ፍኖተ ወንጌል ሰንበት ት/ቤት

✨✨✨🍂🌿🍂 ✨✨✨ የቀጠለ ... ✨ጾም በቅዱሳን አባቶች ትምህርት ✨ ስለ ጾም ጠቃሚነትና አስፈላጊነት፣ በእግዚአብሔር ዘንድ ሰማያዊ ዋጋ ያለው ስለ መሆኑ፣ በጾም ጊዜ የእንስሳት ተዋጽኦዎች (ዓሣን ጨምሮ) እንደማይበሉ፣ እና በመሳሰሉት ጾምን በተመለከቱ ጉዳዮች ላይ ቅዱሳን አባቶቻችን አስተምረዋል፡፡

“በጾማችን የነፍሳችንን ክፉ ልማዶች ካላስወገድን ከሥጋ መከልከላችን ብቻውን ምን ይጠቅመናል? ስንጾም ውለን ጾም ከመግባቱ በፊት እንመገበው የነበረውን ምግብ ለውጠን መናኛ የሆነ የጾም ምግብ በማዕዳችን አቀረብን፡ ሆኖም ግን በጸሙ የምንመገበውን ምግብ እንደ ለወጥን ክፉ ግብራችንን እና ሕይወታችንንስ አብረን ለውጠናል ይሆን? በእውነት እኔ ግን እንዲህ ያደረጋችሁ አልመሰለኝም፡፡ እንዲህ ከሆነ መጾማችሁ ጥቅሙ ምንድን ነው? ስለዚህ ከጾማችሁ ጋር ልማዳችሁንና ሕይወታችሁን ወደ መልካምነት ትቀይሩ ዘንድ በተከታታይ እንድታስቡበት አደርጋችሁ ዘንድ ስለዚህ ነገር እናንተን ማስተማርንና መገሠጽን አላቋርጥም፡፡ በጾማቸው መንፈሳዊ ፉክክር የሚፎካከሩ እንዳሉ ሁሉ በዚህም አስደናቂ የሆነ ተጋድሎን የሚጋደሉ እንዳሉ ሁሉ፡ ሁለት ሙሉ ቀናትን በተከታታይ ምንም ነገር ሳይቀምሱ የሚጾሙ አንዳንዶች አሉና፡፡ ሌሎች ደግሞ በጾም ጊዜ ወይን እና ዘይትን መተው ብቻ ሳይሆን ሌላውን ነገር ሁሉ ትተው መላውን ዐቢይ ጾም በደረቅ ዳቦና በውኃ ብቻ የሚጸ አሉና፡ . . .

📝ቅዱስ ዮሐንስ አፈ ወርቅ፣ 📚ትምህርት በእንተ ምክንያተ ሐውልታት 4 ቁ 12 ✨✨✨🍂🌿🍂

✨✨✨🍂🌿🍂 ✨ጾም በቅዱሳን አባቶች ትምህርት ✨ ስለ ጾም ጠቃሚነትና አስፈላጊነት፣ በእግዚአብሔር ዘንድ ሰማያዊ ዋጋ ያለው ስለ መሆኑ፣ በጾም ጊዜ የእንስሳት ተዋጽኦዎች (ዓሣን ጨምሮ) እንደማይበሉ፣ እና በመሳሰሉት ጾምን በተመለከቱ ጉዳዮች ላይ ቅዱሳን አባቶቻችን አስተምረዋል፡፡

“. . . ትምህርታችንን እንደሚከተለው ማጠቃለል ተገቢ ነው፤ የተፈጠርነው በሐሤትና በደስታ እንድንኖር ነበር፡፡ ስንፈጠር ደስተኞች ተደርገን ነበር የተፈጠርነው፡፡ ገነትን የተሰጠነው በሕይወት እየኖርን ሐሤትን እንድናደርግ ነበር፡፡ ሕግን የተሰጠነውም እርሱን በመጠበቅ መልካም ስምና ክብር ይሆንልን ዘንድ ነበር፣ እግዚአብሔር ምን እንደሚሆን (ሕጉን እንደምናፈርስ) ስለማያውቅ ሳይሆን የነጻ ፈቃድን ሕግ ያስቀመጠ ስለሆነ ነበር፡፡ ከገነት የተባረርነውም ሕጉን ስላፈረስን ነበር፡፡ የእውቀት ዛፍ በተባለችው ተሸንፈን መጾምን እምቢ በማለታችንና ጾምን በማፍረሳችን ከዚያ በኋላ በደረሰብን መከራ በግድ ጾምን፡፡ የጾም ሕግ ጥንታዊና ቀዳማዊ ነውና፣ ከእኛ መፈጠር ጋርም አብሮን የነበረ ሕግ ነውና፡፡ የጾም ሕግ አስቀድሞ የተሰጠንም ለነፍሳችን ትምህርት፡ ለድሎትና እርሱ ለሚያመጣው ዕዳ አርቆ ማጠሪያና መጠበቂያ እንዲሆነን ነበር፡፡ ስለዚህም ዛሬ ከጥንቱ ከመጀመሪያው የጾምን ሕግ ባለመጠበቃችን ምክንያት ያጣነውን ነገር መልሰን እናገኝ ዘንድ ጾምን እንድንጾምና ለጾም እንድንገዛ አደረገን፡፡ "

📝ቅዱስ ጎርጎርዮስ ዘእንዚናንዙ፣ 📚ትምህርት ካልአይ በእንተ ትንሣኤ፡ ቁ. 28 ✨✨✨🍂🌿🍂

ጾመ ነቢያት ኅዳር 15 ይጀምራል። ጾመ ነቢያት (የገና ጾም) ከሰባቱ የአዋጅ አጽዋማት መካከል አንዱ ሲሆን "ጾመ ነቢያት" የተባለበት ምክንያት ነቢያት ለአዳም የተሰጠውን "አምስት ሺህ አምስት መቶ ዘመን ሲፈጸም ከልጅ ልጅህ ተወልጄ አድንሃለው" የሚለውን የተስፋ ቃል በማሰብ ከሰማየ ሰማያት ይወርዳል ፤ ከድንግል ማርያም ይወለዳል ፤ በሞቱም ሞት የተፈረደበትን የሰው ልጅ ነጻ ያወጣዋል ብለው ስለጾሙት ነው። እኛም በልባችን ውስጥ እንዲወለድ ፣ ከእርሱም በረከት እንዲያሳትፈን እንጾማለን።

⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️ "የእግዚአብሔር የምክሩ አበጋዝ ሆይ፤ የተቸገሩትን የተጨነቁትን ዘወትር እንደምትረዳቸው ሁሉ እኔንም ለመርዳት ክንፍህን ዘርግተህ ፈጥነህ ድረስልኝ ።"   🌹    መልክዐ ሚካኤል     🌹

እንኳን አደረሳችሁ!!!

#ሕዳር_ሚካኤል_12 ህዳር ሚካኤል ለምን ይከበራል?

በዋነኝነት ሕዳር ሚካኤል ስለሁለት ነገር ይከበራል። 1/የመላዕክት አለቃ ሁኖ የተሾመበት (ዘንዶውንና ሰራዊቱን ድል አድርጎ መልአከ ኃይል የተሰኘበት ዕለት) 2/እስራዔላውያንን ከግብፃውያን ባርነት ነፃ ያወጣበትና ባሕረ-ኤርትራን ያሻገረበት ቀን ስለሆነ ነው። #ሚካኤል_ማለት   መኑ ከመ አምላክ እንደ እግዚአብሔር ያለ ማነው  ማለት ነው፡፡ ይህም የእግዚአብሔርን ገናንነትና እሱን የሚመስል አምላክ እንደሌለ የሚያመለክት ነው እንደ እግዚአብሔር ያለ ቅዱስ፣ ንጹሕ፣ ርህሩህ፣ ኃያል፣ ረቂቅ ማነው  መልሱ የለም ነው፡፡ #ቅዱስ_ሚካኤል የስሙ ዘርፍ ሆነው የሚጨመሩ መጠሪያዎች አሉት። እነዚህም ከእግዚአብሔር ዘንድ የተሰጠውን የባለሟልነት ክብር የሚገልጹ ናቸው፡፡ ይኸውም መልአከ ኃይል፣ መጋቤ ብሉይ፣ መልአከ ምክሩ፣…ናቸው፡፡ #መልአከ_ኃይል የተባለው እግዚአብሔር በሱ አማካይነት ታላላቅ ሥራዎችን በመሥራት ኃይሉን ስለገለጸ - ዲያብሎስን ከነሠራዊቱ ስላሸነፈ ነው፡፡ #መጋቤ_ብሉይ የተባለበት ምክንያት በብሉይ ኪዳን ውስጥ ከእግዚአብሔር እየተላከ ብዙ ታላላቅ ሥራዎችን የሠራ በመሆኑ ነው፡፡ #መልአከ_ምክሩ ወይም የእግዚአብሔር የምክሩ አበጋዝ የተባለበት ምክንያት እግዚአብሔርን በምክሩ ይረዳዋል ለማለት ሳይሆን እግዚአብሔር የሚሠራውን ሥራ ለወዳጁ ለቅዱስ ሚካኤል ይገልጽለታል በሱም አማካኝነት ይሠራል ለማለት ነው፡፡ የታላቁ መልአክ የቅዱስ ሚካኤል ምልጃውና ጸሎቱ በሁላችን ላይ ይሁን። # የቅዱስ ሚካኤል ፈጣን ተራዳኝነት እና አመላጅነት አይለየን ።

✟✟✟✟✟✟✟✟✟✟✟✟✟✟✟✟✟ " ሰውን አትበለው አወቀ ረቀቀ ሞትን አያውቅም ወይ ችሎማ ካወቀ " ጣፋጭ ጥበብ ገጽ ፻፸፬ ቁጥር  ፩ሽ ፪፻፹፮ ✣✣✣✣✣✣✣✣✣✣✣✣✣✣✣✣✣✣✣✣ " የሰው ልጆች ሁሉ አዋቂ ናቸው የሚባለው ስህተት ነው ። አዋቂ ማለት መጽሐፍትን ጠንቅቆ ያወቀ ሳይሆን ከኃጢአት በመቆጠብ ነፍሱን የማይጎዳ ፣ አምላክን በማመስገን በማያወላውል በቅድስና ሥራ መልካም በመሥራት ነፍሱን የሚመግብ ያ ሰው እሱ ብቻ አዋቂ ተብሎ ይጠራል።"       ታላቁ ቅዱስ እንጦንስ ✥✥✥✥✥✥✥✥✥✥✥✥✥✥✥✥✥✥✥✥✥ የአባቶቻችን ጸጋና በረከት ትደርብን 🙏

🎲 Quiz 'ፍኖተ ወንጌል ልዩ መንፈሳዊ የጥያቄና መልስ መርሐግብር "start the quiz"የሚለውን ይጫኑ "i am ready" ሲጫኑ ይጀምራል። መልካም ዕድል🛎🛎🛎' 🖊 7 questions · ⏱ 30 sec

ድንግል ሆይ ከልጅሽ ጋር በተሰደድሽ ጊዜ ካንቺ ጋር መሰደዱን አሳስቢ፤ ረሃቡን እና ጥሙን ችግሩና ሀዘኑን ከእርሱ ጋር የደረሰብሽን ሁሉ አሳቢ፤ለፃድቃን ያይደለ ለሀጥዓን አሳስቢ፤ ለንፁሃን ያይደለ ለተዳዳፉት አሳስቢ፤ ከሁሉ በላይ ስለበደልኩ ስለእኔም አሳስቢ እመቤቴ በደብረ ቁስቋም በመልዓኩ መሪነት ካረፍሽ በኃላ አዳም ስደቱ ተሻረለት የግብፅ ጣኦታት ተዋረዱ አምልኮተ እግዚአብሔር ነገሰ። ይኸው እስካሁን አንቺ እና ልጅሽ የተቀመታቹበትን አለት መንበር አድርገው ይቀድሱበታል፤  ደብረ ቁስቋምን ለመሳለም ያብቃን   እንኳን ለደብረ ቁስቋም አደረሳችሁ

🌹️️️️🌹️️️️🌹️️️️✨✨✨🌹️️️️🌹️️️️🌹️️️️✨✨✨🌹️️️️🌹️️️️🌹️️️️ የሰማይና የምድር ንግሥት ድንግል ማርያም                       ✨ማኅሌተ ጽጌ ተፈፀመ። 🌹ኅብረ ሐመልሚል ቀይሕ ወፀዓድዒድ አርአያ ኰሰኰስ ዘብሩር፤ተአምርኪ ንጹሕ በአምሳለ ወርቅ ግቡር፤ተፈጸመ ናሁ ማኅሌተ ጽጌ ሥሙር፤አስምኪ ቦቱ ንግሥተ ሰማያት ወምድር፤ከመ በሕጽንኪ ያሰምክ ፍቁር🌹 ✨✨✨ ናሁ ተፈፀመ ማህሌተ ፅጌ ስሙር አስምኪ ቦቱ ንግስተ ሰማያት ወምድር ከመ በህፅንኪ ያሰምክ ፍቁር። ንግስተ ሠማያት ወምድር ማርያም ድንግል { ፪ } ተፈፀመ { ፬ } ማህሌተ ፅጌ ይህ መልካም፣ ያማረ፣ የተወደደ እስከ ዕለተ ምጽአት ድረስ በኢትዮጵያ ኦርቶዶክስ ተዋሕዶ ቤተ ክርስቲያን ከመስከረም 26 ጀምሮ እስከ ኅዳር 6 መድረሻ የመጨረሻዋ ሰንበት የሚደረሰው ይህ ድንቅ ማሕሌተ ጽጌ “እነሆ የተወደደ (መልካም) ማሕሌተ ፅጌ ደረሰ ተፈጸመ” የእመቤታችን ፍቅሯና አማላጅነቷ በረከቷም አይለየን           ✨🙏✨የዓመት ሰዉ ይበለን ✨🙏✨ 🌹️️️️🌹️️️️🌹️️️️✨✨✨🌹️️️️🌹️️️️🌹️️️️✨✨✨

ለመንፈሳዊ ትምሕርት ፈላጊዎች በሙሉ!!! ሼር በማድረግ ለወንድም እሕቶቻችን እናድርስ።

ቃልኪዳንህን_ፈጽምልኝ🙏 እግዚአብሔር ብዙ ቃል ገብቷል፣ እርሱ ታማኝ ነውና ቃሉን አያጥፍም እናም ቃሉን ይዛችሁ 'ቃልኪዳንህን ፈጽምልኝ!' ስትሉ ቅዱስ ዳዊትን አብነት አድርጋችሁ ከእርሱ ጋር ተወያዩ፣ ተከራከሩም። እርሱ እንዲሰራብን እኛ ልባችንን አንሰጠውም እንጂ እርሱ ቃሉን አያጥፍም። ጥሩ ሰው ስላልሆንኩ ጥሩ ሰው ሆኜ እመለሳለሁ አትበሉ። እርሱ እንዲህ ይላችኋል 'ራሳችሁን ጥሩ አድርጋችሁ ወደ እኔ ከምትመጡ ይልቅ ወደ እኔ ኑና እኔ ጥሩ አደርጋችኋለሁ።' በመፅሐፍ ከደዌ እንደፈወሳቸው ድውያን እንደቆሸሸ ወደ አባቱ ቤት እንደተመለሰውም የጠፋው ልጅ ከነድካማችን እንዲሰራብን በፊቱ እንቅረብ። ✨✨🌿✨✨ ከእግዚአብሔር ርቃችሁ ለመስተካከል ብትሞክሩ በፍጹም ልትስተካከሉ አትችሉም÷ ይልቁንም በርሱ ፊት ራሳችሁን ስትጥሉና ወደ ሕይወታችሁ ስትጠሩት ብቻ እንጂ! ከእግዚአብሔር ጎን ሆናችሁ ተፋለሙ ታሸንፉማላችሁ! 'ጌታ ሆይ ተመልከተኝ  ካልተስተካከልኩ ከደጅህ ከቤተክርስቲያን ዐውደምሕረት ተደፍቼ ወዴትም አልወጣም! የሚሳንህ የለምና እኔንም አስተካክለኝ  አልለቅህም! የበጎ ነገር ፈጣሪ ነህና በእኔም ውስጥ በጎን ነገር ስራብኝ' በሉት።

'ኑና እንዋቀስ! ይላል እግዚአብሔር። ኀጢአታችሁ እንደ አለላ ብትሆን እንደ አመዳይ ትነጻለች ÷ እንደ ደምም ብትቀላ እንደ ባዘቶ ትጠራለች።' (ትን. ኢሣ 1÷18)

       አቡነ ሺኖዳ ሣልሳዊ 🌿🌿🌿🌿🌿🍁🍁🌿🌿🌿🌿🌿🌿🌿

      እርዱኝ እረዳችኋለሁ      አንድ ትልቅ አረጋዊ በረጅም የሽምግልና ዘመናቸው ጆሯቸው ሳይደነግዝ ሁሉን ይሰማሉ፣ዓይናቸው ሳይፈዝ ሁሉን ያያሉ።አንድ ሰው ይጠይቃቸዋል እንዲህ ብሎ፦"አባ እግዚአብሔር ረድቶዎት ነው እንጂ በእርስዎ እድሜ ውስጥ ያሉት እኮ ዓይናቸው ዓያይም ጆሯቸው አይሰማም?" ይላቸዋል። እሳቸውም፦"ምን እግዚአብሔር ብቻ ይረዳኛል እኔም እግዚአብሔርን ረድቸው ነው እንጂ ወራት እየለየሁ ቅቤ እቀባለሁ፣በፀሐይ አላነብም፣ጨረር አላይም እና እኔስ እየረዳሁት አይደለምን? እግዚአብሔር የሚረዳን ስንረዳው ነው"ይሉታል። ታዲያ በሀገራችን ብሂልም "እርዱኝ እረዳችኋለሁ ብሏል" እየተባለ ይነገራል። ይሄንን ሀሳብ ወድጀዋለሁ እግዚአብሔር የነጻነት አምላክ ነው ወደን ፈቅደን የምናደርገውን መልካም ነገር ሁሉ ይባርክልናል።የድርሻችንን ሳንወጣ ግን እርዳን ማለት ትልቅ ስንፍና ነው። እግዚአብሔር አስገድዶ ምንም ነገር አድርጉ አይለንም። የሚጠቅመንን የሚያጸድቀንን እንድናደርግ ግን ይወዳል። ቁጭ ብለን እግዚአብሔር ይርዳን ብንል ግን ስንፍናን በሰማይ ሰሌዳ ላይ እንደመጻፍ ነው። "የተነቃነቀ ጥርስ ቢስቁበት አያደምቅ ቢበሉበት አያደምቅምና"ጠንክረን እንሥራ።