រដ្ឋបាលខេត្តកំពង់ចាម

អ្នកភូមិថ្មី ស្រុកកោះសូទិន រៀបចំកម្មវិធី "ចាក់បាញ់ឆែវ១០០ខ្ទះ" ចែកជូនពិសារដោយឥតគិតថ្លៃ (កំពង់ចាម) ដើម្បីរក្សានូវប្រពៃណី និងវប្បធម៌ដ៏ល្អពូផង់របស់ខ្មែរយើង នៅ ថ្ងៃអាទិត្យ ទី៧ ខែមិថុនា នេះ អ្នកភូមិថ្មី ឃុំកោះសូទិន ស្រុកកោះសូទិន បានរៀបចំកម្មវិធី "ចាក់បាញ់ឆែវ១០០ខ្ទះ" ចែកជូនដល់បងប្អូនប្រជាពលរដ្ឋ និងភ្ញៀវទេសចរ ភ្លក់ ពិសារ ដោយឥតគិតថ្លៃ ស្ថិតក្រោមវត្តមានដ៏កក់ក្តៅពីសំណាក់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងឯកឧត្តម ខ្លួន ផន ប្រធានក្រុមប្រឹក្សាខេត្ត និងមានការចូលរួមពី ថ្នាក់ដឹកនាំ មន្ត្រីរាជការ អាជ្ញាធរមូលដ្ឋាន និងបងប្អូនប្រជាពលរដ្ឋ ភ្ញៀវទេសចរ យ៉ាងច្រើនកុះករ។ ក្នុងឱកាសនៃការជួបជុំដ៏ប្រកបដោយក្តីសប្បាយរីករាយ និងស្និទ្ធស្នាលនោះ ឯកឧត្តម អ៊ុន ចាន់ដា អភិបាលខេត្តកំពង់ចាម បានបង្ហាញនូវក្តីរំភើប និងការកោតសរសើរ ចំពោះពុកម៉ែ បងប្អូន អ្នកភូមិថ្មី ឃុំកោះសូទិន ទាំងអស់ដែល ដែលបានបង្កើតកម្មវិធីដ៏ពិសេសនេះឡើង ដែលបញ្ជាក់អំពីសាមគ្គីភាព និងភាពសុខដុមរមនានៅក្នុងសហគមន៍មួយ ប្រប្រកបដោយសុភមង្គល ក្រោមដំបូលនៃម្លប់សុខសន្តិភាព សម័យតេជោ-ធិបតី។ ទន្ទឹមនឹងការកោតសរសើរ ឯកឧត្តមអភិបាលខេត្ត ក៏បានស្នើដល់អ្នកភូមិថ្មី ឃុំកោះសូទិន បន្តថែរក្សានូវប្រពៃណីដ៏ល្អផូផង់មួយនេះឲ្យបានគង់វង្សយូរអង្វែង៕

លោក រស់ វីរ៉េត មេឃុំអារក្សត្នោត ស្រុកស្ទឹងត្រង់ មានប្រសាសន៍ បញ្ជាក់ថា ការ បោះឆ្នោតជ្រើសរើសប្រធានសហគមន៍គឺដើម្បីធានាជួយដោះស្រាយបញ្ហាប្រឈមនានាឲ្យប្រជាកសិករដាំទុរេ JOIN មន្ទីរព័ត៌មានខេត្តកំពង់ចាម 👉 Facebook    👉 YouTube             👉 Website 👉 TikTok 👉 X (Twitter)

ឯកឧត្តម អ៊ុន ចាន់ដា អញ្ជើញដឹកនាំកិច្ចប្រជុំគណៈចលនាមហាជន នៃគណៈកម្មាធិការបក្សខេត្តកំពង់ចាម នៅព្រឹកថ្ងៃអាទិត្យ ថ្ងៃទី ៧ខែមិថុនា ឆ្នាំ២០២៦ ឯកឧត្តម អ៊ុន ចាន់ដា ប្រធានគណៈកម្មាធិការគណបក្សខេត្ត និងជាប្រធានគណៈចលនាមហាជន នៃគណៈកម្មាធិការគណបក្សខេត្ត ដោយមានការអញ្ជើញចូលរួម ពី ឯកឧត្តម ខ្លត ផន អនុប្រធានប្រចាំការគណបក្សខេត្ត ឯកឧត្តម ស្រី សុភ័ក្រ្ត អនុប្រធានគណបក្សខេត្ត  ព្រមទាំងមានការចូលរួមពីឯកឧត្តមបក្នុងគណៈប្រចាំការនៃគណៈអចិន្ត្រៃយ៍គណៈកម្មាធិការគណបក្សខេត្ត ឯកឧត្តម លោកជំទាវបលោក លោកស្រី ប្រធាន អនុប្រធាន សមាជិក សមាជិកា គណៈចលនា សហជីព កម្មករ និយោជិត សរុបចំនួន ៤៤ ររូប ស្រី ៨ រូប។ កិច្ចប្រជុំ បានពិភាក្សានិងស្វែងរកធាតុចូល ដើម្បីពង្រឹងតួនាទីភារកិច្ច របស់គណៈចលនា សហជីព កម្មករ និយោជិត ក្នុងការកសាង គ្រប់គ្រង សមាជិកគណបក្ស រួមមាន កម្មករ រោងចក្រសហគ្រាស ចំការកៅស៊ូ ការដ្ឋាននានា និង កម្មករ សេវាករ ក្រៅប្រព័ន្ធ ឱ្យធានាបាននូវគុណភាព និងបរិមាណ ដើម្បីធានាពង្រឹប្រៀបឈ្នះ ក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី ៦ ឆ្នាំ ២០២៧។ ក្នុងឱកាសនោះ ឯកឧត្តម អ៊ុន ចាន់ដា ប្រធានគណៈកម្មាធិការគណបក្សខេត្ត បានស្នើសុំ ឱ្យសមាជិកសមាជិកា ក្នុងគណៈចលនាសហជីពកម្មករនិយោជិត តាមមន្ទីរអង្គភាពនីមួយៗ ដែលមានភារកិច្ចទទួលខុសត្រូវក្នុងការកសាងសមាជិកគណបក្សក្នុងមុខសញ្ញាខុសៗគ្នា សូមធ្វើផែនការលំអិតជាក់ស្ដែង ដោយផ្អែកតាមស្មារតីនៃផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី ៦ ឆ្នាំ ២០២៧ ដើម្បីធានានូវកម្លាំងពិត ជូនគណបក្ស ក្នុងការបោះឆ្នោតខាងមុខ ។ ជាមួយនោះ ឯកឧត្តមក៏បានដាក់ចេញ នៅភារកិច្ចជាក់ស្ដែងមួយចំនួន និងសូមប្រគល់ភារកិច្ច ជូនឯកឧត្តម ខ្លួត ផនអនុប្រធានប្រចាំការគណបក្សខេត្ត ឯកឧត្តម ស្រី សុភ័ក្រ្ត អនុប្រធានគណកប្ស ទទួលការងារយុវជន និង ឯកឧត្តម ទុំ លឹមយុន ប្រធានគណៈចាត់តាំងគណបក្សខេត្តខេត្ត ដឹកនាំកិច្ចប្រជុំ ដើម្បីរៀបចំផែនការអនុវត្តជាក់ស្ដែង ធានា ការកសាងពង្រឹងពង្រីក និងគ្រប់គ្រង សមាជិកគណបក្ស តាមផ្នែកនីមួយៗ ឱ្យទទួលបានបរិមាណ និងគុណភាព៕

នៅព្រឹកថ្ងៃទី៦ ខែមិថុនា ឆ្នាំ២០២៦ ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា ប្រធានគណៈកម្មាធិការបក្សខេត្តកំពង់ចាម បានអញ្ជើញចូលរួមក្នុងពិធីផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រេីសរេីសក្រុមប្រឹក្សាឃុំ​ សង្កាត់​ អាណត្តិ​ទី៦​ ឆ្នាំ​២០២៧​ ក្រោមអធិបតីភាពដ៏ខ្ពង់ខ្ពស់ ឯកឧត្ដម​សន្តិបណ្ឌិត​ នេត​ សាវឿន​ ប្រធានក្រុមការងារគណបក្សប្រជាជនកម្ពុជាចុះមូលដ្ឋានខេត្តកំពង់ចាម​ និង​ឯកឧត្តម​ បណ្ឌិតសភាចារ្យ​ ហង់ជួន​ ណារ៉ុន​ អនុប្រធានទី១​ ក្រុម​ការងារ​ចុះជួយខេត្ត ស្ថិតនៅទីស្នាក់ការគណបក្សស្រុកចំការលើ។ ​

នាយខណ្ឌរដ្ឋបាលជលផលកំពង់ចាម ដឹកនាំក្រុមការងារ សហការជាមួយអាជ្ញាធរ ចុះបង្ក្រាបបទល្មើសជលផល ០៥ករណី នៅក្នុងភូមិសាស្រ្តស្រុកព្រៃឈរ និងស្រុកកងមាស ខេត្តកំពង់ចាម លោក លី ស្រ៊ី នាយខណ្ឌរដ្ឋបាលជលផលកំពង់ចាម បានដឹកនាំក្រុមការងារជលផលនា ថ្ងៃទី៥ ខែមិថុនា ឆ្នាំ២០២៦ សហការជាមួយអាជ្ញាធរស្រុកព្រៃឈរ អាជ្ញាធរស្រុកកងមាស និងសហគមន៍នេសាទសាមគ្គីឃុំមៀន ចុះប្រតិបត្តិការបង្ក្រាបបទល្មើសជលផល ចំនួន ០៥ករណី នៅក្នុងភូមិសាស្ត្រស្រុកព្រៃឈរ និងស្រុកកងមាស ខេត្តកំពង់ចាម ។ បើតាម លោក លី ស្រ៊ី នាយខណ្ឌរដ្ឋបាលជលផលកំពង់ចាម បានឲ្យដឹងថា ការចុះប្រតិបត្តិការបង្ក្រាបបទល្មើសជលផល ទាំង ០៥ករណីនេះ គឺមានការសម្របសម្រួលពីឯកឧត្តម ព្រះរាជអាជ្ញា នៃអយ្យការអមសាលាដំបូងខេត្តកំពង់ចាម ហើយបានអនុវត្តនៅកន្លែងផ្សេងៗគ្នា ដែលក្នុងនោះ ៖ ០៣ករណី នៅចំណុចបាំងដៃ(បឹងធំ) ឃុំមៀន ស្រុកព្រៃឈរ ។ និង ០២ករណីទៀត នៅចំណុចច្រកបឹងព្រលឹត និងនៅចំណុចមុខទួលសំពៅ(បឹងធំ) ឃុំរការគយ ស្រុកកងមាស ខេត្តកំពង់ចាម ។ លោកនាយខណ្ឌ បានបន្តថា នៅក្នុងបេសកម្ម ខាងលើ ក្រុមការងារបានរុះរើ និងបំផ្លាញចោលនូវឧបករណ៍ខុសច្បាប់នៅនឹងកន្លែង ដែលក្នុងនោះមាន ៖ ឧបករណ៍លូស្បៃមុង ចំនួន ០៩មាត់ របាំងស្បៃមុងប្រវែង ៥០០ម៉ែត្រ បង្គោលចំនួន ២៦០ដើម រុះរើសម្រាស់ ៥ម៉ែត្រ×៨ម៉ែត្រ ចំនួន ០៣កន្លែង ឧបករណ៍រ៉ាវចំនួន ០២មាត់ របាំងរ៉ាវប្រវែង ៦០ម៉ែត្រ និងបានចាក់លែងកូនត្រីចម្រុះទម្ងន់ប្រមាណ ០៦គីឡូក្រាម ចូលបឹងធម្មជាតិវិញ ផងដែរ ៕

ក្រសួងពាណិជ្ជកម្ម និងរដ្ឋបាលខេត្តកំពង់ចាម ផ្តួចផ្តើមបង្កើតឱ្យមានម៉ាកសម្គាល់ ការពារកម្មសិទ្ធិបញ្ញាទុរេនបែកអន្លូង ស្រុកស្ទឹងត្រង់

ក្រសួងពាណិជ្ជកម្ម និងរដ្ឋបាលខេត្តកំពង់ចាម ផ្តួចផ្តើមបង្កើតឱ្យមានម៉ាកសម្គាល់ ការពារកម្មសិទ្ធិបញ្ញាទុរេនបែកអន្លូង ស្រុកស្ទឹងត្រង់

វិស័យពិការភាពត្រូវបានក្រសួងសង្គមកិច្ច អតីតយុទ្ធជន និងយុវនីតិសម្បទា ចាត់ទុកជាការងារអាទិភាពចម្បង

ក្រសួងពាណិជ្ជកម្មនិងរដ្ឋបាលខេត្តកំពង់ចាមបង្កើតម៉ាកសញ្ញាកសិផលទុរេនបែកអន្លូង

នាថ្ងៃទី៥ ខែមិថុនា ឆ្នាំ២០២៦ លោក ជំទាវ ប៉ាង ដានី អភិបាលរងខេត្ត ប្រធានប្រតិបត្តិសាខា តំណាងដ៏ខ្ពង់ខ្ពស់ លោកជំទាវ ញូង ចរិយា អ៊ុន ចាន់ដា ប្រធានកិត្តិយសសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្ត បានអញ្ជើញចូលរួមពិធីផ្សព្វផ្សាយ ស្ដីពី «ការលើកកម្ពស់សុខភាពស្ត្រី និងការយល់ដឹងអំពីមហារីកសុដន់» ។ ពិធីផ្សព្វផ្សាយបានធ្វើនៅសាលប្រជុំ សាខា អេអាយអេ កំពង់ចាម ក្រុងកំពង់ចាម មានការចូលរួមពីលោកជំទាវ លោកស្រី ដែលជាអនុប្រធានកិត្តិយស, សមាជិកា សមាគមនារី មកពីមន្ទីរ-អង្គភាពជុំវិញខេត្ត, ក្រុមគ្រូពេទ្យរបស់មន្ទីរពេទ្យបង្អែកខេត្ត, លោក នាយកផ្នែកលក់ប្រចាំប្រទេសកម្ពុជារបស់ក្រុមហ៊ុន អេ អាយ អេ និងក្រុមការងារសរុបប្រម៉ាណ ៦០នាក់។ សូមបញ្ជាក់ថាពិធីផ្សព្វផ្សាយធ្វើឡើងក្នុងគោលបំណង ៖ ដើម្បីលើកកម្ពស់ការយល់ដឹងរបស់ស្ត្រីអំពីការថែរក្សាសុខភាពផ្ទាល់ខ្លួន និងការបង្ការ រកឃើញទាន់ពេល និងព្យាបាលជំងឺមហារីកសុដន់ប្រកបដោយប្រសិទ្ធភាព, ដោយផ្តោតលើការផ្តល់ចំណេះដឹងអំពីកត្តាហានិភ័យ រោគសញ្ញាដំបូង វិធីសាស្ត្រពិនិត្យសុដន់ដោយខ្លួនឯង និងសារៈសំខាន់នៃការពិនិត្យសុខភាពជាប្រចាំ។

មេឃុំសណ្តែក ប្តេជ្ញាបម្រើសេវាសាធារណៈ និងប្រើប្រាស់ថវិកាជាតិឱ្យតម្លាភាព