لِـ مَنُــــــٰــوكِ ،"

بس الطب مهنة انسانية = وإيه المهنة اللي مهياش انسانية !! -أقصد مهنة سامية = مفيش مهنة حقيرة، كل المهن ممكن تبقى سامية -لا بس أنتم لازم تتعاملوا مع الناس برحمة = كل الناس لازم تتعامل مع كل الناس برحمة -بس أنتم بتتعاملوا مع صحة البني آدم .. = وصحة البني آدم مهمة بالضبط زي أمن البني آدم، وتعليم البني آدم، والعدل اللي لازم يتمتع بيه البني آدم .. مهمة زي كل حاجة تخص البني آدم -أصل الانسان بيجيلكوا في أكتر لحظات ضعفه .. = المريض في لحظة ضعف، والمظلوم في لحظة ضعف، والخايف في لحظة ضعف .. حياتنا مليانة لحظات ضعف -بس أنتم أصلاً معندكوش ضمير = احنا مجتمع زي كل مجتمعات البلد اللي احنا عايشين فيها دي، فئة من فئاتها، فيها الحلو والوحش والملتزم والمهمل .. ليه مُصِر تجمعنا احنا بالذات في بوتقة واحدة .. -كلكم بتشتغلوا بره شغلانات خاصة .. = حضرتك عارف إن المرتب ممكن ميكفيش ايجار شقة متوسطة في حتة عادية ؟؟ .. منتظر إيه ؟؟ .. نشحت علشان الأكل والشرب واللبس والعلاج .. حضرتك لو مكاننا هتعمل إيه؟؟؟ -بس الدولة صرفت عليكوا دم قلبها = إيه هو اللي الدولة قدمتهولنا ببلاش، إيه اللي الدولة اعطتهولنا في تعليمنا أكتر من أي حد تاني .. أمال أبهاتنا دفعوا دم قلبهم في إيه؟؟! -بس أنتم بتموتوا العيانين = احنا لينا قدرات مش هنعرف نتجاوزها .. أنا عمري ما هسد عجز مكان سرير فاضي في عناية مركزة، أو تحليل مش موجود، أو أشعة مش متوفرة، أو دوا غالي أو حتى رخيص المستشفى مش عارفة توفره -أمال أنتم بتعملوا إيه؟؟ = بنعمل اللي يقدر أي حد يعمله من خلال الأدوات المتوفرة والامكانيات المتاحة .. واللي بيقدر يزود بيزود .. بس عمرنا ما هنعرف نسد العجز بتاع كل حاجة في كل وقت د.كريم نجاتي. #فضل_الطب_والأطباء