𝘽𝘼𝘾 𝙒𝙄𝙏𝙃 𝙎𝙊𝙍𝙊𝙌 ✨🩺👩🏻‍⚕️

الانسان يجي يشارك معاكم لحظاتو الحلوة و المرة 🤍 كي نقرَا و نخدم علايس و افكار و اسئلة و لا اي عفسة نحطها متشوفوهَاش و لا تقدرُو هاذ الشيء رغم ضيق الوقت و لكن كي نحطلكم به تنصحوني و نحصل و نقولكم نسيت و لا مفهمتش ذيك الحاجة املًا انو نلقا منكم نصيحَة تبدَاوني راكي تشكي و تحطيلنا فالسلبية و تشكي و نشوفوك شحال تجيبي البَاك و ما الى ذلك .. اخر حَاجة نحطهَا في ذي القنَاة هو هاذ الميساج لانو ما ينفع معكم ولا شيء في امان الله

و المقالات لوخرين عم ينطروني 🙂 زعما به نحفظهم جاتني الصدمة

جيت نراجع العلوم الانسانية نراااجعها لقيت روحي نسيتها طول 🙂💔

قايز الفلسفة ملقيتش كي نديرلها 😭 لقيت روحي نسيت المقالات و هاااااااا ربي 😭😭 وش ندير

اقاروه كله وهذا نفس الشيء لي صرلي فالفيزياء المشك انا بقيت نقرا فالموضوع الثاني لقرررن و جيت نقرا الموضوع الاول لقيتهم يحلو و يكتبو و انا عاد مقريتش الزاج و تقلقت و الدنيا وليت مقريتش مامبا الموضوع الاول و خيرت لي قريتو ديراكت و حصلت فيه

السلام عليكم خاوتي اسمعو نصيحة ❤ "كي تجو تخيرو الموضوع خيروه في عقلكم براحتكم عندكم نص ساعة استغلوها ڨاع متقولوش لالا نخير في 10 دقايق باش نربح وقت اضافي للموضوع و نحله براحتي هاذي بلاك تصلح في المواد الادبية بصح في المواد الاساسية لالااا 🚫و كي يحطلك الموضوع قدامك اول حاجة اقرا الادعية و توكل على ربي🤲🏻 عاد ابدا متنخلع موالو تلقا سؤال معرفتوش عادي فوت لسؤال لي بعده متأكدة كي تبدا تحل و تحط ڨاع تركيزك غادي تقدر تحله مالا اهم حاجة كي تشوف سؤال صعيب متنخلع ما تتغاشا ما والو هانية اهم حاجة النفسية والله العظيم يااوو تقرا ڨاع لبروڨرام تدخل للباك مخلوع و خايف صاي لباك راح 👌🏻🤡كي تبرمج روحك على انو هداك تمرين صعيب و مغاديش تقدر تحله متحلهش نحكي فيها عن تجربة وهي انو في فيزيا اول تمرين قابلني في الموضوع الاول كانت فيه فكرة و اول مرة نشوفها مالا تخلعت و طلعتي سخانة و حالتي حالة و هاد شي اثر بزاااف على بقية التمارين وليت نشوف اي سؤال نتوسوسله و نقول صعيب و مغاديش نقدر نحله ما جيت نكمل الموضوع الاول و نقراه كانت ديجا فاتت 20د و نشوف الشعب كامل بدا يرفد في ستيلوات و بدا يحل و انا مزالني مخيرتش💀!!! و عاد رايحة للموضوع الثاني نقراه؟؟؟ و نزيد نتقلق 🙂 روحت بلخف قريت الموضوع الثاني و خيرته هوا بديت نحل لباس بيا كي لحقت للتمرين الاخير مخي حبس تمرين فهمت فيه سؤال واحد و هوا رسم البيان شي لاخر واالو و تمرين تع 6 نقاط يا ناس😭 و كانت باقية وحد ساعة و كان خاصني اسئلة تاني محليتهمش رايحة نطل على الموضوع الاول و باغية نبدل !! ندمت ندددمت 💔كي مقريتش الموضوع هداك مليح و مخيرتش في عقلي لانو علاه سمانة كومبلي و نا نخير الموضوع منفوتش 20د و كنت نخير الموضوع الصحيح كي جات فلفيزيك حسيت روحي طولت بزاف و شفت ناس ڨاع خيرت و نا مزال و درت حساب زعما نربح وقت و كذا حتى طفرتها في روحي.. مهم النصيحة المهمة و الاخيرة هي مهما كان الموضوع صعب ولا لقيت سؤال معرفتهش متخليش هاد شي يأثر عليك و على نفسيتك و تخمامك تنخلع صاي راح كلش حاول تتحكم في روحك و ايضا ميهمكش فلي راهم يفوتو معاك و متركزش معاهم اطلاااقا انعازل عليهم لي خير موضوع ربي يسهل عليه و لي تغاشا تاني " ايا و ربي يوفق الجميع و ان شاءلله توصلو لوين باغيين ادعولي هدا لباك تاعي ثاني نوصل لواش باغية و لكم بالمثل❤🍃🖖🏻

جماعة شكون عندو كتاب تع اعداد مركبة تع استاذ نورالدين pdf يرسلهولي فضلا

كاين ناس لو لقيت حاجة اكثررمن الاوشيف نديرهم فيها

يخاوتي راني تصديييت و تزنجرت فالدارررر بدي اروش عن نفسييييييييي

الحفظ صرالو كيما الموني يجي بصعوبة و يروح فثانية