الجيش الأزرق 𝘽𝙖𝙘 𝟮𝟬𝟮𝟲

👈😌واش عندكم غدوة 🔴اجتماعيات 🔴فيزياء 🔴فلسفة 🔴شيئ آخر جاوبوا 👆✅️

🔹بالنسبة للمواضيع ، ننصحكم ما تحلوش مواضيع او تمارين بزاف ، ركزو على النقائص تاعكم ، مثلا تلميذ نسى كيفاش يدير قابلية الاشتقاق، نهايات الدوال الجذرية ، المركبة … يروح يراجعها . اما المواضيع يشوف بعينيه 👀 ، و يحاول يخمم في راسه و بعدها يشوف في الحل اسكو كيما خمم او لا . 🔹الانجليزية او الفرنسية راجعو الوضعيات المحتملة ، القواعد … ، تقدرو تشوفو مواضيع من اليوتيوب و تبعّوا طريقة الحل بالتوفيق غدا ♥️🧸

اليوم باذن الله رح نديرلكم سبعين تحذير و تنبيه باش ترقدو بكري 😴 و الله ما حابكم إطلاقا تروحو تخربطو في العلوم و تتشتتو بين الاسئلة ، و تغيبلكم في أمور تافهة ، و بعدها يطيحلكم المورال 😔 تسما ديرو حسابكم !

اطلعوا اقراو لفوق باش تستفادوا ♥️👆

لمن يريد مراجعة علوم ملخص الانزيمات https://youtu.be/mnOuZj9m9Kc?si=Qr5lVxK20TK1fONm ملخص العلاقة بين البنية والوظيفة https://youtu.be/HYIB6Phxz60?si=nRocnsJn659aSof2

سبب فقدان التركيز هو انو التلاميذ يبقاو يخممو في النتيجة او العلامة اكثر من موضوع الاختبار علابالي تجيكم افكار كيما ( لوكان مانجيبش المعدل ، لوكان منجيبء 20 و لوكان و لوكان … ) صدقوني راكم تديرو ستراس لنفسكم ، و تشتتوها في وقت مش مناسب اطلاقا لي هو وقت الامتحان لازم تتخلصو من هذه الافكار باش ماتلاحقكمش للباكالوريا كاين ثاني فئةمن التلاميذ يخممو في زملاءهم اكثر من موضوع الاختبار ( هذا خدم ، هذا قرا ، هذا حفظ … ) و وقتهم يضيع .

عادي ماتعرفوض تجاوبو على سؤال ، او ماتلحقوش تكملو الموضوع كامل اغلب الاساتذة يتعمدوا يديرو مواضيع طويلة باش يحصروكم، و يعلموكم كيفاش تتعاملو مع الوقت ⚠️ ITS NOOOOOOORMAL ⚠️ حذاري كي تشوفو الموضوع طويل تخافو و تحمرّوا 🍅 و تبداو تفرفشو في الكتابة ، و تغلطو في حاجات تافهين حاولو كي تجاوبو على مجموعة من الاسئلة تراجعو اجاباتكم ماتخلوش المراجعة حتى للاخير لانو صدقوني مش رح يكفي الوقت

العلوم : عادي تتلاقاو بوثائق غريبة المهم ركزو و ماتهملوش السياق حذاري من عدم التفريق بين التحليل و التفسير خلو اجابتكم تتضمن مصطلحات علمية اكثر من الرياضية( خصوصا في التحليل ، استغلال الوثائق ) عادي تلقاو تمارين في الوحدات لي ماقريتوهمش ( حاولو فيهم و لو شويا )

فقط نقولكم بعد اختبار الرياضيات ، جامي جامي جامي تقول لنفسك " خلاص فشلت 😔 " هذه الجملة لي خلات الاغلبية مايجيبوش الباك ، مهما ماخدمتش ، مهما غلطت في حاجات تافهين ، مهما خلّطت … خلاص الاختبار إنتهى ماتقدرش ترجع بالزمن ، لازمك تركز على المواد المتبقية و لو كانت الرياضيات مادتك الاساسية ، راكم في منتصف الطريق و اذا فشلتو حالياً رح تلقاو صعوبة مستقبلا ‼️ .

الفرنسية ننصحكم بسرعة 🇫🇷! لي كان يقراها بشكل منتظم ، راجع من الملخص تاعك النص التاريخي ، غالبا الاسئلة رح تكون من النص فقط ، مع مراجعة les comptes rendu اما لي جامي قرا الفرنسية شوف اي استاذ في اليوتيوب داير مراجعة للنص التاريخي تبعه ، و لخص الاساسيات في ساعة او 45 دقيقة ✨. الفرنسية مادة سريعة و خفيفة يعني ماتخافوش اذا قريتوها ليلة الاختبار لانو أمر عادي جدّا .

⬇️ نقطة اضافية ⬇️ لي ماقراوش الانزيمات نهااااائيا ، مايعرفوش مامبا واش هو الإنزيم ، نصحية مني ماتروحوش تقراوه دركا ركزو على الوحدتين السابقتين ، على الاقل تجاوبو فيهم بشكل مليح 🥹 القصة للمرة ألف و واحد : في اختبار الفصل الاول قريت الانزيمات بشكل سطحي ، جبت 0,5 ولا 0,75 على تمرين الانزيمات لي عليه 8 نقاط . النص العلمي جبت 0,25 على 3 ماتفقدوش الامل

فرنسية ✅️♥️

اضمن نقطتك في #الفرنسية 😉 فرنسيّة بالدآارجة 😍 ❤مبسّطة بطريقة رآائعة ☺ ❤ تفهمها مبآاشرة بعد مآا تقراها 👌 ✌ عندنا 3 نصوص 👉Historique 👉Argumentatif 👉Exhortatiif #النص الأوّل #تاريخي #historique# الهدف منه: الكاتب يمد معلومات على أحداث تاريخية 📃 ويتميَّز النص التاريخي بـ التواريخ #les_dates# 📆 وهي تدل على الأحداث #les evenments# ، كذلك الأمكنة #les_lieux# و الشخصيات #les_personnages# 👨‍👩‍👧‍👧، والشهود #témoignages# موجودة غالبا بين<<......>> 👌 وفي الأسئلة لما تجد : Pourquoi----> les causes Quoi---> les evènments Quand---> les dates Où---> les lieux Qui---> les personnes et les personnages إذا كان الكاتب غائب "l'auteur absent " . يعني أن الكاتب #objectif# ونعرف ذلك من الضمائر en و il والأفعال المبنية للمجهول #voix_passsive# أما الكاتب حاضر "l'auteur présent " يعني subjectif وهو الشاهد في هذه الحالة ونلاحظ الضمائر mon, notre, ma, nous, me, je و حاجة تتسمى بـ )visée communicatif( يعني هدف الكاتب هو exposer/informer un fait d'histoire النص الثاني الحجاجي #Argumentatif¬# الهدف منه الإقناع #convaincre# 👈 نلقاو thèse لي هو مع الـ المشكلة المطروحة ونعرفوه من خلال إستخدامه للعبارات : pourtant, cependant, par contre, mais👌 ✌ و نجد النقيض anti thèse ونجد verbes d'opinion مثل penser, croire, supposer, estimer,etre persuadé و الكاتب يهدف إلى exprimer / convaincre d'un poin du vue يقنعهم بوجهة نظره النص #الندائي Exhortatif# الهدف منه النداء بتغيير وضع 👌 👈سلبي يستخدم الضمائر الشخصية je, nous يقدم الكاتب مشكلة ثم يستخم الحجج التي تؤدي إلى التغيير ويمد الأسباب "cause"بعبارات . car, parceque, puisque, à cause de... والنتائج "conséquence" مثل donc, alors, si bien que, c'est pourquoi,... ثم ينادي بإستعماله pour, pour que, afin que, en vur de, ويستعمل أفعال العرض مثل demender, appeler, exhorter, ordonner, inciter, .. وأفعال ال modalité مثل devoir, pouvoir, falloir ومنه فهدف الكاتب changer la situation actuelle وكاين حاجة اسمها champ lexical كيما حنا في الأدب العربي إسموا الحقل المعجمي مثال le champ lexical du football هي ballon-stade-joueurs¬-arbiter ..من النص تجبدوها

منهجية الإجابة في مادة العلوم ♥️✅️

نمدلكم ملاحظات و أخطاء في مادة العلوم لي تخلي اجابتكم ناقصة ⬇️ : 🔹- في التحليل لمّا يكون " حقن " لازم تقسم المنحنى او الشكل تاعك الى قبل الحقن ، و بعد الحق ( مهم جدّا ) 🔹- كي يكون البيان متذبذب و القيم مش ثابتة و لكن متقاربة تقدرو تقولو نلاحظ " ثبات " 🔹- في وثيقة الطفرات لمّا يعطيكم سلسلة ADN او ADN و خصوصا اثناء التحليل جامي تبدا مباشرة نلاحظ حدوث طفرة ، هذا خطأ يوقعو فيه بزاف تلاميذ ، لازم تقول نلاحظ تشابه في الثلاثيات و تذكرهم ثم تقول و لكن هناك اختلاف في الرامزة ( الثلاثية … ) و في الاستنتاج تتكلم على الحاجة هذيك : مثلا سبب اختلال البروتين او الحاجة هو حدوث طفرة مما أدى الى … و تشرح 🔹- جامي تنسى التركيب بعد استغلال الوثائق 🔹 - التفسير ماتديرش فيه استنتاج و التفسير لا يشبه التحليل بزاف تلاميذ يغلطو 🔹 اذا كانت الوثيقة صعبة الفهم حاول تقرا السياق مليح مليح 🔹 اذا ماعرفتش تدير استنتاج لكل وثيقة حاول تقرا السياق و تربط بين السؤال و السياق و الحاجة لي كتبتها من قبل 🔹 اذا مدلك وثيقة تاع انزيمات حاول قدر المستطاع تستغلى بشكل دقيق جدا جدا جدا لانو يحاسبو على هذه الامور و التفاصيل بزاف ✨ نتمنى تكونو فهمتوني ✨

أريد أن أتكلم اليوم عن مادة الفلسفة , هاته المادة التي تقلق العديد من التلاميذ وتشكل عائقا لهم , فلا يعرفون كيفية مراجعتها أو استعابها . ولهذا أردت تقديم بعض النصائح لتدارك النقائص الموجودة في هاته المادة 1ـ بالنسبة للطلاب العلميين , لعلمكم فإن الكثير من المقالات التي تدرس لا يحتمل وجودها في مواضيع البكالوريا , ولهذا حاولوا التركيز أولا على المقالات الرئيسية الخاصة بالشعب العلمية و هي التي تتعلق بالمشكلة الأساسية للمحور . 2ـ قبل التوجه إلى قراءة المقالات أو كتابتها , أول خطوة يجب معرفتها هي كيفية كتابة المقالة بمعنى معرفة المراحل الأساسية لكل طريقة من طرق كتابة المقالات ( المقارنة – الجدل – الاستقصاء بالإضافة إلى طريقة تحليل النص ) . 3ـ حاول التقليل من الحفظ قدر المستطاع و إليك هذه الطريقة التي كنت قد اتبعتها أثناء اجتيازي لشهادة البكالوريا قد تكون مفيدة لك في مراجعة هذه المادة: - خصص كراسا خارجيا لمادة الفلسفة : - نعلم أن كل موضوع من مواضيع الفلسفة يحتوي على رأيين متناقضين , وكل رأي له أفكاره وحججه ولهذا خصص لكل درس (موضوع) جدول مقسم إلى قسمين قم بوضع الحجج والبراهين الخاصة بكل رأي داخل الجدول - مثال : موضوع السؤال العلمي والفلسفي نرسم جدول مقسم إلى قسمين , القسم الأول نكتب فيه حجج وبراهين وتعاريف خاصة بالسؤال العلمي وفي القسم الثاني نكتب نفس الشيء ويكون خاص بالسؤال الفلسفي واحرص على ملئه على شكل مطات , يعني ليس بالضرورة أن تكتب كل شيء حرفيا ( بعدها توسع ) - بهاته الطريقة يبقى عليك فقط التركيب حسب نوع المقالة التي تود كتابتها ( إما جدلية , مقارنة ... ) يعني نحافظ على نفس الأفكار الموجودة داخل الجدول , فقط التركيب هو الذي يتغير حسب نوع المقالة خلاصة القول : بهاته الطريقة لن تلجأ إلى حفظ العديد من المقالات دفعة واحدة , وإنما تستوعب الأفكار الأساسية لكل محور ( تقسمها إلى قسمين داخل جدول ) , وتعيد تركيبها فقط وصياغتها بحسب نوع المقالة 4 - هناك نقطة أخرى أنصحكم بها وهي تدعيم الموضوع بالأمثلة وبالأقوال وهنا أريد الإشارة إلى أمر مهم , الكثير من الطلاب يلجؤون إلى حفظ أقوال الفلاسفة بشكل حرفي وهذا الأمر مجهد فلعلمكم هاته الأقوال ليست بقرآن , وثانيا أغلب هاته الأقوال مترجمة إلى العربية , يعني النقل يختلف من شخص لآخر, فلا تلجئ إلى حفظها بشكل حرفي - وأضيف معلومة هامة كنت قد عملتها أثناء اجتيازي للبكالوريا ,يمكنك أنت أن تنشئ أقوالا تخدم موضوعك , اكتبه بصيغة وعبارة ملائمة وجيدة ثم اكتب في بدايته '' قال أحد الفلاسفة '' دون ذكر اسم القائل , بمعنى أوضح كن أنت الفيلسوف الذي ينشئ الأقوال التي تخدم موضوعك ^_^ . وفي الأخير أرجوا أن يكون هذا الموضوع قد ساعدك ولو بالقليل , وإن كانت لديك أفكار أخرى فتفضل بطرحها . أسأل الله لكم التوفيق والنجاح - منقول عن خالد كروش - مواضيع أخرى مفيدة pdf : - مقال على المخططات لتسهيل مراجعة مادة الفلسفة للسنة الثالثة ثانوي -موسوعة المقالات الفلسفية للسنة الثالثة ثانوي ( علوم تجريبية - رياضيات - تقني رياضي - تسيير و اقتصاد ) -كتاب الشامل في الفلسفة للشعب العلمية ، التقنية واللغات -تلخيص رائع لجميع دروس الفلسفة ( شعبة علوم تجريبية ) -منهجية معالجة مقال فلسفي ( طريقة كتابة مقال) -فيديوهات لشرح كيفية كتابة مقالة فلسفية :جدلية,مقارنة,استقصاء بالوضع والرفع روابط التحميل : https://www.bac35.com/t11934-topic?fbclid=IwAR0WlvV6rrEKZSLyY-f6bELm3b4-AtyN-EhyOWIHwhDQq9LPOVPy87sPm-g

اطلعوا اقراي النصائح لي لفوق والا عجبوكم نجيبلكم على جميع المواد باش تتحفزو شوية ❤️

شوية ونبداو المراجعة 🫶✅️

نهدرو على الفرنسية افضل لانو بزاف يهربو من الحصص و ماعلابالهمش اصلاااا واش راهم يقراو في القسم 🇫🇷 . علابالي تدخلو تقراو نص من الكتاب المدرسي او من اوراق تجيبهم استاذتكم و تكتبو شويا ورقات في الكراس بصح الاغلبية مش فاااهم إطلاقا واش يكتب 💔😭