Voice Of Pakistan

🚨 سوات: پولیو ٹیم پر فائرنگ، لیویز اہلکار ہلاک — کالعدم ٹی ٹی پی نے ذمہ داری قبول کر لی

‼️ سوات کی تحصیل مٹہ کے علاقے ارکوٹ میں نامعلوم افراد نے پولیو ٹیم پر فائرنگ کر دی، جس کے نتیجے میں پولیو مہم پر مامور لیویز اہلکار عبدالکبیر ہلاک ہو گئے۔

ڈی پی او سوات محمد عمر کے مطابق واقعے کے بعد پولیس کی بھاری نفری موقع پر پہنچ گئی اور علاقے کو گھیرے میں لے کر سرچ آپریشن شروع کر دیا گیا ہے۔

پولیس حکام کا کہنا ہے کہ حملہ آوروں کی تلاش جاری ہے جبکہ جائے وقوعہ سے شواہد اکٹھے کیے جا رہے ہیں۔

دوسری جانب، کالعدم تحریکِ طالبان پاکستان (ٹی ٹی پی) نے اس حملے کی ذمہ داری قبول کرنے کا دعویٰ کیا ہے۔

🚨 کالعدم ٹی ٹی پی سے منسلک چینل "ضربِ عمر" کی باجوڑ میں کارروائی کی ویڈیو جاری

‼️ کالعدم تحریکِ طالبان پاکستان (ٹی ٹی پی) سے منسلک چینل "ضربِ عمر" نے ضلع باجوڑ کی تحصیل ریاست کے علاقے سباگی اور تحصیل واڑہ ماموند کے علاقے سفری میں جنگجوؤں کی کارروائی کی ویڈیو جاری کی ہے۔

ویڈیو میں مسلح افراد کو پیکا، راکٹ لانچر اور دیگر جدید ہتھیاروں کے ساتھ کارروائی کرتے ہوئے دکھایا گیا ہے۔

🚨 پاکستان میں عام مظاہرین پر فائرنگ اور جانی نقصان پر امارتِ اسلامی کا اظہارِ افسوس

‼️ امارتِ اسلامی افغانستان نے پاکستان میں عام مظاہرین پر فائرنگ اور جانی نقصان پر گہرے افسوس اور دکھ کا اظہار کیا ہے۔

جاری کردہ بیان میں کہا گیا ہے کہ پاکستان میں "تحریکِ لبیک" نامی جماعت نے احتجاجی دھرنا شروع کیا تھا جس کا مقصد یہ تھا کہ وہ اسلام آباد تک اپنے مطالبات پرامن طور پر، ملکی قانون کے مطابق پہنچائیں۔ تاہم پاکستانی فوج نے مظاہرین پر براہِ راست فائرنگ اور حملے کیے، جس کے نتیجے میں عام شہریوں کو بھاری جانی و مالی نقصان پہنچا۔

بیان میں مزید کہا گیا ہے ہم عام شہریوں کے خلاف اس قسم کے تشدد اور خونریزی پر گہرے افسوس اور دکھ کا اظہار کرتے ہیں۔ ہم جاں بحق افراد کے اہلِ خانہ اور پورے پاکستانی عوام سے ہمدردی کا اظہار کرتے ہیں اور زخمیوں کی جلد صحت یابی کے لیے دعاگو ہیں۔

ہم پاکستانی حکومت اور متعلقہ حکام سے اپیل کرتے ہیں کہ اپنے عوام کے خلاف طاقت کے استعمال سے احتراز کریں اور مسائل بات چیت اور مفاہمت کے ذریعے حل کریں۔"

🚨 جنوبی وزیرستان میں کالعدم ٹی ٹی پی کا حملہ، 25 اہلکار ہلاک اور 8 زخمی

‼️ جنوبی وزیرستان کی تحصیل لواڑہ میں رات کے وقت سیکیورٹی فورسز پر حملے میں 25 اہلکار ہلاک اور 8 زخمی ہوگئے۔ کالعدم تحریک طالبان پاکستان (ٹی ٹی پی) نے اس حملے کی ذمہ داری قبول کی ہے۔

ٹی ٹی پی کے جاری کردہ بیان کے مطابق، مسلح افراد نے سیکیورٹی فورسز کی متعدد چوکیوں پر ہلکے اور بھاری ہتھیاروں سے حملہ کیا۔ تنظیم کے مطابق، کارروائی کے دوران ان کے دو جنگجو بھی مارے گئے۔

🚨 صدر ٹرمپ کا بیان: پاکستان اور افغانستان کے تنازعے کے حل کے لیے کردار ادا کرنے کا عندیہ

‼️ امریکی صدر ڈونلڈ ٹرمپ نے پاکستان اور افغانستان کے درمیان جاری کشیدگی کے حل کے لیے اپنا کردار ادا کرنے کا عندیہ دیا ہے۔

صدر ٹرمپ نے یہ بات اسرائیل اور مصر کے دورے پر روانگی سے قبل طیارے میں صحافیوں سے غیر رسمی گفتگو کے دوران کہی۔

امریکی صدر کا کہنا تھا کہ وہ دنیا میں مختلف تنازعات کو حل کرنے میں دلچسپی رکھتے ہیں اور اب پاکستان اور افغانستان کے درمیان تنازعہ کو بھی حل کرنے کی کوشش کریں گے۔

ٹرمپ نے کہا کہ یہ میری آٹھویں جنگ ہوگی جسے میں ختم کرنے جا رہا ہوں۔ میں نے سنا ہے کہ اس وقت پاکستان اور افغانستان کے درمیان جنگ جاری ہے۔ میں نے کہا، مجھے واپسی تک انتظار کرنا ہوگا، کیونکہ میں جنگوں کو حل کرنے میں اچھا ہوں۔

صدر ٹرمپ کے اس بیان نے بین الاقوامی سیاسی مبصرین کی توجہ ایک بار پھر جنوبی ایشیائی خطے کی صورتحال کی جانب مبذول کروا دی ہے۔

ماہرین کے مطابق، اگرچہ واشنگٹن کا براہِ راست کردار اس تنازعے میں محدود رہا ہے، تاہم امریکی صدر کے تازہ تبصرے کو خطے میں ممکنہ سفارتی سرگرمیوں کے اشارے کے طور پر دیکھا جا رہا ہے۔

🚨 بنوں: سیکورٹی فورسز کی گاڑی پر بم حملہ، ایک ایف سی اہلکار ہلاک، ایک زخمی

‼️ بنوں کے علاقے آزاد منڈی کے قریب سیکورٹی فورسز کی گاڑی پر بم دھماکہ ہوا۔ دھماکے کے فوراً بعد سیکورٹی فورسز اور شدت پسندوں کے درمیان فائرنگ کا شدید تبادلہ ہوا۔

فائرنگ کے نتیجے میں ایک ایف سی اہلکار ہلاک جبکہ ایک زخمی ہوگیا۔ جوابی کارروائی میں ایک شدت پسند بھی زخمی ہوا، تاہم وہ اپنے ساتھیوں کے ہمراہ موقع سے نکلنے میں کامیاب ہوگیا۔

علاقے میں سیکیورٹی فورسز نے سرچ آپریشن شروع کر دیا ہے تاکہ فرار ہونے والے شدت پسندوں کو گرفتار کیا جا سکے۔

🚨 "پاکستان کو الزام تراشی کے بجائے خود احتسابی کرنی چاہیے، متقی نے نئی دہلی میں کہا"

‼️ افغان قائم مقام وزیرِ خارجہ امیر خان متقی نے کہا ہے کہ پاکستان کو اپنی داخلی صورتحال پر غور کرنا چاہیے بجائے اس کے کہ وہ اپنی مشکلات کا الزام دوسروں پر ڈالے۔

انہوں نے کہا کہ ڈیورنڈ لائن، جو تقریباً 2,500 کلومیٹر طویل ہے اور افغانستان و پاکستان کے درمیان واقع ہے، طویل عرصے سے ایک ایسا خطہ رہا ہے جو بیرونی کنٹرول کی مزاحمت کرتا آیا ہے۔ نہ چنگیز خان کے منگول اس علاقے کو قابو میں لے سکے، نہ برطانوی سلطنت۔ جدید دور میں بھی نیٹو اور امریکی افواج یہاں پائیدار اختیار قائم کرنے میں ناکام رہیں۔ تاریخ نے ثابت کیا ہے کہ یہ خطہ طاقت کے ذریعے نہیں دبایا جا سکتا بلکہ صرف جامع پالیسیوں اور مخلصانہ مذاکرات سے مستحکم کیا جا سکتا ہے۔

متقی نے مزید کہا کہ اگرچہ پاکستان کے پاس بڑی فوج، جدید ٹیکنالوجی اور اعلیٰ انٹیلی جنس نظام موجود ہے، لیکن وہ اس علاقے پر پائیدار کنٹرول قائم کرنے میں ناکام رہا ہے۔ جاری تنازع تقریباً 1,000 کلومیٹر پاکستان کی سرزمین کے اندر ہو رہا ہے، لہٰذا امن و امان برقرار رکھنے کی بنیادی ذمہ داری پاکستان پر عائد ہوتی ہے۔ ان کے مطابق، پاکستان کو یہ مسئلہ اپنی سرحدوں کے اندر حل کرنا چاہیے، بالکل اسی طرح جیسے افغانستان نے، چار دہائیوں کے انتشار اور محدود وسائل کے باوجود، اپنے ملک میں کنٹرول مضبوط کیا ہے۔

انہوں نے کہا کہ یہ بات ناقابلِ فہم ہے کہ عسکریت پسند 500 کلومیٹر اندر پاکستان میں داخل ہوں، کارروائیاں کریں، اور بغیر کسی کے علم میں آئے واپس لوٹ جائیں، خصوصاً جب راستے میں بے شمار سیکیورٹی چوکیوں کی موجودگی ہے۔ متقی نے سوال اٹھایا کہ یہ علاقے اب تک مؤثر کنٹرول سے باہر کیوں ہیں، اور مقامی آبادیوں کا اعتماد حاصل کرنے میں ناکامی کیوں ہوئی ہے؟

انہوں نے واضح کیا کہ پاکستان کے عوام، بالکل افغان عوام کی طرح، جنگ نہیں چاہتے۔ یہ تنازع چند افراد کے مفادات کی تکمیل کرتا ہے، نہ کہ قوموں کی خواہشات کی۔ متقی نے کہا کہ وقت آگیا ہے کہ پالیسی ساز اور طاقت کے مراکز اس بحران کی جڑوں پر سنجیدگی سے غور کریں۔ اگر مسئلے کی اصل جڑ واقعی سرحد پار ہے، تو پھر افغانستان کے دیگر ہمسایہ ممالک کو ایسے مسائل کا سامنا کیوں نہیں؟

انہوں نے کہا کہ اس سوال کا جواب شاید بیرونی الزام تراشی میں نہیں، بلکہ اندرونی خود احتسابی میں پوشیدہ ہے۔

🚨 افغان وزیرِ خارجہ امیر خان متقی کا بھارت میں اہم بیان — پاکستان سے کشیدگی پر بڑا تبصرہ

‼️ افغان وزیرِ خارجہ امیر خان متقی نے پاکستان کے ساتھ حالیہ کشیدگی پر بات کرتے ہوئے کہا ہے کہ پاکستان کے زیادہ تر لوگ امن کے خواہاں ہیں، مگر کچھ مخصوص حلقے دونوں ملکوں کے درمیان تعلقات میں تناؤ پیدا کر رہے ہیں۔

متقی نے واضح کیا کہ افغانستان نے اپنی سرزمین اور خودمختاری کے دفاع میں تمام ضروری اقدامات کیے، اپنے اہداف حاصل کیے، اور قطر و سعودی عرب کی درخواست پر آپریشن روک دیے۔

انہوں نے مزید کہا کہ امارتِ اسلامی ہمیشہ بات چیت کی حامی ہے، لیکن اگر ضرورت پڑی تو اپنی خودمختاری کا بھرپور دفاع کرے گی۔

متقی کا کہنا تھا کہ خطے میں امن افغانستان کی ترجیح ہے، تاہم کسی بھی جارحیت کے جواب میں خاموش نہیں رہا جائے گا۔

🚨 افغانستان میں ٹی ٹی پی کے مراکز نہیں، صرف قبائلی علاقوں سے نقل مکانی کرنے والے لوگ موجود ہیں، امیر خان متقی

‼️ افغانستان کے وزیرِ خارجہ امیر خان متقی نے کہا ہے کہ افغانستان میں تحریکِ طالبان پاکستان (ٹی ٹی پی) کے کوئی مراکز موجود نہیں ہیں۔

نئی دہلی میں ایک پریس ٹاک کے دوران گفتگو کرتے ہوئے امیر خان متقی کا کہنا تھا کہ "افغانستان میں ٹی ٹی پی کے کوئی مراکز نہیں ہیں۔ ہمارے اقتدار میں آنے سے پہلے پاکستانی حکومت نے قبائلی علاقوں میں ایک آپریشن شروع کیا تھا، جس کے دوران کچھ لوگ افغان سرحد کی طرف ہجرت کر گئے۔ اُس وقت امریکہ کی حمایت یافتہ حکومت برسرِ اقتدار تھی۔ ان افراد کو مہاجرین سمجھا جا سکتا ہے — یہ پچھلی حکومت کی میراث کا حصہ ہیں جس سے ہمیں نمٹنا پڑ رہا ہے۔"

طالبان کے وزیرِ خارجہ نے وضاحت کی کہ افغانستان میں موجود یہ افراد دراصل اُس دور کے متاثرین ہیں جب پاکستانی قبائلی علاقوں میں فوجی کارروائیاں کی گئیں، اور انہیں موجودہ افغان حکومت کے دور سے منسلک کرنا درست نہیں۔

🚨 کابل: طالبان کا پاکستان پر سنگین الزام، سرحدی جھڑپوں میں 58 فوجی ہلاک، متعدد چوکیوں کی تباہی کا دعویٰ

‼️ طالبان کے ترجمان ذبیح اللہ مجاہد نے کابل میں پریس کانفرنس کرتے ہوئے پاکستان کے خلاف بڑا دعویٰ کر دیا۔ مجاہد کا کہنا ہے کہ حالیہ سرحدی جھڑپوں میں 58 پاکستانی فوجی مارے گئے اور درجنوں زخمی ہوئے، جبکہ طالبان کے نو جنگجو بھی شہید ہوئے۔

ذبیح اللہ مجاہد کے مطابق طالبان نے پاکستان کی 25 سے زائد فوجی چوکیوں کو تباہ کر دیا اور کارروائی کے دوران بھاری اسلحہ و گولہ بارود قبضے میں لیا۔

ترجمان نے پاکستان پر داعش خراسان (ISKP) کے جنگجوؤں کو پناہ دینے کا الزام عائد کرتے ہوئے خبردار کیا کہ اگر افغان سرزمین پر حملے جاری رہے تو سخت جواب دیا جائے گا۔

مجاہد نے کہا کہ پاکستان میں داعش کے نئے تربیتی مراکز قائم کیے جا رہے ہیں، خاص طور پر خیبر پختونخوا میں، جہاں بھرتیاں کراچی اور اسلام آباد کے ہوائی اڈوں کے ذریعے کی جا رہی ہیں۔

ان کا مزید کہنا تھا کہ داعش کے یہی مراکز تہران، ماسکو اور افغانستان کے اندر حالیہ دہشت گرد حملوں میں ملوث ہیں۔

ذبیح اللہ مجاہد نے واضح کیا کہ افغانستان اپنی فضائی حدود اور سرحدوں کے دفاع کا مکمل حق رکھتا ہے، اور “کسی بھی حملے کا جواب ضرور دیا جائے گا۔”

#اپڈیٹ:

🚨 پاک افغان سرحد پر جھڑپیں جاری، پاکستانی فورسز کی چوکیوں کو نقصان

‼️ افغان ذرائع کے مطابق ڈنڈ پتان، پکتیا اور دیگر سرحدی علاقوں میں پاک افغان فورسز کے درمیان شدید جھڑپیں جاری ہیں۔

اطلاعات کے مطابق افغان فورسز نے پاکستانی چوکیوں اور تنصیبات کو نشانہ بنایا، جس کے نتیجے میں بعض مقامات سے پاکستانی اہلکار اپنی پوسٹوں سے پسپائی کر گئے۔

ذرائع کا کہنا ہے کہ جھڑپوں کے دوران ڈرون نگرانی کے آلات اور رادار سسٹم بھی متاثر ہوئے، جبکہ ڈنڈ پتان میں ایک بھاری گاڑی کی مدد سے سرحدی تنصیبات اور دروازے تباہ ہوئے۔

اب تک پاکستانی حکام کی جانب سے سرکاری بیان یا تصدیق نہیں دی گئی، جبکہ سرحدی علاقے میں کشیدگی میں اضافہ ہوا ہے۔

🚨 کنڑ میں امارتِ اسلامی اور پاکستانی فوج کے درمیان شدید فائرنگ کا تبادلہ

‼️ افغان صوبے کنڑ میں امارتِ اسلامی افغانستان اور پاکستانی فوج کے درمیان سرحدی علاقے میں شدید فائرنگ کا تبادلہ جاری ہے۔

مقامی ذرائع کے مطابق دونوں جانب سے بھاری ہتھیاروں کا استعمال کیا جا رہا ہے، جبکہ سرحدی علاقے میں کشیدگی میں اضافہ ہوا ہے۔

🚨 کرم سرحد پر شدید جھڑپیں، بھاری توپ خانے کا استعمال

‼️ کرم ضلع کے سرحدی علاقے گاوی میں پاکستان اور افغانستان کی سرحدی فورسز کے درمیان فائرنگ کے تبادلے میں شدت آگئی ہے۔

ابتدائی اطلاعات کے مطابق فائرنگ کا سلسلہ تقریباً 30 منٹ قبل ہلکے ہتھیاروں سے شروع ہوا جو اب بھاری توپ خانے کے استعمال تک جا پہنچا ہے۔

مقامی ذرائع کا کہنا ہے کہ سرحدی علاقے میں گولہ باری کا سلسلہ وقفے وقفے سے جاری ہے، جبکہ دونوں جانب کی چوکیوں پر ہائی الرٹ کردیا گیا ہے۔

🚨 کوہاٹ: کسٹمز کی گاڑی پر نامعلوم مسلح افراد کی فائرنگ، دو اہلکار ہلاک

‼️ کوہاٹ میں انڈس ہائی وے کے قریب ٹول پلازہ کے مقام پر نامعلوم مسلح افراد نے کسٹمز کی گاڑی پر فائرنگ کر دی، جس کے نتیجے میں دو اہلکار محمد نظر اور مقدر علی ہلاک ہو گئے۔

پولیس کے مطابق اطلاع ملنے پر تھانہ بلی ٹنگ کے اہلکار فوری طور پر موقع پر پہنچ گئے اور علاقے کو گھیرے میں لے لیا۔ حکام نے واقعے کی تحقیقات کا آغاز کر دیا ہے اور سیکیورٹی مزید سخت کر دی گئی ہے۔

🚨 ضلع ٹانک اور بنوں میں مسلح حملے، اہلکار اور ڈرائیور اغوا

‼️ پولیس کے مطابق خیبرپختونخوا کے ضلع ٹانک کے گاؤں کوٹ اعظم کے قریب بٹیاری سے 3 ایف سی اہلکار اغوا کر لیے گئے جو چھٹی پر گھر جا رہے تھے۔

اسی دوران ضلع بنوں کے تھانہ کینٹ کے علاقے میں مسلح افراد نے ٹرکوں پر فائرنگ کی۔ اس حملے میں ایک ٹرک ڈرائیور زخمی جبکہ دو دیگر ڈرائیور اغوا کر لیے گئے۔

🚨 پشاور: حسن خیل پولیس اسٹیشن پر حملہ، فائرنگ جاری

‼️ پشاور کے مضافاتی علاقے مٹہانی میں حسن خیل پولیس اسٹیشن پر حملہ ہوا۔ پولیس نے فوری طور پر جوابی کارروائی کی، اور علاقے میں فائرنگ کا تبادلہ جاری ہے۔

سیکیورٹی ذرائع کے مطابق حملہ آوروں کی تعداد 7 ہے اور ابتدائی دعوے کے مطابق 2 ہلاک ہوئے ہیں۔

اضافی اہلکار الرٹ پر رکھ دیے گئے ہیں اور ریسکیو ٹیمیں جائے وقوع پر پہنچ چکی ہیں۔ صورتحال پر قابو پانے کے لیے مزید سکیورٹی فورسز طلب کی گئی ہیں۔

🚨 ٹانک: آرمی صوبیدار رحمت اللہ کو کالعدم ٹی ٹی پی نے گرفتار کرلیا

‼️ کالعدم تحریک طالبان پاکستان نے خیبرپختونخوا کے ضلع ٹانک کے گاؤں تتور سے تعلق رکھنے والے آرمی صوبیدار رحمت اللہ ولد رحیم خان کو گرفتار کر کے محفوظ مقام پر منتقل کر لیا ہے۔