نصايح El_Hagar raa

بقولكو 🫣 المدرسة ولا الكلية لازمتها حاجة واحدة بس ، انها تعرفك انك بتعرف تتبع التعليمات فقط ، لكن مش هي دي اللي هتخليك مليونير هي هتخليك في وظيفة محترمة وتعيش فقط ، لا لا مش تعيش كويس ، لا مفيش الكلام ده هي هتعيشك بس ، فاهمني ؟؟ فعمر ما كانت المدرسة ولا الكلية هي طريقة انك تبقى مليونير ، اللي هتعمله فيهم وبعدهم هو اللي هيحدد بقا ، فربنا يوعدني ويوعدكم يا اخواتي ونبقى مليونيرات😂😂😂♥️

❤️: لو عايز اعدي العمالقة اللي معايا وهما اعلى مني اعمل ايه ؟ 🧠: عشان تعديهم لازم تبقى سابقهم بتلات خطوات لان هما already سابقينك بخطوتين ❤️: وده هيحصل ازاي ؟🤔 🧠: بانك تبقى سابقهم بتلات خطوات 🙄 ❤️: ايوا عرفت ، اعمل ايه يعني 🙄 🧠: تتنيل على عينك 😂 ❤️: اه فهمت ، انا هسبقهم بتلات خطوات وخلاص ☺️ 🧠: صبرني ياارب 😩 ❤️: المهم بقولك... 🧠: عايز ايه تاني 😕 ❤️: انا نفسي ابقى مليونير زي بابا 🥲 🧠: ايه ده هو ابوك مليونير ؟ 😮 ❤️: لأ ، كان نفسه بردو 😂 🧠: غور يلا ، واعمل زي ما قولتلك ، اسبقهم بتلات خطوات مش اكتر من كدا عشان متتكفيش على وشك 😂

🛑مش كل سقوط نهاية ،سقوط المطر اجمل بداية للخير .

اخواتي بتوع ثانوية عامة ، نصيحة مني ، ابدأو اتعاملو مع كراسة المفاهيم ♥️

مهههم... ♥️: انا زهقت ،اللي حواليا كلهم مبقوش يعرفوني الا لما يبقى فيه مصلحة 😡 🧠: وانت ايه اللي مضايقك؟🙄 ♥️: ايه اللي مضايقني؟ بقولك ببقى حرفيا اسمع عنه بس والاقيه جاي يطلب الطلب بتاعه بكل بجاحة كدا 🧠: طب اسمع بقا عشان انا اللي هتعصب دلوقتي😡، انت مجاش في مخيلتك ان ربنا عايز يديك حسنات؟ ♥️: حسنات ازاي؟🙄 🧠: ايوة منت لما تساعد الناس هتاخد حسنات🙄🙄 ، وبعدين انت لازم تكون مبسوط ، انت ربنا مسخرك لخدمة الناس ، غيرك بيتنمى يكون كدا والكلام ده مش ليك لوحدك ، لا دي نصيحة مهمة لاخواتي ، ساعدوا ومتستنوش مقابل انت ليك الشرف ان ربنا سخرك لخدمة الناس فبلاش بقا هو بيكلمني لمصلحته والكلام التعبان ده🙄

🚧لو فاقد الشغف اعمل ايه ؟😕 🛑حاول تكتب انت ليه بتعمل الحاجة دي ،يعني ليه بتذاكر مثلا واكتب الاسباب عشان لما شغفك يروح ترجع تقرأها تاني فتفتكر حلمك 🛑حاول تعمل خطة لانت هتعمل ايه ،سواء في المذاكرة او غيرها ،حتى لو حصل اختلاف في الخطة هترجع للخطة وهتعرف انت معملتش ايه وهتصلحه وبجد الموضوع ده مهم . 🛑حاول تاخد راحة من فترة للتانية 👈قولت اجرب الرسايل الصغيرة سمعت انها بتجيب تفاعل 😂

السلام عليكم... جد زميلة لينا هنا على الجروب اتوفى ، اتمنى تدعوله بالرحمة والمغفرة ♥️♥️

🛑المخ يا عزيزي في نظري اعمى عامل شايف ، عضو عمره ما شاف العالم عمره ما لمس ولا حس ولا اتوجع من العالم ، وبالرغم من عماه وطرشه وقلة خبرته ،و مكوثه في كهف الجمجمة اللي مبيخرجش منه ، قادر يعمل كل حاجة لانه عارف كل حاجة ، عارف ايه اللي حصلك وبيحصلك وهيحصلك ، قادر يقولك تعمل ايه ومتعملش ايه ،ده كمان سعات بيبقى قادر ياخد قرارات انت متقدرش تاخدها ، وهنهي كلامي بمعلومة ان المخ مبيحسش بالألم ، ودي مفارقة كبيرة جدا يعني ازاي عضو بيخليني احس بالألم هو نفسه مش بيحس بالألم ...                                              #الدحيح

السلام عليكم ورحمه الله وبركاته ♥️ حاجة بسيطة كدا عملتها عشان الناس اللي مش عارفة تدعي ب اي ، جمعت اهم الادعية في الويبسايت البسيط ده el-hagarraa-arfaa.netlify.app

🛑 انا عملت اي في اخر شهر من ثانوية ؟ 🤔 بص يا صديقي ، من سنة تقريبا كنت مكانك كدا والقلق والتوتر مقولكش 😂 ، عملت اكتر قرار متهور في حياتي كلها واكتر قرار صح فعلا والله

" قعدت من كل الدروس تقريبا "

متستغربش ، انا واحد لو اعتمد على ضميره في انه يذاكر هيطلع من العشرة الاواخر ، بس حسيت ان لازم اعمل كدا ، كنت محتاج اوفر وقت ، وبالفعل بدأت بالفيزيا وبعدين الكيميا والباقي لوحده ادانا اجازة ، السؤال بقا ...

عملت اي 🤔

بكل بساطة انا ركزت اني اجمع اكبر جزء ممكن ، فبقيت بشوف مراجعات بس مفيش شرح خالص عشان السنة كلها كانت للشرح ده مش وقته ، انا قولت لنفسي كدا بجد😂 ، الغريب بقا ان الوقت ده بدأت اسمع نصايح الناس الغالية اللي حواليا وبدأت اصلي وانتظم على قد ما اقدر وحاجات كتير تانية ، كفاية لحد هنا عشان متزهقوش ، هكمل الباقي في وقته ، انت دلوقتي عرفت هتعمل اي هاا ؟ بالتوفيق يا صديقي 🥰

هجرب كدا ، لو لقيت الدنيا عاجباكو هكمل 🥰

اعتقد ان ده اهم فيديو لاي حد في ثانوية عامة الفترة دي https://youtu.be/TD3wa_bCcWY?si=5chh4KXxetb79vBT

🛑رسالة لشخص عزيز عليك من المستقبل... 🧑‍⚕️: عامل ايه؟ 🤵: الحمدلله ، مين؟ 🧑‍⚕️: لا انا واحد مجهول عادي ، ممكن نبقى صحاب ؟ 🤵: تمام مفيش مشكلة ، شوفت خدت شهادة من امتحان ال... 🧑‍⚕️: الكيميا ، وامبارح خدت من امتحان الفيزيا والاسبوع اللي فات مستر العربي اداك ٥٠ ج وكتب عقبال نتيجتك في اخر السنة واشوفك دكتور😊 🤵: عرفت كل ده ازاي ؟ وانت مين ؟ 🧑‍⚕️: انا انت كمان ٣ سنين 😕 🤵: انت... انت وصلت 😮 🧑‍⚕️: امم مع الاسف 😂 🤵: بس انت استحالة تبقى انا ، انا استحالة اوصل بطل هزار بقا وقولي انت مين😒 🧑‍⚕️: والله انا هو انت كمان ٣ سنين بس مش اي ٣ سنين ، ٣ سنين تعب وشقى ومعافرة بس كل التعب محستش بيه لما عرفت النتيجة😌 🛑لازم لازم تاخد حقها دي♥️

لو نسيت انا جاي افكرك ... انت عظيم بكل المقاييس ،انت اكتر واحد شاهد على المعاناة الي عديت بيها ،وقت ما كانوا مبسوطين وبيهزروا انت كنت قاعد بتذاكر عشان مستقبلك ،افتكر كدا معايا كم مرة وقعت والغريب ان في كل مرة بتقع فيها بتقوم لوحدك ،فلازم تفرح انك عديت بكل ده لوحدك ولسا كويس ،واحب افكرك بردو تعمل شير وتتفاعل عشان تكمل الي عليك 😂❤️

شير بقا يا اخواتي 😂😂♥️ https://t.me/abdo882007

الرسالة دي ولا محضرها ولا اي حاجة ، رسالة عشوائية جدا ، لو لقيت اقبال والناس مستفادة انا فورا هنظم الدنيا اكتر وهدي للقناة جزء كبير من وقتي 🥰

السلام عليكم... النقطة اللي هحكي فيها دي تنفع مع اي شخص عموما ، بيتعلم ، جاهل ، بيشتغل ، عاطل ، عايز يتجوز ، عايز يسافر امريكا او اوروبا 😂😂 المهم ، ال ai ، استخدم ال ai في اي حاجة وكل حاجة ، واكب العصر من دلوقتي عشان هتحتاج تواكبه كدا كدا قدام ، فالحق نفسك دلوقتي ، طب اعمل اي ؟ بما ان الفئة الاغلب على القناة هنا من الطلاب فتعالو نشوف ازاي تستفيد منه في الدراسة بص يا قلبي ♥️ ، عندك جيمناي ، ده مساعدك الذكي فعلا ، تبعتله كتاب المادة وتقوله اعملي ملخص شامل بناء على الاسئلة اللي في الكتاب بحيث مجرد ما اذاكر الملخص اللي تعمله ليا ده اقدر احل الاسئلة اللي في الكتاب ده طيب هو عمل الكلام ده وكله تمام ، نسكت على كدا؟ لا ، لازم نكمل استغلاله بكل طريقة ، هنقوله مثلا اديني نواتج التعلم او التريكات والحاجات اللي تخليني احل معظم الاسئلة بمجرد النظر ، او بطريقة اسهل من الطريقة العادية ( بما ان الامتحان اختر يعني) كفاية كدا؟ لا طبعا ، انت راجعت وكله تمام عايز تحل ، هتبعتله مثلا امتحان السنة اللي فاتت وتقوله حللي الامتحان ده وافهمه واعرف افكاره وابعت ملخص للتريكات ولأفكاره ، وبعد كدا هتقوله يلا نحل الامتحان ده ، هتقوله هنحل بنظام السؤال وبعد كدا الاختيارات تحت بعض وبعد كدا الإجابة الصح وبعد كدا الشرح بطريقة بسيطة جدا وفي اخر الشرح لو فيه طريقة احل بيها الاسئلة دي بطريقة صايعة اكتر قولي عليها لو عملت الكلام اللي فوق ده انت هتلم اللي كنت محتاج تلمه في أسبوعين في كام ساعة ، الموضوع مش خيال او مش صعب ، جرب يا صديقي واي سؤال تحتاجه ابعت على جروب المحادثة فورا 🥰🥰