الجيش الأزرق 𝘽𝙖𝙘 𝟮𝟬𝟮𝟲

✨ جرعة أمل صغيرة ✨ بديت في نوفمبر، بوتيرة خفيفة… حمد الله لحقت 🙏💪 ماشي السرعة لي توصلك، بل الاستمرارية 👣 الحمد لله على كل خطوة 💛 _منقول _

السلام عليكم احبتي في الله. أود ان اقول إن الوقت كالسيف ان لم تقطعه قطعك. لهذا ماعليكم القراية ثم القراية مش نقلكم قراية يعني 24سا ونتم مقابلين الطابلة وتقراو. لا وإنما مذابيكم كل يوم لازم توجد دراسة ولو بالقليل.🌼 -هناك اشخاص يسئلون كيفية الدراسة هل بالساعات او نصيحة كتجربة اقراو على شكل مهامات أو تطبيق to do list ينظمولكم دراستكم ويسهلو عليكم. -وأهم حاجة الناس لي راها مبداتش وتقول غدوة نبدا وراه مزال وقت افطنو على رواحكم مش نخلع فيكم وإنما رانا في نوفمبر مذابيكم لي مبداش مزال وقت ابداو واتكلو على ربي سبحانو وباذن الله يسهلكم كلشي. ومتشوفوش وتقارنو بعضاكم لا كل واحد يشوف وش يخرجو مش تشوف صاحبك ولا صحبتك كملت وحدة تقول صااي مننجحش وراح لباك يا اخي او أختي بالعقل مدام عندكم إرادة وعزيمة لابد تكملو كلشي وغير بشوي 👍 -آخر نصيحة يا جماعة اتكلو على ربي سبحانو هوا بيده كل شيء والصلاة ثم الصلاة هي الاهم وكثرة الدعاء فإنه يغير القدر.😊 وربي يوفقكم وينجحكم اجمعين ياارب 🤲🥰 همة اليوم. في كل طريق صعب ، هناك نهاية جميلة 🌼🥺 ولنا في الله ظن لا يخيب🥰🤎 @learnphysics10

نقلكم حاجة ماللخر درك كل واحد يجي يمد رايوو عليكم وكابال تتخلط عليكم بسكو كل واحد يمد هدرة 🍁 من الافضل انكم تبداو بوتيرة قليلة خلاص ممبعد تبداو تضاعفو كل مايقرب الوقت تزيد فالوتيرة 💙 اذا ماكنتوش تنوظوا صباح بكري تولي تنظوا الفجر ولا الربعة ولا لي سونسيال تبداو بوتيرة اقل 💙 ممبعد تضاعفوا هذا حل عقلاني ومنطقي فهمتوني ومتخلطوش بزاف مصادر باش ماتكونوش متشتين🤎

اصحاب البكالوريا 2026👌🏻🎓💖 جبتلكم خطة شهر نوفمبر💯💐 بالتوفيق للجميع 😍

بعض التحويلات 💙💙

✔️كن كالدالة الاسية في تزايد بايجاااااااااب لا تنعدم ولا تسلك للصفر طريق لايغيرها تكامل ولا اشتقاق فتلك الثقة في النفس في ابهى الصووووور 💚💚💚💚🇨🇦🇨🇦

هاي مساء النور نشالله كانل تكونو بخير نشالله كامل تكونو في صحة جيدة و ظروف تخليكم تقراو هانيين العام لي فات الوقت هدا عداو عليا اسوء الظروف لي خلاوني مانقراش و حبست لقرايا و اكيد ضرني الشي هدا و اثر على تقدمي و قرايتي تاع عام كامل اي واحد حاب يحكي و لا عندو مشطل يحكيه هنا و بريفي بلاك نقدرو نعاونوك على الاقل نقدرو نعاونوكم معنويا و نحيو عليكم عبء بالمعاناة لي تعيشوها

تورايخ الحرب الباردة كاملة جميع الشعب 🔥🔥🔥🔥

🔴 #بكالوريا2026📗📖🗒️ ✅ملخص علوم اسلامية على شكل مخططات 🩵 دعوة خير برك وطاقي صديقك يستفاد معاك❤ ✅هذا الملخص من اعداد الاستاذ بولعباس جزاه الله خيرا ✅لجميع الشعب ✅انشروه في القنوات والمجموعات ليستفيد الجميع ❤ @learnphysics10

انتهت الجلسة الاولى بجدارة ✅✅ لي كان معانا ويقرى تع بصح صحيتووا 🔥🫡🫡

فهموني لاه خرجتوا مكمش حابين تقراااوو؟؟؟ اني نخرجلكم متيلفون 😡😡😡

بداية الجلسة الاولى ✅ من 10:-00____10:30

بداية الجلسة الاولى من 10:00____10:30 نصف سااعة 🔥

سمحولي اليوم منضتش بكري 😁 لي سونسيال علابالي ممكن مهوش وقت مناسب مي ني حابة ندير معاكموجلسة درك تع نصف ساعة على الاقل هديك نص ساعة ديرو فيها حاجة تصلح يالوكان تنظم بيروك ودير خطة دراسية محكمة باش ممبعد ان شاء الله لعشوة بعد الجمعة نبداو بقوة 🔥🔥

سلام لي كيب غدوا بربي ان شاء الله حنبدالكم الجلساات 🔥🔥🔥

🚫 راك حاب تزيد في الإنتاجية تاعك ل6 أو 8 ساعات في اليوم؟ ▪️ لازم عليك تنوض بكري قبل ماينوضوا العصافير😂 ( مراحش تلقى الإنسان الناجح يرقد بعد 6 أو 7 صباحا). ▪️قسم وقتك اقرا 50 دقيقة و ريح 10د. ▪️اكتب قائمة مهام يومية. اكتب فيها قع واش لازم عليك تكمل في هداك النهار. ▪️ارقد مليح في الليل و عود روحك دير قيلولة لمدة 45 دقيقة ماكسيمو 😴 ماشي زوج سوايع فهمت! 🥱. ▪️اكتب أهدافك و المعدل لي راك حاب تجيبو في الباك، علقها في غرفتك قدام مكتبك و فراشك باه في المنام يخرجولك هذوك الأهداف 😂 ▪️ابتعد على مواقع التواصل الاجتماعي مراحش تستفاد والو. كل واحد يعوم بحرو تابع غير الصفحات لي تنفعك كيما باك باغ، الأستاذ لعجال شاهر مثلا ... 🙋 صفحات تنشر ما يفيدك فقط ▪️ابتعد على الناس السلبيين و لي يضيعولك وقتك على جال أمور تافهة😐  معندك مادير بيهم في حياتك. إذن، تخلص منهم و عيش مهني في راسك. ▪️حاول تكون إنسان منظم خاصة مكتبك و دير كل وثائق و أوراق كل مادة في حافظة باه كي تجي تحوس على حاجة تلقاها ماشي تبقى تضيع في وقتك وأنت تحوس. وفي الأخير دير نهار في الأسبوع تع راحة بعدما تكون كملت مهامك و تعبت طيلة أسبوع (روح تحوس، زور أقاربك ....) وكن على يقين أنو ربي سبحانو يختارلنا   ديما الأفضل و يجازينا بجزاء عملنا ❤️ وفقكم الله و سدد خطاكم