រដ្ឋបាលខេត្តកំពង់ចាម

នាព្រឹកទី២៩ ខែកញ្ញា ឆ្នាំ២០២៥ លោកជំទាវ ប៉ាង ដានី អភិបាលរង នៃគណៈអភិបាលខេត្តកំពង់ចាម និងលោកជំទាវ អៀម វណ្ណី សមាជិកក្រុមប្រឹក្សាខេត្តកំពង់ចាម បានអញ្ជើញដឹកនាំកិច្ចប្រជុំកិច្ចប្រជុំបូកសរុបការងារប្រចាំត្រីមាសទី៣របស់ក្រុមការងារពង្រឹងការឆ្លើយតបជាពហុវិស័យចំពោះអំពើហិង្សាទាក់ទងនឹងយេនឌ័រ នៅសាលប្រជុំសាលាខេត្តដោយមានការចូលរួមពីអភិបាលរងក្រុង-ស្រុក កងកម្លាំង មន្ទីរ-អង្គភាពពាក់ព័ន្ធនិងអង្គការដៃគូផងដែរ។

សេចក្ដីជូនដំណឹង របស់រដ្ឋបាលខេត្តកំពង់ចាម ស្ដីពីការរៀបចំព្រឹត្តិការណ៍ដើរពិភពលោក WORLD WALKING DAY ក្រោមពាក្យស្លោក «ដើរដើម្បីសន្តិភាព WALK FOR PEACE»

ឯកឧត្តមបណ្ឌិត ម៉ា ឈឿន បានអញ្ជើញជាអធិបតីភាពក្នុងពិធីជួបសំណេះសំណាល និងប្រគល់រង្វាន់ជូនសិស្សប្រឡងមធ្យមសិក្សាទុតិយភូមិទទួលបាននិទ្ទេសA ចំនួន ១៣នាក់ ក្នុងស្រុកជើងព្រៃ ខេត្តកំពង់ចាម នៅព្រឹកថ្ងៃទី២៨ ខែកញ្ញា ឆ្នាំ២០២៥ នៅទីស្នាក់ការគណបក្សប្រជាជនកម្ពុជាស្រុកជើងព្រៃ បានរៀបចំពិធីជួបសំណេះសំណាល និងប្រគល់រង្វាន់ជូនសិស្សប្រឡងមធ្យមសិក្សាទុតិយភូមិទទួលបាននិទ្ទេសA ចំនួន ១៣នាក់ ក្នុងស្រុកជើងព្រៃ ខេត្តកំពង់ចាម ក្រោមគណៈអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ម៉ា ឈឿន សមាជិកគណៈកម្មាធិការថ្នាក់កណ្តាលគណបក្សប្រជាជនកម្ពុជា តំណាងរាស្ត្រមណ្ឌលកំពង់ចាម និងជាប្រធានក្រុមការងារគណបក្សចុះមូលដ្ឋានស្រុកជើងព្រៃ និងលោកជំទាវបណ្ឌិត អ៊ុក ម៉ាលី សមាជិកគណៈកម្មាធិការថ្នាក់កណ្តាលគណបក្សប្រជាជនកម្ពុជា សមាជិកព្រឹទ្ធសភាមណ្ឌលភូមិភាគ២ និងជាអនុប្រធានក្រុមការងារគណបក្សចុះមូលដ្ឋានស្រុកជើងព្រៃ, ឯកឧត្តម លន់ លឹម ថៃ សមាជិកគណៈកម្មាធិការថ្នាក់កណ្តាលគណបក្សប្រជាជនកម្ពុជា តំណាងរាស្រ្តមណ្ឌលកំពង់ចាម និងជាអនុប្រធានក្រុមការងារគណបក្សចុះមូលដ្ឋានស្រុកជើងព្រៃ, ឯកឧត្តម ជីម លាវ សមាជិកគណៈកម្មាធិការថ្នាក់កណ្តាល សមាជិកព្រឹទ្ធសភាមណ្ឌលភូមិភាគ២ និងជាអនុប្រធានក្រុមការងារគណបក្សចុះមូលដ្ឋានស្រុកជើងព្រៃ។ ពិធីនេះក៏មានការអញ្ជើញចូលរួមពី ឯកឧត្តម លោកជំទាវ លោក លោកស្រី ប្រធានក្រុមការងារគណបក្សចុះជួយឃុំ លោក លោកស្រី គណៈកម្មាធិការបក្សស្រុក ឃុំ មេបញ្ជាការកម្លាំងទាំង៣ លោកនាយកវិទ្យាល័យ លោកនាយប៉ុស្តិ៍នគរបាលឃុំ មាតាបីតា និងក្មួយៗសិស្សានុសិស្សទទួលបាននិទ្ទេសA សរុបអ្នកចូលរួមចំនួន ៨៩នាក់ ស្រី ៣៦នាក់។ ក្នុងឱកាសនោះដែរ ឯកឧត្តម លោកជំទាវគណៈអធិបតី បានប្រគល់ជូននូវរង្វាន់លើកទឹកចិត្តដល់សិស្សដែលបានខិតខំប្រឹងប្រែងរៀនសូត្រ រហូតទទួលបានជ័យលាភីនិទ្ទេសA ចំនួន១៣នាក់ ដោយម្នាក់ៗទទួលបាននូវ កុំព្យូទ័រ១គ្រឿង និងថវិកាចំនួន១.០០០.០០០រៀល។ ក្រៅពីនេះ ឯកឧត្តម និងលោកជំទាវបានផ្តល់ថវិកាដល់អ្នកចូលរួមក្នុង១នាក់ថវិកា ២០.០០០រៀល មន្ត្រីប្រចាំការទីស្នាក់ការ៦នាក់ ក្នុង១នាក់ ១០០.០០០រៀល, កម្លាំងប៉ូលីស៨នាក់ ១នាក់ ៤០.០០០រៀល និងចំណាយចាត់ចែងរៀបចំកម្មវិធី ២.០០០.០០០រៀលផងដែរ។

អំណោយដ៌ថ្លៃថ្លារបស់ ឯកឧត្តម អ៊ុន ចាន់ដា អភិបាលខេត្តកំកំពង់ចាម បានប្រគេនព្រះបុណ្ណសោភ័ណ ជី សំណាង ព្រះចៅអធិការវត្ត ឥន្ទកោសី ចុងកោះជ្រូក ដោយឯកឧត្តម ជិន រតនា ជាប្រធានកិត្តិយសនៃទូកងឈ្មោះ ពេជ្រធិបតី បារមីកោះសំរោង

ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា, សមាជិកយុវជនគណបក្សថ្នាក់កណ្ដាល និងជាប្រធាន គណៈកម្មាធិការគណបក្សខេត្តកំពង់ចាម បានអញ្ជើញចូលរួមក្នុងកិច្ចប្រជុំបូកសរុបលទ្ធផលការងារយុវជនគណបក្សប្រជាជនកម្ពុជា ថ្នាក់កណ្តាល ប្រចាំឆមាសទី១ ឆ្នាំ២០២៥ និងទិសដៅការងារបន្ត ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អនុប្រធានគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល នាព្រឹកថ្ងៃសៅរ៍ ទី២៧ ខែកញ្ញា ឆ្នាំ២០២៥ នៅវិមាន៧មករា រាជធានីភ្នំពេញ៕

រសៀលថ្ងៃទី២៦ ខែកញ្ញា ឆ្នាំ២០២៥ នេះ ឯកឧត្តម អ៊ុន ចាន់ដា សមាជិកគណៈអចិន្ត្រៃយ៍ សហភាពសហព័ន្ធយុវជនកម្ពុជា ថ្នាក់កណ្តាល និងជាអភិបាលខេត្តកំពង់ចាម បានអញ្ជើញចូលរួមពិធីបើកជាផ្លូវការ កម្មវិធីពិព័រណ៍ផលិតផលខ្មែរ ក្រោមប្រធានបទ “ខ្មែរធ្វើបាន ៖ ចូលរួម ជំរុញ គាំទ្រ ផលិតផលក្នុងស្រុក” ក្រោមអធិបតីភាពឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក.) នៅសាលពិព័រណ៍កោះពេជ្រ រាជធានីភ្នំពេញ។

ប្រធានមន្ទីរសុខាភិបាលខេត្តកំពង់ចាម ជំរុញក្រុមគ្រូពេទ្យបន្តការផ្តល់សេវាឱ្យល្អជូនអ្នកជំងឺ

អភិបាលខេត្តកំពង់ចាម ប្រគល់ Power Bank 50 គ្រឿង ជូនតំបន់ប្រតិបត្តិការសឹករងកំពង់ចាម សមរភូមិក្រោយ ផ្សាភ្ជាប់នឹងសមរភូមិមុខ, ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងឯកឧត្តម ខ្លួត ផន ប្រធានក្រុមប្រឹក្សាខេត្ត នាព្រឹកថ្ងៃទី ២៦ ខែកញ្ញា ឆ្នាំ២០២៥ បានអញ្ជើញប្រគល់ Power Bank ប្រើពន្លឺព្រះអាទិត្យ ប្រគល់ជូនមេបញ្ជាការតំបន់ប្រតិបត្តិការសឹករងកំពង់ចាម ចំនួន 50គ្រឿង និងថវិកាមួយចំនួន ដែលជាការឧបត្ថម្ភពីហាងលក់គ្រឿងអេឡិចត្រូនិច សុខ នី ស្ថិតនៅសាលាខេត្តកំពង់ចាម។

ថ្នាក់ដឹកនាំខេត្តកំពង់ចាម អញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និង ឯកឧត្តម ខ្លូត ផន ប្រធានក្រុមប្រឹក្សាខេត្ត នៅព្រឹកថ្ងៃទី២៦ ខែកញ្ញា ឆ្នាំ២០២៥ នេះ បានអញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា តាមរយៈប្រព័ន្ធវីដេអូ Conference ស្ថិតនៅវិមានសន្តិភាព រាជធានីភ្នំពេញ។ កិច្ចប្រជុំបានពិនិត្យ ពិភាក្សា និងឆ្លងលើរបៀបវារៈចំនួន ៧ រួមមាន៖ ១-សេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងស្តីពីក្របខ័ណ្ឌបទប្បញ្ញត្តិសុវត្ថិភាពម្ហូបអាហារអាស៊ាន។ ២-សេចក្តីព្រាងច្បាប់ ស្តីពីការអនុម័តយល់ព្រមលើពិធីសារធ្វើវិសោធនកម្មកិច្ចព្រមព្រៀងអាស៊ាន ស្តីពីបម្លាស់ទីរូបវន្តបុគ្គល។ ៣-សេចក្តីព្រាងច្បាប់ ស្តីពីការអនុម័តយល់ព្រមលើពិធីសារទីមួយធ្វើវិសោធនកម្មកិច្ចព្រមព្រៀងពាណិជ្ជកម្មសេរីអាស៊ាន-ហុងកុង នៃសាធារណរដ្ឋប្រជាមានិតចិន។ ៤-សេចក្តីព្រាងច្បាប់ ស្តីពីការអនុម័តយល់ព្រមលើពិធីសារទីពីរ ការធ្វើវិសោធនកម្មកិច្ចព្រមព្រៀងបង្កើតតំបន់ពាណិជ្ជកម្មសេរី អាស៊ាន-អូស្ត្រាលី-នូវែលសេឡង់។ ៥-សេចក្តីព្រាងច្បាប់ ស្តីពីការអនុម័តយល់ព្រមលើអនុសញ្ញាស្តីពីការបង្កើតអង្គការអន្តរជាតិសម្រាប់សន្ធានកម្ម។ ៦-សេចក្តីព្រាងរបាយការណ៍ដំបូង ស្តីពីការអនុវត្តអនុសញ្ញាស្តីពីសិទ្ធិជនពិការនៅកម្ពុជា។ ៧-បញ្ហាផ្សេងៗ៕

រដ្ឋបាលឃុំសូភាស​ ដឹកនាំ​ដោយ​ លោក​ លូង តាក់​ មេឃុំសូភាស​ នៃស្រុកស្ទឹងត្រង់​ សហការ​ជាមួយព្រះ​សង្ឃ​ សហគមន៍សំបូរមានជ័យ​ សហគមន៏ស្ទឹងត្រង់សែនជ័យនិងសប្បុរសជន​ ក្នុងមូលដ្ឋាន​ អញ្ជើញ​ចុះសួរសុខទុក្ខ​ និងនាំយកអំណោយជាស្បៀងអាហារ​ សម្ភារៈ​ប្រើប្រាស់​ប្រចាំថ្ងៃទៅផ្តល់ជូនវីរ:កងទ័ពជួរមុខចំណុះសឹករង កងពលលេខ៨វីរៈលេខ៣៨១ និងកងពលតូចលេខ៦នៅខេត្តព្រះវិហារ​។

អាជ្ញាធរឃុំសូភាស នាំអំណោយជាស្បៀងអាហារ និងថវិកាមួយចំនួនទៅប្រគល់ជូនកងទ័ពជួរមុខខេត្តព្រះវិហារ

ថ្នាក់ដឹកនាំខេត្តកំពង់ចាម អញ្ជើញចូលរួមពិធីប្រគល់សញ្ញាបត្រជូននិស្សិតជ័យលាភី ចំនួន ២២២៣ អង្គ/នាក់ នៃសាខាសាកលវិទ្យាល័យគ្រប់គ្រង និងសេដ្ឋកិច្ច (UME) ខេត្តកំពង់ចាម (កំពង់ចាម)៖ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និង ឯកឧត្តម ខ្លូត ផន ប្រធានក្រុមប្រឹក្សាខេត្ត នៅព្រឹកថ្ងៃទី២៥ ខែកញ្ញា ឆ្នាំ២០២៥នេះ បានអញ្ជើញចូលរួមពិធីប្រគល់សញ្ញាបត្រជូននិស្សិតជ័យលាភី ចំនួន ២២២៣ អង្គ/នាក់ នៃសាខាសាកលវិទ្យាល័យគ្រប់គ្រង និងសេដ្ឋកិច្ច (UME) ខេត្តកំពង់ចាម ក្រោមអធិបតីភាព ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ស្ថិតមជ្ឈមណ្ឌលសន្តិភាព នៅក្រុងកំពង់ចាម។ ពិធីនេះ មានការអញ្ជើញចូលរួមពីសំណាក់ ឯកឧត្តម លោកជំទាវ សមាជិកព្រឹទ្ធសភា រដ្ឋសភា រាជរដ្ឋាភិបាល, ថ្នាក់ដឹកនាំក្រសួងអប់រំ យុវជន និងកីឡា, គណៈគ្រប់គ្រង សាស្រ្តាចារ្យ មន្រ្តីរាជការ និសិ្សតជ័យលាភី និងអ្នកពាក់ព័ន្ធ ប្រមាណជាង ៤.០០០ នាក់។ ឆ្លៀតក្នុងឱកាសនោះ ឯកឧត្តមបណ្ឌិតសភាចារ្យ ហង់ជួន ណារ៉ុន បានចូលរួមអបអរសាទរនិស្សិតជ័យលាភីទាំងអស់ដែលបានយកអស់កម្លាំងកាយចិត្តខិតខំប្រឹងប្រែងសិក្សារហូតទទួលបានជោគជ័យ និងកោតសរសើរចំពោះការខិតខំប្រឹងប្រែងយកចិត្តទុកដាក់បំពេញភារកិច្ចការងារ របស់ក្រុមប្រឹក្សាភិបាល គណៈគ្រប់គ្រង បុគ្គលិក សាស្ត្រាចារ្យ និងដៃគូសហប្រតិបត្តិការទាំងអស់នៃសាខាសាកលវិទ្យាល័យគ្រប់គ្រង និងសេដ្ឋកិច្ច (UME)សាខាខេត្តកំពង់ចាម ចំពោះការរួមចំណែកបណ្តុះបណ្តាលធនធានមនុស្សប្រកបដោយគុណភាព សមត្ថភាព មានចំណេះដឹង ចំណេះធ្វើ មានសីលធម៌ល្អ មនសិការវិជ្ជាជីវៈ សេចក្ដីថ្លៃថ្នូរ កិត្តិយស និងចេះរួមរស់ជាមួយគ្នាប្រកបដោយភាពសុខដុមរមនា ដែលជាមូលដ្ឋានគ្រឹះ នៃការអភិវឌ្ឍប្រទេសជាតិលើគ្រប់វិស័យ។ ឯកឧត្តមបណ្ឌិតសភាចារ្យ បានយកឱកាសនោះ អបអរសាទរខេត្តកំពង់ចាម ឈរក្នុងលំដាប់ទី៦ ដែលមានចំនួនសិស្សនិទ្ទេស A ច្រើន ក្នុងការប្រឡងសញ្ញាបត្រមធ្យមសិក្សាទុតិយភូមិសម័យប្រឡងកន្លងទៅថ្មីៗនេះ ជាមួយអត្រាប្រឡងជាប់ចំនួន ៨២,៨% ស្មើនឹង ៧៧៥០នាក់ ដែល ក្នុងនោះ មានសិស្សនិទ្ទេស A ចំនួន ១៤១ នាក់។ ជាមួយគ្នានោះ តាំងនាមតំណាងឲ្យរាជរដ្ឋាភិបាលសង្ឃឹមយ៉ាងមុតមាំថា និស្សិតជ័យលាភីទាំងអស់នឹងយកចំណេះដឹងដែលទទួលបានពីសាលារៀនទៅអនុវត្តការងារជាក់ស្តែងក្នុងវិស័យនីមួយៗ និងត្រូវធ្វើឱ្យបាន ការប្រែក្លាយសញ្ញាបត្រទៅជាសញ្ញាឃើញនៅគ្រប់អង្គភាពដែលក្មួយៗបម្រើការ ត្រូវខិតខំពុះពារ ជម្នះរាល់ឧបសគ្គក្នុងការបំពេញកិច្ចការ ដើម្បីកសាងខ្លួនឱ្យស័ក្ដិសមជាពលរដ្ឋល្អ មន្ត្រីរាជការល្អ បុគ្គលិកល្អ ដោយប្រើនូវជំនាញ ចំណេះដឹង ចំណេះធ្វើប្រកបដោយមនសិការវិជ្ជាជីវៈ ការទទួលខុសត្រូវក្នុងការងារ សីលធម៌ល្អ ដោយត្រូវចងចាំថា មានតែចំណេះវិជ្ជាទេ ដែលអាចជួយបណ្ដុះនូវផ្នត់គំនិតឱ្យរីកចម្រើនជឿនលឿន ហើយអាចជួយលើកស្ទួយប្រទេសជាតិឱ្យកាន់តែរីកចម្រើនថែមទៀត។ លើសពីនេះទៅទៀត ឯកឧត្តមបណ្ឌិតសភាចារ្យ គាំទ្រពេញទំហឹងចំពោះចំណាត់ការរបស់រាជរដ្ឋាភិបាលកម្ពុជា ក្រោមការដឹកនាំប្រកបដោយចក្ខុវិស័យវែងឆ្ងាយ របស់សម្ដេចអគ្គសេនាបតីតេជោ ហ៊ុន សែន ប្រធានព្រឹទ្ធសភា និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលបានខិតខំប្រឹងប្រែងការពារបូរណភាពទឹកដីកម្ពុជាឱ្យគង់វង្សស្ថិតស្ថេរ ធានាសុខសន្តិភាព និងការអភិវឌ្ឍជូនដល់ប្រជាពលរដ្ឋកម្ពុជា។ តាមរបាយការណ៍របស់ ឯកឧត្តម មួន វាសនា សាកលវិទ្យាធិការរង នៃសាខាសាកលវិទ្យាល័យគ្រប់គ្រង និងសេដ្ឋកិច្ច (UME)ខេត្តកំពង់ចាម និស្សិតជ័យលាភីត្រូវទទួលសញ្ញាបត្រ នាពេលនេះចំនួន ២,២២៣ នាក់ ( នារី ១,០៩៨ នាក់) ក្នុងនោះ និស្សិតកម្រិតបរិញ្ញាបត្ររងមានចំនួន ៣៧៦នាក់ (នារី ១៨៤ នាក់) និស្សិតកម្រិតបរិញ្ញាបត្រ ១,៥៥៧នាក់ (នារី ៨១៨នាក់) និងនិស្សិតកម្រិតបរិញ្ញាបត្រជាន់ខ្ពស់មាន ២៩០នាក់ (នារី៩៦នាក់)។ សមិទ្ធផលជាទីមោទនៈនេះ ឆ្លុះបញ្ជាំងពីការអភិវឌ្ឍខ្លួនជាបន្តបន្ទាប់របស់សាកលវិទ្យាល័យ ឆ្លើយតបទៅនឹងគោលនយោបាយរបស់រាជរដ្ឋាភិបាល ក្នុងការបន្តពង្រឹង និងពង្រីកមូលដ្ឋានគ្រឹះនៅក្នុងវិស័យឧស្សាហកម្ម ពាណិជ្ជកម្ម សេវាកម្ម សំដៅធានាបាននូវកំណើនសេដ្ឋកិច្ចប្រកបដោយចីរភាព ស្របតាមចក្ខុវិស័យអភិវឌ្ឍជាតិ គឺប្រែក្លាយកម្ពុជាឱ្យទៅជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសអភិវឌ្ឍនៅឆ្នាំ២០៥០ ព្រមទាំងឆ្លើយតបទៅនឹងការប្រកួតប្រជែងផ្នែកវិទ្យាសាស្ត្រ និងបច្ចេកវិទ្យា នៅក្នុងតំបន់សហគមន៍អាស៊ាន និងសាកលភាវូបនីយកម្ម៕