش بياخد Lipid lowering treatment (LLT) يعني مفيش Indication من المعروفين لاستخدام ال LLT يعني بعض اللي عندهم ال 10-year ASCVD risk اقل من ١٠٪؜ (لو فيه اندكيشن فخلاص مفيش داعي تعمله) خاصة لو Male > 40 year Female > 45 year ومحتاج تاخد قرار ياخد علاج ولا لا بمجرم ما بقى فيه كالسيوم يبقى المريض محتاج يبدا Statin ال targets بتتحدد حسب ال severity كما هو موضح بالصورة، فيهم مرضى التارجت بتاعهم بيكون زي المرضى اللي حصلهم ASCVD بالفعل. #cardionotes

ايه الاكل اللي تنصح بيه مريض كوليستيرول عالي؟ الأكل الغني بالفواكه والخضروات البقوليات (العدس، الفول، الفاصوليا، اللوبيا، الحمص، الترمس) دي غنيه بالبروتين والالياف الحبوب الكاملة (عيش اسمر، الدرة) المكسرات (اللوز، عين الجمل، الفستق، البندق) دي غنيه بالدهون غير المشبعة استبدال الدهون المشبعة (اللي هي بتكون هون صلبة في درجات الحرارة الطبيعية زي السمنة، دهون اللحمة واللحمة الحمرة نفسها، جلد الفراخ، المواد المصنعة) والدهون المتحولة (السمن الصناعي، المخبوزات، الاكلات المقلية في زيوت مستخدمة كتير) ونستخدم مكانه دهون غير مشبعة (زيت الزيتون، زيت الدرة، الاسماك، المكسرات) الاكل بشكل عام ليه تاثير محدود على ارتفاع الكوليستيرول لمن ليه تاثير قوي على ارتفاع الدهون الثلاثية #cardionotes

طبقا للارشادات الامريكية الاخيرة (٢٠٢٦) اي مريض سكر ال LDL- target اقل من ١٠٠ لاي شخص لكن هيكون اقل من 70 mg /dl لو فيه مع السكر Any ASCVD risk factor Or Any Diabetes specific risk modifier #cardionotes

علاج ال Dyslipidemia زي علاج الضغط والسكر بيتاخد باستمرار دون توقف (الا لو فيه سبب وتم علاجه) وتحديد جرعة/ نوع/ عدد العلاجات بيتم حسب ال Targets اللي انت عايز توصل ليها الtarget بيتحدد حسب كل عيان بشكل عام اي شخص لازم يكون عنده ال LDL-C اقل من ١٠٠ (ثم فيه حالات اقل من ٧٠ وحالات اقل من ٥٥ وممكن اقل من ٤٠) بنشوف حالات كتير مرضى بدون اي امراض و ال LDL-C اكتر من ١٠٠، كقاعدة عامة دول اول نقطة في علاجهم مش الادوية لكن ال Lifestyle advice لو اbaseline risk بتاعه كان Low or moderate ولو لم يستجيب للنصائح الغير دوائية اكتب علاج #cardionotes

لو تحليل الدهون اظهر ان ال LDL-C اكتر من 190 mg/dl دا مريض Severe hypercholesterolemia هتبدا علاج وال target انك تقلله لاقل من ١٠٠ بشكل عام او اقل من ٧٠ في حالة وجود حاجة من الاتي Familial hypercholesterolemia Other ASCVD risk factors Subclinical atherosclerosis او اقل من 55 في حالة انه اتشخص ب Clinical ASCVD #cardionotes

ازاي نتابع علاج الدهون؟ بيتم عمل تحليل دهون بعد شهر الى تلات شهور من بدء العلاج او تغير الجرعة بعد ما المريض بيوصل لل target المطلوب بيتم عمل التحليل كل ٦ شهور لسنة رغم ان جرعات ادوية الدهون (statins) ليها نتيجة متوقعة ومعروفة حسب ال intensity الا انه لاسباب عديدة فيه تفاوت في الاستجابة من شخص لاخر، دا اللي بيخلينا لازم نتابع التحليل من وقت لاخر #cardionotes

Lipoprotein (a) دا زي ال LDL-c لكن فيه كمان Apoprotein (a) اضافي ماسك في ال Apoprotein B-100 اللي موجود في ال LDL-C ارتفاعه مرتبط بزيادة في ال Risk of atherosclerotic CV disease (ASCVD) اقل من ٣٠ يعتبر طبيعي اكتر من ٥٠ بنعتبره Risk modifier اكتر من 100 mg/dl دا بيزود ال Risk of ASCVD للضعف مين اللي نطلبه تحليل Lipoprotein (a), Lp (a) الاول اي واحد adult المفروض يعمله على الاقل مرة في حياته علشان يعرف نسبته في الدم لو طلع طبيعي مفيش داعي يكرره لانه نسبته محددة في الاساس چينيا (it is a genetic risk factor) ولا يتاثر بشكل هام بعوامل خارجية (الاكل مثلا) علشان كدا بيظل كما هو مع الوقت وبالتالي لو هو طبيعي متوقع يبقى طبيعي باستمرار (خد بالك دا في الشخص الطبيعي /الظروف الطبيعية لاني فيه Secondary causes of high Lp (a) تتاخد في الاعتبار ، وفي بعض الظروف بيتغير) كونه بيتحدد چينيا دا كمان ليه تاثير تاني مهم وهو ان الشخص اللي بيرتفع عنده، ممكن يرتفع من عمر مبكر وبالتالي يتعرض لهذا الارتفاع لفترة اطول( = خطر اكبر) التاني هو عمل Cascade testing وهو عمل التحليل للاقارب من الدرجة الاولى لمريض عنده واحد من الاتي 1️⃣ Familial hypercholesterolemia. 2️⃣ Premature ASCVD (or personal history of premature ASCVD) 3️⃣ High Lp (a) #cardionotes

قياس ال Apo B كل Cholesterol particle عليه One molecule of Apo B وبالتالي قياس ال Apo B يعني قياس كل ال Cholesterol atherogenic particles وهو ادق لمعرفة ال Atherogenic particles burden من قياس ال LDL-C فقط (اللي بيمثل واحد منهم فقط واللي بيقيس ال cholesterol mass in LDL-particles) ApoB is more strongly associated with cardiovascular events than LDL-C or non–HDL-C اذا المفروض نقيس ال Apo B لكل المرضى؟ طالما هو كدا ادق وافضل في الواقع لا احنا بنشخص بتحليل ملف دهون كامل وبنقرر العلاج بالاعتماد على ال LDL-c والجايدلاينز بتنصح باستخدام ال LDL-C As the primary target لان كل الادلة عندنا مبنية في الاساس عليه وكل قرارات العلاج الاساسية مبنية على ارقام ال LDL-C يعني مش هتعمل ال apoB روتين علشان تشخص او علشان توصف علاج وصف العلاج مبني على رقم ال LDL-C اللي بيتحدد حسب ال baseline risk (في الجايدلاينز الاوربية) او حسب عوامل معينة منها ال baseline risk في الجايدلاينز الامريكية الجديدة وال baseline risk دا بيحتاج معرفة ملف الدهون مش محتاج Apo B طيب امتى ممكن نعمل ال Apo B ؟ ممكن نعمله في مرضى محددين هم Patients with history of ASCVD CKM syndrome T2DM elevated TG (>150 mg/dl) الاربع مرضى دول ممكن تعملهم التحليل بشرط ان ال LDL-C يكون وصل التارجت target اللي انت عايزه مش بس كدا كمان ال non-HDL-c يكون وصل التارجت ايضا قبل ما تفكر تعمل Apo B يعني دا مريض اتشخص وماشي على علاج بالفعل ووصل للتارجت LDL-C and non HDL-C طب هنعمله ليه؟ علشان تحسن وتكثف العلاج بتاعك ازاي اكثف العلاج وانا اصلا وصلت للتارجت اللي انا عايزه بال LDL-c وبال Mon-HDL-c كمان؟؟!! احنا قولنا في البداية ان ال LDL-c مش هو كل الحكاية لكن فيه Atherogenic particles تانيه غيره مضره ودا هيقدرها ال Apo B اللي بيشمل كل ال Cholesterol atherosgenic particles طب يعني ايه هكثف العلاج؟ يعني لو انت وصلت للتارجت في الارقام المطلوبة للحاجات المذكورة من قبل تقدر تزود الجرعة (رغم انك في التارجت المنصوح بيه) او تضيف دواء اخر من ال non-statins او تنصح المريض بشوية تعليمات متعلقة بنمط الحياة او تدور على سبب وتعالجه. يعني كدا مش هنعمل Apo B غير لمريض بياخد علاج بالفعل واتحقق فيه الشروط السابقة ؟ لا ينفع كمان تعمله لمريض مش بياخد علاج لكن لهدف اخر (غير تكثيف العلاج) وبتوصية ضعيفة. #cardionotes

هل نعمل تحليل ملف الدهون صايم ولا فاطر؟ ينفع صايم او فاطر لان في اغلب الناس التغير في ال LDL-C level بين الصايم او الفاطر بسيط، لان التغير في ال TG بيكون بسيط وغير مؤثر بشكل كبير، فمفيش داعي للصيام الا في حالات فيه حالات معينة تخليك لازم تعمله صايم حسب الارشادات الاوربية ٢٠١٩/٢٠٢٥ بتقول تعمل التحليل صايم لو كانت الدهون الثلاثية اكتر من ٤٠٠ او مرضى السكر او مرضى متلازمة الايض (بتعريفها) حسب الارشادات الامريكية ٢٠٢٦ بتقول تعمل التحليل صايم لو كانت الدهون الثلاثية اكتر من ٤٠٠ او مرضى اللي عندهم تاريخ عائلي ل Premature ASCVD or genetic dyslipidemia كذلك الامر لو بتقيم مريض ماشي على علاج دهون، بتقيمه For residual risk estimation هتعمل التحليل صايم #cardionotes

ويمكن اضافة باقي الادوية زي ال Ezetimibe then PCSK9 mAb والهدف النزول بال LDL-C لاقل من ٥٥ او اكتر من ٥٠٪؜ من الاساسي ✅✅✅✅ توصية جديدة (زي الاوربية) مرضى الايدز HIV ياخدوا Statin روتين من سن ٤٠-٧٥ سنه (زي ال ESC بس هناك اكتر من ٤٠ سنه بشكل عام) ✅✅✅✅ توصية جديدة بخصوص مرضى الاورام Cancer survivor with life expectancy > 2 years يتعاجلوا بشكل طبيعي زي الناس اللي معندهمش اورام ✅✅✅✅ تلات توصيات جديدةclass I لاول مرة خاصة بعلاج ارتفاع الدهون الثلاثية المرضى اللي عندهم ال TGs اكتر من ١٥٠ واقل من الف وال LDL-c موصلش للتارجت بتاعنا يبقى اهم خطوة هي تكثف ال LDL-c lowering therapy (نفس الفلسفة القديمة اللي كانت نازله في ECDP، شرحناه في عدة بوستات تفصيلية من قبل) مرضى ارتفاع الدهون الثلاثية الوراثي اكتر من ١٠٠٠ يمكن اضافة دواء جديد اسمه Olezarsen بالاضافة لجوانب العلاج الاخرى (مجبوش سيرة ال volanesorsen اللي ذكر في الجايدلاينز الاوربية ESC 2025) المريض ٤٠-٧٥ سنه معندوش لا ASCVD ولا سكر وال TG 150-499 mg /dl احسب ليه ال 10-years ASCVD risk الاول وبعدين قرر العلاج #cardionotes