Lover of the Messenger ﷺ

#አህሉል_በድሪዪን #ዑትባ_ኢብን_ገዝዋን #ረቢዕ_٢٢ #የመጨረሻ_ክፍል «ትሑቱ የሀገር ገዢ» 💚 የረሱለላህን ﷺ ሐዲስ ማስተላለፍ ላይ የማናገኛቸው ነገር ግን በገዝዋዎች ላይ ፊት ተሰላፊ ከነበሩ ሰሐቦች መካከል ነው። የመጀመሪያዎቹ በረሱለላህ ﷺ ካመኑ የመካ ሙስሊሞች መካከል ነው። የገዝዋን ኢብነል ሐሪስ ልጅ ዑትባ ኢብን ገዝዋን ረዲየላሁ አንህ 💚 በቁረይሽ ውስጥ ያለ ጎሳ ሳይሆን ከእነሱ ጋር የሚተሳሰር በኑ ማዚም የሚባል ጎሳ አባል ነበር። ዑትባ በጥንካሬው፣ በእውቀቱና በመልኩ ይታወቅ ነበር። እስልምናን ሲቀበል 30 ዓመቱ ነበር ይላሉ፤ መካ ላይ ስለነበረው ቆይታው ብዙ የሚታወቅ ባይሆንም ሁለቱን ወደ ሐበሻ የተደረገውን ሒጅራ አድርጓል። መልዕክተኛውና ባልደረቦቹ ወደ መዲና ሒጅራ ሲያደርጉ'ም ከተሰደዱት ነበር። እህቱ ፉኺታ ቢንት አል ሃሪስ ሰይዲና ዑስማንን ካገቡት ስትሆን ሌላኛዋ እህቱ በስራ ደግሞ አቡ ሑረይራን እንዳገባች እናገኛለን። መዲና ከገባ በኃላ'ም ረሱለላህ ከአቡ ዱጃና ጋር ሙአኻህ ያደርጉታል። ዑትባ ከአህሉል በድሮች ነበር፤ በኡሁድም በሁሉም ገዝዋዎች ላይ ተሳትፏል። ሐቢበላህ ﷺ ካለፉ በኃላም በሰይዲና አቡበክር ኺላፋ እንዲሁም በሰይዲና ዑመር ኺላፋ በነበሩ ጦርነ*ቶች ላይ ተሳትፏል። በተለይም በዑመር ዘመን ከፐርሺያ ጋር በተዋ*ጉበት ዘመቻ ላይ የዑትባ ሚና ከፍተኛ ነበር። አል ዑቡላ የሚባለውን ከተማ'ም ኸሊፋውን በማስፈቀድ ሲከፍት፤ ሰይዲና ዑመር'ም የከተማው ገዢ እንዲሆን ለ6ወር ሾመውት ነበር። 💚 ዑትባ በእሱ አላበቃም የአሁኗ ኢራቅ የሆነችውን የበስራን ከተማ'ም በእርሱ መሪነት መክፈት ችሏል። የዚህም ከተማ ገዢ ሆኖ እንደነበር እናገኛለን። የዑትባ አመራር ልዩ ያደርገው የነበረው ግን ልክ እንደ ሌላ መሪ ወይም ገዢ የተብለጨለጨ ዱንያ እና ቁስ ምቾት የማይሰጠው መሆኑ ነበር። በአንድ ዘገባ ላይ ዑትባ የበስራ ገዢ እያለ ኹጥባ ላይ የተናገረውን ንግግር እናገኛለን: «ከመልዕክተኛው ﷺ ጋር ካሉት 7 ሰዎች ውስጥ እራሴን አገኛለሁ፤ የዛኔ ድዳችንን እስኪያመን ድረስ የምንበላው የበረሃ ዛፍ ቅጠል ነበር(ዑለሞች ይህ ረሱሉ ﷺ ላይ ማዕቀብ የተጣለባቸውን ጊዜ ነው ይላሉ)፤ ዑትባ ይቀጥላል: «እነዛን ከባድ ጊዜያቶች ከእርሳቸው ጋር አሳልፈን ነበር። ለዛም አሁን ላይ ባለሁበት ቦታ እራሴን ከእናንተ ጋር መመልከት ይከብደኛል። አሁን የኩፋ ገዢ ከሆነው ከሰዓድ ኢብን አቢ ወቃስ ጋር አንድ ልብስ ብቻ ተጋርተን ስንለብስ አስታውሳለሁ። በመሆኑም እራሴን ከፍ አድርጌ ከመመልከት በአላህ እጠበቃለሁ» በማለት ይናገር እንደነበር እንመለከታለን። ሱብሓነላህ! የዑትባ ተናናሽነት የሚደንቅ ነበር 💚 ዑትባ የገዢ ስልጣኑ እጅግ ቢጨንቀው በዛኑ አመት ከሰይዲና ዑመር ጋር ሐጅ ካደረገ በኃላ ከቦታው እንዲያስነሳቸውና ሌላ ሰው እንዲተኩ ይጠይቃቸዋል። ሰይዲና ዑመር'ም ሁላችንም ቦታው ላይ ያለነው ሐላፊነትን ለመወጣት እንጂ ሌላ ሰው ቢተካን ደስ ይለናል አሉትና ወደ ከተማው እንዲመለስ አዘዙት። ዑትባ ከስልጣኑ ባለመነሳቱ እያዘነ ወደ ግመሉ እየተመለሰ: «አላሁመ ላ ተሩደኒ ኢለይሃ: አላህ ሆይ! ወደቦታው አትመልሰኝ» ይል እንደነበር እናገኛለን.. መገን ዑትባ! አላህ'ም ዱዓውን ሰማው ህይወቱን ሙሉ በዘመቻዎች ውስጥ ለአላህ እና ለመልዕክተኛው ሲል ሲዋጋ የኖረው፣ የበስራን ከተማ የከፈተው ጀግናው ዑትባ ከመዲና ወደ ዒራቅ እየሄደ ባለበት ከግመሉ ላይ ወድቆ ህይወቱ ተሻገ*ረ። አላህ መልካም ስራውን ይውደድለት! አህሉል በድሪዪን መሰናዶዎችንም በዚህ ይጠናቀቃል። ረቢዑ መጨረሻ ላይ የተወሰኑ ሰሐቦችን ታሪክ ጨምሬ በቡክሌት መልክ አቀርብላችኃለሁ ኢንሻአላህ.. ረቢዑ ይመላለስብን 💚 #ربيع_الشفا #نور_المحبين