𓊆𝖬𝖺𝗌𝗌𝖺𝗀𝖾𓊇

ما تعرفهُمش إنّك خدت بالك، ولا تحسسهُم إنّك شوفت الحاجة اللي فاكرينك مش هتشوفها، واِوعى تبيّن إنّك كشفتهم وعرفت حقيقتهم، سيبهم عايشين دور الضحية وفاكرين نفسهم ناصحين لإنّك لو عاتبت هيقلبوا عليك الترابيزة والكِبر هيمنعهم يعترفوا بغلطهم .. عشان كدا إعمل عبيط وإنسحب من سُكات، وخليك فاكر إن جمدانك في سكوتك.

ما بقاش عندنا شغف ولا حتى طمعانين في حاجة، كُل اللي بنتمناه الفترة دي إن أيامنا تعدّي بهدوء ونعيش يومنا في سلام، لا نخاصم ولا نجادل ولا ندخُل في صِراعات مع حد، لا نتسأل عن الماضي ولا دماغنا تسألنا عن المستقبل .. وعايزين الأيام اللي باقية في عُمرنا نعيشها متطمنين القلب مرتاحين البال من غير أي هزائم.

ما تروحش للشخص اللي أذاك وتقول له إنتَ أذيتني لإنّه ببساطة هيأذيك تاني بكلامه وردوده اللي هتخليك تندم عشان قررت تتكلم .. لإن من الأخر هو مُستحيل يطبطب عليك أو يراضيك أو حتى يراجع نفسه، هو شخص ظالم وأسهل حاجة عنده يرميك بكلام يوجعك ويكسر نِفسك. خُدها قاعدة: عُمر اللي أذاك ما هيكون دواك.

كل ما الواحد بيكبر بيزيد يقينه في حاجة واحدة بس.. {يقُولونَ هَلْ لَنَا مِنَ الأَمْرِ مِنْ شَيْءٍ قُلْ إِنَّ الْأَمْرَ كُلَّهُ لِلَّهِ} كل حالك من توفيق ورزق وهداية وبركة لله كله لله.. بإرادة الله.. بقدر الله. ليس لك من الأمر شيء، ما عليك إلا السعي، وما شاء الله كان، وما لم يشأ لم يكن.

(قدَّر الله وما شاء فعل). هوِّن على نفسك دائمًا بهذه الجملة، لقد فعلت ما توجب عليك فعله، وما شاء الله أن يكون قد كان. ارضى عن نفسك وارضها لتستطيع الاستمرار والتحمّل، ولا تنسى أن لنفسك عليك حق. حاول أن تهوّن على نفسك ثقل الأيام، وأرح عقلك وقلبك بالرضا، واعلم أن مهما حدث، مهما حدث سيرضيك الله ويجبر خاطرك، وليس بالذي تستحقه بل بالذي يراه مناسبًا لك، وما يريده الله لك دائمًا أفضل وأجمل مما تريده أنت لنفسك ♥️

الواحد لما بيعرف تفاصيل حياة حد؛ بيزداد يقين «لقد خلقنا الإنسان في كبد» ‏كله تعبان وكله بينهج في تفاصيل الحياة ونفسه! فخلينا ما نزوّدش حِمل حد حتى لو بكلمة.. يقول يحي بن معاذ الرازي: "ليكن حظ المؤمن منك ثلاثة: إن لم تنفعه فلا تضره، وإن لم تُفرحه فلا تغمَّه، وإن لم تمدَحه فلا تذمَّه".

قالت : بسمع كلام كان نفسي أسمعه منه زمان, كلام جميل بس الوقت مبقاش جميل.

ربنا سبحانه وتعالى تدبيره عجيب! يوديك مكان تتعلم فيه حاجة عشان تجهز لمكان غيره. يسبب الأسباب عشان تقابل شريك حياتك من غير تخطيط ولا توقع للوقت ولا المكان ولا الطريقة. يوديك مكان تقابل فيه مدير يعلمك بضمير ويجهزك بعد كده إنك تترقى وتكبر. يخليك تقابل ناس خبيثة فتتعلم درس يخليك تبقى ناضج أكتر وتقدّر قيمة الناس النضيفة. مفيش حاجة صدفة.. كلها تدابير ربنا وخير ليك.. حتى لو مش مبسوط دلوقتي في مكانك اعرف إنها فترة ربنا بيجهزك فيها عشان تستقبل عوضه الجميل اللي يليق بصبرك ♥️

بحب الناس اللي حبها سهل. أقصُد يعني الناس اللي مش بتعقد الأمور ومش بتتقل ومش بتقفش على أي حاجة.. الناس الـ flexible.. اللي بيحبوا يدّوا أحلى ما عندهم للناس. ما بيبخلوش بمشاعرهم ودايمًا بيعبروا عنها بشتّى الطرق. بحب الناس اللي عنيها بتنشر إيجابية لوحدها ودايمًا كلامهم وأفعالهم بيشجّعوا كده، واللي أول ما تبصلهم يبتسموا ويحسسوك إنهم مبسوطين بوجودك. والله يا جماعة محتاجين نهَوِّن على بعض الحياة أبسط من كل العُقد اللي بنعقدها دي ♥️

مُجرّد ما تحب هتلاقي نفسك متعلّق بصوت الشخص وكلامه وطريقته وكلماته اللي ماحدّش بيقولها غيره، حتى حروف اسمه لما بيتصل بيك بتقعُد تقرأها حرف حرف ومُعجب بشكل الاسم لدرجة إنّك بتبقى عايز تبوس التليفون وتقول القمر حجي بيكلمني، الحُب جميل ولحظات العشق لا تُنسى ولا تُستبدل.

إن شاء الله يوم عرفة هيكون موافق السبت 15 يونيو يعني خلاص باقي أيام قليلة. كل عام وأنتم بخير ♥️ أُذِّكر نفسي وأُذكِّركم بإن الصحابة كانوا بيجهّزوا دعواتهم استعدادًا لليوم العظيم ده، وكان عندهم ثقة ويقين إنّه "يوم عرفة" العام اللي بعده كل دعواتهم هتكون مُستجابة! يقول أحد الصالحين: "واللهِ ما دعوتُ دعوةً يوم عرفة ودار عليها الحول إلا رأيتها مثل فلق الصبح". اللهم بلّغنا يوم عرفة واجعل لنا فيه دعوةً لا تُرَد ♥️

كل حاجة بتيجي من ربنا جميلة جدًا، فجأة بتحس إنك مصالح الدنيا كلها، وحابب حياتك. سبحانك يا الله، هي نفس الحياة ونفس الدنيا ونفس الروتين، لكن قادر في لحظة تغير قلوبنا وتهديها وترضيها وتساعدنا نشوف الجمال في كل شيء بسيط حوالينا، هنا بندرك إننا مش محتاجين نملك الدنيا كلها علشان نكون مبسوطين، كل اللي محتاجينه رضا ربنا. اللهم اكتبنا ممن "رضِيَ الله عنهم، ورضوا عنه".

لما تلاقي حد على غير عادته معاك أعصابه مشدودة مش مستحمل جدال ما بيشرحش موقفه شديد في كلامه وأفعاله وعلى غير طبيعته؛ فاعلم أن الكوب قد امتلأ عن آخره حتى سُكِبَ فإما أن ترحمه بحسن الظن به والتلطف معه والصبر على جفوته وإما ألا تتعامل معه هذه الفترة على الأقل حفاظًا على الود بينكما.. فكلاهما من الحكمة، وكلٌ على حسب طاقته.

هتفضل فاكر إن الشكل كل حاجة؛ لغاية ما تعاشر شخص شكله حلو وأخلاقه زفت. هتفضل فاكر إن الفلوس كل حاجة؛ لغاية ما تعيش مع حد معاه فلوس ونفسيته سودا. هتفضل فاكر إن المتديّن هو أحسن شخص؛ لغاية ما تجرب تقرب بس من حد حافظ الدين ومفيش في قلبه رحمه. هتفضل فاكر إن ألطف إنسان هو أكتر شخص محبوب؛ لغاية ما تلزق في حد محبوب بس تعيش نفاقه. وبعدين لما تقرب من كل أنواع البشر دي؛ هتعرف إن أحسن إنسان في الدنيا هو الشخص اللي قلبه نضيف. @R_IU_II

عارفين ايه اسوء من الحسد والكره الصريح ؟؟؟ الاستكتار الاستكتار حقيقى ابشع حاجة ممكن تكون موجودة فى اى انسان ! الاستكتار يعني حد مستكتر عليك عيشتك مستكتر عليك شغلانة كويسة مستكتر عليك حب الناس ليك مستكتر إنك عايش في حالك مستكتر عليك ان يبقى عندك حاجه مش عندهم، مستكتر عليك يشوفك فرحان، مستكتر عليك حياه مرتاحه مستكتر عليك ولادك مستكتر عليك صبرك وقوة تحملك مستكتر لبسك، أكلك، مكانك،صحتك‌، عوض ربنا ليك .. وممكن يجي قدامك يقولك قد ايه هو مبسوط وطاير من الفرحة عشانك ! الموضوع اكبر من حسد وعين الموضوع انهم بيتمنوا زوال اي نعمه هتجيلك او عندك ومش مقتنعين أن ده عوض ربنا عن اللى فات اللى هما مايقدروش يستحملو جزء منه وان كل انسان ليه نصيب ف الوحش والحلو ربنا يحفظنا من اي عين ويبعد عنا اي حد كاره لينا الفرحه والخير

دايمًا فيه شوية محبة زيادة عندي للناس اللي بتقدر ظروف الناس من غير تبرير أو توضيح ومن غير ما تحسسهم بالتقصير.. وبالذات لو الظروف دي غير معلومة التفاصيل بالنسبه لهم أو مش عايشين زيها؛ ومع ذلك بيقدروا جدًا! حقيقي شكرًا للناس اللي بتقدر إن الواحد ممكن يبقى مشغول أو مسحول عادي.. ممكن يبقى تعبان ومش قادر يشارك في حاجة معينة عادي.. ممكن يبقى ملهي في حياته وطالع عينه، وممكن ينسى.. بجد شكرًا من القلب لأي حد مريح ♥️ .

ده مش مكانك، انت شوية وماشي.. ما تتعلقش، وما تزعلش. ليست دارنا ولا ديارنا كُل ما فيها مُتعِب.. وكُل مَن فيها مُتعَب. لا الدنيا لنا، وما كنا للدنيا. كلنا لله، وإنا إليه راجعون. لبيك إن العيش عيش الأخرة.

إن الله يكره البؤس والتباؤس! عن أبي هريرة قال: قال رسول الله صلى الله عليه وسلم: إنَّ اللهَ تعالى إذا أنعَم على عبدٍ نعمةً، يحبُّ أن يرى أثرَ النِّعمةِ عليه، ويكره البُؤسَ، والتَّباؤسَ، ويُبغِضُ السائلَ المُلْحِفَ، ويحبُّ الحييَّ العفيفَ المتعفِّفَ. اللهم إنا نعوذ بك من شرور نفسنا.. اللهم جمِّلنا بمكارم الأخلاق، وحببنا فيما تُحبه❤️

في أعين الناس؛ هناك مَن يراني إنسان صالح طيب القلب، وآخر يراني لا خير في. وبين هذا وذاك لا يهمني سوى نظرتك إليّ يا رب! فمحبتهم لي لن تنفعني وأنا عندك لا شيء وبغضهم لي لن يضرني وأنا عندك شيء يا ربِّ.. إن كنت مُحسنًا فزِدني إحسانًا، وإن كنت مخطئًا فاهدني واهدِ بي. واجعل نظرتي إليّ صائبة، أُبصر فيها قدري الحقيقي الذي هو بقدري عندك لا قدري عند الناس. - @R_IU_II

‏الحاجة الأكيدة في الدنيا دي؛ إنّ الله على كل شيء قدير.. يعني لو وقف الكون كله واستحالت المُسبّبات ربنا قادر يغير كل حاجة عشان دعائك وما سكنَ قلبك وتمنّيته ولم تبُح به. تخيل أن الرحمن يستحيِ أن يُخيب أملك مادمت تحسن الظن به! احلم واتمنى وبالغ في طلبك فأنت تطلب من أكرم الأكرمين وأرحم الراحمين ♥️