طريق الهداية🤍

"وأخيرًا الإجازة جات..." 😍🎉 الجملة دي بنقولها بعد شهور من التعب والمذاكرة والامتحانات، ونبقى فرحانين إننا أخيرًا هنرتاح. لكن بعد كام يوم بس... 😳 نكتشف إننا بقينا نصحى متأخر، ونقعد بالساعات على الموبايل، ونضيع اليوم بين فيديو وريل ومنشور، وفجأة نلاقي أسبوع أو شهر عدى من غير ما نعمل أي حاجة مفيدة 💔 المشكلة إن الفراغ مش دايمًا راحة... أحيانًا الفراغ بيكون اختبار. لأن وقت الدراسة كنا مشغولين غصب عننا، لكن دلوقتي مفيش حد هيقولنا نعمل إيه، ولا هنذاكر إيه، ولا هنقوم إمتى. وهنا يظهر السؤال الحقيقي: هتعمل إيه بوقتك؟ هتخلي الإجازة مجرد هروب من المسؤوليات؟ ولا هتخليها فرصة تبني بيها نفسك؟ مش لازم تملأ يومك كله شغل، ومش غلط إنك ترتاح وتنبسط، بالعكس... أنت محتاج ده 🤍 لكن الغلط إن الإجازة كلها تضيع من غير أثر. ممكن تخلي لنفسك ورد قرآن يومي ولو صفحة واحدة. ممكن تحفظ سورة جديدة. ممكن تقرأ في سيرة النبي ﷺ أو تتعلم حاجة عن دينك كنت مأجلها من زمان. وممكن كمان تطور نفسك. اتعلم لغة جديدة. خد كورس يفيدك في مجالك. اقرأ كتاب. اتعلم مهارة على الكمبيوتر. اشتغل على نقطة ضعف عندك. متستهونش بالحاجات الصغيرة... نصف ساعة كل يوم لمدة شهرين ممكن تغير فيك حاجات كتير جدًا. وعارف أجمل حاجة؟ إنك لما تجمع بين تطوير نفسك وإرضاء ربنا، تبقى كسبت الدنيا والآخرة معًا ❤️ الخلاصة يا صديقي الصدوق 😂🤡: الإجازة مش مجرد وقت فاضي... الإجازة فرصة. فرصة ترتاح، وتقرب من ربنا، وتتعلم، وتبني نسخة أفضل من نفسك. فمتخليش أول يوم في الإجازة يشبه آخر يوم فيها. وخلي عندك هدف واحد على الأقل، لما الإجازة تخلص تبص لنفسك وتقول: "الحمد لله... الإجازة دي عدت، لكن سابت جوايا أثر جميل." 🤍🤲 ﴿ فَإِذَا فَرَغْتَ فَانْصَبْ ۝ وَإِلَىٰ رَبِّكَ فَارْغَبْ ﴾ ❤️

السـلام عليـكم ورحـمة الله وبركاتـه من سنن يوم الجمعة ❶ الغُسل. ❷ التّطيُّب للرجال ❸ السّواك. ❹ لبْس الجميل من الثّياب. ❺ تحرّي ساعة اﻹجابة ( من بعد العصر وخاصة الساعة قبل المغرب ). ❻ التبكير للمسجد. ❼ قراءة سورة الكهف. ❽ الإكثار من الصَّلاة على الحبيب صلِّ الله عليه وسلم 🤍.

السلام عليكم ورحمه الله وبركاته ❤️ *هتكلم النهارده عن موضوع مهم جدا 👇🫵 أغلبنا وقع في الفخ ده مرة على الأقل... فخ مقارنة نفسك بالناس 😔💔 يعني تبقى ماشي كويس في حياتك، ومبسوط بمستواك، وفجأة تعرف إن صاحبك جاب درجة أعلى منك، أو إن زميلتك خلصت المنهج قبلك، أو إن حد أصغر منك عمل إنجاز أنت لسه موصلتلوش... 😳 وفجأة كل اللي كنت فرحان بيه يختفي! تبدأ تبص لنفسك وتقول: "أنا متأخر..." "أنا أقل منهم..." "أكيد في حاجة غلط فيا..." 😢 مع إن الحقيقة ممكن تكون غير كده خالص. المشكلة إنك بتقارن بداية طريقك بمنتصف طريق شخص تاني. وبتقارن ظروفك بظروف أنت أصلًا متعرفش عنها حاجة. ممكن الشخص اللي بتقارن نفسك بيه عنده وقت أكتر، أو ظروفه مختلفة، أو بدأ قبلك بسنين، أو ربنا رزقه بقدرات معينة واختبرك أنت بقدرات تانية. وعلى فكرة... المقارنة ليها أثر خطير جدًا. لأنها بتسرق منك حاجتين: 1. الرضا عن النعم اللي عندك. 2. التركيز على تطوير نفسك. فتلاقي بدل ما تركز على محاضرتك، قاعد تفكر صاحبك خلص كام شابتر. وبدل ما تحسن مستواك، قاعد تراقب مستوى غيرك. وده بيخليك تتعب نفسيًا أكتر مما تتقدم فعليًا. طيب نعمل إيه؟ 🤔 أول حاجة: افهم إن ربنا مش هيسألك عن درجات أصحابك ولا ترتيب زملائك. ربنا هيسألك: هل عملت اللي عليك؟ هل اجتهدت بقدر استطاعتك؟ ثاني حاجة: قارن نفسك بنفسك. اسأل: - هل أنا النهارده أحسن من الشهر اللي فات؟ - هل فهمي زاد؟ - هل التزامي اتحسن؟ - هل قربت خطوة من هدفي؟ دي المقارنة الوحيدة اللي هتفيدك فعلًا. وثالث حاجة: لما تشوف حد متفوق، ادعيله بالبركة بدل ما تحسده، وخلي نجاحه دافع ليك مش سبب لإحباطك 🤍 الخلاصة يا صديقي الصدوق 😂🤡: المقارنة المستمرة بالناس هتخليك تعيش حزين حتى لو كنت ناجح. لأنك دايمًا هتلاقي حد أحسن منك في حاجة، وحد أقل منك في حاجة تانية. فبلاش تبص لورقة غيرك في الامتحان اللي اسمه الحياة 😅 ركز في ورقتك أنت، واعمل اللي عليك، وارضَ بما قسمه الله لك، واسعَ للأفضل بدون سخط ولا يأس. وافتكر دائمًا أن رزق غيرك لا ينقص من رزقك، ونجاح غيرك لا يمنع نجاحك، وربنا لا ينسى تعب أحد ❤️🤲

هو محمد بن عبد الله بن عبد المطلب بن هاشم بن عبد مناف بن قصي بن كلاب بن مره بن كعب بن لؤي بن غالب بن فهر بن مالك بن النضر بن كنانه بن خزيمه بن مدركه بن إلياس بن مضر بن نزار بن معد بن عدنان وعدنان من نسل إسماعيل بن إبراهيم عليهما السلام 🤍🤍 إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا (56) صلوا عليه وسلموا تسليما🤍🤍

"أنا تعبت كتير... وفي الآخر موصلتش للحاجة اللي كنت عايزها" 😔💔 الجملة دي قالها ناس كتير، ويمكن تكون قلتها أنت كمان في وقت من الأوقات... ذاكرت وتعبت، واجتهدت، وسهرت الليالي، وفي الآخر النتيجة ماكنتش زي ما كنت متوقع 😢 أو دعيت ربنا بحاجة سنين، ولسه مجتش. أو حاولت تصلح من نفسك، ولسه شايف إنك متأخر عن غيرك. بس في حاجة لازم تفتكرها كويس... ربنا لا يضيع تعب أحد. 🤍 ممكن يضيع منك هدف معين، لكن عمرك ما هيضيع عند ربنا سعيك ليه. ممكن النتيجة تتأخر، لكن التعب نفسه محفوظ. ممكن الطريق يطول، لكن كل خطوة مشيتها مكتوبة عند ربنا. إحنا أحيانًا بنربط قيمة تعبنا بالنتيجة اللي شفناها بعينينا. لكن ربنا أوسع من كده بكتير... يمكن المذاكرة اللي تعبت فيها علمتك الصبر. ويمكن الفشل اللي زعلك خلاك أقوى. ويمكن الحاجة اللي اتحرمت منها النهارده كانت سبب في خير أكبر بكرة. المشكلة إننا بنبص على صفحة واحدة من القصة، بينما ربنا يعلم القصة كلها. فبلاش تقارن نفسك بحد، وبلاش تفتكر إن مجهودك راح هدر. الخلاصة يا صديقي الصدوق 😂🤡: عدم رضاك عن وضعك الحالي لا يعني إن ربنا نسيك. وتأخر النتيجة لا يعني إن تعبك ضاع. اعمل اللي عليك، واسعى، وخد بالأسباب، وسيب الباقي على ربنا. وفي كل مرة تحس إنك تعبت على الفاضي، افتكر إن ربنا قال: ﴿ إنا لا نضيع أجر من أحسن عملا ﴾ ❤️ فاطمئن... قد لا ترى ثمار تعبك اليوم، لكن عند الله لا يضيع شيء، ولا يسقط جهد، ولا تُنسى دمعة، ولا يذهب سعي صادق بلا جزاء 🤲❤️

🤚*هاااااام وشيرررر في كل حتة* *●○ لو متعود تصوم الأيام القمرية اللي هي 13,14,15من الشهر الهجري...* *🪞 عاوز أفكرك إن يوم 13ذوالحجة اللي هيكون رابع يوم العيد هو يوم من أيام التشريق اللي يحرم صيامها إلا للحاج المتمتع والقارن اللي ماقدرش يدبح (المتمتع والقارن = عمل عمرة وحج مع بعض في شهور الحج )*🚫🚫 لحديث: *"لَمْ يُرَخَّصْ في أيَّامِ التَّشْرِيقِ أنْ يُصَمْنَ، إلَّا لِمَن لَمْ يَجِدِ الهَدْيَ"* ❌️ *يعني ماينفعش تصوم يوم 13 ذوالحجة اللي هيكون السبت الجاي* ❌ *وأكيد ماينفعش صيام الخميس أول أيام التشريق* *✅ بس تقدر تصوم 14, 15, 16مثلا أو أي 3 أيام تانيين من الشهر* *🔄 شير وعرف غيرك*

قال رسول الله ﷺ : "أكثِروا من الصلاة عليَّ يومَ الجُمعة وليلةَ الجُمعة، فمَن صلَّى عليَّ صلاةً صلَّى اللهُ عليهِ عشرًا" 🤍

*🌙 عيد أضحى مبارك 🤍* *تقبل الله طاعتكم* *وكتب لكم فرحة لا تزول* *ورزقكم راحة بال* *ودعوات مستجابة* *وأيامًا مليئة بالخير والطمأنينة 🕊️*

كل سنه وانتم طيبين❤️

عن طلحة بن عبيد الله بن كريز أن رسول الله صلى الله عليه وسلم قال: أفضل الدعاء دعاء يوم عرفة، وأفضل ما قلت أنا والنبيون من قبلي لا إله إلا الله وحده لا شريك له. وروى الترمذي عن عمرو بن شعيب عن أبيه عن جده أن النبي صلى الله عليه وسلم قال: خير الدعاء دعاء يوم عرفة، وخير ما قلت أنا والنبيون من قبلي لا إله إلا الله وحده لا شريك له له الملك وله الحمد وهو على كل شيء قدير. والحديث حسنه الألباني.

قد ينال المرء بدعاءِ أخيه ما لا يُدركه بدعائه لنفسِه! قال شاعر: «‏فتذكَّرُوا الأحبابَ عِندَ دُعائِكُم فالحُبُّ بَينَ الصَّادقِينَ دُعَـــاءُ» وكان أبو الدرداء رضي الله عنه يقول: إنّي لأدعو لسبعين من إخواني في سجودي، أُسمِّيهم بأسمائِهم! ✍🏻 لا تنسوني اليوم من دعواتكم أخوكم / محمد أحمد

*ادعوا لجدي وجدتي وخالتي بالرحمه والمغفره ❤️‍🩹* **اللهم ارحمهم واغفر لهم وانت خير الراحمين* *اللهم ارزقهم بجنات الفردوس الاعلى وانت خير الرازقين 🤎**