حلويات و مملحات أميمة 🌷

🌸 ملاحظة: .بنسبة للكوكاو باش ميجيش ريحتو قوية في الحلوى و ما يتلقش الزيت أكبر خطأ تحمصو الكوكاو اشروه بدون قشور و سخنو مقلة وحطوه وقلبو مجرد اتمسوه تلقاوه رفد السخانة نحوه ورحوه مع الفانيليا .كخطوة بإذن الله باش يجي الحشو معسل في حالة مراحش اتبيتو الحشو لما ترحو الكوكاو وتكيلوه ثلاث كيلات كيلو السكر كيلة ناقصة اصبع ورجعوه مع الكوكاو يترحا معاهم .لما تحطو الحبة تاع لكعيكعات في المول اثقبوها بواسطة عود خشبي .اذا استعملتو مول سيليكون لما تحطوهم أيطيبو حطو الوجه الي يبين العجينة هو على الصينية وخلوهم ايطيبو حتى كي يحمارو من اللتحت نحو عليهم المول وشعلولهم من الفوق يحمارو شوية برك .يوجد عدة قوالب القوالب تاع السلكون يكون وزن العجينة 38غ و الحشو 20غ وقوالب الحديد وزن العجينة 35 غ و الحشو 20غ .الفرينة الي نستعملها هي سيم .السكر الناعم نستعمل لمارك هدى او المرجان .الألوان نستعمل فريتكا .الملمع نستعمل أبيض ذهبي رائع يعطيكم لمعة ما شاء الله .بنسبة لتزين أنا نستعمل عجينة القامباست رائعة .لتلوين القامباست خدي شوية مرغرين خلطيها مع اللون الي حبيتيه ثم دخليه في القامباست حتى تتحصلي على اللون الي راكي حباتو .بعد التلوين ضيفي على راس المغرفة بودرة التيلوز هذي المادة هيا اتخلي عجينة القامباست تنشف بعد ما تشكليها .الافضل لبس الكفوف أي القفاز لانها تلتسق باليد والكفوف تسهل الأمر .بنسبة لطلية مديروش كمية كبيرة كيلو بكأس الشاي راح تطليلكم حوالي 30 حبة 🌸اخبرتكن بكل ما أعرف بإذن لله إن شاء الله أكون قد أفدتكن 🌸

🌸 كعيكعات 🌸 .العجينة: 3 كيلات فرينة ممسوحين بدون ضغط ممسوحين فقط كيلة سمن معمرة كيما الكيلة تاع الفرينة ذوبي السمن وخليه يبرد لما تلمسيه ويكون دافئ في جفنة ومن الاحسن العمل في جفنة أو أي إناء كبير نضع كمية الفرينة المذكورة مع رشة ملح و لافاني وضيفي عليها السمن الذائب البارد وفركيهم مع بعض جيدا بكف اليد حتى تختفي الفرينة ومتوليش تبان ثم نجيبو الغرفية او المكيال الي كيلنا بيه الفرينة و السمن ونحطو فيه نصفو ما زهر و النصف الثاني ماء ثم نبدا نضيف بشوية لخليط الفرينة ونلم مشي نعجن نجمع بأطراف الاصابع منعجنش ونكمل حتى نتحصل على عجينة طرية..باش تعرفي أنو العجينة وصلت للقوام المناسب يظهرو على العجينة خيوط بيضاء هنا نحبس إضافة السوائل ونغلفها ونتركها ترتاح ولكي نتحصل على نتيجة رائعة نترك العجينة ترتاح ليلة كاملة وإن كنت في عجلة من أمري نتركها ترتاح على الأقل 4 ساعات ..ثم لما نكون راح نعمل بها نوزنها 38 غ 🌸 .الحشو : ثلاث كيلات مكسرات لوز أو كوكاو نرحيهم شوية على الطعام ميكونش الحشو خشن أو ناعم يكون وسط نضيف عليهم كيلة ناقصة أصبع سكر عادي ونضيف عليهم فانيليا و مبشور الليمون..ومبشور الليمون ندير كمية مليحة لأنو هو دواء المكسرات.. وضيفي عليهم السمن..في كيلو مكسرات حطي ملعقة كبيرة سمن وبنسبة للكوكاو اذا كنت راح ندير باللكوكاو نستعمل المقادير المذكورة ونضيف عليها شيئ واحد وهو عطر اللوز الحلو نستعملو فقط في الكوكاو اللوز لالا ثم نفرك المكونات جيدا ثم نجمع بماء الزهر بدون إضافة الماء عليه غير بشوية وندلك هنا يلزم شوية تعب باش يدوب السكر ونتحصلو على حشو طري و معسل ونضيف ماء الزهر حتى نتحصل على حشو طري زيدي افركيه فوق طاولة العمل جيدا ثم نغلفو ونخليه يبات ليلة كاملة أو يريح على الأقل 4 ساعات باش يجي بإذن الله طري و معسل ولما نجي نعمل راح يكون شرب شوية نعاود نطريه بشوية ماء الزهر حتى يولي للقوام السابق به نوزنو 20غ أجيني الحبة ما شاء الله معمرة 🌸 .الطلية : كيلة ماء الزهر كيلة زيت كيلة حليب نصف كيلة او ربع كيلة عصير الليمون هذا إختياري على حسب حبك الحموضة نخلطهم مليح ثم نضيف لافاني ثم نبدا نضيف السكر الناعم الي نكون غربلتو ونخلط حتى نتحصل على قوام ثقيل باش نعرف بلي وصلت لنتيجة المرجوة لمى نرفع الطلية ونفرغ مديرش شكل خيط وتسيح لازم خيط يتقطع هنا خلاص نحبس السكر الناعم ونضيفلها شوية ملون أبيض لأنو هذا راح يكون (لاباز) تاع اللون اذا كنت راح أنديرهم بلون الابيض خليهم عادي واذا راح نلونهم لون أخر نحط في فنجال قطراة من ماء الزهر مع ملون بودرة حتى نتحصل على لون سائل نبدا انضيفو غير بلعقل حتى نوصل للون الي راني حباتو وهنا نصل إلى مرحلت الجد هنا لطلية ناجحة بإذن الله لازم ندلك وكأنو راح أندير بغرير ندلكها مليح مليح ثم أنغطيها ونخليها ترتاح حتى يخرج الهواء منها لازم ترتاح مليح ولما نجي نخدم بيها راح نلقاها تقالت على الازم نضيفلها ماء الزهر حتى تولي لقوامها السابق ولما تكوني تطلي بيها راح تتقال خففيها بماء الزهر

🌷 غالياتي عساكن بخير 🌸 بمناسبة إقتراب قناتي للوصول إلى 300 أخت ومتابعة 🌸 بفضل لله أولا و أخرا ثم بدعمكن لي 🌸أحببت أن أقدم لكن وصفة من وصفاتي التي أعمل بها 🌸 تعبيرً عن شكري لدعمكن 🌸 أسأل لله أن يحفظكن ويسعدكن في الدارين 🌷🌷🌷

🌻حلوة الطابع 🌻 الكيلة المستعملة هنا كاس تاع عصير .كيلة بيض كيلة سكر كيلة زيت نصف كيلة نشاء فانيليا رشة ملح مبشور الليمون نخلط جميع المكونات جيدا ثم نضيف القليل من الطحين مع 2 أكياس خميرة حلوى ونخلط ثم نجمع بالطحين حتى نتحصل على عجينة طرية ما تلسقش في اليد ثم نطبعها وندهنها ب صفار بيضة مخلوطة ب ملعقة صغيرة حليب و ملعقة صغيرة زيت ونصف ملعقة صغيرة خل ابيض 🌻وصحتين وهنا 🌻

أسعد لله صباحكن غالياتي 🌸 🌸حلوة الطابع 🌸 من صنع أمي حفظها لله و رعاها🌸

غالياتي العسولات 🌸 أتيتكن بقناة مفيدة ورائعة .كل ما يخص الإستشارة الأسرية .إصلاح العلاقات الأسرية كل هذا وأكثر تحت إشراف الكوتش سارة وفقها لله لما يحب ويرضى تصفحن قناتها المفيدة غالياتي 🌸 تنويه هذا ليس تبادل إعلانات بل لأني وجدت القناة مفيدة ولانكن غاليات احببت أن أفيدكن