រដ្ឋបាលខេត្តកំពង់ចាម

ការងារសាងសង់ផ្ទះអតីតយុទ្ធជនក្នុងខេត្តកំពង់ចាម​ ចំនួន​ 21ខ្នង​ អំណោយដ៏ថ្លៃថ្លារបស់សម្តេចតេជោ​ ហ៊ុន​ សែន​ សម្រេចបានប្រមាណ 70% (កំពង់ចាម) នៅព្រឹកថ្ងៃទី8 ខែមេសា ឆ្នាំ2026 នេះ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រជាប្រធានគណៈកម្មាធិការសមាគមអតីតយុទ្ធជន និងនិវត្តជនខេត្ត បានដឹកនាំក្រុមការងារ អញ្ជើញចុះពិនិត្យវឌ្ឍនភាពការងារសាងសង់ផ្ទះអតីតយុទ្ធជនក្នុងខេត្តកំពង់ចាម​ ចំនួន​ 21ខ្នង​ ជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ​ ហ៊ុន​ សែន​ ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជន និងនិវត្តជនកម្ពុជា ដែលគិតត្រឹមថ្ងៃទី៨ មេសា នេះ សំណង់ខាងលើសម្រេចបានប្រមាណ70% ហើយ ដោយគ្រោងនឹងប្រគល់ជូន គ្រួសារអតីតយុទ្ធជន និងនិវត្តន៍ជូនឲ្យចូលស្នាក់នៅជាបន្តបន្ទាប់ឆាប់ៗនេះ។ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មាធិការសាខាសមាគមខេត្ត បានពាំនាំនូវប្រសាសន៍ផ្តាំផ្ញើសាកសួរសុខទុក្ខពី សម្តេចតេជោ ហ៊ុន សែន និងសម្តេចមហាបវរធិបតី ហ៊ុន ម៉ាណែត ដែលសម្តេចទាំងទ្វេ តែងបានគិតគូរខ្ពស់ដល់សុខទុក្ខរបស់យុទ្ធជន និងអតីតយុទ្ធជន ដែលបានបូជាកម្លាំងកាយចិត្ត និងជីវិត ដើម្បីការពារជាតិមាតុភូមិ។ ហើយតាមរយៈការផ្តល់ផ្ទះនេះ ក៏បានបង្ហាញអំពីគោលនយោបាយយូរអង្វែង ក្រោមពាក្យស្លោក «មិនទុកអ្នកណាម្នាក់ឲ្យនៅឯកោរ» ដែលជាគោលការណ៍សំខាន់ក្នុងការដឹកនាំ និងអភិវឌ្ឍន៍ប្រទេស ក្រោមដំបូលសុខសន្តិភាព។ ឯកឧត្តម អភិបាលខេត្តបន្តថា ការកសាងផ្ទះជូនគ្រួសារអតីតយុទ្ធមិត្តឆ្នាំ១៩៧៨ គឺជាគោលនយោយបាយរបស់សម្តេចតេជោ ហ៊ុន សែន អតីតនាយករដ្ឋមន្ត្រី ដើម្បីជាការតបស្នងដល់យុទ្ធមិត្តដែលបានរួមអាវុធ តស៊ូក្នុងភ្លើងសង្គ្រាមជាមួយ សម្តេចតេជោ ដើម្បីរំដោះប្រទេសចេញពីរបបប្រល័យ ពូជសាសន៍ ប៉ុល ពត។ ក្នុងឱកាសនោះ ឯកឧត្តម អភិបាលខេត្ត ក៏បានស្នើដល់ក្រុមការងារបច្ចេកទេស និងអជ្ញាធរមូលដ្ឋាន ត្រូវបង្កើនការយកចិត្តទុកដាក់តាមដានការងារសាងសង់សំណង់ខាងលើឲ្យមានគុណភាពខ្ពស់ ដើម្បីប្រើប្រាស់បានយូរអង្វែង។ បើតាមរបាយការណ៍របស់លេខាធិការដ្ឋានសាខាសមាគម បានបញ្ជាក់ថា ផ្ទះដែលត្រូវបានកសាងជូនគ្រួសារអតីតយុទ្ធជន និវត្តន៍ ទាំង21 ផ្ទះ រួមមាន: -ស្រុកកំពង់សៀម 2ខ្នង -ស្រុកព្រៃឈរ 3ខ្មង -ស្រុកជើងព្រៃ 2ខ្នង -ស្រុកបាធាយ 1ខ្នង -ស្រុកចំការលើ 2ខ្នង -ស្រុកស្ទឹងត្រង់ 2ខ្នង -ស្រុកកងមាស 3ខ្នង និង ស្រុកស្រីសន្ធរ ចំនួន 1ខ្នងផងដែរ៕

សេចក្ដីជូនដំណឹង ស្ដីពីកិច្ចប្រជុំសាមញ្ញលើកទី២៣ អាណត្តិទី៤ របស់ក្រុមប្រឹក្សាខេត្តកំពង់ចាម

One Health Summit. Lyon, France 7 April 2026 🌐 Hun Manet 🌐 Samdech Thipadei Hun Manet, Prime Minister of Cambodia 🌐 Telegram 🌐 Tiktok 🌐 YouTube 🌐 Instagram 😃X #ហ៊ុនម៉ាណែត #Hunmanet #កម្ពុជា #cambodia #សន្តិភាពនៅកម្ពុជា #Peaceincambodia

រដ្ឋបាលខេត្តកំពង់ចាម រៀបចំសេវាអុីនធើណេត ប្រើប្រាស់ដោយឥតគិតថ្លៃ (Free WiFi) រយៈពេល ៥ថ្ងៃ ចាប់ពីថ្ងៃទី១៣ ដល់ថ្ងៃទី១៧ ខែមេសា ឆ្នាំ២០២៦ ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរនាពេលខាងមុខ

គណៈប្រតិភូវៀតណាម ចូលជួបសម្ដែងការគួរសម និងជូនពរថ្នាក់ដឹកនាំខេត្តកំពង់ចាម ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ (កំពង់ចាម): គណៈប្រតិភូខេត្តដុងណាយ និងខេត្តតៃនិញ នៃសាធារណរដ្ឋសង្គមនិយមវៀតណាម ដឹកនាំដោយ ឯកឧត្តម ឡេ ឡើងសឺន អនុប្រធានគណៈកម្មាធិការប្រជាជនខេត្តដុងណាយ និង ឯកឧត្តម ហ៊ូញ វ៉ាន់ស៊ីន អនុប្រធានគណៈកម្មាធិការប្រជាជនខេត្តតៃនិញ បានអញ្ជើញចូលជួបសម្ដែងការគួរសម ពិភាក្សាការងារ ពង្រឹងកិច្ចសហប្រតិបត្តិការ និងជូនពរក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ជូនដល់គណៈប្រតិភូរដ្ឋបាលខេត្តកំពង់ចាម ដឹកនាំដោយឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងឯកឧត្តម ខ្លូត ផន ប្រធានក្រុមប្រឹក្សាខេត្ត ស្ថិតនៅសាលប្រជុំសាលាខេត្តកំពង់ចាម នាព្រឹកថ្ងៃទី០៧ ខែមេសា ឆ្នាំ២០២៦។ ក្នុងឱកាសនោះ ឯកឧត្តម អ៊ុន ចាន់ដា អភិបាលខេត្តកំពង់ចាម បានសម្ដែងការស្វាគមន៍យ៉ាងកក់ក្ដៅចំពោះគណៈប្រតិភូវៀតណាម ដែលបានអញ្ជើញមកបំពេញទស្សនកិច្ច និងជូនពរថ្នាក់ដឹកនាំខេត្តកំពង់ចាម ក្នុងឱកាសបុណ្យចូលឆ្នាំប្រពៃណីជាតិខ្មែរ ខណៈការជូនពរគ្នាទៅវិញទៅមកក្នុងឱកាសបុណ្យជាតិគឺថ្នាក់ដឹកនាំរវាងប្រទេសទាំងពីរតែងតែធ្វើឡើងជាទម្លាប់តាំងពីដើមរៀងមក។ ឯកឧត្តម អភិបាលខេត្ត ក៏បានវាយតម្លៃខ្ពស់ចំពោះថ្នាក់ដឹកនាំ ខេត្តដុងណាយ និងខេត្តតៃនិញ ដែលជានិច្ចកាលតែងតែបន្តកិច្ចសហប្រតិបត្តិការល្អជាមួយខេត្តកំពង់ចាម ជាពិសេសខេត្តដុងណាយ ដែលទើបនឹងចុះហត្ថលេខា លើកំណត់ហេតុស្តីពីកិច្ច សហប្រតិបត្តិការរវាងគណៈកម្មាធិការប្រជាជនខេត្តដុងណាយ នៃសាធារណរដ្ឋសង្គមនិយម វៀតណាម និងរដ្ឋបាលខេត្តកំពង់ចាម នៃព្រះរាជាណាចក្រកម្ពុជា ដោយឡែកតាមរយៈកិច្ច សហប្រតិបត្តិរវាងខេត្តទាំងពីរ នឹងបន្តចូលរួមលើកកម្ពស់កិច្ចសហប្រតិបត្តិការ និងទំនាក់ទំនង ប្រកបដោយនិរន្តរភាពយូរអង្វែង និងជាក់ស្តែងក្នុងវិស័យផ្សេងៗគ្នា ស្របតាមគោលនយោបាយ និងការប្តេជ្ញាចិត្តរបស់ថ្នាក់ដឹកនាំនៃប្រទេសទាំងពីរ ដើម្បីចូលរួមលើកកម្ពស់ ការអភិវឌ្ឍន សេដ្ឋកិច្ច សង្គមកិច្ច របស់ខេត្តកំពង់ចាម និងខេត្តដុងណាយ។ ឯកឧត្តម អ៊ុន ចាន់ដា បន្តថា ទំនាក់ទំនងកិច្ចសហប្រតិបត្តិការរវាងកម្ពុជា-វៀតណាម ត្រូវបាន បង្កើតឡើងក្នុងបរិបទដែលប្រជាជនវៀតណាម កំពុងស្ថិតនៅក្នុងដំណាក់កាលនៃការតស៊ូយ៉ាង ខ្លាំងក្លា ប្រឆាំងនឹងការឈ្លានពាន ពីសំណាក់បរទេស និងបុព្វហេតុ ទាមទារឯករាជ្យ ពីរបបអាណានិគមនិយម រហូតទទួលបានជោគជ័យដ៏អង់អាច៕

នៅព្រឹកថ្ងៃទី៧ ខែមេសា ឆ្នាំ២០២៦ ឯកឧត្តម ឃន ប្រុស អភិបាលរងខេត្ត តំណាងដ៏ខ្ពង់ខ្ពស់ឯកឧត្ដម អ៊ុន ចាន់ដា អភិបាលខេត្ត នៃគណៈអភិបាលខេត្តកំពង់ចាម បានដឹកនាំកិច្ចប្រជុំស្ដីពីការពង្រឹងលើកកិច្ចការងារការជុំរុញបង្កើនការថែទាំសុខភាពបឋម(ក.ជ.ស.ថ.ប)(PHC-BIF) ការកែលម្អគុណសេវាមណ្ឌលសុខភាព និងការអនុវត្តន៍ការងារហិរញ្ញប្បទានសុខាភិបាល(DHIS2) ប្រចាំត្រីមាសទី ១ ឆ្នាំ ២០២៦ ដែលប្រព្រឹត្តិទៅនៅមន្ទីរសុខាភិបាល នៃរដ្ឋបាលខេត្ត និងចូលរួមតាមប្រព័ន្ធនិមិត្ត(Zoom)ផងដែរ។

សូមពិនិត្យកម្មវិធី ព្រឹត្តិការណ៍ និងតម្រាយផ្លូវ ដើម្បីចូលលេងកម្សាន្ត ទួលបានរសជាតិ និងបទពិសោធល្អៗ ពីសង្ក្រាន្តកំពង់ចាម និងសង្ក្រាន្តតាមបណ្តាស្រុក ❤️🌹🇰🇭

អភិបាលខេត្តកំពង់ចាម អំពាវនាវឱ្យពលរដ្ឋបង្កើនការប្រុងប្រយ័ត្ន និងគោរពច្បាប់ចរាចរណ៍ក្នុងឱកាសចូលឆ្នាំថ្មី

វិទ្យាល័យជីហែ ស្រុកកោះសូទិន ប្រារព្ធបុណ្យរំលឹកគុណគ្រូ និងបង្កើតកម្មវិធីសង្ក្រាន្តឆ្នាំថ្មី

លោកស្រី​ ឆាន​ ច័ន្ទធីតា​ ប្រធានមន្ទីរអធិការកិច្ចខេត្តកំពង់ចាម​ អញ្ជេីញសំណេះសំណាល​ជាមួយមន្រ្តីរាជការ​ និវត្តជន​ និងមន្រ្តីជាប់កិច្ចសន្យានៃមន្ទីរអធិការកិច្ចខេត្តកំពង់ចាម​ ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំថ្មី ឆ្នាំមមី អដ្ឋស័ក ព.ស.២៥៧០ ដែលនឹងឈានចូលមកដល់​ នៅថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២៦​ ខាងមុខនេ។ ថ្ងៃចន្ទ ៤រោច​ ខែចេត្រ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៦ ខែមេសា​ ឆ្នាំ២០២៦

អភិបាលខេត្តកំពង់ចាម បានផ្តល់ជូននូវឯកសណ្ឋាន និងសម្ភារការងារសន្តិសុខ ដល់ប្រជាការពារ ៣៤២នាក់ ក្នុងសង្កាត់ទាំង៤ នៃក្រុងកំពង់ចាម

នាថ្ងៃទី៦ ខែមេសា ឆ្នាំ២០២៦ លោកជំទាវ ប៉ាង ដានីអភិបាលរងខេត្ត និងលោកជំទាវ អៀម វណ្ណី សមាជិកាក្រុមប្រឹក្សាខេត្ត និងប្រធាន គ ក ស ក ខេត្តកំពង់ចាម បានដឹកនាំកិច្ចប្រជុំសាមញ្ញលើកទី២១ ឆ្នាំ២០២៥ របស់គណៈកម្មាធិការពិគ្រោះយោបល់ កិច្ចការស្ត្រី និងកុមារ ខេត្តកំពង់ចាម អាណត្តិទី៤ ធ្វើនៅសាលប្រជុំនៃរដ្ឋបាលខេត្តកំពង់ចាម ។ របៀវារៈកិច្ចប្រជុំ៖ ដើម្បីពិនិត្យ និងអនុម័តលើ ការងារមួយចំនួន នៃកិច្ចប្រជុំសាមញ្ញលើកទី២១ - កំណត់ហេតុកិច្ចប្រជុំ សាមញ្ញលើកទី២០ - សេចក្តីព្រាង របាយការណ៍សកម្មភាពប្រចាំខែមីនា ឆ្នាំ២០២៦ - ប្រៀបធៀបលទ្ធផលការងារប្រចាំត្រីមាសទី១ ជាមួយផែនការ សកម្មភាព ឆ្នាំ២០២៦ និងលើកយក បញ្ហាផ្សេងៗ របស់គ.ក.ស.ក ខេត្ត អាណត្តិទី៤ យកមកដោះស្រាយដើម្បីអនុវត្តទៅទិសដៅការងារបន្ត ។

នៅព្រឹកថ្ងៃទី៦ ខែមេសា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈបញ្ជាការឯកភាពខេត្ត បានដឹកនាំក្រុមការងារខេត្ត អញ្ជើញចូលរួមកិច្ចប្រជុំផ្សព្វផ្សាយច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា Online Scam ក្រោមអធិបតីភាពឯកឧត្តម សន្តិបណ្ឌិត ឆៃ ស៊ីណារិទ្ធ ទេសរដ្ឋមន្ត្រីទទួលបន្ទុកបេសកកម្មពិសេស អនុប្រធានប្រចាំការ និងជាប្រធានលេខាធិការដ្ឋាន គ.ប.ឆ.ប. តាមប្រព័ន្ធអនឡាញZoom​ ស្ថិតនៅបន្ទប់វីដេអូConference សាលាខេត្ត។

ក្រុមការងាររាជរដ្ឋាភិបាលចុះមូលដ្ឋានក្រុងកំពង់ចាម ជំរុញប្រជាការពារមានសាមគ្គីភាព និងបម្រើពលរដ្ឋ

រដ្ឋបាលខេត្តកំពង់ចាម រៀបចំគូរគំនូរតាមបណ្តោយជញ្ជាំងច្រាំងទន្លេ ដើម្បីបង្ហាញការដឹងគុណដល់វីរកងទ័ព និងទាក់ទាញភ្ញៀវទេសចរណ៍ (កំពង់ចាម): ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នារសៀលថ្ងៃទី០៥ ខែមេសា ឆ្នាំ២០២៦ បានអញ្ជើញចុះពិនិត្យ ការគូរគំនូរតាមបណ្តោយច្រាំងទន្លេមេគង្គ ដែលរូបគំនូរនីមួយៗ មានគូររូបវីរៈកងទ័ពកម្ពុជា ដែលជាវីរកងទ័ពដល់អង់អាចក្លាហ៊ាន ការពារទឹកដី ជាខឿនការពារដ៏រឹងមាំ សម្រាប់ប្រជាពលរដ្ឋកម្ពុជា។ ឯកឧត្តម បានក៏ណែនាំដល់វិចិត្រករឲ្យគូរគំនូរដែលមានរូបវីរៈកងទ័ពកម្ពុជាជួរមុខ ដែលមានរូបដៃកាន់ទង់ជាតិកម្ពុជា ដែលបង្ហាញពីភាព ក្លាហាន អង់អាច និងជាវីរៈបុរសសម្រាប់ប្រជាពលរដ្ឋកម្ពុជា។ បន្ថែមពីនេះ ឯកឧត្តម ក៏បានជំរុញដល់វិចិត្រករ ឲ្យគូរប្រាសាទតាក្របី ប្រាសាទព្រះវិហារ ដើម្បីជាការរំលឹកដល់កូនខ្មែរគ្រប់រូប ចងចាំ ពីស្នាដៃរបស់ដូនតាខ្មែរ បន្សល់ទុក សម្រាប់ឲ្យកូនចៅជំនាន់ថែរក្សា ដូច្នេះ ទើបរដ្ឋបាលខេត្ត បំផុសស្មារតីឲ្យកូនខ្មែរគ្រប់រូប ត្រូវស្រលាញ់វប្បធម៌ ប្រាណប្រាសាទ ដួងព្រលឹងខ្មែរ ចងចាំជានិច្ច មិនអាចបំភ្លេចបាន។ ឯកឧត្តម ក៏បានអំពាវនាវដល់បងប្អូនប្រជាពលរដ្ឋខ្មែរ យុវជន យុវនារី ដែលមានសមត្ថភាពគូរគំនូរស្អាតៗ ដែលមានចង់បន្សល់ទុកស្នាដៃរបស់ខ្លួននៅលើជញ្ជាំងច្រាំងទន្លេ អាចចូលរួមគូរគំនូរទាំងអស់ ដើម្បីបង្ហាញពីភាពសាមគ្គីភាពគ្នា ខ្មែររួបរួមគ្នាខ្មែរខ្លាំង ហើយ ក៏ការបង្ហាញក្តីស្រឡាញ់ចំពោះបងប្អូនវីរកងទ័ពរបស់ដែលឈរជើងការពារទឹកដីនៅតាមបណ្តោយព្រំដែន៕

ឯកឧត្តម អ៊ុន ចាន់ដា បានជំរុញដល់មន្ទីរសាធារការខេត្តកំពង់ចាម ត្រូវបន្តការខិតខំកសាងហេដ្ឋា រចនាសម្ពន្ធ និងផ្តល់សេវាជូនពលរដ្ឋ ឱ្យកាន់តែល្អប្រសើរ កំពង់ចាម: អភិបាលខេត្តកំពង់ចាម ឯកឧត្តម អ៊ុន ចាន់ដា បានជំរុញដល់មន្ត្រី រាជការនៃមន្ទីរសាធារការខេត្តកំពង់ចាម ត្រូវបន្តការខិតខំកសាងហេដ្ឋារចនាសម្ពន្ធ នានាក្នុងខេត្ត និងបន្តផ្តល់សេវាសាធារណៈ ជូនប្រជាពលរដ្ឋ ឱ្យកាន់តែល្អប្រសើរឡើងថែមទៀត ថ្លែងបែបនេះ ក្នុងពិធីសំណេះសំណាលជាមួយមន្ត្រីរាជការ និវត្តជន និងកម្មករ នៃមន្ទីរសាធារណការ និង ដឹកជញ្ជូនខេត្តកំពង់ចាម នារសៀលថ្ងៃទី៥ ខែមេសា ឆ្នាំ២០២៦ ។ ថ្លែងក្នុងឱកាសនោះដែរ ឯកឧត្តម អ៊ុន ចាន់ដា បានជំរុញនិងលើកទឹកចិត្តបន្ថែមដល់មន្ត្រីរាជការ និង បុគ្គលិក នៃមន្ទីរសាធារណការ និងដឹកជញ្ជូនខេត្តកំពង់ចាម ត្រូវអនុវត្តឱ្យបានខ្ជាប់ខ្ជួនទៅនឹង គោលនយោបាយរបស់រាជរដ្ឋាភិបាល និងផែនការនានា ដែលក្រសួងសាធារណការ និង ដឹកជញ្ជូន ឬក៏ខេត្ត បានប្រគល់ជូន ។ ក្រៅពីនោះត្រូវបំពេញភារកិច្ច និងអនុវត្តតួនាទីរបស់ខ្លួនឱ្យ បានល្អប្រសើរ និងមានក្រមសីលធម៌វិជ្ជាជីវៈផងដែរ ។ ឯកឧត្តមអភិបាលខេត្ត បានផ្តាំផ្ញើដល់មន្ត្រីជំនាញនៃមន្ទីរសាធារណការខេត្ត ត្រូវបង្កើនការអប់រំ ផ្សព្វផ្សាយការងារសុវត្ថិភាពចរាចរណ៍ផ្លូវគោក ជូនដល់ប្រជាពលរដ្ឋឱ្យបានទូលំទូលាយ ពោលគឺ ធ្វើយ៉ាង ត្រូវយកចិត្តទុកដាក់ ពិនិត្យឡើងវិញនូវការដាក់ស្លាកសញ្ញាគូសចរាចរ តាមដងផ្លូវ ដើម្បី ធានាចូលរួមចំណែកកាត់បន្ថយអត្រាអ្នកគ្រោះថ្នាក់ និងអ្នកស្លាប់ដោយសារគ្រោះថ្នាក់ចរាចរណ៍ លើដងផ្លូវ ។ ជាមួយគ្នានោះ ឯកឧត្តម អ៊ុន ចាន់ដា អភិបាលខេត្តកំពង់ចាម ក៏បានណែនាំឱ្យបន្តការខិតខំ បំពេញការងារឱ្យមានប្រសិទ្ធភាព ឆាប់រហ័ស និងមានតម្លាភាព ដើម្បីបង្កើនទំនុកចិត្ត របស់ ប្រជាពលរដ្ឋលើការផ្តល់សេវាសាធារណៈ ពិសេសត្រូវធ្វើការពិនិត្យ ថែទាំ ជួសជុល ហេដ្ឋារចនាសម្ព័ន្ធ ផ្លូវ ថ្នល់ ស្ពាន ដើម្បីធានាសុវត្ថិភាព និងភាពងាយស្រួលក្នុងការធ្វើការដំណើរ ផងដែរ ៕