טעסלער שפראך

ערווארט א לענגערע היציגע דעבאטע צווישן מיסטער א.נ.ק. מיט אני הקטן חיים טעסלער. אויב האט איר נישט אדורכגעזייט דעם פאלגענדע ליניע, דאן ליינט נישט דעם פארמעסט. מיסטער א.נ.ק. וועט זיין גענויגט מער אויף אנטי ציוניזם און אנטי כותל, און איך וועל זיין נוטה מער פרא איזריעל, אלזא וויל איך קלארשטעלן אזוי: מיר קומען חס ושלום נישט אראפרייסן דעם הייליגן סאטמארער רבי זללה"ה וואס וויפיל מ'וועט רעדן איבער אים און אים דיסקוסירן וועט מען נישט קענען באגרייפן זיין גרויסע גדלות און צדקות, און דאס זעלביגע פארקערט מיטן גר'ער רבי וואס איז ידוע לכל פאר אן אמת'ער עובד ה' בכל דרכים, און מיר פשוטע קליין-קעפיגע מענטשן פון פלייש און ביין קענען נישט פארשטיין די מיינונג'ס פארשידענהייטן צווישן די צוויי גדולים, מיר קומען בלויז עס צונעמען אויף ווי ווייט אונזער קליינע שכל קען פארשטיין און משיג זיין.