USMLE Mentor MD

A new video is out now!!! 🔥 Instagram: https://www.instagram.com/reel/DaIRDdAIp8b/?igsh=MXJyZWpmYXl4N3l6bA== TikTok: https://vt.tiktok.com/ZSCANDqX4/

بقالك أسبوعين بتعمل "الخطة المثالية". جداول متلونة على Notion، مقسم كل System باليوم، وحاسب هتحل كام سؤال كل يوم لحد ميعاد الامتحان بالظبط. وشوفت 3 فيديوهات عن "ازاي تعمل جدول مذاكرة". وفي الآخر... ولا حليت سؤال واحد! محدش هيقولك الكلمتين دول، فخليني أقولهم لك: ده مش استعداد. ده مجرد هروب بس لابس بدلة شيك. الخطة بتديك إحساس وهمي بالإنجاز لأنها منطقة آمنة. طول ما إنت بتخطط، إنت لسه مبدأتش. وطالما مبدأتش، يبقى مستحيل تغلط. مفيش سؤال هيطلعلك بالأحمر. ومفيش سكور NBME هيبوظ يومك. فالخطة هي المكان اللي مستخبي فيه من الامتحان. لكن عمر الخطة ما كانت هي المشكلة... المشكلة في التنفيذ. خطة عادية بتمشي عليها كل يوم، أحسن مية مرة من خطة مثالية بتفضل تلمع فيها. والحقيقة اللي معظم الناس بتهرب منها هي: خطتك طبيعي تطلع غلط في الأول. انت مش هتوصل للخطة الصح بالتفكير. انت هتوصلها لما تبدأ. ومع تالت يوم حل هتعرف نقط ضعفك، وان الوقت اللي محتاجه بجد أكتر بكتير من 3 أسابيع تخطيط. في الآخر، خطتك كلها المفروض تتلخص في أربع خطوات: • حل كل يوم. • راجع بضمير. • خد NBME كل 7-10 أيام. • صلح نقط ضعفك، وكرر. بس. أي حاجة بعد كده غالبًا مجرد زينة، أو حجة بتأجل بيها البداية. وفي نقطة مهمة وهي ان جزء كبير من المماطلة بيحصل لان مفيش حد بيتابعك. لو في حد بيسألك كل يوم "أنجزت إيه النهاردة بجد؟" زي ما بنعمل مع الدكاترة اللي بنتابع معاهم، مستحيل تفضل تقوله: "أصل لسه بعدّل الجدول" اسبوعين ورا بعض. 😂 المتابعة والمحاسبة مش رفاهية. دي جزء كبير من الاستمرارية والجدية في المذاكرة. فاقفل جداول الـ Excel و Notiom calendars وقومافتح الـ UWorld وحل 10 أسئلة قبل ما تنام النهاردة. دي هي خطتك دلوقتي. والباقي هيتظبط وانت ماشي... لكن مش هيتظبط غير لما تبدأ.

فتحنا رسميًا أبواب عيادة الميم دال. 🥼🩺 في كل حلقة، هتدخل حالة جديدة بمشكلة مختلفة في رحلة الـ USMLE، والمنتور هيبدأ يحدد المشكلة ويحط حل ليها. أول حالة زارت العيادة هو ال over planner 👀 Instagram: https://www.instagram.com/reel/DaDbKyQIPlj/?igsh=MTIzeGZwc3FkN2wwYQ== TikTok: https://vt.tiktok.com/ZSCMPL1aB/ واستنوا ان شاء الله ال episodes اللي جاية لان اكيد هتلاقي نفسك فحلقة واحدة عالاقل

في حاجة لازم تفهمها، قبل ما تقعد تحل أي Assessment أو حتى بلوك أسئلة: انت هتجيب سكور قليل. مش "يمكن".. انت أكيد هتجيب سكور بالنسبالك هتشوفه قليل. وده طبيعي جداً، وده اللي المفروض يحصل أصلاً. السؤال هنا مش *"أنا هجيب سكور كام؟"* السؤال الحقيقي هو: *"أنا هعمل إيه بعد ما أشوف الرقم ده؟"* قدامك طريقين.. ومفيش طريق تالت. الطريق الأول: إنك تشوف السكور، تتضايق، تقفل اللاب توب، وتقعد أسبوعين نفسيتك متدمرة.. حاسس إنك فاشل، وإن الموضوع أكبر منك بكتير، وإنك عمرك ما هتفهم ولا هتوصل. الطريق ده مش هيوصلك لأي حاجة، ولا أي حاجة حرفياً. كل اللي بيعمله إنه بيطوّل المشوار، وبيخليه أصعب ومؤلم أكتر. الطريق التاني: إنك تشوف السكور أياً كان كام وفوراً، ومن غير ما حتى تاخد نفسك، تقف وقفة مع نفسك وتتحمل المسؤولية. تراجع، تبص إنت غلطت في إيه، وغلطت ليه، وتعالج نقطة الضعف دي وتقفلها. الطريق ده هو الوحيد اللي بيرفع السكور، مفيش أي حاجة تانية بترفع السكور غيره. التقييم ده مش حكم عليك ولا بيقيس قيمتك. التقييم ده مجرد أداة قياس، بيقولك إنت واقف فين بالظبط دلوقتي عشان تعرف هتتحرك إزاي. بس كده. الرقم القليل مش معناه إنك فاشل، معناه إن لسه وراك شغل محتاج يتعمل، ولسه قدامك وقت تعمله. اللي بيكسرك مش السكور القليل. اللي بيكسرك بجد هو إنك تاخد السكور القليل ده وتحوله لأسبوعين اكتئاب وندب، بدل ما تحوله لخطة مراجعة تخلص في يومين. الصلابة النفسية دي مش رفاهية، دي متطلب أساسي في الطريق ده. الشخص اللي معندوش الصلابة دي بيقع؛ مش عشان معلوماته قليلة، لكن عشان أعصابه بتنهار في اللحظة اللي بيشوف فيها رقم مش عاجبه. والدرع ده إنت محتاج تبنيه من النهاردة، قبل حتى أول بلوك تحله. تاسك النهاردة: آخر بلوك أو assessment حليته افتحه دلوقتي حالاً. اقعد عليه. اكتب كل غلطة، وغلطت فيها ليه، وصلحها. إياك تتجاهله.

جربت تسأل نفسك قبل كدا ايه اللي فعلا محتاجه عشان تنجح في Step 1؟

كريم ♥️"

EXPERIENCE: "السلام عليكم انا ميار تاني سنة امتياز حبيت أكتب تجربتي يمكن تفيد حد Resources: FA UW Bootcamp Pathoma book Shebl for general microbiology & psychiatry (I didn’t understand these topics well from Bootcamp due to the language barrier, so I used an Arabic source) 100 concepts file for anatomy Amboss for weak topics, ethics, 200 HY concepts and risk factors. UpToDate for additional clinical knowledge (not necessary for Step 1) Biochemistry → Ivy Med& pixorize Sketchy for microbiology I used Anki for microbiology & pharmacology General pharma : Randy Neil In the last phase, I used Mehlman files and videos and Hyguru playlist. Biostats: Randy Neil Duration: 12 months (not full-time). I studied while doing my intern year duties, working, and handling many other responsibilities. Study Plan: First pass: 6 months Main source: UW (system-wise, tutor mode) Second pass: 2 months UW (random, timed mode) NBMEs & self-assessments: 4 months Started from NBME 20 Took one test per week while revising and working on weak points Scores were 70+ Alhamdulillah Tips to improve your NBME scores: ☆ Solve UW in random mode and focus on your incorrects analyze them well if you made it dt knowledge gap or you didn't understand the vignette or lack of confidence. ☆ Try to recognize buzzwords, even if you don’t fully understand the whole vignette ☆ Use ChatGPT for deeper explanations and ask it to generate similar questions to ensure you truly understand the concept ☆ Each question you get wrong, revise the topic from First Aid متستعجلش انك تخلص اي مرحلة من مراحل التحضير على حساب انك تفهم وتعملها بضمير وأخلص النية لله أنه علم نافع وهيفيدك وانك تكون دكتور شاطر في اي مكان هتروحه سواء سافرت أو لا .. بلاش تنخدع بفكرة أنه ممكن تخلص في مدة معينة وتحط لنفسك deadline وتحبط لو مخلصتش فيه عادي ظروفنا مختلفة وتحصيلنا للمعلومات مختلف ف متقارنش نفسك بحد. بالنسبة لل SP انا الموضوع بالنسبالي كان مفيد في المرحلة الأخيرة بتاعة ال nbmes الموضوع بيفرق أنه تراجعوا الحاجات اللي مشتركة بينكم محتاجين تشتغلوا عليها أو مثلا انت فاهم جزء كويس تشرحه لغيرك أو هو يشرحلك دا بيثبت المعلومات اكتر واستحالة تنساها و طبعا نوتس دكتور مينا ودكتور عوبد على الجروب و طبعا I strongly recommend el hussieny nbme library عرفتها متأخر وبصراحة لو ذاكرت منها كويس هتوفر عليك وقت ومجهود كبير و Mentor MD برضو عرفته متأخر ساعدوني جدا في اخر شهر اللي كان اصعب شهر عدى عليا لاني كنت قربت أيأس اني امتحن اصلا بسبب مشاكل حصلت معايا اعمل اللي عليك للآخر وتوكل على ربنا أنه مش هيضيع تعبك و trust your nbme scores واهم حاجة في الرحلة دي الاستمرارية حتى لو في يوم هتذاكر ساعة واحدة بس احسن من مفيش الانقطاعات الكتير وبرضو انك تحرق نفسك في المذاكرة الاتنين هيعملوا نتيجة عكسيه خلي يوم في الاسبوع افصل فيه اعمل حاجة بتحبها واهتم بصحتك النفسية جدا محدش أجبرك على المذاكرة ولا حد بيجري وراك .. استمتع بالرحلة وحاوط نفسك بدايرة تاخد بأيدك وتشجعك عايزة اشكر دكتورة اسراء زيدان و دكتورة رضوى ودكتورة أية كانوا دايما بيشجعوني واستحملوا مني صياح كتير 😂 ادعوا للي ممتحنش منهم ينجح❤️ بالنسبة للامتحان انا امتحنت في اسكندرية الساعة ١٢ وكنت زعلانة أنه ملقيتش معاد الصبح بس المعاد الحمد لله كان مناسب ليا أكتر علشان بعد رمضان مكنتش عارفة اظبط نومي اليوم اللي قبل الامتحان مذاكرتش فيه اي حاجة .. صحيت الساعة ١٠ وصلت البرومترك الساعة ١١ والامتحان بدأ 11:45 حاول تروح بدري قبلها بساعة و اخدت معايا البرميت والباسبور ومياه وبنادول وموز ومكسرات وعصير ف العادي مش باكل وانا مركزة في حاجة ومش متعودة اشرب قهوة بكميات كبيرة بتعملي palpitations لو حد كدا اوعى تاخد red bull و الحاجات اللي شبهه .. اعمل زي ما كنت بتعمل في ال nbmes مش لازم نكون زي باقي الناس😂 احتاجت كافيين باتش واحدة في الاخر وبنادول علشان بدأت اصدع على البلوك الخامس كدا .قسمت البريكات بلوك بريك خمس دقايق في مكاني بلوك عشر دقايق وبعده بلوك وهكذا و خليت الجزء الأكبر من البريك للبلوكات اللي في الأخر و الحمد لله الامتحان كان fair جدا و كان في افكار حلوة حسيت اني بستمتع وانا بحل عادي و خرجت كنت مبسوطة وحاسة أنه هنجح والامتحان حسيته ميكس بين كل حاجة حليتها قبل كدا و نفس أفكار ال UW w nbmes والحمد لله الوقت كان كافي جدا بقول كدا علشان بجد كنت مرعوبة من الحاجات اللي بنسمعها عن الامتحان وأنه غريب وميتحلش مش حقيقي توكل على الله وأعمل اللي عليك وربنا

الف الف مبروك لدكتور ميار على نجاحها في step 1 ❤️✨️

الـ diagnostic tool بقت أقرب لمفتاح الخطة كلها. بدل ما تفضل محتار انت ماشي صح ولا لاً، هتديك تصور واضح المستواك وتحددلك امتى تبقى جاهز تدخل الامتحان بثقة. الهدف مش انك تذاكر أكتر، الهدف انك تمشي بخطة صح. Try it now: usmlementormd.com

لما أكتر من 1000 طالب يقرروا يبدأوا رحلتهم بنفس الخطوة... يبقى أكيد الخطوة دي تستحق التجربة. ✨️ الـ Diagnostic Tool من Mentor MD ساعدت أكتر من 1000 طالب يحددوا نقطة البداية الصح ويعرفوا ايه نقاط قوتهم وايه نقاط الضعف بناءا على داتا واقعية وخبرة مئات من الطلاب اللي منهم بيمر بنفس الظروف. لو لسة مجربتهاش، ممكن دي تكون أفضل فرصة انك تاخد فكرة عن مذاكرتك ماشية ازاي. TRY OUR DIAGNOSTIC TOOL: usmlementormd.com

أنكي أداة قوية... لكن مش لكل شخص، ومش في كل مرحلة. طب ازاي تعرف امتى انكي بيساعدك، وامتى ممكن يضر تحضيرك؟

لو بدأت مع Mentor MD النهارده... بعد شهر، هتكون فين؟

الـ USMLE بتعمل حاجة دلوقتي اسمها "Practice analysis study". إحنا بنكتب البوستات دي مخصوص عشان نمنع حالة القلق والهلع اللي بتسرح وسط الناس أول ما أي خبر زي ده بينزل. فقبل ما حد يتخض أو يضرب أخماس في أسداس، خليني أبسطهالكم. دي حاجة دورية وروتينية، كل كام سنة برنامج الـ USMLE بيراجع حاجة واحدة: هل الامتحان ده لسه بيختبر الحاجات اللي الدكتور الحقيقي محتاج يعرفها فعلاً؟ هي دي ببساطة الحكاية. دي مش علامة إن في حاجة بايظة، دي طريقتهم عشان يخلوا الامتحان عادل، دقيق، ومربوط بالطب الحقيقي على أرض الواقع. الموضوع ده بيمشي على 3 مراحل: ١- مراجعة الخبراء: لجنة من الدكاترة راجعوا المنهج الحالي (Content Outline) وقايمة المهام. ودي خلصت في يناير 2026. ٢- الاستبيان: بيسألوا دكاترة مرخصين وشغالين في تخصصات كتير عن الحاجات اللي بيستخدموها فعلاً في شغلهم اليومي. ٣- التحليل: بيدرسوا النتايج دي، وبعدين يقرروا إذا كان هيكل الامتحان (Blueprint) محتاج يتحدث ولا لأ. طب إيه اللي ممكن يتغير في المستقبل؟ حاجتين مع الوقت: الـ Content Outline (إيه المواضيع اللي هتيجي، ووزنها قد إيه في الامتحان) والـ Task list (طريقة التفكير اللي الامتحان بيطلبها منك). اقرأ الكلمة دي تاني.. "ممكن". مفيش أي حاجة اتحددت لسه. ده مجرد بحث، مش إعلان رسمي. وخلينا نكون واضحين، عشان دي حاجة دورية بتحصل كل فترة، مفيش حاجة جوهرية بتتغير فجأة. الأساس والهيكل بتاع الامتحان ثابت مابيتغيرش. لو تفتكروا، آخر تغييرات حقيقية أو ملحوظة حصلت كانت لما زودوا نسبة أسئلة الـ Ethics، أو التغيير اللي حصل في أسئلة الفارما في Step 1 لما بقوا يركزوا أكتر على الـ Mechanisms بدل ما يسألوك عن اسم الدوا بشكل مباشر. غير كده، الهيكل الأساسي ثابت. الموضوع بالظبط عامل زي لما تقارن كتاب First Aid نسخة 2025 بنسخة 2026.. مجرد تظبيطات بسيطة، بس في الآخر هتلاقيه هو هو نفس الكلام ونفس المنهج! إحنا بنوضح الكلام ده أول بأول عشان نقفل باب التوتر خالص. التغييرات دي بتاخد وقت طويل جداً، وبتيجي بإنذار مسبق، عمرها ما بتحصل بين يوم وليلة. الامتحان بيفضل زي ما هو طول عمره: امتحان مهارات بيختبر أساسيات كونك طبيب. طب المفروض تعمل إيه بالأخبار دي؟ ولا أي حاجة. كمل زي ما إنت. إياك تخلي فكرة "الامتحان ممكن يتغير" تبقى حجة جديدة للمماطلة. الخوف ده هو بالظبط اللي بيخلي الناس محلك سر بالسنين. مصدر رئيسي واحد.. أسئلة بتتحل كل يوم.. و NBMEs بتقيم بيها نفسك. السيستم ده ثابت مابيتغيرش.. أياً كان نتيجة المراجعة دي إيه. ولو في أي وقت حصل تغيير حقيقي هيأثر على خطتك، إحنا هنقولك، وهنعدلك خطتك كمان. ما هو ده أصلاً الهدف من إن يكون معاك حد بيتابعك ويوجهك في الطريق ده. كمل وعافر.

كلكم احسن مني كمان

قبل ما يبقى فيه Mentor MD كان فيه رحلة Step 1 مختلفة 👀 بدايتها، الغلطات، وازاي الفكرة اتولدت من وسط التجربة دي. الفيديو كامل على انستجرام والتيك توك. Instagram: https://www.instagram.com/reel/DZsj-yJqV4Y/?igsh=MWh1M25mNGVma3Ezcg== Tiktok: https://vt.tiktok.com/ZSQsvVAhr/ شوفوه وهتفهموا الصورة أكبر 🔥