୨ৎ 𝐓ɦ𝗂𝗋𝗂 𝐓ɦ𝖾ꭑ𝖾 𝐖ⱺ𝗋ᥣᑯ༘♡

အကယ်၍များ… ဂုဏ်ထူးမပါခဲ့ရင်… အောင်စာရင်းမှာ ကိုယ့်နာမည်လေး မပါခဲ့ရင်… ဘာဖြစ်မလဲ။ တချို့က ပြောကြတယ်— “Grade-12 စာမေးပွဲက ဘဝကို အဆုံးအဖြတ်ပေးတာ” တဲ့။ တချို့ကတော့— “ဘဝကြီးက စာမေးပွဲတစ်ခုတည်းနဲ့ အဆုံးသတ်သွားတာမှ မဟုတ်တာ” လို့ ပြောကြတယ်။ ဒါပေမယ့် Result ထွက်မယ့်နေ့ကို စောင့်နေတဲ့ ကျောင်းသားတစ်ယောက်အတွက်တော့… အကြောက်ဆုံးအရာက အမှတ်မဟုတ်ဘူး။ “မိဘတွေ စိတ်ပျက်သွားမလား…” “ဆရာတွေ မျှော်လင့်ထားသလို မဖြစ်ခဲ့ရင် ဘယ်လိုလုပ်မလဲ…” “ငါ့ကို ယုံကြည်ထားတဲ့သူတွေကို စိတ်ပျက်စေမိပြီလား…” ဆိုတဲ့ အတွေးတွေပဲ။ လူတွေ မြင်တာက Result ပါ။ ဒါပေမယ့် သူတို့ မမြင်တာက— ညလုံးပေါက် စာကျက်ခဲ့ရတဲ့ ညတွေ။ အိပ်ချင်စိတ်ကို တင်းခံပြီး စာအုပ်ရှေ့မှာ ထိုင်ခဲ့ရတဲ့ အချိန်တွေ။ စာမေ့သွားမှာ ကြောက်လို့ အထပ်ထပ် ပြန်နွေးခဲ့ရတဲ့ ရက်တွေ။ စာမေးပွဲနီးလာတိုင်း “ငါ လုံလောက်ရဲ့လား” ဆိုပြီး ကိုယ့်ကိုယ်ကို သံသယဝင်ခဲ့ရတဲ့ နေ့တွေ။ G12 ဆိုတာ စာမေးပွဲတစ်ခုတည်း မဟုတ်ဘူး။ မိသားစုဖိအားတွေ၊ အနာဂတ်အတွက် စိုးရိမ်မှုတွေ၊ သူငယ်ချင်းတွေနဲ့ နှိုင်းယှဉ်ခံရမှုတွေ၊ တစ်ခါတလေ relationship ပြဿနာတွေပါ ရောနှောနေတဲ့ ကာလတစ်ခု။ တချို့လူငယ်တွေအတွက်တော့ “တစ်ခါမှားရင် အားလုံးပြီးသွားမယ်” လို့ ခံစားရလောက်တဲ့အထိ ဖိအားတွေ ကြီးမားတတ်တယ်။ ဒါပေမယ့်… ဘဝဆိုတာ Perfect ဖြစ်ဖို့ မဟုတ်ဘူး။ လဲကျရင် ပြန်ထဖို့ပဲ။ စာမေးပွဲတစ်ခုက မင်းရဲ့တန်ဖိုးကို မဆုံးဖြတ်နိုင်ဘူး။ စာရွက်ပေါ်က အမှတ်တွေက မင်းရဲ့အိပ်မက်တွေကို မဖျက်ဆီးနိုင်ဘူး။ ပြီးတော့… မင်းကြိုးစားခဲ့တဲ့ နေ့ရက်တွေကိုလည်း ဘယ်တော့မှ ဖျက်ပစ်လို့ မရဘူး။ တချို့ပန်းတွေက စောစောမပွင့်ဘူး။ ဒါပေမယ့် ပွင့်လာတဲ့အချိန်မှာ ပိုလှတယ်။ ပိုခိုင်မာတယ်။ ပိုပြီး အဓိပ္ပါယ်ရှိတယ်။ လူတွေရဲ့ ဘဝတွေလည်း အဲ့ဒီလိုပဲ။ ဒါကြောင့်… ဂုဏ်ထူးမပါခဲ့ရင်လည်း စိတ်မပျက်ပါနဲ့။ အောင်စာရင်းမှာ ကိုယ့်နာမည် မပါခဲ့ရင်တောင် ကိုယ့်ဘဝဇာတ်လမ်းက အဲ့ဒီနေရာမှာ မပြီးသေးဘူး။ အနာဂတ်ဆိုတာ ဒီနေ့ရဲ့ Result တစ်ခုတည်းနဲ့ မဆုံးဖြတ်ဘူး။ မနက်ဖြန်မှာ မင်း ဘယ်လောက်ပြန်ထနိုင်မလဲ… ဘယ်လောက်ဆက်ကြိုးစားနိုင်မလဲ… အဲ့ဒါကပဲ ပိုအရေးကြီးတယ်။ နောက်ဆုံး ပြောချင်တာက… ဆရာဝန်ဖြစ်မှ အောင်မြင်တာ မဟုတ်ဘူး။ အင်ဂျင်နီယာဖြစ်မှ တန်ဖိုးရှိတာ မဟုတ်ဘူး။ လူတိုင်းမှာ ကိုယ်ပိုင်လမ်းကြောင်း ရှိပါတယ်။ ဂုဏ်ထူးမပါခဲ့ရင်တောင်… ကိုယ့်အမှတ်၊ ကိုယ့်ဝါသနာ၊ ကိုယ့်စိတ်ဝင်စားမှုနဲ့ ကိုက်ညီတဲ့ တက္ကသိုလ်နဲ့ လမ်းကြောင်းကို ရွေးချယ်နိုင်ပါတယ်။ တစ်ခါတလေ… Result ထက် ပိုအရေးကြီးတာက ကိုယ့်ဘဝနဲ့ ကိုက်ညီတဲ့ လမ်းကို ရွေးမိဖို့ပါပဲ