کانال مهر محبت

باخیشیم سنن گولوشوم سنن 💃💃🌹🌹

اَكه‌سن ده شوْران يئرده بيتمز توْخوم، يوز خيشلاييب اَكه‌سن ده. بد اَصيل آت نجيب اولماز، قيزيل قَشوْو چكه‌سن ده. «داغيلان سو قابا دوْلماز»، سؤز وار: «اصيل بوْياق سوْلماز»، قيزيل گليب زيبيل اوْلماز، آياق آلتدا تؤكه‌سن ده. آي «آليشيق» دوْغرو سؤز ياز، بيچاغا دا گئتسه بوْغاز، ييرتيق آغيز سؤز ساخلاماز، قيييغينان تيكه‌سن ده. نه اوُموم فرلي اوغول داشدان چؤرك چيخاردار، فراست‌سيز پيس اوغولدان نه اوُموم. عاغيللي‌لار يئيَر ايچر دونيادا، مالين يئمز كم عاغيلدان نه اوُموم. دمير موما دؤنر آلين تريندن، كيشي اؤلر منّت چكمز بيريندن، ائله سؤز وار داغ اوْينادار يئريندن، يالان سؤزدن بوْش ناغيلدان نه اوُموم. آي «آليشيق» بيل آغلادان آغلايار، دامجي‌جان شر دريا اوْلار چاغلايار، مرد كيشي‌لر اَلـله‌شر قان باغلايار، آرا قاتان بير چوُغولدان نه اوُموم. آدامدان قورخاق باشين كوْلا سوخار، دوشمان قورخار قوچ آدامدان. ياد گؤزو ده پيله‌يَنمز، ضربه دَيَر ايچ آدامدان. آنلايانين گؤزو ياشدي، آنلامازين جاني آشدي، بير يومورتار تويوق باشدي، يوز كلّه‌سي پوچ آدامدان. آي «آليشيق» چكمه غمي، درد دريادير قلبين گمي، كسيلمه‌ميش قارپيز كيمي، باش تاپيلماز هئچ آدامدان. كئچيرديرلر مردلرين بوْينونا اِعدام كنديري، ساتقينين بوْينونا گول كئچيرديرلر. اوْغورلوق حرامدي دئين آداملار، اؤزگه‌نين جيبينه ال كئچيرديرلر. هله‌ليك اودگونان دئمه سؤزونو، قارغالار اويارلار آچما گؤزونو، نه دَوه گؤرموشوك نده ايزيني، چون كي گؤرن گؤزه ميل كئچيرديرلر. «آليشيق» حاققي ياز ائلين گوجويله، ارباب، ارباب اولوب قولون گوجويله، ايندي بو زاماندا پولون گوجويله، ايينه ييرتيغيندان فيل كئچيرديرلر. سونرا يا بير قاريش آشسين، يا يوزلر آرشين، ائله كي سو باشدان آشاندان سونرا. يولچو هئي يولچودور، سخالي اولماز، وار – دولتي آشيب داشاندان سونرا. هر كسين قيمتي عاغلي قدردي، ثروت ال چيركي‌دير گلدي _ گئدردي، بو دونيا سنين ده اولسا هدردي، قضا توتوب بختين چاشاندان سونرا. آي «آليشيق» حقّي سؤيله شعرينن، هئچ بير كسي توش گلمه‌سين شرينن، داغ دا اولسا، يكسان اولار يئرينن، فلك غم كوتانين قوشاندان سونرا.

اخشامیزخئیرلی اولسون 👌 حرمتلی باجی قارداشلاریم ❤️👉 تشکورالییرم عزیز دوسلارا کی بیزینن یولبیر سیز🌹🌹❤️🙏❤️🙏 🧿

قاچ منه😆🫀👌🏼 نفس✨ 💎

ترکان ولی زاده 👌👌💔 💎

📚 سؤزسوز ائو ، عذاب‌سیز گور اولماز! 👌آتا_آنالار_سؤزو 💎 ‌‌‌‌‌‌‌‌‎‌‌‎‌‌‍‌‍‌‌‌‌‌‎‌‌‎

ای وفاسیز گوزلیم جان سنه قورباندی اینان اولماسان بوردا دا کونلوم سنه حیراندی اینان آیریلیق اولسا مین ایل گوز گئنه گوزلر یولووی گوزلرین درده سالیب دردیمه درماندی اینان گئزیرم یئر گویی هر گون سنی من آختاریرام دونیا سن سیز من اوچون غم دولی زنداندی اینان یانیرام اوزگه لیقین نان گوزلیم کاش بولسن بو ییخیلمیش اورگین دونیاسی ویراندی اینان یاشاماخ یاردان اوزاخ اولماغا بنزیر گوزلیم گئتمیسن اولمه میشم جان بونا پشماندی اینان

دئدیم  فلک اینصافا گَل دئدی  اؤزوم بیلن وقتی دئدیم  کؤنول بیر شاد اول  گول دئدی  آغ گون گلن وقتی دئدیم  او گون ساچیلارمی دئدی  حق دن  قاچیرارمی دئدیم  عِئینیم آچیلارمی دئدی  دوسلار گولن وقتی آزافلی دا غم یامان دیر دئدی  دردی آت  آماندیر دئدیم  بایرام نه زاماندیر دئدی  ظالیم اُؤلن وقتی