Алишер Абдухамидов

Золим бўри ҳам қариганда тавба қилади, аммо ёшликдаги тавба пайғамбарлар хислатидир. Саъдий Шерозий https://t.me/alisher_abduhamidov

Инсонга орзулари (рўёби) азму қарори, қатъиятлигига қараб берилади "Илм олиш сирлари" китобидан https://t.me/alisher_abduhamidov

Ақлнинг ярми саволнинг гўзаллигида. Айман Ёғий https://t.me/alisher_abduhamidov

Нафс бир нарсани кучли хоҳлаб турса, банда Аллоҳдан бошқа ҳеч ким кўрмайдиган ерда ҳам У Зот учун ўша нарсани тарк эта олса, бу иймоннинг саломатлигига энг катта далилдир. "Латоифул Маориф" китобидан https://t.me/alisher_abduhamidov

Аллоҳга қасамки! Қўрқоқлик умрни узайтирмайди, жасорат умрни қисқартирмайди. Холид ибн Валид розияллоҳу анҳу https://t.me/alisher_abduhamidov

Киши қанчалик илм соҳиби бўлмасин, қалбда уни ҳақ ишга амал қилишдан чалғитиб турадиган баҳоналар учрайди. Масалан, нафсни дам олдириш баҳонаси, кўпинча бомдод намозига туришдан тўсиб қолади. Озроқ дам олиш баҳонаси дўстлар билан узоқ суҳбатлашиб ўтиришга ундаб, жамоат намозига чиқмасликка сабаб бўлади. Шаҳват баҳонаси Аллоҳ ва Расули рози бўлмайдиган назарларга олиб келади. Катталик баҳонаси мусулмонни паст санашга, уни ғийбат қилиш ва ёмонлашга бошлайди. Шу каби ички разолатлар, нафсий макр-ҳийлалар илмга амал қилишдан тўсади. Муҳаммад Тақий Усмоний https://t.me/alisher_abduhamidov

Фарзанд отасидан олдинда юрмаслиги ва бирор мажлисда ундан аввал гапирмаслиги лозим. Чунки ота фарзанддан кўра бу ишларга ҳақлироқ ҳисобланади. Шунингдек, бор имконияти билан уларнинг ғазабларидан сақланиши ва қўлидан келганича уларни хурсанд қилмоғи зарур. Абдулаттоҳ Абу Ғудда https://t.me/alisher_abduhamidov

Bektosh Hatamovdan.... Мен бундан роппа-роса 22 йил олдин битирувчи бўлган эканман, шу вақт ичида озми-кўпми тажрибага эга бўлдим, ҳаёт синовларида синалдим, бир нечта бизнесларга асос солдим, 24 ёшимда илк миллион долларимни ишлаб топдим, шундай экан қайсидир маънода битирувчи ёшларга ўз ҳаётий маслаҳатларимни бера оламан деб ўйладим. Бу маслаҳатларим ҳаёт билан синалган, уларни сақлаб қўйинг. 1. Ҳаёт таваккал қила олганларнигина сийлайди. 2. Мағлубият деган тушунчани умуман луғатингизда ўчириб ташланг. Сиз ё ғалаба қозонасиз, ё сабоқ оласиз. 3. Ҳар қандай қадриятдан ҳам устунроқ қадрият бор, унинг номи ишонч, одамларнинг сизга бўлган ишончи сизни миллионер қилади. 4. Атрофингизда фақатгина сизга илҳом бера оладиган, сизни руҳлантира оладиган одамларнигина сақланг, қолганларидан узоқроқ бўлаверинг. 5. Кичкина ишларни ҳам ўзингизга қилгандай қилинг, кичкина қадамлар катта ғалабаларнинг бошланиши. 6. Бахтли ҳаёт учун кўп нарса керак эмас. Бир дунё пул, ва ҳақиқий дўстлар бўлса етарли. Дўстликнинг қадрига етинг. 7. Вақтни бекорчи нарсаларга сарфлашдан тийилинг, бу жуда ёмон одат. 8. Ўзингизга устоз топинг, устозни шунақасини топингки, таваккал унинг лақаби бўлсин. Қўрқоқ устоздан ҳеч нарса ўргана олмайсиз. 9. Соғлом турмуш тарзига ҳозирдан ўтинг, спорт сизнинг доимий ҳамроҳингиз бўлсин, спорт билан ёмон энергияни доимий равишда танадан чиқариб ташлайсиз. 10. Сизнинг асосий рақибингиз бу кечаги сиз бўлишингиз керак. Кечагидан кўра яхшироқ бўлиш учун ўзингиз билан ўзингиз курашинг. bektoshkhatamov https://t.me/alisher_abduhamidov

Агар ғийбат ва чақимчиликдан халос бўлсанг, қабр азобининг учдан икки қисмидан халос бўлибсан. Шайх Али Тантовий роҳимаҳуллоҳ https://t.me/alisher_abduhamidov

Нафсини синдириб, тарбиялай олган кимса, ёлғиз ўзи бир шаҳарни босиб олган жангчидан ҳам кучлироқдир. Имом Ғаззолий Роҳимаҳуллоҳ https://t.me/alisher_abduhamidov