intern-itis | سواليف 🥼

تدرون انا حاليا R3 وكل ما تطري علي ايام الامتياز اتذكر موقف احد الاخصائيين اللي اشتغلت معهم لما كنت في عز قلة الثقه وانهياري النفسي ومحد داري عني قعد يمدحني في الميتنق ويعزز لي لدرجة انا انصدمت مع اني ما كنت انترستد في التخصص لكن كنت اسوي اللي اقدر عليه. لكن والله ما يدري اني الى الآن ادعي له لأن وقتها كنت بأمس الحاجه للكلام هذا ، فكل ما يطري علي احس بنفس الشعور ذاك ويعطيني دافع زياده مع اني ما شفته من وقتها فلا تستخسرون الكلمه الطيبه والله اثرها يبقى .

اللي تسأل عن الاوبي ايوة ضغط وكرف حتى بعد الرزدنسي لكن لو مرة ودك اسألي اللي قبلك ولا تسألين وحدة ولا ثنتين اسألي اكثر من طبيبة وبعدها قرري عاد مدري بالمدن الطرفية كيف الوضع بس ما يضر اسألي ولو ما يفرق معاك المكان او قريب منك قدمي والله يكتب لك الخير

‏📍اطمئن: ‏بعض الأبواب لم تفتح لأنها ليست لك ‏بعض الحكايات انتهت لأن قصتك لم تبدأ بعد ‏بعض الفرص فاتت لأنك بحاجة للخبرة لا النجاح ‏بعض المخاطر وقعت لترخي قبضة الخوف ‏بعض الظلام حل ليهجئك لغة النور ‏بعض الضياع نعمة لتجدد معنى الوصول

هو اللي عدى الثلاثين مو من حقه يقدم ع البورد ؟ حياته كذا انتهت ؟؟ سويت مقابله بس ما كانت الاسئلة ايش كنت تسوي بحياتك كانت انت وصلتي بهالعمر لو جاك R2 ولا اي احد اصغر منك بس سابقك بالتخصص تسمعين كلامه ولا لا ؟ وكل شوي يرجعون يذكروني بعمري مع اني من تخرجت وانا اشتغل بالقسم القدمت عليه وعندي خبره حلوة احسن من R2,3,4 بعد و من تخرجت وانا اقدم بس ما قاعدة تضبط وش اسوي !! حسسوني انه خلاص راحت عليه

صاحب الأهل ما يدعمونه احس أفهمك نوعًا ما والحل الأنسب الصراحه التجاهل التام مهما حصل الاذاني تتقفل صحيح صعب بس حبه حبه تتعود بخصوص طقطقه الدرجه ترا واقعيًا محد يفهم قد ايش الدرجه كويسه او سيئه غيرك انت فقط لا متعلم ولا جاهل وال بي بلس ممكن تعتبر اعلى من الافرج وشيء يستحق تفتخر فيه وذا شيء انت تقرره محد يقرره ودام حصل طقطقه حاول تتهرب من الجواب في الجايات وأنسى الحاصل الي رأسه ورا ما يعيش خلاص ماعاد فيها طريق آخر انت دخلت وانت تدرس وذا الحال لا تقاومه بالعكس تعايش معاه وال اي والبي والسي مو مقياس احد يحدده يعني احيانًا يشوفون من مذاكرتك والساعات انك اشطر واحد ومستحيل تنقص بس الواقع انت تعرفه ولنفسك عليك حق ومن ظلم النفس تحميلها من البلاء ما لا تطيق ف لا تجي انت والأيام على نفسك حن عليك واستعين بالله وتعااااايش بكره نسمع اسمك ف اعلى المناصب وتلاقي يقال هذا ولدنا هذا والله مننا

انا من عائله متوسطة العلم يعني اغلب الرجال فيها دبلوم،بكالوريوس بس بدون معدلات كويسه والنساء وظايف بالثانوي بس ، المهم اني انا من الثانوي قررت اشد حيلي واسعى بالعلم واشق طريقي بقوه بس الغريب ان اللي حولي محد مبسوط 🙂 اللي يقول الطب مايصلح لك اللي يقول ليتك تطلع منه اللي يقول ورطت نفسك والغريب ان حتى اهلي اهلي نفس الكلام، اذا شافوني اذاكر ساعات طويله يقولون الطب خلاك انطوائي اذا جلست معهم يفتحو موضوع دراستي ويقولون كلام سلبي انا ردي لهم دائما ان هذي حياتي وقراراتي محد له حق يتدخل بس محد يفهم. انا ماقد استنقصت من احد ودايم ادعم الناس الطموحه بس هم اي شخص ناجح يعادونه ويحسسونه انت غلط حنا صح، ذاك اليوم قريبي رسب بماده دبلوم محد اهتم انا نجحت B+ مسكوها علي كأني فاشل(من اهلي طبعا لان درجاتي مااقولها الا لهم كمان اذا ضغطو علي وزعلو اني ماقلت) الوضع يقهر وطيبتهم المزيفه تقهر اكثر (يسبون بعدين يختمونها بدعوه يعنني قلوبنا معك)

فيه احد يوسوس مثلي؟ ياخي لارجعت من الدوام اوسوس بشكللللل بالمرضى اقعد اقول هل انا اكيد قريت التحاليل كذا كذا؟ اكيد ما انعمت عيني عن شي؟ بالاشعة اكيد كانت كذا كذا؟ وسرا الليل، لدرجة مرات امسك نفسي ما ارجع للمستشفى بالليل عشان ارجع اشيك بالله متى تنتهي هذي الوسوسة

الحل انك تتجاهلها تماما، خلاص طالما في البداية سويت شيء فهو غالبا صح من أول مرة، تأكدك بيزيد توترك ووسوستك وبتعاني ولا بيفيد، لذلك توكل على الله وامسك نفسك لا تتأكد، في البداية بيكون صعب وتتوتر بس بعدين بيسهل. لكن أصحك تتساهل مع الوسوسة وتقول لا بس هذه المرة.. بتزيد وتتعب في حياتك عن تجربة

الحين الاوبي قايني صدق تعب ويحتاج مجهود ؟ مافي احد دخله وحس انه مريح ! الصدق مره ابغاه بس خايفه من الضغط والحياه الاجتماعيه خصوصا اني افكر اتزوج واجيب اطفال ان شاءالله بس ما ابغى تخصص ضغط هل فيه طريقه ادخله بس ما ياخذ كل وقتي يعني فيه سناتر الجهد فيها اقل ولا الخاص ولا هذا حلم ما تحقق للان

الي تشتكي من خوفها بالالقاء، انا كنت زيك لدرجة حتى لو بقرأ كلام مكتوب قدامي كتابه مابقرأه من الخوف والتوتر، بس صرت احرج نفسي واقدم على الريسيرش دي لكذا جامعة واروح اقدم حقي -قبلها بيوم لازم تكوني مجهزة كل شيء وتقدمينه لنفسك اقل شيء ١٠ مرات- واي برزنتيشن بالجامعة ولا غيرها اتطوع انا اقدم اطول جزئية ومع كثر ماتحطي نفسك بهذي المواقف بيخف عليك الموضوع وبتصيري متعودة،، التوتر ضروري وعادي جدًا بس المهم ماتخلينه عائق وتكبرين الفكرة براسك

اللي تتوتر من البرزنتيشن انا مثلك الصدق وما لقيت الحل الا بحبه بيتا بلوكر قبلها بساعه تغيرني ١٨٠ درجة ما انصح فيها انصح بالتعود لان بعدين صعب فكها حاولت وما قدرت بس اذا انتي مره واصله لمرحله ميؤوس منها خذيها

يا جماعه الخير انا كل ما قدمت برزنتيشن ارجف وصوتي يضمحل ويقعد كاني ابكي وحرفيا ركبي تتصافق ، حاولت اكثر من مرا واصمل اكثر من مرا وكل مرا نفس الشيء ما يتغير ولا شيء ، حتى الكلام اللي اكون مرتبته عشان اقوله يضيع ما اذكره ، يا جماعه ادري ان كثرة التعرض تولد التعود لكن والله من ايام الجامعه وانا ما غير اكثر تعرض بس ما اتعودت الا على اني اتصافق واتبكبك و بمجرد ما اسكت ارجع طبيعيه 😖😭😭😭 تعبت نفسيا ياخي

الي تكلمت ساعتين مع الدكتور، محد قاله يسوي المراعي وهو نعسان كان حدد الوقت، هو قال الوقت مفتوح يعني ما عليك عتب ابد ان فهمتي زين ان ما فهمتي معليك سألتي بالبداية وسويتي الي عليك

دخلت في بحث وكذبت بمعدلي لان بكل بساطة مالهم دخل فيه صح التخصص تنافسي بس خلاص قلت بحاول نشرنا البحث ودفعت وكل شي الا ويرسل الدكتور ترى اعرف ان مو هذا معدلك الحقيقي وانا تواصلت مع الجامعة وسالتهم بس خليتك شفقة فيك مستوعبين ! اقسم بالله موقفي كان زباله بعد مناقشه قال انا راحمك عشان كذا ما بقول لاحد ولكن اسمك في الدائرة السوداء ولا تحاولين تجين اي مستشفى بالمنطقة الي انا فيها لاني بعرف شوفي مكان غيرنا ! يناس مدري وش اسوي مررره تعبانه وش سويت عشان يصير هذا كله فرصة بحث وانا كنت ابيها ماتسوى علي والله مره متنكدة وطول الوقت ادعي عليه واتحسب اعرف اني غلطت بس غلطي ماهو كبير ولا اثر في ولا شي حرفيا اشتتغلت اكثر وحدة وتعبت ليه يدمرني عشان كذا !

السلام عليكم ورحمة الله وبركاته ممكن عندي استفسار في المقابلات إذا سألوني بالعربي هل ماارد عليهم إلا بالإنجليزي لان مو مقتنعة بالموضوع لكن اغلب الي حولي يقولون مهما تكلمو عربي رد بالإنجليزي وانا احس أنها فلسفة المفروض أتكلم معهم باللغة الي يتكلموها معي ايش تشوف بوجهة نظرك

رد بنفس لغة السؤال،

فيه موضوع عجزت اتخطاه لي اسبوع وانا اصحى انام وانا احس بفشيله كلمت دكتور اني ابي اكلمه بكم موضوع وقال اجي لمكتبه اول ما دخلت سألت كم معك وقت قال عادي لك الوقت مفتوح وكلمته عن كم حاجة والمواضيع تتفرع لان بيننا كذا شغل نسويه فممكن جلست ساعتين وبعد ما طلعت استوعبت ان له نص ساعة يتثاوب ويسوي حركات stretching يلمح اني طولت واحس بكمية غباء احس انا دايم كذا ما افهم التلميح الا بعدين واطول اذا جلست مع شخص يعني دايم الناس هي اللي تنهي الجلسة مو انا. من ناحية اقول انا سألت عن الوقت اول ما شفته عشان اتجنب موقف زي هذا ومن الناحية الثانية هل انا بهالغباء لدرجة ما الاحظ كل هالتلميحات؟ افكر اذا شفته مرة ثانية اعتذر واقول له المرة الجاية يكون واضح من البداية وما يخليني احس بالاحساس هذا

يعسل طيب دام اهلك مقتدرين ماشاء الله اشتري سياره أحلامك بفلوسهم وخلاص ليه القروشه عشان ما تطفرين او ادفعي شوي من السعر وهم الباقي

عجيب امرك كل شيء متوفر لك وتبين القروشه احس تعوذي من ابليس بس و بالاخير سياره يعني اذا استقريتي مادياً سوي الي تبين

ما قصدي اثير الجدل بس احتاج احد يعقلني ويشرح لي الحياة ، انا من عائلة الحمدلله مقتدرين وتجار ، وباطلع لي سيارة للرفاهية وسيارة العمر بس طبعا مو على حساب الاهل (مساعدة بسيطة منهم فقط) ، عندنا سواقين ومو محتاجة سيارة فقررت اشتريها على حسابي(هدايا تخرجي)+ (انا انتيرن وهذي المشكلة) ، انه اخاف بعدها ما اتوظف او اتأخر لأي ظرف ، وودي اقتنع بفكرة اني اشتري سيارة تمشية حال عشان ما اطفر واستثمر مع الاهل بدخلي ، لكن متعودة على السيارات الحلوة هنا المشكلة انه صعب صعب صعب اقتنع بسيارة مستوى متوسط وهذا الشي قاهرني بشخصيتي رغم اني انسانه بسيطة ليش ما اتواضع بفكرة سيارة بسيطة وتوصلني وخلاص بنفس الوقت سيارات الاهل الكشخة بيدي اقدر اسوقها بس اخاف عليها عشان كذا ودي بشي لي شخصيا عشان اتحمس اداوم وعشان فيه نسبة مني باقهر كم شخص بحياتي كان يحتقرني وقطعت علاقتي معاه احس دوافعي انتقامية مع اني احسن من هذا الشخص مليون وترفعت عن وضاعته وطورت من نفسي ما ادري ليش فيني هذي النزعة رغم اني مو انسانة فاضية

بخصوص اللي تكلم عن اهله ما يحتفلون فيه ووو… ما بقول كلام تحفيزي بقول شي واحد بس، الله سبحانه وتعالى ياخذ ويعطي وله حكمه في كل شيء الواحد احياناً تزعله أشياء وتضيق صدره وده يغيرها، لكن مرات ما يقدر ولو نشوف الناس راح نلقى تفاوت كبير، ناس ربي مسخر لهم اهلهم بشكل كبير ، وناس العكس تماماً بل ممكن يكونون ابتلاء ، وناس وسط .. لو فكرنا فيها بنشوفها أرزاق فعلاً يعني اتفهم، ما ينفع اقول خلاص احتفل بنفسك لا تنتظر احد ووو.. لأن معليش احياناً الواحد وده يشوف اهله مهتمين فيه او مبسوطين لانجازه والمشكله إذا حاول ويحس انه ماش مافيه، اكيد شي يضايق صحيح مب شرط اني انتظر احد يقدر ويحتفل بإنجازاتي، لكن الصدق الأهل غير … ف أشوف إذا حاولت وصار فعلاً مافيه شي تسويه، حط ببالك نقطة ان الله احياناً ياخذ شي ويعطيك شي ثاني وكل شي له حكمه واحياناً العوض يجي بعدين، محد بينحرم من شي ظلم بس كذا لأن الله لطيف بعبادة، حتى لو انه شي بسيط. -مع تحيات الدكتور الروائي

تجربة د.عبدالمجيد الخثعمي مع حجز موعد اختباره ماشاء الله تبارك الله جايب 95٪ في اختبار الهيئة 👏🏻 https://saudi-bot.com 🟢 الخدمة لحجز اختبارات الهيئة السعودية للتخصصات الصحية (برومترك) 🟢 يوجد تقسيط بدون فوائد لرسوم الاختبار كاملة