Kitobxon jamiyat

Dunyodagi eng ko'rkam inson Bill Geyts: gazeta sotuvchisi mendan ham boyroq, mendan ham badavlatroq ekanini angladim Bill Geyts dunyodagi eng boy odam boʼlgan paytlar kimdir unga savol beribdi: – Dunyoda sizdan ham boyroq inson bormi? – Ha, – deb javob beradi Bill Geyts. – Mendan ham boyroq bir inson bor. U paytlar men hali mashhur yoki boy emasdim. Bir kuni NEW-York aeroportida gazeta sotayotgan kishini koʼrdim. Undan gazeta sotib olmoqchi boʼlib, hamyonimni ochsam, mayda pulim yoʼq ekan. Keyin gazetani sotuvchiga qaytarib berdim. Unga qarab “Mayda pulim qolmabdi, gazetangizni sotib ololmayman”, dedim. Shunda sotuvchi “Mayli, sizga tekinga beraman”, dedi. Men noiloj gazetani oldim. Oradan 2-3 oy oʼtib tasodifan men yana oʼsha aeroportga qoʼndim va bu safar ham gazeta sotib olish uchun mayda pulim yoʼq edi. Sotuvchi yana qoʼlimga gazeta tutdi. Men bu safar ham mayda pulim yoʼqligini aytib, gazetani rad qildim. U menga yana “Olavering, oʼzimning hisobimdan beryapman. Bu bilan men zarar koʼrmayman”, dedi. Men gazetani oldim. Oradan 19 yil oʼtib men mashhur boʼlib ketdim, butun dunyo meni taniy boshladi. Keyin toʼsatdan oʼsha sotuvchi esimga tushib qoldi. Uni rosa izladim va bir yarim oy deganda topdim. Undan “Meni taniyapsizmi?” deb soʼradim. – Ha, siz Bill Geytssiz, – dedi u. – Esingizdami, bir safar siz menga tekinga gazeta bergansiz? – dedim. – Esimda, ikki marta berganman, – dedi sotuvchi. – Oʼsha vaqt qilgan yordamingiz haqini toʼlamoqchiman. Tilang tilagingizni, meni uni ado etaman, – dedim shoshgancha. Sotuvchi menga qarab turdi-da, dedi: – Janob, siz shu bilan mening yaxshiligimga toʼla javob qaytara olaman, deb oʼylaysizmi? Bu bilan qarzingiz uzilib qolmaydi-ku. – Nega? – hayron boʼldim men. – Men sizga kambagʼal sotuvchi boʼlgan paytim yordam berganman, siz esa badavlat boʼlgachgina yordam bermoqchisiz. Dunyodagi eng boy odamga aylangach qiladigan yordamingiz mening nochor paytda qilgan yordamimga qanday qilib teng boʼladi? – dedi u. Oʼsha kuni gazeta sotuvchisi mendan ham boyroq, mendan ham badavlatroq ekanini angladim. Chunki u odamlarga yordam berish uchun boyib ketishni kutmagan. Haqiqiy boy odam bu – puli koʼp odam emas, balki yuragi boy odam hisoblanadi. Odamlar shuni tushunishi kerak: kimgadir mehribonlik qilsangiz, koʼrinishingiz qanday boʼlmasin, siz dunyodagi eng koʼrkam insonga aylanasiz. @Kitobxon_jamiyat

Sahifani Kitobxon jamiyat deb o'zgartirib qo'ydim. Negaki, Hozircha ko'pchilik tanimaydi. Uning ustiga familyangiz to'g'ri yozilganmi degan savollar ham ko'p keldi...

"Jimjitlik" asaridan iqtiboslar.

Seni nima qilgan, deb eslashsin? Bu yomon, oshnam. Yurtingda unutilsang, bundan dahshatlisi bo'lmaydi.

Bu yaxshilikni sizga qarzga berayotkanim yo'q, axir odammiz-ku, nahotki picha yaxshilikka ham minnat qilsak.

O'limni kutgan o'lmaydi, kutmagan o'ladi.

Belingdagi pichog'ingni, mingan otingni, nikohingdagi xotiningni birovga ishonma, bolam.

Dardning kelishi osson, ketishi qiyin.

Bolalarni kitobga o'rgatish kerak. Toki ular ishchi kuchi bo'lib emas, ongli jamiyatning bilag'on a'zolari bo'lib yetishsin. Ularning hozirgi turish - turmushi faqat jismoniy mehnatdan boshqaga yaramaydigan qilib qo'yadi.

Dunyodagi xavfli dushmaning eng yaqin do'stingdir. Chunki ichingdagi sirni biladi. Albatta, bir kuni seni sotadi. Sotganda ham ulgurji qilib, ichak-chavoqlaring bilan qo'shib sotadi.

Dunyoda kutish yomon. Bir minutning qanchalik uzoq vaqt ekani kutish paytida bilinadi.

«Энг муҳими, ёшларимизни янги-янги ғоялари кўп. Уларга фақат эътибор ва шароит керак». Ш.М. Мирзиёев 🇺🇿🇺🇿🇺🇿🇺🇿🇺🇿🇺🇿🇺🇿🇺🇿🇺🇿 «Самое важное — у нашей молодежи много новых идей. Им нужны только внимание и условия». Ш.М. Мирзиёев

Yig'lamay eshitinglar. Rostanam Abdulla Oripov she'riyat dahosi. Ayniqsa, dardli misralar bo'yicha...

Oz qoldi... Keyin chalg'imay Fikrlaydigan millat tanlovida qatnashamiz. Sizchi..?

*Shvesiyalik bir kishi kimoshdi savdosida juda qimmat narxga Napoleoon Bonapartning shaxmatini sotib oldi. Bir kuni u shaxmat donalaridan birining buralib ochilishini sezib qoldi. Dona ichidan qochish rejasi yozilgan maktub chiqadi. Ma’lum bo‘lishicha, 1816 yili imperator do‘stlaridan biri Napoleon jazo muddatini o‘tayotgan Muqaddas Yelena oroliga shaxmat yuboradi. Afsuski, Bonapart shaxmat donasidagi sirni fahmlamay, qochish rejasini bilolmay qolgan. *Sirakuzalik yovuz hukmdor Dionisiy (er. avv. 431 – 367 yy.) sartaroshga soch-soqolini qaychida oldirmagan, ustara ishlatishga yo‘l qo‘ymagan. Sartarosh uning sochlarini ko‘mir bilan kuydirib qisqartirgan. Gap shundaki, Dionisiy suiqasddan o‘lgudek qo‘rqar va o‘tkir narsalarni boshiga umuman yaqinlashtirmasdi. *X asrda yashab, ijod qilgan eronlik alloma, Abdul Qosim Ismoil kitoblarini hech kimga ishonmagan, shu sababli 117 ming jildlik kitobini qayerga borsa, o‘zi bilan olib yurgan. Buning uchun 400 ta tuyadan foydalangan. * Ilk pochta qutilari 400 yil muqaddam Florensiyada paydo bo‘lgan. Ularni cherkovlar darvozasiga ilib qo‘yishardi. Ular “iblis bilan aloqada bo‘lgan” olimlar, turli dunyoviy qarashlarni targ‘ib qiluvchi faylasuflar, vatanga xiyonatda gumon qilingan siyosatchilar ustidan anonim chaquvlarni yig‘ish uchun xizmat qilardi. * Insonga qon qo‘yish bo‘yicha ilk operasiya 1667 yilda Jan Batist tomonidan amalga oshirilgan. U bir yigitga qo‘yning ikki pinta qonini quygan. *1767 yilda Birma va Siam (hozirgi Tailand) o‘rtasidagi urush juda original yakun topgan. Urushni Birma boshlagan. Uning qo‘shinlari qo‘shni davlat hududiga bostirib kirgan va Siamning Nan qal’asini qamal etgan. Qamal cho‘zilib ketgan. Har ikki tomon asta-sekin urushdan charchay boshlagan. Nihoyat, sog‘lom tafakkur g‘olib kelgan. Har ikki armiya delegasiyasining uchrashuvida urushni qurilish bo‘yicha musobaqa o‘tkazish bilan yakunlash kelishilgan. Har ikkala tomon ibodatxona qurishi lozim bo‘lgan. Qurilishni ertaroq yakunlagan armiya urushda g‘alaba qozongan hisoblanardi. Siam armiyasi qurilishni 7 kunda yakunlaydi. Birma esa mag‘lubiyatini tan oladi. *Silindr shlyapasining ixtirochisi shlyapa sotuvchisi Jon Gerington hisoblanadi. Uning o‘ylab topgan narsasi odamlarga nechog‘lik yoqmaganini 1797 yilning 26 yanvaridan chiqqan gazetadagi maqoladan ham bilib olish mumkin: “Jon Geterington sohildagi yo‘lakda sayr qila turib, boshiga ipakdan yasalgan va g‘alati yaltiraydigan quvur kiyib olgan edi. Uning xatti-harakatlari yo‘lovchilarda ajablanish va qo‘rqinch uyg‘otardi. Ko‘pgina ayollar uni ko‘rib hushidan ketishgan bo‘lsa, bolalar chinqirar, sovunpazning oldidan qaytayotgan bir yigit esa tiqilinchda yiqilib qo‘lini sindirib oldi. Bu yuzadan janob Gerington qurollangan polisiya otryadi qurshovida lord-mer oldiga keltirildi va so‘roqqa tutildi. Hibsga olingan Gerington o‘zining yangi ixtirosini londonliklarga namoyish etishga haqli, deb hisoblashini aytdi, biroq lord-mer bu fikrga qo‘shilmadi hamda yaltiroq quvur ixtirochisiga 500 funt-sterling jarima soldi”. * “Moskovskiye gubernskiye vedomosti” gazetasining 1848 yilda chiqqan sonlaridan birida shunday so‘zlarni o‘qish mumkin: “Nikifor Nikitin o‘zining Oyga uchish haqidagi ahmoqona qarashlari uchun Boyqo‘ng‘ir qishlog‘iga surgun qilindi”.