💥SAMARALI METODLAR.💥

🟢 “Sayohat” metodi Sayohat metodi barcha fan o‘qituvchilariga to‘g‘ri keladi. Bu metod orqali dars mobaynida o‘tgan yangi mavzuyingizni o‘sha darsning o‘zida o‘quvchilar yodlab olishi mumkin. 👉 Buning uchun siz, avvalo o‘quvchilarga dars boshlanishidan oldin, “bugun sizlar bilan darsimizda sayohat uyushtiramiz” deyishingiz kerak. So‘ngra, bugungi darsingizni bir nechta qadamlarga bo‘lgan holda tartiblashtirib chiqasiz. ✅ Birinchi qiladigan ishingiz: — O‘tmoqchi bo‘lgan mavzuyingizdan eng kerakli 20 ta qoida yoki faktlarni belgilab oling; — Ushbu 20 ta ma’lumotlarni alohida qog‘oz kartochkalarga yozing; — Sayohat metodiga o‘tishdan oldin mavzuni qisqacha tushuntiring. ✅ Ikkinchi qiladigan ishingiz: — Sayohat metodini o‘quvchilaringizga tushuntiring: Maktabingiz atrofi, maktab yonidagi dukon, yoki maktabdagi karidor, sinflar va.h. Ushbu obyektlarni bir marta eslatib o‘ting. So‘ngra mavzu yuzasidan beligilab olgan 20 ta eng muhim qoida yoki mavzuga kerakli va o‘quvchilar yodlashi kerak bo‘lgan malumotlarni o‘quvchilarga tarqatib chiqing. Keyingi qiladigan ishingiz 20 ta ma’lumotni har birini o‘quvchilaringizni turg‘azib maktabning biror obyektiga tasavvurida joylashtirishsin. Har bitta ma’lumotni ma’lum bir obyektga biriktirib bo‘lishganidan keyin har bir o‘quvchini navbati bilan turgizib, masalan, aytishingiz mumkin: “Xo‘sh, Hoshimjon sinfdoshing Shaxnoza "mana bu ma’lumotni maktabning qayeriga joylashtirdi?” - kabi. Keyin esa teskarisiga so‘raysiz. “Xo‘sh, Mana bu joyda qaysi ma’lumot bor edi o‘quvchilar?” So‘ngra ”barcha obyektlarni kim eslab qoldi? Qani kim hammasini aytib bera oladi?” deb so‘raysiz. Demak, sayohat metodi orqali siz yangi mavzuga aloqador ma’lumotlarni o‘quvchilarga osonlik bilan o‘sha darsning o‘zida yodlata olasiz. Eng asosiysi o‘quvchilaringiz mavzuni qanday qilib yodlab olishganini bilmay qolishadi. Izohlarda fikrlaringizni yozib qoldiring 🔗 t.me/DILFUZA_FAYZULLAYEVAA

Qushlarni raqamlar bilan qanday chizish mumkin 2222 Oson-oddiy chizma Bolalar uchun chizish g'oyalari 💡... Bolalar uchun bosqichma-bosqich chizmachilik qo'llanma. Biz bilan yangiliklar yana-da yaqin. Ulaning👇🏻 Kanalga obuna bo'lish:👇👇👇 t.me/DILFUZA_FAYZULLAYEVAA

Yoz uchun 💖💖💖 O'yinlar 👍https://t.me/NP_innovatsionboshlangich

Tarbiyani o'zingizdan boshlang.. https://t.me/DILFUZA_FAYZULLAYEVAA

“SWOT-tahlil” metodi. 🎗 mavjud nazariy bilimlar va amaliy tajribalarni tahlil qilish; 🎗 taqqoslash orqali muammoni hal etish yo‘llarni topishga; 🎗 bilimlarni mustahkamlash, takrorlash; 🎗 baholashga; 🎗 mustaqil, tanqidiy fikrlashni, nostandart tafakkurni shakllantirishga xizmat qiladi. Metod haqidagi fikr mulohazalaringizni izohlarda yozib qoldiring! Pedagog tanishingizga ham ulashib qo’ying. https://t.me/DILFUZA_FAYZULLAYEVAA

ЧИРОЙЛИ ҲАЁТ ҚОИДАЛАРИ ✅Қўйиб юборинг. Кечаги ёмон кунни ўйлайвериб бугунги кунингизни ҳам бузманг. ✅Эътибор берманг. Атрофдагилар бажараётган ишлардан сал ўзгача ишлар қилишни бошлаб юборсангиз, улар сизни масхара қилишади. Уларни тингламай, сизга куч берадиган ишларни қилаверинг. ✅Ўзингизни таққосламанг. Фақатгина кечаги кунингиздан ўзиб кетишга ҳаракат қилинг. Бировдан эмас. ✅Бардошли бўлинг. Мақсадга дарров эришиш мумкин эмас. Экилган уруғ униб чиқиши учун вақт керак. ✅Масъулиятли бўлинг. Бахтли бўлиш ёки бўлмаслик фақат ўзингизга боғлиқ. ✅Табассум қилинг. Ҳаёт қисқа. Кулишни унутиб қўйманг. https://t.me/DILFUZA_FAYZULLAYEVAA

Ўқитувчилар нега ўз устида ишламайди? Талабаларга илм олишда ўрнак бўлиши керак бўлган устозлар — ўзи ўқигиси келмаслигини кўриб ёқа ушлайсиз. Қуйида бу муаммонинг асосий 4 та сабабини кўриб чиқамиз: 1. Кибр. Ўқитувчи одатда синфнинг эътибор марказида — тингловчи эмас, гапирувчи ролида бўлади. Малака оширишда ўзига ўхшаган ўқитувчи гапирса — қабул қилишни истамайди. 2. Вақт танқислиги. Устозлар юкламасининг ҳаддан ошиқчалиги — уларни касбий толиқишига сабабчи бўлади. Табиийки, бундай юк билан ўқишга вақт ҳам, хоҳиш ҳам бўлмайди. 3. "Ҳўп, ўқидим. Кейин нима?". Кўп ҳолларда, ўқитувчиларнинг ўз устида ишлаши уларга бевосита манфаат олиб келмайди. Ўз устида ишлади, китоблар ўқиди ҳам дейлик, кейинчи? Ойлиги ошадими?, Кимдир раҳмат айтадими? 4. Молиявий сабаблар. 700 мингдан ортиқ ўқитувчининг ойлигини ошириш — давлат учун қийин. Натижада, устозлар «ойликдан-ойликкача» ҳаёт тарзида яшашга мажбур бўлиб, қўшимча курслар олишга маблағ тополмайди. Сиз яна қандай сабабларни биласиз? Ёзиб қолдиринг. t.me/DILFUZA_FAYZULLAYEVAA

10 ТА “ЙЎҚ” ҚОИДАСИ 1. Дарсда ўқувчини енгишга, унинг устидан ғолиб чиқишга - “ЙЎҚ”, бунга интилманг. Баъзида паришонхотир бўлинг, хато қилинг, ёддан чиқариб туринг. Ўқувчига сизни енгишига қўйиб беринг. Ахир ғалаба қозониш қандай бўлишини ўрганиб олиши жуда муҳимдир. 2. Болани на сўз, на имо-ишора, на киноя билан камситишга — “ЙЎҚ”, уни камситманг. 3. Ўқувчини аввалги хатолари билан уялтиришга — “ЙЎҚ”, эски хатоларини ёдга солаверманг. 4. Боланинг ота-онасига барчасини оқизмай-томизмай етказишга – “ЙЎҚ”. Ҳар ким ҳимояга муҳтож, уни ҳимоя қилиш керак. Ҳар бир сўзни эҳтиёт бўлиб ишлатинг. Ўзини келажакдаги тимсолини яхши тасаввур қилишига ёрдам беринг. Сизнинг ҳимоянгиз болага ҳозир қандай эканини эмас, келажакда қандай бўлиши кераклигини эслатиб туриши керак. 5. Болани изза қилишга — “ЙЎҚ”. Эҳтиётсиз сўз билан ўлдириш ҳам мумкин. Нима қилиқ чиқармасин, имкон қадар вазиятни юмшатишга, силлиқлашга, пинҳон тутишга ҳаракат қилинг. 6. Болага ҳиёнат қилишга — “ЙЎҚ”. 7. Болага жаҳл қилишга — “ЙЎҚ”. Жаҳл ва аччиқланиш ҳаётимизни емиради. 8. Ўқувчига ишончсизлик билдиришга – “ЙЎҚ”. Кўчираяптими, майли кўчирсин. Сиз кўчирмакашлик қилмай ўқишга ўрганиши учун ёрдам беринг. 9. Бола ҳақида ёмон хаёлга боришга, унинг ҳолатига ачиниб ўтиришга — “ЙЎҚ”. Кучли болалар билан эмас, кучли бўла олган кучсиз болалар билан фаҳрланинг. 10. Бола тарбияси учун хизмат қилмайдиган ҳар қандай ҳаракатга — “ЙЎҚ”, сиз билан ўтказган вақтида юксалаётганини ҳис этсин. Бошқаларга кераклигини, нимагадир таъсир кўрсатиш кучига, ниманидир ўзгартириш имкониятига эга эканини билсин. Шунда мустақиллик ва масуълият шаклланади. Педагог Шалва Амонашвили t.me/DILFUZA_FAYZULLAYEVAA