زَيْنَبُ الكُبْرَى

مهم كلش وعَلي! يفيدكم هالكلام هواااي مو شوية

الإقبال والإدبار في حال من الأحوال تتوسع النفس .. يعني مثلاً يروح بيت الله يسوي فلان عمل وفلان عمل يصلي يذكر هنا تتوسع النفس وتصير عنده رغبة بقيام الليل بزيارة مولاي الحسين بقراءة القرآن يحس براحة وفجأة كل شيء يروح … يصير عنده ضيق ماعنده واهس يقرأ قرآن نفور من العبادة !!! وهناا صار عدنا مطالب الاخلاقية الاقبال والادبار ، گلنا الاقبال تتوسع نفسه اما الادبار عدة اسباب اله منهن ممكن ذنب!! وان للذنب اثر يأثر على اقبال النفس وممكن مو ذنب شيء فيه شبهه يعني مثلاً ياكل اكله بيها شبهه تضره ، مثال يروح للصيدلية يريد علاج وجع رأس ياخذ غير شيء هنا ينضر مو صح؟ و إلى آخره.. هو ما ارتكب حرام لأن مايدري بهالشيء شبهه بس أثرت! ، واحيانًا مو شبهه احيانًا عمل يعتقده صحيح مثلاً مدرس او شخص بدائرة حكومية يعتقد ان التعامل بالصراخ فـ هنا يأثر على الاقبال لأن طريقته خطأ وتأثر ، ومرات اكو انسان يصلي صلاة الليل مثلاً ٣ اشهر فـ هو ميدري بنفسه انو صار عنده بذرة عجب .. هنا الله مثلا ينومه يخلي مايكعد للصلاة ويصير عنده ادبار للصلاة يكسل بعد يصليها لأن العجب اثر بالأقبال ، فرب العالمين القى عليه شيء من التقصير بالمستحبات لأن هو الله يريده هيچ يوصله مرحلة ميشوف نفسه يريده يشوف العبد مقصر مو عنده عجب !! ، اغلب اسباب الفتور الي تصيبنا الذنب يضر بالأقبال يتحول الى الأدبار 💔 الحل شنو؟ يقول مولانا امير المؤمنين اذا اقبلت النفس فعليكم بالنوافل واذا ادبرت فأقتصروا على الفرائض لاتقحمها لاتذبها بالگوه النفس تنفر خلاص الزم الواجبات واسكت لاتضغط عليها !! شويه شويه ترجعها لاتدفعها…

يا مُجيبَ دَعوة المُضطرين، ويا كاشفُ كَرب المكروبِين، يا غيَاث المُستغيثين، يا صَريخ المُستصرخين، يا مَن هو أقربُ إليَّ من حَبلِ الوريد ، قُرَّ عَينْي بزيَارة حَبيبُك وأبنَ حَبيبُك 💔…

💔!

ربي ربي ربي … إلا الأَربعِين !

موَلاي أمُوت أنه إذا ما مشيتلَك!

أحسِبني أخر زاير! بَس لا تكسرلِي خَاطر💔

مَن زارَ قبر الحُسَين عليهِ السَّلام ماشيًا كتبَ اللّٰه لهُ بكُل قدم يرفعها وكُل قدم يضعها عتق رقبة مِن ولد إسماعيل.. - اللهُم أرزقنا زيارة الحُسين عليهِ وآلهِ السَّلام فِي يوم الأربعين بحقهِ عِندكَ .

الله موزع الوادم ، لو مَشاي لو خادم! - فلا تَحرمني الأثنيّن سَيدي ياحُسين..

ويلااه يَامظلوم ..

آهٍ وقد اخضرَّ لونهُ من حرارةِ السُّم💔!.

-

أَينَ الطَّالبُ بِثَأرِ جِراحَاتِ رُقيّة ..

‏﴿ فَأَمَّا الْيَتِيمَ فَلَا تَقْهَرْ ﴾ وأما رُقيّة بِنْت الحُسَين ، فَإِنَّهَا تُقتَل قَهْرًا حُزنًا .

"السَّلامُ عَلى مَن فُجِعَتْ بِرأسِ أبيّها"

-

تحدثنا سابقًا حول المعاتبة ، وذكرنا أنْ الإنسان على ثلاث مراحل من المعاصي الي هي ( قبل ارتكابها ، واثناء ارتكابها ، وبعد ارتكابها ) الآن بعد أنْ أرتكب الإنسان الذنب يعني بعد مدة من أرتكاب الذنب تاب هل تكفي التوبة؟ نعم هي تكفي لكن على الإنسان ايضًا أنْ لا ييأس ، بعض الناس مع شديد الأسف يتوب ويرجع يخطأ مرة اخرى ويتوب ويخطأ اكثر من مرة هنا الشيطان يأتي يوسوس له يحاول أنْ يزرع برأسه افكار تجعل الأنسان ييأس من رحمة الله ويبدأ الشيطان يعقد التوبة على الإنسان مثلاً ( ذنبك هذا كبير ، الله لن يغفر لك ، هو انت بعد عصيت تضحك على روحك لو على ربك "نستجير بالله" ابقى سوي ذنوب انت انقضت توبتك الاولى مايفيد اذا تبت مرة ثانية هم تنقضها ) يفعل الشيطان قدر إمكانه واقصى جهدهِ أنْ يجعل الإنسان يستمر بالذنوب والخطايا وييأس من رحمة الله، واليأس اخطر من ارتكاب الذنب !!!!!! اكو رواية عن أمير المؤمنين عليه السلام يقول فيها ( تُب ثم تُب ثم تُب حتى يرغم أنف الشيطان ) يعني انت استمر في التوبة الى ان يأتي يوم وتنتصر فيه على نفسك الأمارة بالسوء والشيطان "لعنة الله عليه" والإنسان بعد ان يرتكب الذنب ويندم ماذا يفعل؟ عليه أنْ يعود الى روايات وآيات قرآنية عن الرجاء فيها كلام عن عفو الله ومغفرته ورحمته ويقرأها ، ليش؟ حتى لايسقطه الشيطان اللعين في حبال اليأس من التوبة ، لأن الشيطان في أي لحظة يحاول يستغل الفرصة ، عندما يرى الإنسان ييأس يهجم عليه ويبقى يزرع افكار شيطانية برأسه لازم نتذكر الله كريم وحذرنا من اليأس في رحمته واعتبرها من كبار المعاصي💔

الإنسان على ثلاث حالات من المعاصي : ( قبل ارتكابها ، وعند ارتكابها ، وبعد ارتكابها ) الإنسان إذا أراد أن يرتكب ذنبًا يجب أن يُنبه نفسه اولاً قبل ارتكاب الذنب ، يخاطب روحه اني إذا أسوي فلان ذنب ، شنو الي ضامن إلي رب العالمين رح يغفره إلي؟ ومنو كال الله رح يباوع بحالي بعد ، زين إذا سويت فلان ذنب ممكن بأثناء الذنب الله يعاقبنا أو ينزل علينا بلاء أو ممكن يُقبض روحنا ونموت وإحنا على ذنب فـ لازم الإنسان يحذر وينتبه على نفسه ويذكرها قبل ما يرتكب الذنب ، وأن يقرأ آيات وروايات الترهيب يعني يقرأ آيات عن جهنم وشدة العذاب، أتخيل ؟ لو الله كال ما أغفر إلك هذا الذنب !! هل رح ترتكبه ؟ فـ لازم ننتبه وما نتعدى حدود الله لأن إذا نتجاوز الحدود بالذنوب يمكن نوصل لدرجة نطلع من رحمة الله وحتى ما يغفر إلنا ، فينبغي مواصلة تحذير أنفسنا وتخويفها ، أما اثناء ارتكاب المعصية فهنا أيضًا عليه تذكير نفسه أن الله يراه الآن فكم هو جريء؟ يرتكب المعصية ويعرف أن الله يعلم ومطلّع ومع ذلك يرتكبها ؟!! ، أما بعد أرتكاب الذنب وهاي أسوء حالة ، يعاتب نفسه أيضًا ويتوب ومثل ما گلنا سابقا التوبة هي أن تزيل رجس المعاصي بماء العين بعد أن تؤجج فيه نار الندم ، يعني البكاء والندم والعزم على عدم العودة للذنوب اللهم إنا نعوذ بك من ساعات الغفلة 💔