مُرهّف

لو شحت غيوم شوقي من مناشيها هـلّـت طـواري مزن و جلت شجوني إن همت ما لي هيام .. إلا بواديها وإن ضعت ما ودي إن الناس يلقوني حتى الحياء اللي عن الأنظار مخفيها ما قد منعها ولا مرة .. عن جفوني ما أخذت عيون القصايد واكتفت فيها أخذت عيون القصايد وأخذت عيوني

‏فيك يبتدي القصيد واسمك ينتهي فيه ‏انت الوحيد اللي بيوت شعري تغنى به ‏والله ما مثلك بالبشر من شعوري اعطيه ‏ و محد قد لمس شعور قلبي ولا صابه ‏شفتك الوحيد اللي يستاهل الحب واهديه ‏قلب ما مال للحب ولا فتح للخلايق بابه ‏انت العوض اللي بكل قصيدي اقصدك فيه ‏جيت لي عوض و حبيب القلب واغلى أحبابه ‏لك اعلنت الحب و قلبي يطلب قلبك ويرجيه ‏ضمني و لو موتي بين كفوفك يا مرحبا به . .

‏مسيش بالخير ولا اقول مسيني ‏ يا حلوها في لسانش لا نطقتيها يا تاج راسي و ياعزي و تكويني يا اول حدود السعاده لا بتاليها ‏مهما المسافات تبعد بينش وبيني ‏ومهما ظروف الليالي شان حاضيها تبقين كنق الغرام العفش في عيني و تبقى عيونش هي احلى مانظر فيها ‏ والله احبش وحبش لين يرثيني ‏هاجس قصيدي على جامد معانيها ‏يا أوفاء غرامً عرفته بـ اول سنيني ‏ولا ضاقت الروح من غيرش يسليها ؟ يابنت شوفك و ترا أرضاك يكفيني و باقي البشر يشهد الله ما علي فيها .

‏أعاتبها ويلمع دمعها .. واغيّر الموضوع ‏أنا الغلطان دام السالفة توصل مدامعها

كل ما أشوف نبتة تخرج من شقّ الأرض ‏يتجدد أملي

‏وأنا معاهدك والعهد ف رقابنا ديّن ‏ما أخليك لين الموت ينفضى شليله ‏تراك بذرا وجه السنافي تذريّن ‏شجاع ماعمره ردته المستحيله ‏ ‏وحنا على العهد المشرف ترا باقين ‏محبة نقا ماهي محبّة فشيله

‏تباهي وغني واضحكي لا يهمك شي ‏لا مالت ظروفك فيك ، لك من يعدلها ‏بتلقين لك في جوف قلبي براد و فيّ ‏هنا منزلك و الناس تعرف منازلها ‏ما تقدر تزعلك الليالي وراسي حي ‏لو تزعلك سود الليالي ، بزعلها

ماهدا بالي ولا طاب للعين المبيت منشغل بالحرب و اقراء جميع اخبارها ف السعوديه .. وقلبي وروحي فالكويت جعل ربي يحفظ لي امي ويحفظ دارها

‏مبطي عن الناس والساحه وجو القصيد ‏وحروفي الابجديه .. ما عوى ذيبها ‏الظاهر إنّ القريحة .. جاتها ام العبيد ‏قبل حوالي ثمان شهور .. علميبها ‏مرارة التجربه .. من عاش فيها وحيد ‏ما اظن لا ذاقها .. بـ يعيد تجريبها ‏خايف من اللي تجي بكره .. بليا وعيد ‏وانا ادري ان الزمان الشين .. يحريبها ‏رسايل البعض تزخر بـ العتاب الشديد ‏وأسراري الله .. هو اللي عالم ٍ غيبها ‏حي الله .. اللي ليا من جيتها من بعيد ‏اسمع من بعيد .. لهفتها وترحيبها ‏ان جيت قالت عسى من غيبتك مستفيد ‏وان غبت قامت .. تنصيني مكاتيبها ‏اجمل من الصبح والافراح في كل عيد ‏ما ابرك من الساعه اللي عندي تجيبها ‏ماهوب انا اللي منصبها على كل جيد ‏حتى الجميلات .. قد قامن بتنصيبها ‏يا غاليه .. ما لنا هـ اليوم عذرٍ بليد ‏في ليلةٍ .. صرت انا وانتي .. معازيبها ‏لا تسأليني .. عن اللي راح ولا الجديد ‏عندي حسابات .. مشغولٍ بـ ترتيبها ‏محبتك كل ما تنقص سنيني .. تزيد ‏مهما ظروف الزمن تلحق مشاهيبها

خذاه الزمان الشين واقفى به و قفيت وأنا أدري بحبه وأدري أن مهوب وده عليه أتوجد كل ما أصبحت وأمسيت وعليه الجفون تكفكف الدموع وترده وألا يا وليفي ضعت في حبك وعفيت من الحب لابوه الحب بعدك لابوه جده لأني م أعرف أنسى ولا أخون ولا حبيت ولأني ما حب إلا أنت لو طالت المدة همه

هذي قصة واحد يحب وحده وهو من قرايبها وجاها بالجوال واعترف لها و صار بينهم خلاف بعد ٥ سنوات وافترقوا وهو يحبها بكل صدق ، و لكن هي ما حست بالندم إلا يوم راح منها وافترقوا وحست بقيمته وودها ترجع له وقالت عنه بأبيات :

‏ياجرح لو كانت الخطوة تجي باحتراص ‏كان السلامة سلم من ذاق مفعولها ‏سامرت تلقينها حتى خذيت اختصاص ‏واستاسرتني تحت فيّات مجدولها ‏شتى الطرق ما اسعفتني يوم ادور مناص ‏كن الدروب اتشكّل لي على زولها ! ‏الديمة اللي لو تصب المطر فالنماص ‏قامت تسابق خطاوي نجد لثعولها ‏ريميه بعينها ما يجعل الما رصاص ‏تبكي وكن الدموع اتورّد لهولها ‏علمتها تنتظر كل الفرص باقتناص ‏راحت ولا علمتني كيف بتنولها ‏ماعاد ابيها تعاتبني انا ابغى الخلاص ‏يمكن ذي اخر قصيدة قادر اقولها ..

وين انت رايح ياعدو المزايين اللي عليك الشوق بيح كنيني والله لو تسكن ورا دولة الصين مافيه شي يحول بينك و بيني أنا مؤسس حزب طرد المقفين وراك وراك لين تطيح في يديني لو كل من قفى مثل كامل الزين لقيتكم على المثل سابقيني يازين لا يغرك مواليد الألفين اللي عن دروب الغلا تحتديني (:

ماني متحسف على شي قد فات ما فات مات ولا تفيد الحسايف لحظه تفقد فيها جميع الملذات و تصد من العالم صدت العايف

"شيبة" تقول ازهل تراها سهالات ‏و "الخرج" حتى اللي زبَنها تجيره ‏حنا هل العوجا ولا به مراوات ‏نضرب على الكايد ونلعن شويره

اخذت لي درب عن الناس ( معزول ) وشديت عزمي واعتزي بالجوارح مركاي كوعي وان حصل شي مذهول الله لا ( يجعلني ) أحتاج ضارح الارض ( تبلع ) ف البشر عرضً وطول ياليت ناب الارض فعله ( صوارح ) لاصار ( يستولي ) على صاحب الفعول لا يعجله مثل الرياح ( النوارح ) يالله تجعلني ( مع الناس ) مقبول من قبل لا قبري يسوق ( القوارح )

يحزني اليا تقابلنا في يوم الحشر افر منها و أنا شفقٍ على شوفها

من كثر ماتعوّدت افقد آمالي صرت اخاف السكينه والطمأنينه بعض الافكار جات وعكّرت بالي والتفاكير لاكثرت تجي شينه من يقول المحبه طعمها حالي قلّه اللّه يخلّي له محبّينه شفني من الفراق وثوبه البالي قافل القلب ومغيّر كوالينه ودّي انّي خسرت الثلث من مالي قبل ما اعيش جو الحب وسنينه

غاليةً راحت مع مرور وقت الزمان جعل ربي يرحمها في كل حين اقول اني بخير وبعافيه ولاني تعبان وانا مُرّ أزمان مخليني من الغايبين ارجع و أصير من اشجع الفرسان وتكسرني كلمة الخايبه المستعين اضحك واقول اني مستأنس فرحان وانا حرارة صدري كنها على جمرتين أتحلم اني حاكم و في يدي صولجان واخلع أراوح الخونة كبار الظالمين يالله من خلقت الأنس و ملوك الجان تعصم قلبي و تجعلني من الصابرين

ذكراه في كل دار وكل درب ومحل تعبت وانا اتذكر صورته و اسمعه ترك لي الذكريات بلا وداع و رحل ليته بعد ما رحل خذ ذكرياته معه