Caspian Tv

🥀Ağstafa rayonunun Poylu kənd tam orta məktəbinin ibtidai sinif müəllimi Nəmidə Muğalova vəfat edib. Bununla bağlı məktəbin sosial şəbəkə hesabında paylaşım edilib. Bildirilib ki, o, uzunsürən xəstəlikdən sonra dünyasını dəyişib.

Bakının Xətai rayonu, general Şıxlinski küçəsində hündürmərtəbəli binada yanğın baş verib. Yanğından mühafizə briqadaları hadisə yerində iş aparır, şaxtada yaranan yanğın məhdudlaşdırılıb və söndürülüb.

🇹🇷🇮🇷Rəcəb Tayyib Ərdoğan İranda prezident seçkilərindən sonra Ankara ilə Tehran arasında münasibətlərin daha yaxşı olacağına ümid edir. "İran bizim tarixi və mədəni əlaqələrimiz olan mühüm qonşumuzdur. Yeni dövrdə Türkiyə-İran əlaqələrinin artan templə müsbət inkişaf edəcəyini gözləyirəm", - deyə Türkiyə başçısı bildirib.

✅İranın ən müasir "Sahand" hərbi gəmisinin Fars körfəzində batdığı bildirilir. Bəndər Abbas limanında qeydə alınan hadisə nəticəsində xəsarət alanlar var.

🇦🇿Bu gün “Vətən Müharibəsi Qəhrəmanı", “Hadrut Fatehi” Camal İsmayılovun doğum günüdür. 🥀Allah rəhmət eləsin

🥀Bu gün mərhum Əməkdar artist, uşaqların sevimlisi "Ələkbər əmi" kimi tanınmış aktyor Ələkbər Hüseynovun doğum günüdür.

Bu gün tanınmış ilahiyyatçı, din xadimi Hacı Şahinin doğum günüdür. 🥀Allah rəhmət eləsin

🔴"Qarabağ" dünya reytinqində 14 pillə irəliləyib. Beynəlxalq Futbol Tarixi və Statistikaları Federasiyası klubların yeni dünya reytinqini açıqlayıb. IFFHS-nin rəsmi saytında yer alan məlumata görə, 504 komandadan ibarət siyahıya Azərbaycanın dörd təmsilçisi düşüb. ✅14 pillə irəliləyən "Qarabağ" (191,25 xal) 39-cu yerdə qərarlaşıb. "Zirə" (62,25 xaç) səkkiz pillə irəliləyərək 361-ci, "Sabah" (60,75) doqquz mövqe artıraraq 379-cu, "Neftçi" (59,25 xal) altı sıra irəliləyərək 397-ci olub. Qeyd edək ki, dünya reytinqinə İspaniyanın "Real" klubu (371 xal) başçılıq edir.

❗️Bakıda axtarışda olan şəxsin saxlanılması zamanı polis kapitanının qətli üzrə cinayət işi açılıb. Suraxanı rayon prokurorluğunda Cinayət Məcəlləsinin 120.2.3 (zərərçəkmiş şəxsin xidməti vəzifəsini və ya ictimai borcunu yerinə yetirməsi ilə əlaqədar onun özünü və ya yaxın qohumlarını öldürmə), 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə cinayət işi başlanılıb. Aldığı bıçaq yarasına baxmayaraq, kapitan Fəxrəddin Nəsirovun saxladığı Mehman Məmmədov şübhəli şəxs qismində tutulub.

Azərbaycanda bu gündən məhərrəm ayı başlayır: ▪️ Aşura günü iyulun 16-na təsadüf edir. ▪️ Səfər ayı avqustun 7-də başlayacaq. Qafqaz Müsəlmanları İdarəsinin Qazılar Şurasının bu gün fətvası olacaq.