Medecine.studygram💗

‏صفحة واحدة من القرآن كم فيها من مثاقيل الحسنات التي لا يحصيها إلا الله. فكيف بالجزء، بالجزئين، وبأكثر من ذلك؟ اللهم لا تحجبنا عن كتابك بذنوبنا وفساد قلوبنا.🌱

رفع معدل الترشح في الطب إلى 16 بعدما كان 15/20 في السنوات الماضية ✅

‏مِنْ رحمة الله و كرَمِه عليك أن يسَّر لك الدعاء متى أردتَّ , ومِنْ حِكمته العظيمة سُبحانه أن يستجيب لك متى أراد, فاشكر الله على نعمة الدعاء في كل وقت , واسأله سبحانه التوفيق له بلذَّةٍ وافتقار

كنت فاتحة هذي المجموعة الخاصة بالقناة حتى يتمكن المتابعين من التعليق أسفل المنشورات ... الصراحة كل المتابعين لي كانو فيها كانو محترمين وعمري ماشفت شيء غير لائق فيها الأيام الماضية لاحظت بعض الأشياء السيئة حاولت نعمل بلوك لكن الأمر تكرر كثيراً .واكيد مستحيل نبقى طول الوقت منتبهة لكل الرسائل... لذلك الحل الوحيد الذي بين يدي هو إغلاق المجموعة من الأساس أعتذر لكل من لاحظ الأمر بإذن الله هكذا لن يتكرر الأمر 💗

إنا لله وإنا إليه راجعون،لاحول ولا قوة إلا بالله أول مرة نحس بالصدمة بهاذ الشكل💔 كنت مشغولة طول اليوم، وأول ما فتحت هاتفي… كان هذا أول منشور يظهر لي. قريتو… وعاودت قريتو… وكأني نحاول نكذّب الخبر. مزالت متذكرة آخر TD حضرتو عندو، مزال صوته في أذني، وطريقته في الشرح، مزالت صورته بين عينيا سبحان من له الدوام… كيفاش إنسان كان بيننا، يعلّم ويجتهد، واليوم خلاص راهو تحت التراب ولى محتاج للدعاء والصدقة أكثر من أي شيء

اللهم ارحمه واغفر له، واجعل علمه في ميزان حسناته، ووسّع مدخله، ونوّر قبره، واربط على قلوب أهله وكل من عرفه

🤲🏻 ادعولو بالرحمة 🤍

على لسان أحد طلاب الطب:🩺 «إلى كل طالب بكالوريا.أنتَ تنتظر نتيجتك… أعلمُ جيّدًا ذلك القلق الذي يسكن صدرك، كنتُ مكانك يومًا، أعدّ الساعات، وأربط أحلامي برقمٍ لم يظهر بعد. لكن دعني أُخبرك بشيء تعلّمته بعد أن دخلتُ الطب: الطريق لا يبدأ بالمعدّل… بل يبدأ بتوفيق الله. إن كُتب لك الطب، فستبلغه ولو تعثّرت بك الخطى، وإن لم يُكتب، فثق أن الله صرف عنك ما ليس لك، وادّخر لك ما هو خير. لا تُعلّق قلبك بكليةٍ بعينها، بل علّقه بالله… فهو أعلم بمستقبلك منك. فكم من طالبٍ دخل الطب ولم يجد نفسه، وكم من آخر لم يدخله… ففتح الله له أبوابًا لم يكن يحلم بها. اهدأ… ما كُتب لك سيصلك، ولو بعد قلقٍ طويل.» 🤍 #على_لسان_أحد_طلاب_الطب

ادعُوا لبعَضكُم بالأسماء توسَّلوا إلى الله لشِفاء فُلان، ورِزق فُلانة، وسعادة فُلان! فلرُّبما يطَّلع الله عليكَ مشغُولٌ ومتلهّفٌ بأمرِ أخِيك لتَفريج كُربته فيُعطيكَ ويُعطيه. قال سُفيان الثوري رحمه الله : "كُنا إذ أردنا أن يستجاب لنا دعونا لإخواننا بظهر الغيب ".

وشكرا لحسن الإستماع والمشاهدة 🌚😅

نصيحة أخيرة لكل شخص راهو يقرا في هذي الرسائل ... إذا أجبرتك الظروف على أنك تكون في مكان لاتحبه فتأكد أنو هو الخير الذي لا يدركه عقلك البشري و الذي يعلمه الله 🥺 وسواءاً اتضح لك أم لم يتضح فكُن على يقين أن وجودك في ذلك المكان في ذلك الوقت ليس عبث بل لحكمة يعلمها الله . ثاني شيء كل شخص راح يدير سطاج سواءا تطوعي أم إجباري تعلم تعذر غيرك اذا شفت منه عيب و ماتحقدش على الناس وماتحكمش عليهم من موقف . أول هدف هو أنك تتعلم فماتحشمش و سقسي و عاود حتى تتأكد وفي نفس الوقت ماتكونش مزعج والطبيب مضغوط و نتا فوق راسو وشنو هذا 🙂 خليه يكمل و بعدها سقسي و احترم غيرك و ماتقاطعش و اهم حاجة أي شيء تجي تديرو إستأذن قبل

الشعور هذاك خلاني ننسى كيفاش عيطت عليا هذيك القابلة و كيفاش حشمتني هذاك ... تخيلوا أنو بعدما كنت حاسبة روحي مانحملش و راح نتغم وهذا السارفيس أسوء مكان و هذا السطاج راح يفوت سيء ... رجعت للدار هذاك اليوم غير نحكي لأهلي و طايرة بالفرحة من أول موقف تغيرت نظرتي 180 درجة وهذا كامل صرا في أول ساعة ليا في المكان ... لكم أن تتخيلوا السطاج كامل كيفاش فات و شحال كنت فرحانة وشحال كنت مستمتعة. نتذكر أنو كانت ثما ممرضة ربي يذكرها بالخير اسمها هاجر كانت أول وحدة تعلمني كيفاش نركب cathéter و رغم اني كنت مانعرف والو بصح حكمت ملف تاع مريضة و بدات تشرحلي واش مكتوب فيه و بزاف بزاف أشياء علمتهملي ربي يجازيها خير الجزاء 🥺🤍 كاين بزاف قصص ومواقف صراو معايا في هذاك السطاج .كل مرة نحكيلكم حاجة بإذن الله

نكمل وين حبست قتلكم دخلت قربت منها ومدورة وجهي للحيط 🤣🤣مدتلي القابلة ليجو (قفازات) قاتلي ألبسيهم و عاونيني .وحد الثواني هكذاك حتى إنولد البيبي 🥺مدتهولي في يدي وقاتلي ياك تعرفي تلبسي؟ 🥺🥺🥺 شعور ٱخر هنا بعدما كان وجهي حمر من الحشمة وكي عيطت عليا حسيت قلبي مليان فراشات وبقيت نتأمل فيه و في يديه ورجليه الصغار و نمسحلو و نلبسلو و مرة على مرة ونشوف في أموا وهي تتأمل فيا وفي البيبي تاعها وتقول الحمدلله الحمدلله 🥺

وزيد فوق هذا ياجماعة مانعرف والو و أول يوم ليا في هذا المكان 😭... المفروض أي وحدة يصرالها موقف هكذا تخرج و ماتعاودش ترجع أبدا لهذاك المكان 🤣🤣بصح هذي كانت غير البداية و باش نصدمكم ،،اليوم راني نقول فيها بكل ثقة أنو هذاك السارفيس وهذاك السطاج كان افضل سطاج فات عليا لحد الٱن

معلاباليش كيفاش كنت نخمم وقتها واش الفايدة كي نبقى عند الباب مانشوف والو و ماراح نتعلم والو 🙂...ساعفوني كنت حشمانة راكم فاهمين . بقيت واقفة حتى يصدمني وحد الصوت عالي جدا 😭😭 نسمع في القابلة تعيط عليا وتقولي "واش هذا نحي يديك من جيبك و ادخلي .ياك جيتي تتعلمي؟ لي حب يتعلم يحط يدو في جيبو؟ ويبقى عند الباب" حرفيا كانت تعيييط بشكل فضيع نعذروها كانت في ضغط و الطاقم تاع التمريض لي من المفروض يساعدها كانوا مزال ماجاوش . انا أصلا كنت متوترة وخايفة وزادت كملت عليا كي عيطت عليا هكذاك وجهي حمار و الدموع قريب هبطو دخلت نرجف

وحد العشر دقائق هكذاك حتى نسمع صوت تاع إمرأة في غرفة الولادة قربت شوية و بقيت قدام الباب في زاوية مقابلة القابِلة لي كانت تساعد في الحامل وشعوري وقتها كان مخلط بين الرعب و الحشمة و التساؤل تاع واش راني ندير هنا ؟🙂 وهل لازم نروح؟ و هل عادي كي راني واقفة في هذا المكان؟ المهم تالمو كنت ماني عارفة والو و خايفة نمس كاش حاجة مالازمش نمسها حطيت يدي في جيوبي وبقيت واقفة

وهو كذلك من الحماس تاعي رحت بكري بزاف وصلت قبل كامل الغاشي 🤣 رحت بدلت حوايجي و درت جولة في السارفيس (في الغرف تاع المرضى مادخلت لحتى غرفة فحص)🙂

قبل مانروح كي عرفت بلي طحت في هذا السارفيس عزمت أني مانروحش لأنو أنا من الناس لي نعيف بزاف و مانحملش الدم المهم كنت حاسبة روحي راح ندخل من الباب نتغم يرفدوني يخرجوني و خلاصت حكايتي مع هذا السطاج 🙂 معلاباليش كيفاش رقدت في هذيك الليلة و الصباح نظت متحمسة و قلت نروح بصح نبقى غير بعيد بعيد نشوف الحالة برك

نهدر بزاف ولا نختصر؟🙂😂