🍃ئۈنسىز تېۋىشلەر👣

ئەتە روزا تۇتۇشقا قادىر بولالىسىڭىز روزا تۇتۇشنى قولدىن بەرمەڭ! رەسۇلۇللاھ سەللەللاھۇ ئەلەيھى ۋەسەللەم: « ئاشۇرا كۈنىدە تۇتقان روزىدا ئاللاھ تائالانىڭ ئۆتكەن بىر يىللىق گۇناھلارنى يوققا چىقىرىشىنى ئۈمىد قىلىمەن» دېگەن. (مۇسلىم: 1162). ئەتە سەيشەنبە «ئاشۇرا كۈنى» روزا تۇتۇش مۇشۇنداق پەزىلەتلىكتۇر.

" دۇئا ئىبادەتنىڭ يىلىكى " دىگەن سۆيۈملۈك پەيغەمبىرىمىز . چۈنكى ئۇنىڭدا : ياراتقۇچىنى مەدھىيە ۋە ھەمدۇ سانا بىلەن بۈيۈك ۋە يۈكسەك دەپ بىلىش ؛ ياراتقۇچىغا يىلىنىپ ، يالۋۇرۇپ تۇرۇپ سوراش بىلەن ئۆزىنىڭ ئاجىز بىر قۇل ئىكەنلىكىنى ئىتراپ قىلىش ؛ يىگانە زاتتىن سوراش بىلەن ئۇنىڭغا ھىچكىمنىڭ تەڭ كىلەلمەيدىغانلىقى ۋە سورالغاننى ئۇنىڭدىن باشقا ھىچكىمنىڭ بىرەلمەيدىغانلىقىنى قەلبى بىلەن تەستىقلاش ؛ ياراتقۇچىنىڭ ئىجابەت قىلىشىغا ئىشىنىش بىلەن ئۇنىڭ مىھرىبان ، ئەپۇچان ، كەرەملىك ۋە قۇدرەتلىك زات ئىكەنلىكىگە بولغان ئەمىنلىك ؛ ھىچكىمگە ئىيىتمىغان ۋە ئىيتالمايدىغان سىرلىرىنى بىلىدىغانلىقىنى بىلىپ تۇرۇپ ھەم قەلبىنى ئىزھار قىلىش بىلەن سىرداشلىق ۋە مۇھەببەت تەلەپ قىلىشنىڭ يۈكسەك ئىزھارى ؛ ئۆز رەببىنىڭ بارچە سۈپەتلىرىگە كەلتۈرگەن ھەقىقىي ئىمان ؛ ئۆز گۇناھىنى ئىتراپ قىلىشنىڭ جەسەدىي ۋە قەلبىي ئىقرارى ؛ كەڭچىللىككە بولغان ئۈمۈد ؛ ھىدايەتكە بولغان رىغبەت ؛ رەھمەتكە بولغان مۇھتاجلىق ؛ رەببىگە بولغان مۇھەببەت ؛ ئىبادەتكە بولغان مۇشتاقلىق ؛ ئىماننىڭ ھوزۇر ھالاۋىتىگە بولغان تەلپۈنۈش ... ئۆز ئىپادىسىنى تاپقان . قىسقىسى < دۇئا قىلىش > - ئىخلاسنى ئۆزىگە جايلىغان قەلب ھىس قىلالايدىغان بارچە ئىماننىڭ ھوزۇر ھالاۋەتلىرى مۇجەسسەملەشكەن ؛ بەندىنىڭ ئىھسان سۈپىتى داۋامىي نامايەن بولىدىغان ئەڭ ئەۋزەل ئىبادەتتۇر . دۇئادا بوشاشمايلى !! @kalbimga_hitab

🔹 چوڭقۇر مەنىلىك يۇمۇر🔹 ئىككى چىۋىن پوق يەپ ئولتۇرۇپ ، ئۇكىسى ئاكىسىغا دەپتۇ : _ ئاكا ، بىز نېمىشقا ھەر كۈنى پوق يەيمىز ؟؟ ئاكىسى ئۇكىسىنىڭ تەستىكىگە چاڭڭىدە بىرنى قويۇپ ، ۋارقىراپتۇ : _ تاماق يەۋاتقاندا پوقنىڭ گېپىنى قىلما !!! 🔹مانا بۇ __ باشقىلار گۈلخان ئوينىسا گەپ يوق ، بىزلەر سەرەڭگە ئوينىساق ئالەمگە ئوت كېتىدۇ... نىڭ تىپىك مىسالى بولسا كىرەك . 🔹باشقىلارنى ئەيىپلەشتىن بۇرۇن ، ئاۋال ئۆزۈڭدىكى بىر توقاي ئەيىپلەرنى كۆرۈشنى ئۈگەن ... بولمىسا تىلغا ئېلىشقا ھەم سەسكىنىدىغان ئىشلارنى ئۆزۈڭ قىلىپ تۇرۇپ ، سەزمەس ھالغا چۈشۈپ قالىسەن ... T.me//kalbimga_hitab

🔹گەپنى ئويلىشىپ قىلىش كىرەك🔹 دادىسى ：بالام بۇ قېتىملىق ئىمتاھاندىن ئۆتەلمىسەڭ مەندەك داداڭنىڭ بارلىقىنى ئۇنتۇپ كەت ـ بالسى： بىلدىم دادا …… كەچ بولغاندا دادىسى：ئىمتىھاندىن ئۆتەلىدىڭما ؟ بالىسى ：كىمۇ سەن ؟ ساراڭمۇ نىم ما گۇي .. ئاپا تۇنامسە ما ئوغرىنى ... * خۇشاللىق ھەرۋاقىت يار بولغاي * 🌹 سەھەرلىك تەبەسسۇم ئۆچمىسۇن 🌹 T.me//kalbimga_hitab

گاھىدا تەقدىر خۇددى ئادەمنىڭ سايىسىگە ئوخشاش - قوغلىساڭ قاچىدىكەن ؛ ئۇنىڭدىن جان جەھلىڭ بىلەن قاچقىنىڭدا بولسا ، ئايىغىڭدىن قالماستىن ئىز بىسىپ قوغلاپ ماڭىدىكەن ... ئاقىۋەتتە قەدىمىڭدىن بىر قەدەم ھەم ئايرىلماستىن ، قۇياش چىققان كۈننىڭ ھەر بىرىدە سەن بىلەن بىرگە بولىدىكەن ... ساڭا پۈتۈلگەن تەقدىرىڭ بولسا كىچەيۇ كۈندۈز - ھەر بىر تىنىقىڭغا ھەمراھتۇر __ ئىنسان بالىسى خۇددى قۇياش ئاستىدا ئۆز سايىسىدىن ئاجرىلىش ئىمكانىيىتىنى تاپالمىغىنى كەبى - بىشىغا كىلىشى مۇتلەق بولغان تەقدىرىدىن ھىچقاچان قېچىپ قۇتۇلالماس ئىكەن . مەيلى سەن قانداقلا ئۇرۇنما ، پۈتكۈل ئۇرۇنۇشلىرىڭ ھەم ئاخىر ئاقىبەت سىنى - سەن ئەسلىدە قاچماقچى بولغان تەقدىرىڭ ئۈستىگە ئۆز ئاياقلىرىڭ بىلەن ئاپىرىپ قويار ئىكەن ! ھەي ھايات ... * ئاجرالماس سايە * @kalbimga_hitab

بالىلاردا كىتاب ئوقۇش ئادىتىنى ئۈچ ياشلىق بالىلاردىن باشلاپ شەكىللەندۈرۈشكە بولىدۇ. بۇ ۋاقىتتا شەكىللەنگەن ھىرسمەنلىك ھاياتىنىڭ ئاخىرىغىچە ئۇنىڭغا ھەمرا بولىدۇ. ئەلبەتتە، ئۈچ ياشلىق بالا خەت تونىيالمىغانلىقى ئۈچۈن كىتاب ئوقۇيالمايدۇ، لېكىن،ئاتا ئانىسى ھەر كۈنى ئونىڭغا ئوقۇپ بىرىدىغان رەسىملىك كىتابلاردىكى قىزىقارلىق ۋەقەلىكلەر ئۇنىڭغا يادا بولۇپ كىتىپ، كېيىن كىتابنى ۋاراقلاپ سۆرەتكە قاراپ تۇرۇپ ئوقۇيدىغان بولۇپ كىتىدۇ. بۇ ھال ئۇنى كىتابقا دوست قىلىپ يىتىشتۈرىدۇ. ئۇنىڭ قولىدىن كىتاب چۈشمەيدىغان ئادەمگە ئايلىنىدۇ. كىتابنى كۆپ ئوقۇغان بالىلارنىڭ تىلى راۋان، تەپەككۈرى چوڭقۇر، زىھنى ئۆتكۇر بولىدۇ. ھەق ئادالەت كۆز قارىشى ۋە ئەقىدە ئىتىقادى كۈچلۈك بولىدۇ.

كىتاب ئىنسان ئەقلىنىڭ جەۋھىرى، ھايات يوللىرىنىڭ كۆرسەتمىسى، تۇرمۇش بىلىملىرىنىڭ غەزىنىسى، تەرەققىياتنىڭ ئاچقۇچى، قەلبىڭىزگە نۇر چاچقۇچىدۇر. كىتاب ئوقۇغاندا مۇھىمى كىتابتىن ئۈنۈملۈك پايدىلىنىشنى بىلىشكە ئەھمىيەت بىرىش كېرەك. مىنىڭچە تۆۋەندىكى ئۇسۇللاردىن مۇۋاپىق كەلگىنىنى سىناپ بېقىشقا بولىدۇ: 1-ئالدى بىلەن ئۆزى ئېھتىياجلىق بولغان كىتابلارنى تاللاپ رەتكە تۇرغۇزۈپ پىلانلاشتۇرۇۋالسا ياخشىراق بولىدۇ. بۇنداق پىلان يېڭى كىتابلارغا ئورۇن قويغان ھالدا تۈزۈلگىنى مۇۋاپىق. كىتاب ئوقۇش پىلانى تۇرمۇش تەرتىپلىرى قاتارىغا قويۇلغاندا ئۇنۇمدارلىققا ئىگە بولىدۇ. بۇ پىلان كىتاب ئوقۇغۇچىغا ھەيدەكچى بولىدۇ، ئۇنى كىتابتىن نەپ ئېلىشقا، بىلىم قۇرۇلمىسىنى كۈچەيتىشكە يىتەكلەيدۇ. 2-ئۆزىنىڭ ئەمىلى ئەھۋالىغا قاراپ ھەر كۈنى كىتاب ئوقۇشقا مۇقۇم ۋاقىت ئاجرىتىش. بۇنداق قىلغاندا كىتاب ئوقۇش داھىمىلىققا، ئادەتكە ئايلىنىدۇ. كىتابنى دوست تۇتۇشتا بۇ ئۇسۇلنىڭ ئۈنۈمى ياخشى، چۈنكى كىشى ھەركۈنى تەكرارلىنىشتا بۇنىڭغا كۈنۈپ قالىدۇ. كۈنگەن ھەممىدىن يامان، ئۇنى تاشلىغىنى بولمايدۇ. 3-كىتاب ئوقۇغاندا مۇھىم دەپ بىلگەن جايلارغا بەلگە قويۇپ مېڭىش كېرەك. ھەركىم ئۆزى ئويلىغىنى بويىچە كىتابتا ئۆزىگە كېرەك جايلارنى تۈرگە ئايرىپ بەلگە قويۇپ مېڭىش كېرەك. مەسىلەن، خاتىرلەپ ئېلىشقا تىگىشلىك مەزمۇنلار، ئەسلەتمە مەزمۇنلار، سېلىشتۇرمىلار، ئىزدىنىشكە تىگىشلىك تەرەپلەر، گۈزەل سۆز ـ ئىبارىلەر، ئەقلىيە سۆزلەر قاتارلىقلار. بۇنداق قىلغاندا كىتابنىڭ پايدىلىنىش ئۈنۈمىنى ئاشۇرغىلى بولىدۇ. 4-كىتاب ئوقۇشتا خاتىرە قالدۇرۇپ مېڭىشقا ئالاھىدە ئەھمىيەت بىرىش كېرەك. بۇ كىتاب ئوقۇشتىكى ھالقىلىق مەسئىلە. خاتىرە قالدۇرغاندا مەزمۇنلارنى تۈرگە ئايرىپ خاتىرە قالدۇرغان ياخشى. مەسىلەن: 1) ئەقلىيە سۆزلەرنى ئايرىم خاتىرلەپ ماڭغاندا، بىر مەزگىلدىن كېيىن بۇ خاتىرە ئەقىل غەزىنىسىگە ئايلىنىدۇ. 2) ئەسلەتمە مەزمۇنلارنى خاتىرلەپ ماڭغاندا، سىزنىڭ ئىزدىنىشىڭىز، مەسئىلىلەرنىڭ پەرقىغە بىرشىڭىزغا ياردەم قىلىپ تەپەككۇرىڭىزنى قاناتلاندۇرىدۇ، ئەقىل بىلەن ئىش قىلىشقا ئۈگىتىدۇ. 3) كىتابتىن ئالغان تەسىراتىڭىزنى يېزىپ ماڭسىڭىز سىزنى مەنتىقىلىق پىكىر قىلىشقا يىتەكلەپ، ھەقنى تونۇيدىغان، ۋىژدان سورىقىنى بىلىدىغان، كۆز قاراشلىرىڭىزنى دادىل، ئوقۇمۇشلۇق ئىپادىلەپ بىرەلەيدىغان قىلىپ تەربىيەلەيدۇ. يۇقۇرىدىكى نۇقتىلارغا دىققەت قىلغاندا كىتاب ئوقۇش ئارقىلىق ئۈگۈنۈش ئۈنۈمدارلىقىنى ئاشۇرغىلى بولىدۇ. نوقۇل ھالدا كىتاب ئوقۇش بولۇپ قالسا ئۈگۈنۈش ئۈنۈمدارلىقى كۆڭۈلدىكىدەك بولمايدۇ. شۇڭا بالىلارنى كىتاب ئوقۇشقا مۇشۇنىڭغا ئوخشاش نۇقتىلار بويىچە يىتەكلەش لازىم.

ئىنشائاللاھ ئاخىرىنى بىرنەچچە كۈن ئۆتكەندىن يوللاپ بىرەي T.me//kalbimga_hitab

كىتاپ كۆرۈڭ          «ك » ھەرىپىدىن تۈزۈلگەن سۆز ئويۇنى          كىتاپنى كۈندە كۆرسىڭىز، كۆڭلىڭىز كائىناتتەك كەڭرىپ، كېچىدە كۈن كۆرگەندەك، كېلىچىكىڭىز كىتاپتىن كېلىۋاتقاندەك كۆرۈنۈپ، كەلگۈسىنى كېرىلىپ كۈتۈۋالالايسىز. كىتاپ كۆرگەن كىشىلەرنىڭ كۈنلىرى كۆڭۈللۈك، كەيپىياتى كۆتۈرەڭگۈ كۆرۈنىدۇ. كىتاپ كۆرگەنلەر كىتابىنى كونا، كۆرۈمسىز كەپىدە كۆرسىمۇ، كەڭ كائىناتتىكى كانادا، كورىيە، كۇبا،  كولۇمبىيە، كەشمېر، كورلا، كېرىيە، كەلپىنلەرنى كۆرگەندەك، كۈلۈمسىرەپ كۆڭلىگە كەلتۈرەلەيدۇ. كاتتا كىتاپنىڭ كارامەت كۇچى كەمتەرلەرنى، كاسىپلارنى، كادىرلارنى، كەمىنىلەرنى كامالەتكە كەلتۈرۈپ، كۆكنى كەزدۈرەلەيدۇ. كىتاپ كۆرمىگەن كىشى كامادىكى كېلەدەك، كارىزدىكى كېسەكتەك كۆككە كۆتۈرۈلەلمىگەن كۆكىنەكتەك، كەپىدىكى كۇنجۇرىدەك، كۆكۈرۈپ كۆپچۈلۈككە كونا  كېسەلدەك كۆرۈنۈدۇ. كەمكۈتىسىز كۆكەمە، كۈنلەمچى، كوت - كوت، كىبىرلىك كېلىدۇ. كىتاپسىز كىشىنىڭ كۈزى كور، كەلگۈسى كۈلپەتلىك. كىشىلەرنىڭ كەينىدىن كوتۇلداپ، كاڭشىپ، كوڭكىدا كىتىۋېتىپمۇ كۆڭۈلسىز كەچمىشلەرنى كۆڭلىگە كەلتۈرۈپ، كۆپتىن - كۆپ كىشىلەرنى  كۆڭلىدە كېپەنلىۋېتەلەيدۇ. https://t.me/ibratliksuoz

يازمىلارنى ئوقۇپ كېتىۋېتىپ ئۇشبۇ جۈملىنى ئۇچۇرۇتۇپ قالدىم. بۇ جۈملىنى ئوقۇغاندىن كىيىن قاتتىق تەسىرلەندىنم، ھاياجانلاندىم ۋە ئازاپلاندىم. ئۇ جۈملە مۇنداق ئېدى «ئەگەر سەن بىرنەرسەڭنى ئوغرى ئېلىشتىن ئەنسىرىسەڭ،ئۇنى كىتاپ ئارىسىغا قويۇپ قوي. چۈنكى بۇ مىللەت كىتاپ ئاچمايدىغان مىللەت» توۋا بۇ سۆز نىمانداق ئالتۇندىنمۇ قىممەتلىك، ياقۇتتىنمۇ ساپ،سۆزھە؟.ناھايتىمۇ توغرا ئېيتىلىپتۇ. جەزمەن مەن شۇنداق ھېس قىلدىم. توغرا، ناھايتى توغرا،" بۇ مىللەت كىتاپ ئاچمايدىغان مىللەت" @hikmethezinisi