ژوان
شێعرە داستانە ڕەخنە بە قەڵەموو ژوان ڕەحیمی @Zhwanrahimi
نمایش بیشتر320
مشترکین
-124 ساعت
اطلاعاتی وجود ندارد7 روز
+330 روز
- مشترکین
- پوشش پست
- ER - نسبت تعامل
در حال بارگیری داده...
معدل نمو المشتركين
در حال بارگیری داده...
Photo unavailableShow in Telegram
دەوروو چەمەکاو تۆنە مکێشووە تەڵووکێ
ژیوایمەنە پەی وەختوو بەخێڵی دڕە بوو من
#ژوان
👍 4👏 1💋 1
Photo unavailableShow in Telegram
من کە ئاخروو هەر ڕەگێوەم بۆنبەس و
گیانم گێجاوڵێ وێرانینە،
سەرگەردانە
کۆڵانە چۆڵاو سیاوچەمانێوەنە
شۆنەو وەهارێوەرە گێڵوو
شکڵوو گوڵاو مێبینەکەیت بۆ ڕاشا گیان!
#ژوان
❤ 7💋 2👏 1
07:02
Video unavailableShow in Telegram
ششۆمین هەمامو کوڵەداستانێ هەورامیێ، نۆتشە
پێسەو داوەرێ پاڵوو کاک کوورشی ئازیزینە بەشداریم کەرد
باسێوی کوتا و گردین و
باسێویتەر کوتا سەروو داستانەو قانوونی، نویستەو کاک نایێب مێنبەری
کە پلەو یۆوەمیش ئاردە بێ
فیلم: کاک عەودڵڵا عەبدی
❤ 15👍 5💋 2
❇️ڕاپۆرتوو ڕاوەلوای #ششۆمین_ههمامهو_کوڵهداستانێ_ههورامیێ.
❇️#ششۆمین_ههمامهو_کوڵهداستانێ_ههورامیێ ڕۆو پهنجشهممهی ۲۷وو پاژهرهژوو ۱٤۰۳ ک.ڕ، به #شانازی_و_شکۆیوی_بێوێنەوه، #شاروو_نۆتشهینه لوا ڕاوه.
🔶هەرپاسه خەریکا شێنەی شێنەی بەرگنۆ؛ تایبەتی تایبەو کوڵهداستانێ ههورامیێ دلێو #ئەدەبیاتی_هەورامیەنه، بێجگەم لابەردەی تۆزەو ویرەوەشیەی و کەمتەرخەمی سەروو بەشێو جه ئەدەبی کوردیەوه؛ ئەنەوسەی هێز و هازێوێ بەردەوامێ بێ دلێو جەماوەری فەرهەنگی هەورامانی و ئەرەنیای و ڕاوەبەردەی ئی هەمامەیه، بەردەوامی بەڕۆ و درێژەو ئی ڕەوتیەنه. به وەشحاڵیەوه، به #ئاوەزی_فەلسەفی، لێرەی یەهەردار و ئەقڵیەتوو سەردەمی و هێزوو بەشێوی فرەو #ئاوزیارەو_مەکۆو_هەورامانی و به یارمەتی #پێشینەی_فەرهەنگی ئی کۆنه وەڵاتیه، ئی ڕەوته ئیسه بەردەواما و گۆشه و کەناروو وەڵاتیەنه، شێنەی شێنەی بەڵام مانیایینەژناس، ڕا پیمۆ و ڕوو به سەرکەل ملۆنه. ئیسه ئێتر فەزاو داستانێ کریاینەوه و خەریکا به شێوازێوی فەننی زانستی قەوام گێرۆنه.
🔶ئی ههمامه به حازر بیهیو ئهژمارێوی وهرچهم جه نویسهرا و فهرههنگدۆساو ههورامانی سهعات دوو دماو نیمهڕۆی ساڵۆنهو کتێبخانهو نۆتشهینه به ئهوهوانای قورئانی پیرۆزی دهسش پنه کهرد. دماتهر بهیانیهو دهبیرخانهو ههمامهی لاو خاتوو فهرزانهی مۆمنیهوه وانیاوه و شۆنیشهره مامۆسا مهڵڵا ئهحمهد موبارهکشاهی وهرپهرسوو کتێبخانهی گردٚیو شاروو نۆتشهی خێرئامای مێمانهکاش کهرد و بهرنامهو ههمامهی به سوخهنڕانی دوکتر هێدایهت مهحموودی بهخشداروو نهوسوودٚێ درێژهش پنه دریا. شۆنیشهره کاکه ئێبراهیم شهمس سهروو ڕهوتوو ڕاوهلوای پهنج دهوره وهڵینهکاو ههمامهی باسێوی کۆتاشا کهرد.
🔶داوهرێ ههمامهی بهینوو ٥٥ داستاناو بهشوو نویستهینه ده داستانێ و بهینوو ۱۰ داستاناو بهشوو هۆرهوهگێڵناینه ٥ داستانێشا هۆرچنیێبێنێ که بهشوو نویستهینه یهرێ داستانێ و بهشوو هۆرهوهگێڵناینه دوێ داستانێشا وانیایوه.
🔻داستانێ ئهوهوانیای بهشوو نویستهی:
۱. پلهو یهکی؛ داستانهو «قانوون»ی، نویستهو «نایێب مێنبهری».
۲. پلهو دوێ؛ داستانهو «بلۆقێ»، نویستهو «ئێرشاد ئهزهغ»ی.
۳. پلەو یەرۆمی؛ داستانەو «ئەشقی ئەوەشاریا»ی، هەکه بۆنەو حازر نهبیهی نویسەری دلێو هەمامەینه، داستانهو پلهو چوارۆمی به نامێو «تاموو ژیوای» به نویستەی خاتوو «مەهین کەریمی»، وانیاوه.
🔻داستانێ ئهوهوانیای بهشوو هۆرهوهگێڵنای:
۱. داستانهو «مهرگی دووباره»ی، هۆرهوهگێڵنای خاتوو «نارنج بوهلوولیفهڕ».
۲. داستانهو «گرهوه لهعنهتیهکه»ی، هۆرهوهگێڵنای کاکه «ئێبراهیم میکه عهلی».
🔶داوەری ئی دەورەیه؛ کاکه کوورش ئەمینی و خاتوو ئامینێ/ ژوان ڕەحیمی بیێنێ.
بهینوو ئهوهوانای داستانهکانه، داوهرێ ههمامهی سهروو دوێ داستانێ ئەوەڵ و دوەمیەوه، باسێوی فەننی داستانێشا پێشکەش کەرد. درێژەو هەمامەینه، پهیاموو ئهنجومهن ئهدهبی مهریوانی پهی ششۆمین ههمامهو کوڵهداستانێ ههورامیێ جه لاو «کاکه عهتا وهلدی»وه وانیاوه. بەینوو دوێ بەشێ هەمامەینه، هونەرمەند کاکه فەرزاد مەهدینیا، بەزمێوی هەورامیشا پێشکەشوو حازرا کەرد.
🔶کۆتایی ههمامهینه به ئا ئازیزا داستانهکێشا بهشوو نویستهینه پلهو یهک تا یهرێ و بهشوو هۆرهوهگێڵناینه پلهو یهک و دوێشا ئاردهن؛ #خهڵاتی_نهقدی، #تهندیسوو_ههمامهی و #سپاسنامهو_هۆرچنیای داستانێ پێشکهش کریا. به سەرجەموو ئا ئازیزا دستانهکێشا بهشوو نویستهینه پلهو چوار تا دهی و بهشوو هۆرهوهگێڵناینه پلهو یهرێ تا پهنجیشا ئاردهن سپاسنامهو هۆرچنیای داستانێ و به گردوو ئا ئازیزا داستانهشا کیاستێنه، سپاسنامهو کیانای داستانێ پێشکهش کریا. ههمامه سهعات شش و نیموو وێرهگای کۆتاییش ئاما.
🔶به ئهرکوو سهروو شانهو وێما مزانمێ جه گردوو ئا ئازیزا که یاردٚیشا دایمێ تا ئی ههمامه به ڕێک و پێکی بلۆ ڕاوه دهسوهشی کهرمێ، به تایبهت؛
1⃣سننۆقوو «هانا»و نۆتشیاو مهریوانی.
2⃣سننۆقوو «سارێژ»وو نۆتشیاو سنهی.
3⃣شۆرای ئێسلامی شاروو نۆتشهی.
4⃣شارهوانی نۆتشهی.
5⃣نمایهندهگی ئامووزش و پهروهرشوو نۆتشهی.
6⃣کتێبخانهی گردٚی شاروو نۆتشهی.
7⃣کتێبخانهی گردٚی شارهسانوو پاوهی.
8⃣ئهنجومهن ئهدهبی کتێبخانهو نۆتشهی.
🔶سپاس و دهسوهشی دووباره پهی گردٚوو ئا ئازیزا که داستانهشا کیاسته پهی ههمامهی و گردٚوو ئا وهشهویسا که پهی ڕاوهبهردهی ههمامهی زهحمهتشا کێشا.
❇️دهبیرخانهو ششۆمین ههمامهو کوڵهداستانێ ههورامیێ
🔅🔅🔅🔅
♻️ کانال تاریخ و فرهنگ شفاهی هورامان👇
@hisculhawraman
👍 7❤ 2💋 2👏 1
03:31
Video unavailableShow in Telegram
شێعرە و دەنگ: ژوان ڕەحیمی
ڕیک وستەی: دڵسۆز هێمەتی
❤ 11👍 1👏 1💋 1
ستوون فەقەراتوو شێعرێوە
چکێنارە
بە ژماروو ئا گرەوەخۆڵا
قوورتم دێنێوە،
وێرانەنا
ئێننەو قووڵایی ئا لافاوا
دەروونم پەیشا
یانە باوانا...
واچە؛
چن وەهارێت دێنێ سەر؟
تا واچوو؛
کناچێوەنا
لاوانە زەردنە
باڵغە بیێنا...
ناکامینە ژیوێنا
درێژەو ئا ماچانە
جە هەر لچێ گێرتێنێم
و مەردێنا
ئێننەو نیمەچڵی ئا ئاواتا
مازووشا جیای...
واچەم پەنە؛
چن کەڕەتێ بۆپشمینوو
هەناسات هۆرئێستەن؟
تا واچوو؛
ئێستێکاکوو بەینوو مەرگی و ژیواینە
چن پڕووکیێنا...
سەرگەردانتەر
جە دانەی سەر ساجوو مەولەوی
هۆرقرچیێنا
وەراەروو قووڵە زامێوە
نە یاوۆنە مەسلەکوو پەترۆکی
نە غەیروو هەلاهەلی مەڵهەمێوش هەن!
واچە؛
بەینوو دوە کەلیمەو "سۆت و برێژینە"
چن سەماعێ لوانی؟
چن پێچێت واردێنێ؟
تا واچوو؛
چن هەزار جارێ
ئۆتووبانوو ساوەینە
ئازارەم شۆنەو تەسکینێوەرە
کێشمانش ئامان...
ئیبلیسە حەسرەتێو
-تەنیایی وێشنە-
ئەعوور دیابێ
پەی هەڕەو ئی دێڕا و
منی خودٚایچ
خولقینەریم
ئاسمانوو هەشتینە
برینێ کەرێ،
چەنەم ویەرە
ئەر ستوون فەقەراتوو شێعرێوە
تەوانوو ئی گرد
ئێشیشە نەبێ...
#ژوان
وەهاروو ۲۷۲۱/تاران
https://t.me/Zhwan1370
ژوان
شێعرە داستانە ڕەخنە بە قەڵەموو ژوان ڕەحیمی @Zhwanrahimi
👍 9❤ 3🥰 2👏 1💋 1
Photo unavailableShow in Telegram
من
سەرسامەو ئی قەڕنە سەراپا بێگانەگی
تۆ
ڕواڵەتی ئاشناو چرکێوە،
من
گێجەو دوودڵی و وەهمێ
تۆ یەقین، باوڕ و دڵنیاییت
هەناسێ کێشتەن و
مشۆم
حەوت تەمەنێ
حەوت فەرزەو پێتاو حەقیقەتـینە
ستایێش کریەی،
من عاسیەو
حەساروو حەقارەتی
تۆ
بێ سنوور و لایەتەناهی،
من
ئاوار ئاوار
تەپێنانە کاولی وێم
تۆ
چەنی ئاوێ نسبەتت هەن
هەنگامێتۆ مێ
ئاوەدٚانی...
#ژوان
https://t.me/Zhwan1370
👍 5❤ 3👏 1💋 1
03:25
Video unavailableShow in Telegram
شێعرە و دەنگ: ژوان ڕەحیمی
ڕیک وستەی: یۆسف زارعی
https://t.me/Zhwan1370
❤ 9👍 4👏 1💋 1
ترەک بە ترەک
تا دماهەمین تاڵوو حەزەکاش
کەردێشا زیننان
زەردەخوەکێش خنیکنەیشا و
واتەشا پەنە؛
تۆ سەرچەمەو گۆناحێنی!
وەراوەروو تیکێو نانی موقەدەسیوە
ساناشا
دەسدرێژیشا کەردە پەنە و
واتەشا پەنە؛
تۆ قاحبێنی!
چەکمێشا
نیای سەروو زاموو مێهرەبانیش
فشارشا دا
تاوو ئێشینە
تا سەما لوا و
تا هەرسیش پڕایرە
واتەشا پەنە؛
تۆ زایفێنی!
مەرگە ئەسیدێشا
پاشای باڵاو ژیوایشرە و
واتەشا پەنە؛
تۆ نەژیوانەنی!
قاوەخانە بێ و
زۆرانەو پیایی
تەڵاقێو وزیا
یانەکەشنە کەردەشا جبەر و
واتەشا پەنە؛
تۆ بێوێنی!
سوینیش
حزوورش
بیەیش
حەقانیەتوو دنیاینە ماشتشاوە و
واتەشا پەنە؛
تۆ ژەنینی!
هەو غەریبە زاموو کائێناتی!
ئی ڕەواڵە زەواڵش هەن
شەماڵ
ڕاش گنۆ جۆجەکلە سۆتەکێت
زەردەخوەکێت هەم درۆشیاوە
زایەڵەت
یاوۆرە بنەی قووڵەو شەرعەکێشا
ڕۆجیاروو کەرامەتیت مزیۆوە و
ترەک بە ترەکت
بەر مد٘ۆوە
گوراڵێ حاجیانێ ...
#ژوان
وەهاروو ۲۷۲۲
چێروو کاریگەری شێعرێوەو مەحموود دەرویشینه
https://t.me/Zhwan1370
ژوان
شێعرە داستانە ڕەخنە بە قەڵەموو ژوان ڕەحیمی @Zhwanrahimi
👍 6❤ 3👏 3💋 1