لـ إِيْمَانْ || 1426.
رفتن به کانال در Telegram
7 763
مشترکین
-1624 ساعت
-517 روز
-18430 روز
آرشیو پست ها
أنا آسفه إني غصب عني بخاف من اللي جاي وأنا عارفه إنه بإيدك وحدك سُبحانك وآسفه إني بفكر كتير وبتعب دماغي وبشيل الهَم رغم إني مُتأكده إنه في الأول وفي الآخر أمرك أنت وهتمشّيه زي ما أنت شايف الحكمة يارب آسفه إني بتلهي عن ثوابت كتير مُقتنعه بيها وبآمِن بيها وبخلّي الدنيا تاخُدني وتشغلني وتخوفني وأنت جنبي مبتسيبنيش ولا لحظة ربّي اشرح لي صَدري ويسِّر لي أمري واغلب خوفي بلُطفك وكرمك يارحيم.
يارب أنت حاسس بيا صح عشان خاطري خفف عني وعن قلبي وأديني القدره أستحمل اللي بمر بيه ، عشان خاطري.
أتمنى أن تشفع لي محاولاتي في الطرق التي خضتها رغم وعورتِها وضبابيَّتِها ، أتمنى أن أقف أمام نفسي في نهاية المطاف وأقول لها بذلتِ ما في وسعك وإن لم يَلِنْ لكِ أيُّ طريق المهم أنَّكِ كنتِ أمام نفسكِ محاربةً شجاعةً.
إدي كل حاجة في حياتك فرصة تانية مش عشان تغير رأيك لكن عشان تطمن قلبك إنك مظلمتش حاجة أو حد ، ارجع للمكان اللي معجبكش جربه تاني مش عشان تحبه لكن عشان متفضلش تسأل نفسك يمكن كنت غلطان ، كل الأكلة اللي معجبتكش تاني مش عشان تستمتع بيها لكن عشان تمسح أي شك من دماغك ، أما الناس بقى اديهم كل الفرص اللي ممكن تخليهم أفضل مش عشانهم لكن عشان لما تيجي تقفل الباب تقفله بإحساس راحة وتقول أنا عملت اللي عليا ، الفرصة التانية مش دليل ضعف دي دليل قوة هي اللي بتقفل أي باب للحيرة وبتسيبك واقف في حياتك ثابت من غير ما يبقى جواك ولا سؤال ولا ندم عشان لما تمشي تمشي وانت عارف إن الباب ده هيتقفل هيتقفل للأبد.
كل حاجة بتحصل بتختبر صبرنا الدنيا دار بلاء لازم نصبر لازم نرضى بقضاء ربنا ، فـ يارب ألهمنا الصبر علي ما لم نُحِط به وارضنا بقضائك حتى تظهر حكمتك في كل شيء.
نتيجه التحاليل بتاعت مامتي هتطلع كمان يومين هكون ممتنه جداََ لكل حد هيدعيلها ان التحاليل تكون كويسه.
بيعز عليا اوي اني ابطل احب حد كان من اقرب الناس لقلبي فـ يوم وأقرر اعامله زي اي حد عادي بالنسبالي وأبطل اهتم بتفاصيله بيصعب عليا الذكريات والمشاعر اللي جوايا ليه واني اشيله من حياتي بس صدقني مهما كنت غالي عندي عمرك ماهتكون اغلي من نفسي وكرامتي.
اكتشفت ان انا ببقى مبسوطه وانا مسحولة طول اليوم واروح انام ولا اهتم مين سأل ومين موجود ومين مشي ، حقيقي السحلة احلي مليون مره من الفضا وانك تركز في كل تفصيله بتحصل حواليك وتزعل نفسك راحتك أهم.
لو شوفت نملة في طريقك ابعد عنها ومتأذيهاش واحتسب ده عند ربّنا يمكن يرحمك برحمته كما رحمت مخلوقًا ضعيفًا وتذكّر إنها من خلق الله وكلّ المخلوقات تُسبّح بحمده ، ولو عَدّيت جنب عصفور بيشرب مايّه حاول متفزعوش ولا تخوّفه واحتسبها لله لعلّ ربّنا يؤمّنك من كلّ خوف يوم تكون النّجاة أغلى أمنية ، ولو لقيت قطة في الطّريق خُد بالك منها ومتعرّضهاش للأذى واسأل ربّنا أن يحفظك ويقيك كل سوء ، ولما يبقى عندك بقايا طعام سيب منها للطيور أو الدواب بنية الصّدقة فربّ عمل بسيط يبارك الله لك بسببه ويرزقك من حيث لا تحتسب ، متستهونش بأي خير تعمله مهما كان صغير في عينك لأنك متعرفش أي حسنة تبقي سبب في رضا ربّنا عنك وتفتحلك باب الجنّة.
بصراحة هي أغرب حاجه حصلتلي آخر فتره اني لاقيتني بفكر وانا نايمه مكنتش أعرف ان دي حاجه ممكن تحصل علمياً.
لقيت ربنا في كل حاجة عدّت عليا في ليالي كنت فاكرة إنها مستحيل تخلص وعدّت بفضله ، لاقيته في هدوء روحي وفي قلبي اللي دايمًا مليان خير ، لاقيته هو وبس السند في كل طريق صعب ربنا مسبنيش امبارح ومستحيل يسيبني النهارده.
انا اهدافي في الحياه افوز برتبة الزوجه الصالحه والام العظيمه والخاله الطيبه والعمه الحنونه وزوجة الاخ الكويسه وزوجة الخال الكريمه والنسب الاصيل واعيش في علاقات وحياه سويّه وجو عائلي دافي وهادي ومفهوش صراعات.
من اكتر الحَاجات اللي بتْمناها ان محدّش يندَم انه اختَارني ف يُوم من الايامْ
انه دعمْني او صَدقني او وَثق فيا او إنّه حبِّني .
