GAC GS8

🛑 السلام عليكم ورحمة الله وبركاته تحية طيبة للجميع بتكلم عن تجربتي للسيارة اخذت السيارة 2022 شهر 10 الان السيارة لها اربع سنوات واجهت مشكلتين الاولى : في طرمبة السيارة اذا وصلت للربع تطفي وتم حلها وخلال خمس ايام تم اصلاحها واعطوني سيارة بديلة. والمشكلة الثانية: قبل شهرين تقريبا وانا امشي بالسيارة ارتفعت الحرارة شرطة ونزلت وانا وقفت حصلت الموية ناقصة لترين . عبيت موية وسافرت عليها واخذت كم يوم نسيت امر الموية لين طفيت السيارة ومعاد اشتغلت مرة ثانية شيكت على الموية طلعت ناقصة حاولت ما اشتغلت للاسف جبت اكثر من كهربائي لين واحد قال السلف ما يوصله كهرباء طلع في فيوز موجد على اصبع البطارية الموجب انقطع. اظن انه آمان للسيارة عشان ما تشغلها. وصله دايركت واشتغلت السيارة لكن كان في دخان ابيض. المهم اخذت السيارة للوكالة وفحصوها عن طريق كاميرا وجدوا موية في احد السلندرات السيارة ماشية 180 الف كيلو والضمان 150 لكن يوم اخذتها كان في ضمان ممتد المهم رفعوا للضمان الممتد مع انه كانت عندي صيانات غير كاملة وبعضها فيها زيادة و بعد مما طلة من الضمان الممتد يمكن شهر ونص وافق على تصليحها و طلبوا ماكينة جديدة والحمدلله تم تركيبها 🛑الخلاصة : انتبهو للموية في حال نقصت افحص السبب تاكد قبل تمشي عليها.