Bac 2027 Mode ON 🔥

نروحو ضكا للموقف الأول ....

صاحا نبداو 🌸طرح المشكل (المقدمة ) اول حاجة كي تكتبو مقالة العنوان هاذ عادي اكتبوه واذا مبغيتوش تكتبوه ثان عادي في منهجية تاع طرح المشكل كاين بزاف خطوات وكل خطوة ينقطوكم عليها 🎀 اول حاجة تمهيد عام : تمهيد هنا يكون فكرة عام على المقالة ومش تعريف الموضوع (بالاكم ضك نلحقو للتعريف وين نحطوه) تقدرو ديرو جانب التاريخي للموضوع لي مدولك نديرو تطبيق قلنا على علم النفس ■ منذ انفصال وإستقلال العلم عن الفلسفة نمت فكرة وضع العلوم الانسانية الموازية للعلوم الطبيعية حيث كان موضوع الإنسان منذ زمن طويل في التاريخ الفلسفي محط إهتمام الفلاسفة ومجالا لتأملاتهم ولنظراتهم الفلسفية المجردة 🎀 ثاني حاجة الاشارة الى الموضوع وتعريفه : مور مدرنا تمهيد يليق نديرو اشارة للموضوع لي هو "علم النفس" ونعرفوه (تعريف يكون قصير وبسيط ) نكملو مثال ■ ومن العلوم الانسانية نجد كل من علم التاريخ وعلم النفس لكن ينحصر اهتمامنا على هذا الاخير "علم النفس " الذي يعرف على انه " العلم الذي يهتم بدراسة السلوك الانساني " 🎀ثالث حاجة الاشارة الى المسألة المحورية الذي يتناولها المقال "موضوع المقالة " ■ولأن المنهج التجريبي اصبح معيارا تقاس به صحة نتائج اي علم ما ادى هذا الى مسارعة علماء النفس الى تطبيقه على مواضيعه 🎀رابع حاجة الاشارة الى الجدل(هاذي اهم حاجة بالاكم مديروهاش) ■ ولكن قد ثار نزاع فكري بين الفلاسفة والعلماء حول هذا الموضوع حيث انقسمو الى فريقين ،فريق الاول يرى انه يمكن للعلم النفس ان يدرس دراسة تجريبية بحتة ولكن في النقيض من ذلك نجد الفريق الثاني ينفي ذلك بأنه لا يمكن دراسته دراسة تجريبية 🎀خامس حاجة والاخيرة :طرح المشكل ■ وفي ظل هذا النزاع الفكري نطرح السؤال التالي "هنا تكتبو سؤال لي مدولكم هو الاول " وتقولو وفي صياغة اخرى "تزيدو تطرحوه بصيغة من عندكم " ومتنساوش علامة الاستفهام ؟؟؟؟؟؟؟ خلاص هنا نورمالمو بإذن الله كي تديرو هاذ الخطوات تدو العلامة الكاملة 🦦❤️

●في فيزيك كاين منهجية ردو بالكم !!!!! ● كل سؤال رقموه متبداوش تكتبو وخلاص ●متقسموش ورقة !!! ● الرسم بقلم رصاص ني نعاود بقلم رصاص ● الخطوات كامل تتكتب كامل كامل مش تزربو تحطو النتيجة لخاطر خطوات عليهم نقاط كثر من النتيجة (مثلا سؤال عليه 0.75 تلقاو خطوات مع قانون عليهم 0.5 والنتيجة 0.25) ●مكاش سؤال تخليه فارغ ملخر !!! اي سؤال حاول فيه تحط قانون برك تلمد نقااااط ● متبغيش تخرجلك نتيجة فوتها متقعدش ضيع معاها وقت (انا عام ليفات في النووي تمرين كامل مخرجتلي حتى نتيجة صحيحة بصح ديت عليه كثر من نصف العلامة راحتلي غير 0.25 على كل نتيجة سما ياربي نقطة ونص !!!!شفتو فرق ) ● تمرين لي تحصل فيه فوتووووووو وروح لاخر عام ليفات دارها بيا اليوم قعدت مع النووي كثر من ساعة ونص وتمارين لخرين مكفانيش وقت لدرجة تمرين تالي حليتو في 18 دقيقة حرفيا سما كل تمرين مدولو وقتو تفوت ذاك وقت فوت لاخر كي يقعد وقت ارجع ليه ●بالاكم من التحويلات غي يحطولكم سوجي روحو حولو صوالح لي يتحولو وكتبوهم في مسودة ولا في بداية التمرين ...

مهم جماعة نهدركم شوي على فيزيك وبزاف على فلسفة لخاطر فيزيك راهي باينة كيفاه تراجعو شوفو عندكم 5 وحدات كل وحدة فيه الدرس / افكار تمارين (اذا كنتو كاتبين) /الاسئلة النظرية (والبرتوكولات التجريبية ) ضكا حكمو ملخص تاعكم ولا لي راح تراجعو منو احفظو لي تنحفظ وافهمو لي تنفهم القوانين بالاكو بالاكو سيغتو الوحدة لي مراكمش حالين بزاف عليها تمارين كي يتحط سوجي تحسو رواحكم كامل نسيتو القوانين سما غير احفظوهم مسقمممم وعاودوهم صباح البروتوكولات تجريبية ضك نحطهملكم افهموهم باه تقدرو تحفظوهم افكار التمارين حطيتلكم ديك نهار تاع الاستاذ طيايبية هذوك راجعت منهم عام ليفات ضك نعاود ثان نحطهملكم يكفيكم الوقت كيما الوحدات القصار نص ساعة لكل وحدة ونتوما كملتو معاهم ميكانيك ووحدة الاولى لي يشدوكم شوي

قراوهممم ني هادرة على منهجية الاجابة وصوالح لي ينقطو عليهم

● الخاتمة : تكون عبارة عن اجابة على سؤال لي طرحتو بطريقة مختصرة كيشغل حوصلة عامة على اسئلة لي مدهملك !! وهاذ مكاااان الخرائط مهمش يطيحو بزاف بصح معندهم حتى منهجية برك كتبو العنوان والمفتاح ويكون تعليم بقلم الرصاص مش بقلم ازرق وعنوان ديروه في اطار

صاحا شوفو تاريخ مقسمة ل 3 جزء مصطلحات /جزء شخصيات ولا تواريخ /وجزء المقال 🌸نبداو ب جزء المصطلحات : ضكا كاين لي راهم مصطلحات تاع وحدة الاولى والوحدة الثانية وكاين لي حافظين غي الوحدة الاولى وحدها ولا الوحدة ثانية وحدها وكاين مراهم حافظين لا هاك لا هاك ○ نوع الأول : كي تجو حتراجعو تحسو رواحكم نسيتو وكلي محفظتوش كامل ايا واش ديرو ابداو راجعو المصطلحات لي راهي عندكم اهمية كبيرة فيهم مثلا انت راك قاري الحرب باردة غاية وحافظها سما راح تخير سوجي تعها وهي يجو معاها مصطلحات ثورة ابدا بيهم راجعهم وهوما ساهلين بزاف تقدرو تحطو غي فهامة ولي مركز على ثورة يدير العكس هنا خدمتو بالاولوية ○النوع الثاني : لي حافظ غي مصطلحات وحدة برك هنا راجعوهم غااااااااااااية تع تضمنوهم !!! لخاطر ديجا راكم حافظين غي وحدة برك ○النوع الثالث : لي محفظتش its okyyyy مصطلح مراحش يخرج على الدرس وقادر مام تكون حافظ مراحش يطيح نفسو سما كي متعرفش مصطلح اربط السند مع مكتسباتك(درس) وقادر يخرج خير من لي تحفظو عن تجربة ضكا نهدرو على المنهجية وكيفاه تتعاملو معاهم أول حاجة مصطلح لي يسطر عليه في السند راح تعرفو على حساب السند مش كيما راك حافظو مثلا يمدلك سند فيه حركة عدم الانحياز ايا وهو سطرلك غي على عدم الانحياز هنا تعريف راح يكون شرح لمعنى عدم الانحياز وتتمثلو بمثال لي هو حركة عدم الانحياز لي صرات مش تعرفلو حركة عدم الانحياز وتحط تاريخ تعها ووو وهو مهش يهدر عليها راح يهدر على معنى كلمة عدم الانحياز سما بالاااكوووو ركزو في ذو صوالح خطرات ميستحقش مصطلح كيما تاع درس يستحق معناه ونت تديرلو مثال من درس ان شاءالله فهمتوني معرفتش نوصلها حاجة وحدخرا في مصطلح من الاحسن ديرو فيه فوق 3 نقاط يعني سقسو رواحكم اسئلة (واش هو .منين جا .كيفاه جا .علاه جا (هدف تاعو) وينتا جا ....)مهم سقسو رواحكم هنا علاه قتلتلكم تقدرو ترجعو لدرس اجوبة تاع هذي اسئلة اغلبها في درس ومش شرط تكتب شحال من حاجة قلتلكم 3 نقاط ولا ربعة يكفو لكل مصطلح وتدو علامة كاملة برك متعبروش بتعبير ادبي وتبانو مش حافظين تخيلو رواحكم نتوما برونان😂🦦 🌸جزء الشخصياات : خاوتي من ضك لي مراهش حافظ يروح يحفظ انا خليتهم حتى نهار تالي وحفظتهم وديت علامة كاملة عليهم كيفاه درت ؟ كاين وحد زوج ليفيديو تاع بورنان الرائع تاع التعريف المشترك 🦦❤️ وكنت كاتبتهم من الباك الاول ايا نص ساعة كملت معاهم كي تاع ثورة كي تاع حرب الباردة متراطوووووووش 3 نقاط والله تدوهم بساهل احفظو على تعريف مشترك تاع بورنااان ني نقول بورنان لخاطر داي معلومات من كتابو برك ليوم تحاسبوني كامل بيهم !!! ● ايا ضكا منهجية تاعهم اهم نقاط لي لازم تذكروهم سقسو رواحكم (من هو / فترة حكمه (مثلا اثناء حرب باردة /اهم اعماله ) اذا كان في حرب باردة قولو شيوعي ولا رأس مالي بصح مش تحطوها هاك وخلاص تقولو واش كان اذا رئيس ولا وزير ... 🌸جزء التواريخ : لي راه حافظ الدروس ميخلطش روحو ويبدا يدير في ذاك سلم زمني ومنعرف واش يروح يشوف غي زيادا على دروس ويحفظهم اما لي مش حافظ يدير سلم زمني ويحفظ المهمين لي يتعاودو ديماا ●منهجية تاعهم هوما الاغلب يمدولكم جدول اما يمدولكم الحدث والتاريخ لا ولا العكس كي يمدلك الحدث والتاريخ لا > هنا قادر تتلفلك وتنسى وينتا صرا اذا توسوست وكنت عاقل غي على سنة اكتبها وحدها متزيدش اليوم قادر تغلط فيه وينحيلك نقطة كامل اما كي تكتب سنة وحدها قادر قاااادر (مش ديما ) المصحح يتساهل معاك ويمدلك ربع او نصف العلامة (هاذي كي متكونش متأكد خلاااااص ديرها ) كي يمدلك تاريخ ولا الحدث لا >> هنا مش تكتب حدث ديركت مثلا مدلك تارخي تاع مشروع مارشال تكتب "مشروع مارشال " هنا تدي صفر اكتبو تأسيس مشروع مراشال هاذ وش كاين في تواريخ ويجو ساهلين ميصعبولكمش 🌸ضكا جزء المقال ● المقدمة : من الاحسن تخلوها حاجة بسيطة تكون عبارة عن تمهيد للموضوع اللي راح تجاوب عليه كيشغل ديرولو اشارة برك مش تشرحو متسمطوهاش تحطو تعريف ديركت ولاا تبانو حافظين ومش فاهمين و ما تنساوش طرح الإشكال و علامة الاستفهام ●العرض : العرض عبارة عن نقاااااااااااط مش فقرة لكتبتو فقرة ودعوا مقال ني قلتلكم مش غدوا تقولولي كتبنا فقرة و من احسن يكون في كل سؤال 6 عناصر(كل وحدة عليها 0.25) و اذا بغيتو زيدو زيدو بصح ابداو بلي متأكدين منهم غااااية (حسب الاهمية ) كاين بعض الاسئلة متستحقش ست عناصر كيما في عامي في نظام دولي جديد قالك اذكر مؤسسات الفعالة هوما غي خمسة سما معندك متزيد(هدى زادت خترعتلهم مؤسسة مهم تحط ست نقاط 😂🙆🏻‍♀️) و كل وحدة يكون فيها شرح خفيف خفيف خفيف مش متعمق مثلا يسقسيك على استراتيجيات الحرب الباردة (الاقتصادية ) تكتبلو مشروع مراشال وتسكت سيو اشرحو بصح متتعمقوش مهم تكون جملة مفيدة هذي هي

منهجية الجغرافيا تعليق شوفو فيديو تاع برونان كيفاه منهجية تاعو (مش جايا تغلطو في تعليق جغرافيا ونتوما تظلو تحلو في وثائق العلوم🦦❤️ )

بصحتكم العلوووم، خيرتو تع التركيب فالاسترجاع ولا فالمسعى 👀

شعبة ادب طاحولهم مقترحاتهم😂😂 بصحتهم بصحتهم

مع ذلك هلكني الحسد 😔 بالصحة ان شاء الله تكونو خدمتو 🔥

مبروكككك مطاحتش جيولوجيا و تنفس

سوجي علوم شعبة رياضيات الموضوع الاول يبان بزاف ساهل

عن أي الم تتحدثون وانا ني عند جداتي تسكن حذا سيام يفوتو فيه باك كنكس كل دقيقة تروح وانا مش مطلعة vpn

ان شاء الله تكون العلوم غدا عوض الله على العام لفات و على كل الاعوام و المواد لجوزتوهم من قبل بالتوووفيققق🤍

احلى ختام مع دفعة رائعة باك 2026 الان https://youtu.be/NE9xqSApqs4?si=ymt7Jvw0DC1fuCS5