STROJ

Жабракі і просты люд на будслаўскім фэсце ў 1930-я З успамінаў Паўліны Мядзёлкі: "На фэст зляталіся са ўсяго свету жабракі. Яны гарланілі, спявалі быліны на старадаўняй беларускай мове, малітвы на польскай мове, недарэчна перакручваючы польскія словы, енчылі, стагналі... Здаралася, што ў паломнікаў прападалі дзеці. Казалі, што жабракі крадуць дзяцей паломнікаў, а пасля прывозяць іх на фэсты, зарабляючы на іх ад літасцівых паломнікаў. Таму аднойчы народ учыніў страшэнны пагром жабракоў." Фота вядомага польскага журналіста Мельхіёра Ваньковіча, якія той зрабіў у Будславе 1-2 ліпеня 1937 года. Былі непадпісанымі ў зборах AGAD. Фотаздымкамі падзяліўся Кастусь Шыталь

Кобрынскі дзявочы строй ❤️ Манкету́ха – сарочка з рукавамі з «манкетамі», «манкеты» – цальнакройныя з рукавом звонкападобныя манжэты. У сарочцы простая прарэха спераду без упрыгожвання. Ужыта «нашыванне кажушковэ» – тэхніка старажытнага шыцця наборам, разнавіднасць папярочнага процягу, пры якой шчыльна пакладзеныя адзін да аднаго шыўкі чырвонай ніткі амаль цалкам засцілаюць поле бардзюра, а арнамент выяўляецца тонкімі фонавымі прагалінамі белага палатна. Вышыўкай упрыгожаны манжэты, верх рукавоў, каўнер. Строй з калекцыі Аляксандры Мятлеўскай.

Студэнцкае этнаграфічнае таварыства запрашае паўдзельнічаць у этнаграфічных экспедыцыях Салігорскі раён Мінскай вобласці - з 15 ліпеня па 7 жніўня 2024 г. Тэмы даследавання: - каляднарная і сямейная абрадавасць; - песенны фальклор; - традыцыйны строй і рамёствы. Жадаючых прыняць удзел просяць звяртацца па тэл. +375 29 778 01 00 (Viber, Telegram), Аляксей Глушко. Чэрыкаўскі і Слаўгарадскі раёны Магілёускай вобласці - з 10 ліпеня па 25 жніўня 2024 г. Тэмы экспедыцыі: - песенны фальклор; - сакральная тапаграфія; - каляндарная і сямейная абрадавасць; - традыцыйныя рамёствы. Па пытаннях уделу звяртайцеся па тэл. +375 29 126 16 37 (Viber, Telegram), Марыя Варахоб

Летні варыянт спадніцы з Кобрыншчыны Палатня́нык ці палатне́нык – летняя спадніца, сатканая з ільняных і баваўняных нітак, карацейшая за андарак. Спадніца пашыта з чатырох полак, заткана папярочнымі бела-шэрымі ўзорыстымі палоскамі зверху і чырвонымі палоскамі, якія пашыраюцца да нізу. Строй: Аляксандра Мятлеўская Выпуск пра кобрынскі строй глядзіце на нашым YouTube. Падтрымлівайце праект на Patreon.

Асалода 🩷 Альбом традыцыйнай музыкі “Хораўка” супольнага музыкавання Уладзіміра Ганчарова, Алены Мялешка і Яны Храмцовай. Слухайце па спасылцы Фота: Даша Піскун

Завіванне наміткі ❤️ Паказвае спеўны гурт з вёскі Клятная Пінскага раёна. “Памяць стагоддзяў” - караткаметражны дакументальны фільм, прысвечаны народнай культуры Палесся і Паазер’я. У фільме можна пабачыць спеўныя гурты з вёсак Тонеж і Глушкавічы Лельчыцкага раёна, а таксама гурт вёскі Клятная Пінскага раёна, абрад “Жаніцьба Цярэшкі” ў вёсцы Аношкі Лепельскага раёна ды іншае. Сцэнар: Зінаіда Мажэйка Рэжысёр: Ніна Сава Творчае аб’яднанне “Летапіс”, Беларусьфільм, 1982 г.

Шапачка (чапец) - жаночы галаўны ўбор. Вёска Морач, Клецкі раён. Шапачку надзявалі паверх закручаных на “тканку” валасоў (тканка - абруч з ільняной кудзелі, абшыты тканінай). Шапачку насілі разам з наміткай ці хусткай. Рабілі гэта прыгожа, бо з-пад хусткі абавязкова мусіў быць бачны “наштукаваны” край чапца. Гаспадыні звычайна мелі вялікую колькасць такіх шапачак: паўсядзённыя, святочныя, на пост і на жалобу. Крой шапачкі складаецца з акруглага донца, верхняй часткі і завязак. Шылі іх з яркіх тканін часцей чырвонага колера. Спераду чапца нашывалі вертыкальныя стужкі - “штукі”. На фота прадстаўлена аўтэнтычная шапачка з вёскі Морач і рэканструкцыя жанога святочнага строя, якую зрабілі Вольга Пілецкая і Галіна Яраш. Відэа пра марачанскі строй можна паглядзець на нашым YouTube. Поўны тэкст чытайце на Patreon.

Фестываль фальклорнага мастацтва “Берагіня” 🕰️Калі? 12-14 ліпеня. 📍Дзе? У гарадскім пасёлку Акцябрскі Гомельскай вобласці. Падчас фестывалю будуць майстар-класы народнага танца, традыцыйных спеваў, інструментальнага выканальніцтва, традыцыйных рамёстваў, гледачоў чакаюць выступленні гульнёва-забаўляльныя праграммы, выставы-продажы вырабаў народных майстроў і інш.

Дзявочы строй з вёсак Морач і Колкі Комплекс бытаваў у канцы ХІХ – сярэдзіна ХХ стагоддзя на тэрыторыі сучаснага Клецкага раёна Мінскай вобласці. 📍Дадзены від адзенне мае назву “ў шлягі”. Шлягі - стужкі, якімі ўпрыгожваюць спадніцу-“збіранку”, фартух ды рубашку (мясцовыя назвы). 📍Святочная марачанская прычоска незамужніх дзяўчат – “кошык”. Зрабіць прычоску дастаткова проста, але трэба мець доўгія валасы: трэба перакрыжаваць ззаду і спераду косы з “уплетнікамі” (вяровачкамі), замацаваць спераду кругавым (ад вуха да вуха) грэбнем. Частка грэбня пакрываецца чырвонай ці ружовай стужкай, якая замацоўваецца ззаду. На стужку накладаюцца пацеркі. Спераду з двух бакоў прычоскі дастаюць кароценькія пасмачкі, якія некалі падкручвалі нагрэтым над свечкай цвіком. Даследвавалі і аднавілі строй Вольга Пілецкая і Галіна Яраш 🧡 Праект заўжды можна падтрымаць на Patreon 🤝