មហាវិទ្យាល័យព័ត៌មានវិទ្យា ស.ជ.គ Faculty of Information Technology NUM

នាថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ មហាវិទ្យាល័យព័ត៌មានវិទ្យា ​បានរៀបចំការការពារសារណាបញ្ចប់ថ្នាក់បរិញ្ញាបត្រនិស្សិតTop10​ ជំនាញព័ត៍មានវិទ្យា ដោយមានការចូលរួមពី ងសាស្រ្តាចារ្យបណ្ឌិត ឆាយ​ ផាង ព្រឹទ្ធបុរសនៃមហាវិទ្យាល័យព័ត៌មានវិទ្យា និងគណៈកម្មាការវាយតម្លៃសារណា លោកគ្រូ អ្នកគ្រូ រួមទាំងនិស្សិតជាបេក្ខជន៕ On Friday, July 31, 2026, the Faculty of Information Technology organized the Bachelor's Thesis Defense for the Top 10 students in Information Technology. The event was presided over by Prof. Dr. CHHAY Phang, Dean of the Faculty of Information Technology, and attended by the thesis evaluation committee, faculty members, and the student candidates presenting their research. #thesis #num #fit #num31

មហាវិទ្យាល័យព័ត៌មានវិទ្យា បានរៀបចំការការពារនិក្ខេបបទបញ្ចប់ការសិក្សាថ្នាក់បរិញ្ញាបត្រ សម្រាប់និស្សិតជំនាន់ទី៣១ នៃមហាវិទ្យាល័យព័ត៌មានវិទ្យា ដែលនឹងប្រព្រឹត្តទៅនៅថ្ងៃទី៣០ ខែកក្កដា ឆ្នាំ2026 ចាប់ពីម៉ោង 08:00។

សិក្ខាសាលា ក្រោមប្រធានបទ៖ ADVANCED STATISTICAL MODELING: A COMPARATIVE ANALYSIS OF SUMMATED SCALE REGRESSION,PLS-SEM AND CB-SEM ======================= នាព្រឹកថ្ងៃសៅរ៍ ១១កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែកក្កដា ឆ្នាំ២០២៦ មហាវិទ្យាល័យព័ត៌មានវិទ្យា បានរៀបចំសិក្ខាសាលា ក្រោមប្រធានបទ៖ ADVANCED STATISTICAL MODELING: A COMPARATIVE ANALYSIS OF SUMMATED SCALE REGRESSION,PLS-SEM AND CB-SEM ដោយមានការចូលរួមពី សាស្ត្រាចារ្យ លោកគ្រូ អ្នកគ្រូ និស្សិត អ្នកស្រាវជ្រាវ មកពីអង្គភាពសាធារណ និងឯកជន នានាជាច្រើនរូប។ ក្នុងកម្មវិធីនេះ មានការអញ្ជើញចូលរួមពី លោកបណ្ឌិត ឆាយ ផាង ,លោកបណ្ឌិត ឈុន រ៉ាឌី និងលោកបណ្ឌិត សៅ ឡាយ ជាវាគ្មិន ដោយបានចែករំលែក ធ្វើបទបង្ហាញ យ៉ាងក្បោះក្បាយ និងមានសារប្រយោជន៍សម្រាប់ការសិក្សាស្រាវជ្រាវ។ សូមអរគុណ🙏

សេចក្តីជូនដំណឹងស្តីពីណែនាំនិស្សិតទាំងអស់ត្រូវមានការប្រុងប្រយ័ត្នឱ្យបានខ្ពស់ចំពោះករណីមានលេខទូរសព្ទ ឬគណនីTelegram ទាក់ទងឱ្យបង់ប្រាក់ទៅគណនីបុគ្គលណាមួយដែលមិនមែនជាគណនីរបស់សាកលវិទ្យាល័យ។ ការបង់ប្រាក់នៅសាកលវិទ្យាល័យជាតិគ្រប់គ្រង ធ្វើឡើងតាមប្រព័ន្ធចុះឈ្មោះរបស់និស្សិត តាមតំណ៖ numregister.com ឬមកបង់ដោយផ្ទាល់។ ដូច្នេះក្រៅពីដំណើរការបង់ប្រាក់នេះ សាកលវិទ្យាល័យមិនទទួលខុសត្រូវចំពោះការបាត់បង់ប្រាក់ឡើយ។ លេខតេឡេក្រាមសម្រាប់ទាក់ទងផ្នែកបេឡា៖​ 096 557 3665 (ក្នុងម៉ោងធ្វើការ) សូមនិស្សិតនិងអាណាព្យាបាលនិស្សិតជ្រាបជាព័ត៌មាន និងប្រុងប្រយ័ត្ន៕ គេហទំព័រNUM: num.edu.kh

✅ ដើម្បីទទួលបានឱកាសល្អៗ និងព័ត៌មានថ្មីៗអំពីបច្ចេកវិទ្យាឌីជីថល សូមចូលក្នុងឆានែលបណ្តាញសង្គមរបស់ក្រសួងប្រៃសណីយ៍និងទូរគមនាគមន៍តាមរយៈតំណភ្ជាប់ https://t.me/mptcgovkh

សេចក្ដីជូនដំណឹង ស្ដីពី កម្មវិធីប្រកួតប្រជែងសរសេរកូដបញ្ជារ៉ូបូតនៅលើស្ថានីយលំហអាកាសអន្តរជាតិលើកទី៧ (7th Kibo Robot Programming Challenge “Kibo-RPC”) --- ក្រសួងប្រៃសណីយ៍និងទូរគមនាគមន៍ (ក.ប.ទ.) មានកិត្តិយសសូមជម្រាបជូនដល់សាធារណជន សិស្សានុសិស្ស និងនិស្សិតឱ្យបានជ្រាបថា ក.ប.ទ. នឹងរៀបចំ “កម្មវិធីប្រកួតប្រជែងសរសេរកូដបញ្ជារ៉ូបូតនៅលើស្ថានីយលំហអាកាសអន្តរជាតិលើកទី៧ (7th Kibo Robot Programming Challenge “Kibo-RPC”)” ដើម្បីលើកកម្ពស់ការសិក្សា និងការអភិវឌ្ឍជំនាញផ្នែកវិទ្យាសាស្ត្រ បច្ចេកវិទ្យាឌីជីថល វិស្វកម្ម រូបវិទ្យា និងគណិតវិទ្យា ព្រមទាំងបង្កើនកិច្ចសហប្រតិបត្តិការអន្តរជាតិផ្នែកលំហអាកាសផងដែរ។ កម្មវិធីនេះផ្តល់ឱកាសដល់សិស្សានុសិស្សនិងនិស្សិតកម្ពុជា ក្នុងការអនុវត្តជាក់ស្តែងលើការសរសេរកូដក្នុង Simulator សម្រាប់ការបញ្ជារ៉ូបូតនៅក្នុងស្ថានីយលំហអាកាសអន្តរជាតិ (International Space Station “ISS”) ដើម្បីពង្រឹងជំនាញដោះស្រាយបញ្ហា ការគិតវិភាគ ការធ្វើការជាក្រុម និងការចូលរួមកសាងសមត្ថភាពដែលពាក់ព័ន្ធនឹងវិស័យលំហអាកាស ព្រមទាំងបង្កើនបណ្តាញទំនាក់ទំនងថ្នាក់ជាតិនិងអន្តរជាតិ។ កម្មវិធីប្រកួតប្រជែងនេះនឹងបែងចែកចេញជា ២កម្រិត គឺ៖ - កម្រិតដំបូង៖ សម្រាប់សិស្សនៅវិទ្យាល័យអាយុក្រោម១៦ឆ្នាំ - កម្រិតមធ្យម៖ សម្រាប់សិស្សវិទ្យាល័យឬនិស្សិតមហាវិទ្យាល័យ ដែលមានចំណេះដឹងក្នុងការសរសេរកូដ ដោយមិនកំណត់អាយុ។ ១. លក្ខខណ្ឌនៃការជ្រើសរើស - ត្រូវមានសញ្ជាតិខ្មែរ (ស្ត្រីត្រូវបានលើកទឹកចិត្តក្នុងការដាក់ពាក្យ) - ត្រូវចុះឈ្មោះជាក្រុម ដោយមានសមាជិកចំនួន ៣ - ៦ នាក់/ក្រុម - ត្រូវបំពេញព័ត៌មាន និងទម្រង់បែបបទចូលរួមប្រកួតឱ្យបានត្រឹមត្រូវនិងពេញលេញ - ជាសិស្ស ឬនិស្សិតដែលមានចំណាប់អារម្មណ៍លើវិទ្យាសាស្ត្រលំហអាកាស រ៉ូបូត ការសរសេរកូដ ឬបច្ចេកវិទ្យាថ្មីៗ និងអាចប្រើប្រាស់ភាសា Python ឬ C++ បាន - ត្រូវចូលរួមការបណ្តុះបណ្តាល ឬការណែនាំ និងស្វ័យសិក្សាលើឯកសារដែលកម្មវិធីផ្តល់ជូន - ត្រូវគោរព និងអនុវត្តតាមលក្ខខណ្ឌនៃការប្រកួត។ ២. អត្ថប្រយោជន៍នៃកម្មវិធី - ទទួលបានចំណេះដឹង និងបទពិសោធថ្មីៗផ្នែកសរសេរកូដ និងវិទ្យាសាស្ត្រលំហអាកាស - ទទួលបានការបណ្តុះបណ្តាល និងការណែនាំពីអ្នកជំនាញ - បង្កើនសមត្ថភាពការងារជាក្រុម ការគិតវិភាគ និងការដោះស្រាយបញ្ហា - បង្កើតបណ្ដាញទំនាក់ទំនងជាមួយសិស្ស និស្សិត និងអ្នកជំនាញពីបណ្ដាប្រទេសផ្សេងៗ - ក្រុមសិស្សនិស្សិតដែលឈ្នះឬមានសមត្ថភាព មានឱកាសដើម្បីជ្រើសរើសជាតំណាងឱ្យកម្ពុជាចូលរួមប្រកួតលើឆាកអន្តរជាតិ - ទទួលបានលិខិតសរសើរ និងប្រាក់រង្វាន់ពី ក.ប.ទ. សម្រាប់ក្រុមជ័យលាភីទាំង ៣ក្រុម នៃកម្រិតនីមួយៗ ដូចខាងក្រោម៖  សម្រាប់កម្រិតដំបូង - ក្រុមជ័យលាភីលេខ១ ទទួលបានលិខិតសរសើរ និងប្រាក់រង្វាន់ចំនួន ៦លានរៀល - ក្រុមជ័យលាភីលេខ២ ទទួលបានលិខិតសរសើរ និងប្រាក់រង្វាន់ចំនួន ៣លានរៀល - ក្រុមជ័យលាភីលេខ៣ ទទួលបានលិខិតសរសើរ និងប្រាក់រង្វាន់ចំនួន ១,៤លានរៀល។  សម្រាប់កម្រិតមធ្យម - ក្រុមជ័យលាភីលេខ១ ទទួលបានលិខិតសរសើរ និងប្រាក់រង្វាន់ចំនួន ៨លានរៀល ព្រមទាំងឱកាសចូលរួមប្រកួតប្រជែងថ្នាក់តំបន់នៅប្រទេសជប៉ុន - ក្រុមជ័យលាភីលេខ២ ទទួលបានលិខិតសរសើរ និងប្រាក់រង្វាន់ចំនួន ៤លានរៀល - ក្រុមជ័យលាភីលេខ៣ ទទួលបានលិខិតសរសើរ និងប្រាក់រង្វាន់ចំនួន ២លានរៀល។  ក្នុងករណីក្រុមតំណាងកម្ពុជាអាចជាប់ក្នុងលំដាប់ Top5 ក្នុងថ្នាក់តំបន់ នឹងទទួលបានការផ្ដល់ប្រាក់រង្វាន់លើកទឹកចិត្តបន្ថែមទៀត ចំនួន ១២លានរៀល។ ៣. កាលបរិច្ឆេទ និងនីតីវិធីនៃការជ្រើសរើស - សិស្សានុសិស្ស និងនិស្សិត ដែលមានចំណាប់អារម្មណ៍ក្នុងការទទួលព័ត៌មានបន្ថែម អាចចុះឈ្មោះចូលរួមសិក្ខាសាលាផ្សព្វផ្សាយដែលគ្រោងនឹងរៀបចំនៅថ្ងៃទី១៤ ខែសីហា ឆ្នាំ២០២៦ នៅទីស្ដីការ ក.ប.ទ. ដោយត្រូវចុះឈ្មោះតាម https://go.gov.kh/mptc/seminar ត្រឹមថ្ងៃទី៧ ខែសីហា ឆ្នាំ២០២៦ - ក្រុមនីមួយៗ ដែលមានបំណងចូលរួមការប្រកួតប្រជែង ត្រូវដាក់ពាក្យតាមរយៈ https://go.gov.kh/mptc/kibo-pro ខាងក្រោមចាប់ពីថ្ងៃជូនដំណឹងនេះ រហូតដល់ថ្ងៃទី១៥ ខែកញ្ញា ឆ្នាំ២០២៦ - ក្រុមនីមួយៗត្រូវសរសេរកូដនិងដាក់ស្នើកូដរបស់ខ្លួន (Submit locally compiled code) ទៅក្នុង Simulator ត្រឹមថ្ងៃទី១៥ ខែមករា ឆ្នាំ២០២៧ - ក្រុមនីមួយៗដែលបានដាក់ស្នើកូដទៅក្នុង Simulator ត្រូវចូលរួមកម្មវិធីប្រកួតប្រជែងថ្នាក់ជាតិក្នុងប្រទេស នៅអំឡុងខែកុម្ភៈ ឆ្នាំ២០២៧ ដើម្បីស្ដាប់លទ្ធផល (Pre-recorded simulation results) និងទទួលបានការផ្តល់រង្វាន់លើកទឹកចិត្តសម្រាប់ក្រុមជ័យលាភី - ក្រុមជ័យលាភីលេខ១ នៃកម្រិតមធ្យម ត្រូវចូលរួមប្រកួតបន្តវគ្គផ្ដាច់ព្រ័ត្រថ្នាក់តំបន់នៅកំឡុងខែមិថុនា ឆ្នាំ២០២៧ នៅប្រទេសជប៉ុន - ព័ត៌មានបន្ថែមនឹងត្រូវជូនដំណឹងដល់អ្នកចុះឈ្មោះចូលរួមតាមរយៈអ៊ីមែល។ សេចក្តីដូចបានជម្រាបជូនខាងលើ សូមសាធារណជន សិស្សានុសិស្ស និងនិស្សិត ជ្រាបជាព័ត៌មាន និងចូលរួមដាក់ពាក្យចូលរួមប្រកួតប្រជែងឱ្យបានច្រើនកុះករ។ #KiboRPC2027 #KiboRPC #STEMCambodia #Robotics #posts #telecommunications #digital #MPTC #GoDigitalCambodia #Cambodia *

សូមនិស្សិតទាំងអស់គ្នាជួយបំពេញកម្រងសំនួរខាងលេីនេះផង​ សូមអរគុណ​!

សូមជម្រាបសួរទៅកាន់ប្អូនៗនិស្សិត NUM ជំនាន់​២៩, ​៣០, ៣១,​ ៣២, ៣៣ និង៣៤ ទាំងអស់គ្នា! តាងនាមក្រុមការងារ QS Survey នៃសាកលវិទ្យាល័យជាតិគ្រប់គ្រង (NUM) យើងខ្ញុំសូមអញ្ជើញប្អូនៗចូលរួមបំពេញការស្ទង់មតិស្តីពីការពេញចិត្តរបស់និស្សិត ដើម្បីបំពេញលក្ខខណ្ឌក្នុងការវាយតម្លៃសម្រាប់ទទួលបាន QS Stars Rating ។ ការឆ្លើយតបរបស់ប្អូនៗគឺពិតជាមានតម្លៃណាស់សម្រាប់សាកលវិទ្យាល័យយើង ។ សូមចំណាយពេល ៥ នាទី ដើម្បីបំពេញទម្រង់ស្ទង់មតិតាមរយៈលីងខាងក្រោម៖ 🔗 តំណភ្ជាប់លីង (Link): https://forms.gle/HvDKZTyC87eXjR6d6 សូមគោរពថ្លែងអំណរគុណចំពោះការចូលរួមនិងការគាំទ្ររបស់ប្អូនៗក្នុងការលើកកម្ពស់កិត្យានុភាពសាកលវិទ្យាល័យយើងនៅលើឆាកអន្តរជាតិ!

មហាវិទ្យាល័យព័ត៌មានវិទ្យា (Faculty of Information Technology) 📢 សេចក្តីជូនដំណឹងស្តីពីការជ្រើសរើសបេក្ខជនប្រកួតប្រជែង និងបើកទទួលពាក្យចូលរួម«កម្មវិធីប្រកួតប្រជែងប្រណាំងដ្រូនឆ្នាំ ២០២៦» ដែលរៀបចំឡើងដោយមហាវិទ្យាល័យព័ត៌មានវិទ្យា 🗒 លក្ខខណ្ឌនៃការប្រកួតប្រជែង 1. បេក្ខជនជានិស្សិតត្រូវមានសមាជិកពី ៣ ទៅ​ ៥នាក់ក្នុងមួយក្រុម។ 2.​ បេក្ខជនប្រកួតត្រូវតែជានិស្សិតនៃ សាកលវិទ្យាល័យជាតិគ្រប់គ្រង (NUM) 📅 កាលបរិច្ឆេទផុតកំណត់ដាក់ពាក្យ ថ្ងៃទី២៦ ខែកក្កដា ឆ្នាំ២០២៦ 📩 Registration Link https://forms.gle/1KU4MFNiqTXU4K1q7

សិក្ខាសាលា ក្រោមប្រធានបទ៖ ADVANCE STATISTICALMODELING: A COMPARATIVE ANALYSIS OF SUMMATED SCALE REGRESSION,PLS-SEM AND CB-SEM 📌ទីតាំង សាលប្រជុំ B សាកលវិទ្យាល័យជាតិគ្រប់គ្រង Conference Room B National University of Management. 🗓កាលបរិច្ឆេទ៖ ថ្ងៃសៅរ៏ ទី២៥ ខែកក្កដា ឆ្នាំ២០២៦ ⏰ពេលវេលា៖ ៨:៣០ ដល់ ១២:០០ ចុះឈ្មោះចូលរួមតាមតំណរខាងក្រោម🔗 https://forms.gle/VsTTNCkm18A9w83N6

🚨 សូមប្រុងប្រយ័ត្នចំពោះឯកសារភ្ជាប់ក្នុង Telegram និងកម្មវិធីផ្ញើសារផ្សេងៗ បច្ចុប្បន្ន ចោរ ព័ត៌មាន វិទ្យា កំពុងប្រើឯកសារភ្ជាប់ដែលមាន ផ្នែកខាងចុង (Extension) មួយចំនួន ដើម្បីលួចទិន្នន័យ ឬដំឡើងមេរោគលើឧបករណ៍ឌីជីថលរបស់អ្នក។ ⚠️ សូមកុំបើក កុំចុច ឬដំណើរការ (Run) ឯកសារដែលមានផ្នែកខាងចុង (Extension) ដូចជា៖ • .exe • .bat • .vbs • .ps1 • .sh • .msi • .scr

ឯកសារប្រភេទទាំងនេះអាចផ្ទុកមេរោគ ឬកម្មវិធីអាក្រក់ (Malware) ផ្សេងៗ ដែលអាចលួចព័ត៌មានផ្ទាល់ខ្លួន ពាក្យសម្ងាត់ គណនីធនាគារ ឬគ្រប់គ្រងឧបករណ៍របស់អ្នកពីចម្ងាយ។ ដើម្បីការពារខ្លួន សូមអនុវត្ត៖ ✅ បើកតែឯកសារពីប្រភពដែលអ្នកទុកចិត្ត។ ✅ ពិនិត្យផ្នែកខាងចុង (Extension) ឯកសារមុនពេលបើក។ ✅ កុំចុច “Run” ឬ “Install” ប្រសិនបើមិនប្រាកដពីប្រភព។ ✅ ប្រើកម្មវិធីការពារមេរោគ និងធ្វើបច្ចុប្បន្នភាព (Update) ជាប្រចាំ។ 📢 ការប្រុងប្រយ័ត្នរបស់អ្នក គឺជាការការពារសុវត្ថិភាពឌីជីថលរបស់អ្នក និងអង្គភាពរបស់អ្នក។ #MPTC #សុវត្ថិភាពឌីជីថល #CyberSecurity #StaySafeOnline #MPTC #CambodiaCyberSecurity

JOIN CHANNEL 📱

សិក្ខាសាលា ក្រោមប្រធានបទ៖ ADVANCE STATISTICALMODELING: A COMPARATIVE ANALYSIS OF SUMMATED SCALE REGRESSION,PLS-SEM AND CB-SEM 📌ទីតាំង សាលប្រជុំ B សាកលវិទ្យាល័យជាតិគ្រប់គ្រង Conference Room B National University of Management. 🗓កាលបរិច្ឆេទ៖ ថ្ងៃសៅរ៏ ទី២៥ ខែកក្កដា ឆ្នាំ២០២៦ ⏰ពេលវេលា៖ ៨:៣០ ដល់ ១២:០០ ចុះឈ្មោះចូលរួមតាមតំណរខាងក្រោម🔗 https://forms.gle/VsTTNCkm18A9w83N6

អបអរសាទរ ក្រុមនារី​ NUM02 សាកលវិទ្យាល័យជាតិគ្រប់គ្រង ដែលទទួលបានពានរង្វាន់កិត្តិយស ផ្នែកប្រជាប្រិយភាព ក្នុងការកម្មវិធីប្រកួតរ៉ូបូខុនថ្នាក់ជាតិ ថ្នាក់ជាតិលេីកទី១៣ ២០២៦ #NUM #FIT #IT #robocon2026 #robot #RoboticCreativeLab

សូមនិស្សិតដែលបានបោះឆ្នោតរួចសូមផុសចូលក្នុងក្រុមនេះផង​ សូ​មអរគុណ!