حيثـُ الغـڕبة ♡

- جُد لي بـ صَبرٍ، يُنهي قبضةَ القلقِ 🥺🤎

«‏لا بُدَّ مِن فِتنة، لا بُدَّ مِن بلاء، لا بُدَّ مِن امتحان؛ لأنَّ النَّصر الرَّخيصَ لا يبقى؛ لأنَّ النَّصرَ السَّهلَ لا يعيش؛ لأنَّ الدَّعوةَ الهيِّنةَ يتبنَّاها كُلُّ ضعيف». -

ْ أسوأ ما قد يواجهه الانسان في حياته : "كثرة التفكير" لذلك ردد : اللهم أني أسألك بالاً مطمئناً وشاكراً لما قسمته له.

كنت عاوز أقول كام حاجة لطلبة الثانوية. (تجربتي) في المرحلة دي.. بمناسبة إمتحانات الثانوية هقولكم كام حاجة مقنعة وكلنا عشناها، محدش هياخد غير نصيبه والباقي يكمل بالرضا لأن العلم مدينة كبيرة كل الشرف ليك أنك تدخلها وكفى. واستمرارية السعي تضمن جداً حتمية الوصول وده كلام ربنا عز وجل في قوله تعالى ﴿وَأَن لَّيْسَ لِلإِنسَانِ إِلاَّ مَا سَعَى * وَأَنَّ سَعْيَهُ سَوْفَ يُرَى * ثُمَّ يُجْزَاهُ الْجَزَاء الأَوْفَى﴾. ونصيحتي ليك أوعى يوم تنسى إن ليك أب وأم، الناس دي سهرت وتعبت و رأسهم دايماً مرفوعة في وسط خلق الله علشان خاطرك ومتنساش لما يكبروا تاخد بالك منهم متخلهمش يحتاجوا للغريب طول ما أنت موجود.. ومتفقدش الأمل في أي شئ حاول على قد ما تقدر بس مترهقش نفسك لأن فيه حاجات كتير هتفوتك وانت مش واخد بالك.. وربنا عالم إنتم مريتوا بإيه وإزاي السنة كانت طويلة عليكم وفيها أحداث كتير وقرارات أكتر وتعب أعصاب أكتر وأكتر وربنا لن يخذلكم والله وهيجبركم كلكم.. وحاولوا متوتروش نفسكم وتخافوا .. وادخلوا الإمتحانات وإعتبروها زي إمتحانات أي سنة ، قولوا بسم الله وإقرأوا قرآن قبل ما تجاوبوا .. إستعينوا بالله لو حاجة وقفت معاكم ، وبلاش توتر وتعب أعصاب وخليكم باردين وهاديين، وكل واحد فيكم تعب بشكل .. وربنا لن يضيع تعب حد وربنا كبير وكرمه ولطفه بينا كبير والله ، ومهما استحالت الأسباب قدامكم هو قادر يخليها ممكنة، وافتكروا إنها دايمًا بتعدي بكرمه ولطفه ورحمته مش بمذاكرتنا .. إحنا بس علينا السعي والأخذ بالأسباب والنتيجة دي عند ربنا.. ومحدش هياخد غير نصيبه لو مهما عمل بس أنتم تعملوا إللي عليكم علشان ضميركم يكون مرتاح.. كمان متنسوش تاخدوا معاكم ماية وعصائر علشان الحر ربنا معاكم جميعًا يا رب ويوفقكم ويجبر بخاطركم وبخاطر أهاليكم يا رب.. وافتكروا إن ربنا مبيجبش حاجة وحشة وإن كل حاجة بتحصلنا خير وإن كل الكليات قمة وإن حتي لو حلمكم متحققش وجبتم الكلية إلي بتتمنوها فـ دي مش نهاية الطريق ولا نهاية الحلم أبدًا .. دي هتبقي بداية الحلم إللي ربنا إختاره لكم وهيكون فيه الخير ليكم بإذن الله، هحاول أكتبلكم الكلام اللي مشايخي قالته في وقت ما كنت في الثانوية وأنزله كـ نوع من أنواع جبر الخواطر وقت الإمتحان وأهو يكون فتح شهية نفسكم على المذاكرة 😁😁 أنتم قدها يا جماعه متخافوش .. كلنا بندعيلكم والله ، إبقوا طمنونا عليكم وحاجة كمان أي دوشة في اللجنة حاولوا تفصلوا نفسكم عنها وتركزوا في إمتحانكم وبس لإن ده هيوتركم، بالتوفيق للجميع 💚💚

"يَا صَاحِبِي وربّ الخير لا يأتي إلا بالخير"!♥️

هل جهَّزت متاعك لرحلةٍ لا رجوع فيها؟

"يعز علينا غلق باباً كنا نحرص على بقائه مفتوحاً ، لكنه الأذى إذا تمكّن أنهى" -

‏"النَفسُ أَدنى عَدوٍّ أَنتَ حاذِرُهُ ‏  وَالقَلبُ أَعظَمُ ما يُبلى بِهِ الرَجُلُ" -