𝗟𝗼𝘀𝘁

محدش فاهم أنت قد إيه بتعاني كل يوم علشان بس تعدي اليوم في سلام من غير ما حد ياخد باله إن أنت مش كويس أو تعبان .

اللي محتاجك هيرجع بس اللي بيحبك مش هيمشي .

جوايا حرب محدش عارف عنها حاجة .

عموماً الإنسان يومياً بيمر بصراعات و أوقات صعبة و لحظات تفكير في كل حاجة بتزعله و كل حاجة موصلهاش بس بيضطر يسكت علشان مبيقدرش يعبر عن الألم اللي بيحسه بسبب كل الحاجات دي .

ياريت الكل يدعيلي معاه بالهداية و الخير و إني مبطلش صلاة طول عمري بما إن دي أكتر حاجة بجاهد فيها .

بقيت واقف في النص ما بين أنا مش محتاج حد و أنا تعبت علشان لوحدي .

الوضع مش بخير بس بنحاول .

البعيد عن العين أقرب واحد للقلب مهما بعدت المسافات .

الحياة مش سهلة علي شخص مبيحكيش .

‏أنا عمري ما جيت علي حد بالعكس بفتكر الحلو اللي كان بينا علشان يغطي علي الوحش اللي عمله و ساعتها باجي علي نفسي و بقول معلش ده بينا كلمة حلوة أنا مش ناسيها .

عامل زي اللي عايز يعمل عشرين حاجة في وقت واحد و في نفس الوقت مش قادر علي حاجة واحدة .

كلام كتير مستخبي ورا كلمة يارب لدرجة إننا بنقول الكلمة دي و إحنا مش عارفين قاصدين إيه بس متأكدين إن ربنا عارف حوائجنا منها .

‏للأسف أنا دايماً بمشي من غير ما أقول كل حاجة و الحزين في الموضوع إن كل الحاجات دي بتفضل شاغلة دماغي و مبلاقيش أي طريقة إني أتخلص منها .

كان لازم تعرف إزاي تفرق بين شخص بيحبك و شخص بيحب اللي بياخده منك .

بدايتها نعمة و نهايتها درس و كل صدمة بتدي درس و كل درس بيغير الشخص .

صدقني مش عيب لما تعيد ترتيب أولوياتك في كل فترة من حياتك و مش عيب تكتشف إنك كنت بتتصرف غلط فتتغير و تتصرف صح و مش عيب تقول أنا غلطان لما تغلط و مش عيب تعتذر و مش عيب تندم ، العيب إنك تكابر و تفضل مش معترف بغلطك لإن بالطريقة دي محدش هيزعل غيرك .

بعد فترة هتدرك إن كل شيء و كل شخص ممكن يخيب أملك حتي أحلامك اللي أنت فاكر إنها ممكن تبقي إنقاذ ليك ممكن في ثواني تتحول لكوابيس مرعبة .

الحاجة الوحيدة اللي تستاهل محاولاتك فعلاً هي تغيير نفسك للأحسن غير كده متحاولش .

يا بخت أي حد متأكد إنه بيحاول في المكان الصح .