براعم ⚡🐝.

ياخبرة اتخيلوا ان به طلاب من دفعتنا اول ماتعرفت عليهم سنة اولى والله ماكانوا يتابعوا مباراة ولا هو داري اين كوعة من بوعة. المهم كان به بشلتنا مدمنين كورة ومجابرهم كلها مباريات لدرجة دخلونا طيبة قلبهم بحقهم المجابر. المهم هذا الكائن ذي مايتابع المبارة حس نفسه بعم جمبهم وانه شخص قروي ومش متحضر وسألوه انت من تشجع؟ الادمي التبك وقال ضروري يجاوب عشان مايضحكوا عليه. وبعدين سار يبحث وطلع كل معلومات الفريق وزد الفريق اللي يشجعوه الشلة الباقيين. المهم هذا الادمي كان يأكلنا الملازم والمراجع للقف من قوة الشرح بس ذحين للاسف تحضر 💔 وبطل يذاكر سع اول، وبدل مايقرش المراجع يذاكرلنا جالس يرويهم انه انسان مثقف، والمشكلة المصادر حقه من الريلزات ههههههههه مرة جالسين يتجابروا والله انحنا عنبلع ياصاحبي وهذه السنة نكبة وقلبي مش مرتاح وانا قصدي انهم بيهموا المذاكرة، قمت اشارك اطمنهم لا تغلقوا به تأجيل قالوا انهش احنا نتجابر على المبارة، دخلت في رهاب اجتماعي اسبوع ههههههههههههههههههههههههه عاد باقي واحد ثاني والله ماكان يتابع مباراة ورجع يتابع ويحتشر عشانها رياضية ويجلس يحتشر ويدور التحليلات والتوقعات لقيله موضوع يدخل يلهس ها قلبيييه كيف تشوفي الكأس فرنسي ولا مغربي هههههههههههههههههههههههههههههههههههه مدري كيف يصبروا لما يتابعوا انا لما ابسرهم يجروا بين اتعب قبلهم، لو تابعت كأس العالم من بدايته انه ريجيم كافي وافي. اخر مرة شاهدت جلست احسب كم بيحرقوا سعرات حرارية طول المبارة. لو بسرت دب بيتابع مباراة اعرف انه بيشجع الحارس، قدي قوته هههههههههههههههههههههههههههههههه الحاجة الوحيدة اللي استفدتها من المباراة ان حارتنا بيجلسوا يطارحوا من عشاء من يفوز وبين اتعشى يومية. 😋😋

الحمدلله ان البرتغال تأهلت ذلحين جيبوا فرنسا او المغرب مش فارقه معانا .

ااااهههخ بس يلعنم القهر اشمتوا اشمتوا فينا عنبسر الفول و الطعمية و خالد كشميري كيف عيفعلوا بكم غدوه ياخبره اللي قاهرني ازيد ان انا قبل المباراة اقول ل امي تدعي لرونالدو قالت حاضر اني شدعي له انه ينجح عادنا استوعبت انها قالت ينجح شكلها تحسبه واحد صاحبي معه اختبارات وزاري 💔. من اينه به يمني اسمه رونالدو يانبع الحنان وانتي مسمي ابنك ع اسم محافظة 💔💔.

دموعك غاليه يابو محسن 💔.

منتخب زفت .

الرقصه الاخيره يادون كأس العالم سيفتقدك💔.

مالكم عليهم انت داري مافزعولنا بمحاضرة التشريح الاخيرة الا هم، ملو القاعة هههههههههههههههههههههههههههههههههههه هههههههههههههههههههههههههههههههههههه

وتبسر وجهه يدي لك الهم

اغث من طلاب دفعه ١١ ماقد لقيت اول مره ابسر دفعه بكلها وقحه كنت انا سنه اولى قصدي طلاب الدفع السابقه انهم اساطير ومانقدر نبسرهم بالجامعه واحترمهم اما دفعه 11 قصدهم انهم بمدرسه يشتوا يسيطروا على الجامعه ويوقعوا الدفعه الاقوى وهم شويه جهال اكبر واحد عمره ١٦ هههههههههههههههههههههههههههههههههههههههههههههههههههههه.

طلاب الدفعه 11 عند بوابة الجامعة الساعه 7 الصبح :

اقوال مناديب خلدها التاريخ: «نحن بانتظار تعديل الجدول في نيوز»

هذا لما يعامل على تأجيل يجيب مصطلحات انجليزي يعني احنا نستحق التأجيل وكذا وتلاقيه وقت المعاملة مفعل وضعية النظرة الخاطفة مقصده الطلاب عيفعلوه حالات انه اجلهم.

هذا اللي ماتدري ان ابوه دكتور في الجامعة الا بعد ماتضربه.

خايف لا يوقع عطه تقديم ونعيد سيناريو ابو تزنيق هدوء هذة الفترة يخوف. #هدوء_ماقبل_الفولو #عطه_ستريك #عطه_نقطة_ننشط_الحساب #الو_يامندوب_مانشيش_تقديم

المندوب العفوي:

المعلومات اللي بدخل فيها اختبارات ال CNS

صح نسيت اقولكم ان حميد قال لنا انه كان بيكوبس هذاك الوقت ان ابوه بيسأله وين بقيه الزلط وهو بيأشر له ❤.